MATHIU KEPACHINI
KEPACHINI
La “Mathiu ketok abirta keme,” aloh ketok abangke Mathiu helo. Labangso aloh along ketok athepi alamke la helo: Arnam aphrang pen kechak atengsi kepajok abang nangtoilo, lapen lake Jisu helo. Kechechak aloh aban aron along Arnam amethang amonit atum aphan kechak alam Arnam labangso a-Jisu pen ajoksi pachekoklo. Labangso abirta kemeke Jisu amahang nangkethek akhei, atheke Jihudi atum aphanchot kali, bonta lake pirthe adang amonit aphanlo.
Isi pen aphi isi alam angkung bipon pamesi labangso abirta keme toklo. Jisu Khristo amahang kethek alam pensi labangso abirta keme ketok chenglo. Labangso aphike Jisu baptisom ke-en, asat kepho, rat angbong kam keklem, kethan kapachethang lapen Galili along keso kepame hei hei alam toklo. Labangso pen aphi Jisu Galili adet pen Jerusalem kedam, kejut arui malom Jisu kesung kepho, thengparpan athak kethi lapen kethi pen rengthusi kethur alam toklo.
Jisuke inut kethekser akuru asonthak thak-lo, Arnam kepi Aron kethan pajirmiji ajakong dolo, lapen Arnam a-Rat alamjir kethan abanglo pusi labangso aloh along toklo. Jisu kethan alam kadokave ingkung pho thakme: (1) Inglong athak lam kethan. Labangso ahut Sining a-Rat amonit atum kedo nangji aot adur, keklem nangji akam, kelong lapen mo aphi kechepahemphuji alam thanlo (angdengpi 5-7); (2) Jisu amethang asangho bang krehini atum aphan kethan-kepare (angdengpi 10); (3) Sining a-Rat alamjir lamlir pen kethan (angdengpi 13); (4) Sangho atum kopuson nangjima pu alam kethan (angdengpi-18; lapen 5) Non labangso akai kejutji lapen sining a-Rat kevangji alam kethan (angdengpi 24-25). Labangso aloh ketok aningkan ke Khristo Aphi 40-140 aningkan malom, lapen ketok abangke Mathiu amethang amat-lo.
Athepi Alamthe Hei Hei
Jisu Khristo aphusar atum apoton lapen Jisu pirthe kehache 1.1—2.23
Jon Baptist Kemontri alam 3.1-12
Jisu baptisom ke-en lapen asat kepho 3.13—4.11
Jisu Galili angbong Birta Keme kepachethang 4.12—18.35
Jisu Galili pen Jerusalem kedam 19.1—20.34
Kejut arui malom Jisu Jerusalem along kepho alam 21.1—27.66
Jisu rengthusi tepit pen kethur lapen kecheklang 28.1-20
Currently Selected:
MATHIU KEPACHINI: KARBIBSI
Highlight
Share
Copy
Want to have your highlights saved across all your devices? Sign up or sign in
Karbi Holy Bible © Bible Society of India, 2010.
Used by permission. All rights reserved worldwide.
MATHIU KEPACHINI
KEPACHINI
La “Mathiu ketok abirta keme,” aloh ketok abangke Mathiu helo. Labangso aloh along ketok athepi alamke la helo: Arnam aphrang pen kechak atengsi kepajok abang nangtoilo, lapen lake Jisu helo. Kechechak aloh aban aron along Arnam amethang amonit atum aphan kechak alam Arnam labangso a-Jisu pen ajoksi pachekoklo. Labangso abirta kemeke Jisu amahang nangkethek akhei, atheke Jihudi atum aphanchot kali, bonta lake pirthe adang amonit aphanlo.
Isi pen aphi isi alam angkung bipon pamesi labangso abirta keme toklo. Jisu Khristo amahang kethek alam pensi labangso abirta keme ketok chenglo. Labangso aphike Jisu baptisom ke-en, asat kepho, rat angbong kam keklem, kethan kapachethang lapen Galili along keso kepame hei hei alam toklo. Labangso pen aphi Jisu Galili adet pen Jerusalem kedam, kejut arui malom Jisu kesung kepho, thengparpan athak kethi lapen kethi pen rengthusi kethur alam toklo.
Jisuke inut kethekser akuru asonthak thak-lo, Arnam kepi Aron kethan pajirmiji ajakong dolo, lapen Arnam a-Rat alamjir kethan abanglo pusi labangso aloh along toklo. Jisu kethan alam kadokave ingkung pho thakme: (1) Inglong athak lam kethan. Labangso ahut Sining a-Rat amonit atum kedo nangji aot adur, keklem nangji akam, kelong lapen mo aphi kechepahemphuji alam thanlo (angdengpi 5-7); (2) Jisu amethang asangho bang krehini atum aphan kethan-kepare (angdengpi 10); (3) Sining a-Rat alamjir lamlir pen kethan (angdengpi 13); (4) Sangho atum kopuson nangjima pu alam kethan (angdengpi-18; lapen 5) Non labangso akai kejutji lapen sining a-Rat kevangji alam kethan (angdengpi 24-25). Labangso aloh ketok aningkan ke Khristo Aphi 40-140 aningkan malom, lapen ketok abangke Mathiu amethang amat-lo.
Athepi Alamthe Hei Hei
Jisu Khristo aphusar atum apoton lapen Jisu pirthe kehache 1.1—2.23
Jon Baptist Kemontri alam 3.1-12
Jisu baptisom ke-en lapen asat kepho 3.13—4.11
Jisu Galili angbong Birta Keme kepachethang 4.12—18.35
Jisu Galili pen Jerusalem kedam 19.1—20.34
Kejut arui malom Jisu Jerusalem along kepho alam 21.1—27.66
Jisu rengthusi tepit pen kethur lapen kecheklang 28.1-20
Currently Selected:
:
Highlight
Share
Copy
Want to have your highlights saved across all your devices? Sign up or sign in
Karbi Holy Bible © Bible Society of India, 2010.
Used by permission. All rights reserved worldwide.