Jo-Hibrania 1
1
Wuod Nyasaye ema obedo Wach Nyasaye
1Chon Nyasaye nomiyo jonabi owuoyo gi kwerewa e yore mang’eny kendo mopogore opogore, 2to e ndalo mogikgi, Wuowi owuon ema osebedonwa wach Nyasaye. En ema Nyasaye osekete wuon gik moko duto, kendo en ema osemiye chueyo gik moko duto. 3En ema orieny kaka duong’ maler mar Nyasaye, kendo en e kit Nyasaye hie, kendo en ema omiyo gik moko duto osiko nikech wachne man gi teko. Kane en owuon oseloso yor pwodhruok kuom richo, nobet piny e bat korachwich mar Nyasaye manie polo.
Wuod Nyasaye duong’ moloyo malaika
4Kaka nyinge mar Wuowi mane omiye duong’ moloyo nying malaika, e kaka obedo maduong moloyo malaika.
5 #
Zab 2.7;
2 Sam 7.14; 1 W.Nda 17.13. Onge malaika moro mane Nyasaye owachone ni,
“In e Wuoda:
tinendeni asedoko Wuoru,”
kata mane owacho kuome ni,
“Anabed wuon mare,
kendo enobed wuoda.”
6 #
R.Chik 32.43. To bende kane Nyasaye chiegni kelo Wuode makayo e piny, to ne owacho niya,
“Malaika duto mag Nyasaye mondo olame.”
7 #
Zab 104.4. Ka owuoyo kuom malaika to owacho niya,
“Nyasaye loko malaikane yamo.
Oloko jotichne ligek mach.”
8 #
Zab 45.6, 7. To ka owuoyo kuom Wuowi, to owacho niya,
“A Nyasaye, lochni nosik nyaka chieng’,
kendo irito piny gi adiera.
9Ihero timbe makare,
to imon gi timbe maricho.
A Nyasaye, mano emomiyo Nyasachi oseyieri ruoth,
mowiri gi mo, komiyi mor mang’eny
moloyo mor mosemiyo jowadu.”
10 #
Zab 102.25-27. Bende owacho niya,
“A Ruoth, kar chakruok in ema nichweyo piny,
kiketo mise mare, kendo ne iseloso polo gi lueti iwuon.
11Gin to ginirum, in to isiko mochwere.
Giduto ginidog moti, kaka law doko moti,
12mi iniban-gi ka law abola,
kendo inilokgi kaka iloko law.
In to isiko mana in, kendo hiki ok norum.”
13 #
Zab 110.1. Nyasaye pok onyiso malaikane moro ni,
“Bed e bada korachwich ka,
nyaka chop aket wasiki obed raten tiendi.”
14Kamano waneno ni malaika gin mana roho matiyo ni Nyasaye. Nyasaye orogi mondo gikony joma biro yudo warruok.
S'ha seleccionat:
Jo-Hibrania 1: DHO15
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Dholuo DC Bible © Bible Society of Kenya and Bible Society of Tanzania, 1976.