Orubara 27
27
Bahara ba Zelofehadi
1Bahara ba Zelofehadi eya Heferi, Heferi eya Gileadi, Gileadi eya Makiri, Makiri eya Manase, nikwo kugir'oti b'oruganda rwa Manase eya Yozefu. Amabara bakaba nibetwa Mahula, Noa, Hogila, Milika na Tirisa. 2Baija ahali Musa na Eleazari omukuhani, n'aha bebembezi n'eihanga lyona lya Isiraeli, aha mulyango gw'Eihema ly'Omuterano. Bagamba bati, 3“Tataichwe akagwa omw'irungu. Akafa yazira obufu obwe nyabwe. Omu kisimba kya Kora ekyagelekire Omukama hakaba athalimu, kandi tiyasigire bana ba bojo. 4Kubaki ayebeke omu rugandarwe ngu orwo atasigire mwana wa mwojo? Naichwe mutuhe omugabo omu banyarugandabe.”
5Musa aletera Omukama ebigambo byabo. 6Omukama amuhorora ati, 7“Bahara ba Zelofehadi bali omu mazima. Obahe omugabo gwa ishebo omu banyaruganda babo. 8Mara ogambire Abaisiraeli oti, ‘K'omuntu alifa atasigire mwana wa bwojo, obusikabwe mubuhe omuhara. 9K'ataina muhara mubuhe abarumuna. 10K'ataina barumuna, obusikabwe mubuhe baishento. 11Ka baishento bataliho, mubuhe omunyarugandawe amuli haihi abutware. Abaisiraeli bakwate ekiragiro eki n'entwaza egi nk'okwo inye Omukama nakuragira iwe Musa.’ ”
Yoshua narondwa kusikira Musa
(Obw 31:1-8)
12Omukama akagambira Musa ati, “Otembe Eibanga eli elya Abarimu olebe ensi eyo mpaire Abaisiraeli. 13Orwo oramara kugibona, naiwe orafa nk'okwo mukuru wawe Aroni yafire, 14aha rw'okuba timwahuliire byo nabagambire omw'Irungu lya Zini orwo Abaisiraeli baimukya orugomo, mukabura kuboleka okwo ngira obushobora aha nchuro z'amaizi.” (Ezi nizo nchuro za Meriba omw'Irungu lya Zini). 15Musa ashubamu Omukama ati, 16“Singa Mukama, Ruhanga w'abantu bona, oteho omuntu ow'okutwara eihanga eli, 17ow'okubatwara omu ndashana n'okubagarura; embaga yawe egi, waitu Mukama, eleke kushusha entaama ezitaina mushumba.” 18Omukama agambira Musa ati, “Okwate Yoshua mutabani wa Nuni, niwe muntu alikushobora, omuteho emikono aha mutwe. 19Omwemeleze omu maisho ga Eleazari omukuhani n'embaga yona, omugambe okwo niwe alikukusikira. 20Omuhe obushobora nk'obwawe, nirwo eihanga lyona lya Isiraeli lilimuhulira. 21Ayekwate Eleazari omukuhani, ogwo niwe aramugambiraga ebyo ndikwenda orwo arataga kukoza Urimu. Yoshua n'Abaisiraeli bona, nilyo ihanga lyona, kwaba kugenda anga kugaruka, barataga kuragilirwa Eleazari.” 22Musa akora okwo Omukama yamuhangira; akwata Yoshua amwemeleza omu maisho ga Eleazari omukuhani n'embaga yona. 23Amutaho emikono aha mutwe, amugamba okwo niwe alikumusikira. Ebyo byona Musa akabikora okwo Omukama yamuragiliire.
S'ha seleccionat:
Orubara 27: RHAY01
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Ruhaya DC Bible © Bible Society of Tanzania, 2001.