MATHIU 1
KARB

MATHIU 1

1
Jisu Khristo Aphusar Atum Apoton
(Luk 3.23-38)
1Abraham asu David, lapen David asu Jisu Khristo aphusar atum apoton lahelo:
2Abraham ke Isaak apo, lapen Isaak ke Jakob apo, lapen Jakob ke Judah lapen akorte atum apo; lapen 3Judah ke Perez lapen Jerah apo, lapen latum apei ke Tamar. Lapen Perez ke Hezron apo, lapen Hezron ke Aram apo; 4lapen Aram ke Amminadab apo, lapen Amminadab ke Nashon apo, lapen Nashon ke Salmon apo; 5Salmon ke Boaz apo lapen Boaz apei ke Rahab, lapen Boaz ke Obed apo, lapen Obed apei ke Ruth, lapen Obed ke Jesse apo, 6lapen Jesse ke David recho apo.
Lapen David ke Solomon apo, lapen Solomon apei ke Uriah apiso; 7lapen Solomon ke Rehoboam apo, lapen Rehoboam ke Abijah apo; lapen Abijah ke Asa apo; 8lapen Asa ke Jehosaphat apo, lapen Jehosaphat ke Joram apo, lapen Joram ke Ussiah apo; 9Ussiah ke Jotham apo, lapen Jotham ke Ahaj apo, lapen Ahaj ke Hezekiah apo; 10lapen Hezekiah ke Manasseh apo, lapen Manasseh ke Amos apo, lapen Amos ke Josiah apo; 11lapen Bebilon adet kepon ahut Josiah ke Jekhoniah lapen akorte atum apolo.
12Lapen Bebilon adet pondet aphi Jekhoniah ke Shealtiel apo, lapen Shealtiel ke Jerubbabel apo; 13lapen Jerubbabel ke Abiud apo, lapen Abiud ke Eliakim apo, lapen Eliakim ke Ajor apo; 14lapen Ajor ke Jadok apo, lapen Jadok ke Akhim apo, lapen Akhim ke Eliud apo; 15lapen Eliud ke Eleasar apo, lapen Eleasar ke Matthan apo, lapen Matthan ke Jakob apo; 16lapen Jakob ke Meri apenan Joseph apolo. Labangpi ke Khristo pu abang, Jisu apeilo.
17Lapusonsi Abraham pen ha David an kadokave ove kre phli, David pen ha Bebilon adet kepon ahut an ove kre phli, lapen Bebilon adet kepon pen ha Khristo an kadokave ove kre phlilo.
Jisu Khristo Pirthe Kehache
(Luk 2.1-7)
18Jisu Khristo Pirthe kehache lapuson helo: alangli pei, Meri aphan Joseph pen kepangriji aphan raitang-lo. Bonta latum chepangrire ako pen Meri Karjong Kangthir pen ajok aso cho pathetang-lo pu alam klang-lo. 19Bonta apenan Joseph ke inut dhoromi amonit-lo apotsi alangliphan kepatherakji aning hanghedetsi chitijoipo pusi mathalo. 20Bonta Joseph la kematha un ahut amang pen Hemphu apherangke nangcheklangsi alangliphan pulo, “David asu, Joseph, nangli piso Meri aphan nangli hem kecheponji phereri. Pima Karjong Kangthir pen ajoksi alangli so inghulo. 21Meri aso pirthe pahacheji lapen nangli laphan Jisu pusi amen ir-nangji; pima alanglisi amethang amonit atum aphan apap hei hei pen pajokji.”
22Montri pen ajok Hemphu kening-jetang alam kechekokjisi lahei kadokave plang-lo, atheke hastro pulo, 23“Chini-iktha, ha nimsopi inut aso chopatheji, lapen asopo pirthe hacheji, lapen alangliphan Emmanuel pusi amen irji” (Atheke, Arnam etum along do).
24Ansi Joseph amek prangsi Hemphu apherangke alangliphan hukum kepi asonthotsi klemlo, lapen apiso aphan ahem cheponlo. 25Lapen apiso asopo pirthe hachechetik ke alanglitum dim-tar elongpet pasisedet-lo. Lapen Joseph laphan Jisu pusi amen irlo.

©2010 Bible Society of India

Learn More About BAIBEL KANGTHIR