Taaitazai 3
3
Tewaanyabwina nemɨ dɨragɨnna daaya'nebwinesɨ.
1Gɨmɨ a'mweraavɨre sɨmunyai kuna dɨha'bwarɨmwaaihya jɨtheigɨnyɨ. Yɨ ga'maanɨyarajɨ a'mwe maremwaaidɨvɨsarajɨ saraavɨ dalaangewɨ mwaaibɨka! Sahwaraavɨre yagaalya nayaa mɨdɨbɨ'derera. Wawɨnya yuya sa tewaanya ya'na tavaravana mwaaibɨ'derera. 2A'mwe aane pwai kwarɨ bɨraiyagaala nudɨpɨdɨka! Mala narannɨpɨka! Pwara kumɨnyɨ kayaa'na kyapɨjɨ bwiwanga yabwi yɨpɨ'dere. Yuyaraavɨ kwaamu'nanya yuyabwi wipɨka! 3Sare' yuyainaavɨne darevɨnyɨ. Sɨnnawɨ nabaai nemɨ kwainajɨ sɨmunya nawɨ'nya kɨnɨnnaka maayaine. Nemɨ yagaalya galazekɨvaina yadaanyaina, Saataanɨ Kayaa'nanyai kwaasɨyabwina nedadaa'nyɨ yɨraataate yamaryagoine. Nemɨ yaasɨwa'wawɨnya yadaa munyɨ' dɨkaata ya'ne dala pɨnɨnnanyangɨjɨ wabahɨlaaka ya'ne dala pɨnɨnnanyangɨjɨ mwaaloine. Kayaa'nanyaburɨjɨ tɨganaaryaburɨjɨ yamaryoina. A'mwera nemɨnyɨna sɨmɨlɨka wimwaalakeina, nabaai nemɨ kwainaavɨnajɨ sɨmɨlɨka wimwaalakeine. 4Kɨrɨ' Gotɨyai nemɨre nevadaihasamaa'dei a'mweinaavɨ tewaanya nayaa bwiwanna neyaka yanga naange'na neyɨvanɨkelyɨ. Sahwarɨ a'mweinaavɨna tewaanya wɨvu'nadelyɨ. Yɨ sasare sabwi ku'maayabanna yɨma'naabakebulyɨ. 5Sahwai nevadaihasamaarakelyɨ. Dare'na mɨ'. Nemɨ yuna yɨda'maraanga yadaanya sabwina yawɨ'dana mɨ'. Aawa. Gamɨre nemɨnyɨna kale gaimwange'na sa'na nevadaihasamaarakelyɨ. Kurya Tewaanyai nemɨnyɨ aalya neyakeine. Yɨ aalya ya sabwi neyake' nawɨ'nya mudɨkeinaavɨ nemwaaihada nemɨre sɨmunyavɨjɨ kuryarɨjɨ mudɨkewaarɨ wɨmwaaihakelyɨ. Kurya Tewaanyai gaala mudɨkebwi nejaavakelyɨ. Sarevɨ Gotɨyai nevadaihasamaarakelyɨ. 6Jizaazai Kɨraazɨtɨyai nemɨre nevadaihasamaa'dei yakevɨ Gotɨyai Kurya Tewaanyarɨ yanga naange'na naanna newakakelyɨ. 7Sai gamɨre yanga gaimwangevɨna nemɨnyɨna “A'mwe yɨda'maraangere. Nɨmɨrerera,” nedakevɨ “Gaala yuyagaa' yuyagaa' mwaalya'ne daza' yemwaaibɨ'dera Kuvɨnɨmaangeinyɨre yuya'na maarya'nera yɨma'nɨpɨka!” daka sara nemwaaihakelyɨ. Sare'na naanna nejaavakelyɨ. 8Yagaala daza' lɨmwagasa'ne' naanga nebulyasɨ.
Nɨmɨre sɨmunyavɨ gɨmɨnyɨna dara yawɨ'manɨge. Dazahɨnɨngɨna gɨmɨ dɨragɨnna duthana! Sarevɨ nabaai a'mwe Gotɨyarɨ mena wɨ'nalɨmwagesaraavɨna “Kumɨre sɨmunyangɨ wawɨnya tewaanya dɨragɨnna ya'nengɨ wakɨnɨpɨka! Tewaanya saburɨna dɨragɨnna daapɨka!” da'gɨzɨ sara duthana! Dazahɨnɨ nawɨ'nya yaka a'mweraavɨ gaimwadengɨ. 9Kɨrɨ' dala pɨnɨnnanya yagaala sɨmumaaya pinabɨsa yaasɨwa' yɨdaanganyajɨ Ne sɨnnawɨnyaraavɨne yayajɨ maanga dɨnyajɨ Mozɨzare Kɨwɨnya dɨnɨkenna maihurɨ'nyɨyagaala bathɨwiajɨ sasare dazangɨ davɨla'deigɨnyɨra. Sare' darevɨnyɨ. Daza waryaanyangɨra. Daza kune nemɨnyɨ yɨnɨga wi'na negaimwagathe mɨ'. 10Gotɨyare yɨ'bwa'nawɨ'nadɨvɨsaraavɨ jaapalawɨmwaaihya'nere sɨmunyai nayaa javada'gala! Gave pɨgaa'na “Gɨmɨrebwina mala nayaa jɨwanna!” wɨda'gɨzɨ ayɨna sara yaja' pɨgasaai “Mala nayaa jɨwanna!” duthatheigɨnyɨra. Nabaai sai kadɨka mu'nyɨ kyojɨ sarɨna bule'na duzaadelyɨ. 11Gɨmɨ dara jawɨka! A'mwe sasarei tuta nawɨ'nya' mena yagalya'mavaka gannya kayaa'nanya yadevwi gamɨ sarɨ jɨda'nya'nelyɨ.
Yagaala aayannesɨ.
12Dɨvi nabaai nɨmɨ Aatemazai pwarɨ Tɨkikaazai kwarɨ gɨmɨnyawɨnna kadamaryaasa'mujɨ gɨmɨ Nikopolɨzɨna nɨmɨnyawɨnna yɨme'nya'bɨ' dɨvadeigɨnyɨ. Sare' darevɨnyɨ. Nɨmɨ mena dɨweinyɨ. Aalyavɨ yɨhuta naangegaa'na anga Nikopolɨzɨ mwaalɨdeinyɨra. 13Sinaazai kɨwɨnyangɨna sɨdu'nakelyɨ Aapolɨzalyɨ saraarɨ tusavɨne gaimwange'na yɨme'nya'bɨ'na nayaa dumakwodeigɨnyɨ. “Yɨ saraarɨ gɨlyɨvɨta kaanya yamarikade aane pɨrɨ' kɨrɨ' numudaasadɨka!” da'gɨzɨ dɨhaimwadeigɨnyɨ. 14Nabaai nemɨre a'mwera dɨragɨnna daaya'na a'mwe gɨlyɨvɨsanna dɨragɨnna wɨmudaasɨvanɨkeraavɨ tewaanya gaimwange'na sɨmunya nayaa yawɨramaapɨka! “Sahwara yaasɨwa'na mwaaibɨza' Gotɨyare saburɨne nawɨ'nya mima'naabi naneyadɨka!” dapɨjɨ sara yawɨramaapɨka!
15Nɨmɨjɨ nye'mwannemwaaihata a'mwe yuyara gɨmɨnyɨna “Neya'mweigɨ!” gɨthasɨwaabaa'. Kɨraazɨtɨyarɨ lɨmwangeburɨ nemɨnyɨna tewaanya wɨvu'naderaavɨ “Neya'mweihi!” duthana!
Yanga gaimwange' sarɨmɨ yuyaihɨrɨjɨ kuna yɨhye'mwannamwaalana!
Polɨ
Currently Selected:
Taaitazai 3: byr
Highlight
Copy
Compare
Share
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
Taaitazai 3
3
Tewaanyabwina nemɨ dɨragɨnna daaya'nebwinesɨ.
1Gɨmɨ a'mweraavɨre sɨmunyai kuna dɨha'bwarɨmwaaihya jɨtheigɨnyɨ. Yɨ ga'maanɨyarajɨ a'mwe maremwaaidɨvɨsarajɨ saraavɨ dalaangewɨ mwaaibɨka! Sahwaraavɨre yagaalya nayaa mɨdɨbɨ'derera. Wawɨnya yuya sa tewaanya ya'na tavaravana mwaaibɨ'derera. 2A'mwe aane pwai kwarɨ bɨraiyagaala nudɨpɨdɨka! Mala narannɨpɨka! Pwara kumɨnyɨ kayaa'na kyapɨjɨ bwiwanga yabwi yɨpɨ'dere. Yuyaraavɨ kwaamu'nanya yuyabwi wipɨka! 3Sare' yuyainaavɨne darevɨnyɨ. Sɨnnawɨ nabaai nemɨ kwainajɨ sɨmunya nawɨ'nya kɨnɨnnaka maayaine. Nemɨ yagaalya galazekɨvaina yadaanyaina, Saataanɨ Kayaa'nanyai kwaasɨyabwina nedadaa'nyɨ yɨraataate yamaryagoine. Nemɨ yaasɨwa'wawɨnya yadaa munyɨ' dɨkaata ya'ne dala pɨnɨnnanyangɨjɨ wabahɨlaaka ya'ne dala pɨnɨnnanyangɨjɨ mwaaloine. Kayaa'nanyaburɨjɨ tɨganaaryaburɨjɨ yamaryoina. A'mwera nemɨnyɨna sɨmɨlɨka wimwaalakeina, nabaai nemɨ kwainaavɨnajɨ sɨmɨlɨka wimwaalakeine. 4Kɨrɨ' Gotɨyai nemɨre nevadaihasamaa'dei a'mweinaavɨ tewaanya nayaa bwiwanna neyaka yanga naange'na neyɨvanɨkelyɨ. Sahwarɨ a'mweinaavɨna tewaanya wɨvu'nadelyɨ. Yɨ sasare sabwi ku'maayabanna yɨma'naabakebulyɨ. 5Sahwai nevadaihasamaarakelyɨ. Dare'na mɨ'. Nemɨ yuna yɨda'maraanga yadaanya sabwina yawɨ'dana mɨ'. Aawa. Gamɨre nemɨnyɨna kale gaimwange'na sa'na nevadaihasamaarakelyɨ. Kurya Tewaanyai nemɨnyɨ aalya neyakeine. Yɨ aalya ya sabwi neyake' nawɨ'nya mudɨkeinaavɨ nemwaaihada nemɨre sɨmunyavɨjɨ kuryarɨjɨ mudɨkewaarɨ wɨmwaaihakelyɨ. Kurya Tewaanyai gaala mudɨkebwi nejaavakelyɨ. Sarevɨ Gotɨyai nevadaihasamaarakelyɨ. 6Jizaazai Kɨraazɨtɨyai nemɨre nevadaihasamaa'dei yakevɨ Gotɨyai Kurya Tewaanyarɨ yanga naange'na naanna newakakelyɨ. 7Sai gamɨre yanga gaimwangevɨna nemɨnyɨna “A'mwe yɨda'maraangere. Nɨmɨrerera,” nedakevɨ “Gaala yuyagaa' yuyagaa' mwaalya'ne daza' yemwaaibɨ'dera Kuvɨnɨmaangeinyɨre yuya'na maarya'nera yɨma'nɨpɨka!” daka sara nemwaaihakelyɨ. Sare'na naanna nejaavakelyɨ. 8Yagaala daza' lɨmwagasa'ne' naanga nebulyasɨ.
Nɨmɨre sɨmunyavɨ gɨmɨnyɨna dara yawɨ'manɨge. Dazahɨnɨngɨna gɨmɨ dɨragɨnna duthana! Sarevɨ nabaai a'mwe Gotɨyarɨ mena wɨ'nalɨmwagesaraavɨna “Kumɨre sɨmunyangɨ wawɨnya tewaanya dɨragɨnna ya'nengɨ wakɨnɨpɨka! Tewaanya saburɨna dɨragɨnna daapɨka!” da'gɨzɨ sara duthana! Dazahɨnɨ nawɨ'nya yaka a'mweraavɨ gaimwadengɨ. 9Kɨrɨ' dala pɨnɨnnanya yagaala sɨmumaaya pinabɨsa yaasɨwa' yɨdaanganyajɨ Ne sɨnnawɨnyaraavɨne yayajɨ maanga dɨnyajɨ Mozɨzare Kɨwɨnya dɨnɨkenna maihurɨ'nyɨyagaala bathɨwiajɨ sasare dazangɨ davɨla'deigɨnyɨra. Sare' darevɨnyɨ. Daza waryaanyangɨra. Daza kune nemɨnyɨ yɨnɨga wi'na negaimwagathe mɨ'. 10Gotɨyare yɨ'bwa'nawɨ'nadɨvɨsaraavɨ jaapalawɨmwaaihya'nere sɨmunyai nayaa javada'gala! Gave pɨgaa'na “Gɨmɨrebwina mala nayaa jɨwanna!” wɨda'gɨzɨ ayɨna sara yaja' pɨgasaai “Mala nayaa jɨwanna!” duthatheigɨnyɨra. Nabaai sai kadɨka mu'nyɨ kyojɨ sarɨna bule'na duzaadelyɨ. 11Gɨmɨ dara jawɨka! A'mwe sasarei tuta nawɨ'nya' mena yagalya'mavaka gannya kayaa'nanya yadevwi gamɨ sarɨ jɨda'nya'nelyɨ.
Yagaala aayannesɨ.
12Dɨvi nabaai nɨmɨ Aatemazai pwarɨ Tɨkikaazai kwarɨ gɨmɨnyawɨnna kadamaryaasa'mujɨ gɨmɨ Nikopolɨzɨna nɨmɨnyawɨnna yɨme'nya'bɨ' dɨvadeigɨnyɨ. Sare' darevɨnyɨ. Nɨmɨ mena dɨweinyɨ. Aalyavɨ yɨhuta naangegaa'na anga Nikopolɨzɨ mwaalɨdeinyɨra. 13Sinaazai kɨwɨnyangɨna sɨdu'nakelyɨ Aapolɨzalyɨ saraarɨ tusavɨne gaimwange'na yɨme'nya'bɨ'na nayaa dumakwodeigɨnyɨ. “Yɨ saraarɨ gɨlyɨvɨta kaanya yamarikade aane pɨrɨ' kɨrɨ' numudaasadɨka!” da'gɨzɨ dɨhaimwadeigɨnyɨ. 14Nabaai nemɨre a'mwera dɨragɨnna daaya'na a'mwe gɨlyɨvɨsanna dɨragɨnna wɨmudaasɨvanɨkeraavɨ tewaanya gaimwange'na sɨmunya nayaa yawɨramaapɨka! “Sahwara yaasɨwa'na mwaaibɨza' Gotɨyare saburɨne nawɨ'nya mima'naabi naneyadɨka!” dapɨjɨ sara yawɨramaapɨka!
15Nɨmɨjɨ nye'mwannemwaaihata a'mwe yuyara gɨmɨnyɨna “Neya'mweigɨ!” gɨthasɨwaabaa'. Kɨraazɨtɨyarɨ lɨmwangeburɨ nemɨnyɨna tewaanya wɨvu'naderaavɨ “Neya'mweihi!” duthana!
Yanga gaimwange' sarɨmɨ yuyaihɨrɨjɨ kuna yɨhye'mwannamwaalana!
Polɨ
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.