Galezɨya 5
5
Kɨraazɨtɨyai nevwɨyɨnɨkeinaavɨ neyaramaarake'nesɨ.
1Nemɨ tewaanya dɨragɨnna mwaalya'neinaavɨna Kɨraazɨtɨyai bala'. “Yuyabura pwɨyɨnɨkeraavɨ yaarɨma!” daka nevadaihasamaara'. Sarevɨdaa'nyɨ kuna dɨragɨnna dɨthaaka! “Yaasɨwa'wawɨnyabulyainyɨ ayɨna nyɨma'nɨwɨdɨka!” da'gɨzɨ Kɨwɨnyabwi myawɨ'dɨnna! 2Du'nana! Polɨnyɨ kave dara gɨthɨvanɨge. Gɨmɨ yawɨ'na “Gotɨyai nɨmɨnyɨna ‘Yɨda'maraangelyɨra,’ dana! Sare'na nɨmɨ Kɨwɨnya' yadɨ kɨlaakejɨkɨ nyɨdapɨka!” Sara yɨja' Kɨraazɨtɨyai yake'na gɨmɨnyɨna gɨhaimwagake' yaasɨwa'nanya' yɨma'nade'nanyɨ. 3Ayɨna dɨragɨnna gɨzalɨkurakɨma! Gazaizai yawɨ'na “Yɨda'maraangeinyɨ yɨma'nɨma! Pwara nɨmɨre kɨlaakejɨ' nyɨdapɨ'de'nanyɨ,” yawɨ'na yojɨ sai Kɨwɨnya yuneba yannei tɨvɨkɨsa'nei yɨma'nade'nanyɨ. 4Gɨmɨ yawɨ'na “Gotɨyai nyɨdana! ‘Yɨda'maraangeigɨnyɨ.’ Nyɨdathe'na Kɨwɨnyabwi yɨma!” Sara yawɨ'na, yɨna yɨwaanya'na Kɨraazɨtɨyarɨ yagalya'ma'mwaa. Gotɨyai yange'na gɨhaimwagakevɨ bwala'mwaawɨ. 5Sare' dare'nesɨ. Nemɨ Kɨraazɨtɨyarɨ lɨmwadaa Gotɨyare Kuryai gannya dɨragɨnya' nejaavada yɨlaaya yadaa yemwaaiho. Aayagaa' Gotɨyai yuyaraayaba “Yɨda'maraangeihɨlyɨ,” nedathe'na yemwaaiho. 6Sare' dare'nesɨ. Nemɨ Kɨraazɨtɨyarɨ wɨlamwaaiho'na kɨlaakejɨ' daya'nebwi yaasɨwa'nanyasɨ. Nabaai kɨlaakejɨ' madaya'nebwi yaasɨwa'nanyasɨ. Nemɨ Kɨraazɨtɨyarɨ lɨmwadaanyabwi pwaraavɨna tewaanya nevu'nadevɨna wawɨnya yadevwi naangaangesɨ.
7Sɨnnawɨ Kɨraazɨtɨyarɨna kaanyave'na nayaa wawagɨnyaigɨnyɨ. Gɨmɨnyɨ aai galagɨrihɨ'mwaka! Sare' nebulya' mamɨdɨnyɨ be'na yɨvanɨgɨna! 8Mɨdɨnya saburɨna Gotɨyai givwaramaa'manɨkei sara magɨzɨwaakyɨwa'. 9Dadaanya' “Pamidakade yɨzɨya maalɨkemɨlɨ' bɨretɨya naange' pamidakadesɨra.” 10Sare' kɨrɨ' nɨmɨ sainyɨ Kɨraazɨtɨyarɨ wɨlamwaaihe'na dɨragɨnna yawɨ'mwa “Sara yawɨ'manɨge Galezɨya mwaalyara sara yawɨpɨ'dera. Aane pɨbwi kɨbwi myawɨri, avaaina yɨpɨ'dera.” Nabaai, a'mwei gɨmɨnyɨna taanga gɨzaavanɨkerɨ Gotɨyai kayaa'na wiadelyɨ. A'mwe naangei dɨngaka? A'mwe maalɨkei dɨngaka? Sarerɨ Gotɨyai wɨrɨvɨkɨradelyɨ.
11Nya'mweigɨ, pwara nɨmɨnyɨna kwaasɨ wɨdɨna “Sai wɨdɨna ‘A'mwera kɨlaakejɨkaavɨ da'nyɨna kyapɨjɨ Gotɨyai “Yɨda'maraangeihɨlyɨ,” ’ wɨdathelyɨ.” Sara wɨdɨwɨjɨ kwajɨ kayaa'na kuna mi kanyɨpɨdɨka! Savɨdaa'nyɨ nebulya' warajɨ kwajɨ yɨsavɨ Kɨraazɨtɨyai balakevɨne wagɨla wɨvwa'nyabwi mena kyɨma'nadɨka! 12A'mwera “Kɨlaaka dɨtha'nyɨla!” dadɨvɨ' gɨmɨre sɨmunya kayaaka yɨvanɨgasara kunnya kɨlaakejɨkaavɨ yune'na da'nɨpɨka! 13Sare' dare'nesɨ. Nya'mweigɨ, sahwaigɨnyɨ Gotɨyai gɨthahɨlaka' “Wɨla pwɨyɨnɨkerɨ yaarɨma!” Sara gɨthahɨlakaka sara kagɨzɨvwaramaara' tewaanna mwaaihɨnyaigɨnyɨ. Mi'na gɨthɨwe'na dara myawɨ'dɨnna! “O, Kɨwɨnya' manevwɨyɨnyɨka. Su! Su! Kɨlaakejɨkɨne yuya tewaanyajɨ kayaa'nanyajɨ yɨma!” Sara myawɨ'dɨnna! Sara myɨnna! Aawa. Gyaarakeigɨ ja'mweraavɨna kale gyada yaasɨwa'wawɨnyaigɨ wɨgaimwanna ja! 14Sare' dare'nesɨ. Gotɨyare Kɨwɨnya yuyavɨ aaya kaavɨlya' dara dɨnɨke' “Gɨmɨ saigɨnyɨna kale gyadevaaibɨ' pwaraavɨna kale gyana! Duhaimwana!” Yɨ yagaala sahɨrɨsɨ. 15Sɨwaaka, malakayaaryarabɨsaihi myɨma'nɨpɨna! Maanga, sɨnna tɨka daya, mala sazabwi myɨpɨna! Sara yapɨjɨ, yɨthaanyi, gazaihizaihɨrɨ kayaaka yuna nyɨgainɨpɨdɨka!
Kwaakevakɨya yawɨsabulyɨ, Gotɨyare Kuryare yawɨsabulyɨ saburaarɨnesɨ.
16Da'na yɨhɨthɨvanɨge. Gotɨyare Kuryai sara kagɨthozɨ kuna sara ja! Sara ya'gɨzɨ gɨmɨre sɨmunya ayabwi mi jɨtheigɨnyɨ. Arɨkawɨ. 17Sare' dare'nesɨ. A'mweina sɨmunya yawɨ'daanya' Gotɨyare Kuryai yawɨ'de' yaamɨjɨ dathɨwanna. Nabaai, Gotɨyare Kuryai yawɨ'de' a'mweinaavɨre sɨmunya' dathɨwanna yannesɨ. Sare' dare'nesɨ. Gotɨyare Kuryare sɨmunyasɨ a'mweinaavɨre sɨmunyasɨ yɨkamaangewaalyɨ. Sare'na Kuryai gɨthada gɨnnya sɨmunya' “Pɨbwi ja!” kagɨthozɨ sarebwi minneigɨnyɨ. 18Sare'na Kuryai kuna gɨmaremwaalajaigɨ Kɨwɨnya' mamaremwaalyɨ gyatheigɨnyɨ.
19A'mweraavɨre sɨmunyabwi yuyaina yawɨ'manɨgovulyɨ. A'mweraavɨrebulyɨyara dara yadɨvɨsangɨ. Ata lɨmwangebwi yɨna. Yaawaryaraavɨrebwi yɨna. Gɨrɨkita'nanyabwi yɨna. A'mweraavɨ a'mwengɨ yaasɨwa'na kayaa'na lɨmwangebwi yɨna. 20Yɨsaraavɨ, sɨlaangeraavɨ, nyɨlyarɨ, lawerɨ, sɨlɨngaamɨnyaraavɨ a'mwa'mweraavɨ yɨlaayabwi yɨna, kulaka maarya'nebwi yɨna. Gɨri'nya, lakya, kwalya dazabwi yɨna. Yɨkamaangebwi yɨna. Maangebwi yɨna. Pwaraavɨre tɨganaarya yadɨvɨ' “Maa'mujainyɨ,” dɨna. Sɨnna tɨka wɨdaya'nebwi yɨna. Kunnya yaya makinyɨna yadɨvɨ', pwaraavɨna kale mwia'nebwi yɨna. Jaapaina yadɨvɨ' pwaraavɨ wanganakɨna. Kumɨjɨyaraavɨ bɨrala yadɨvɨ' “Nemɨ tewaanyaine,” dɨna. 21Pwaraavɨre naangengɨna “Maa'mujainyɨ,” dɨzabwi yɨna. Pwaraavɨ tamakɨna. Bɨyaaya saza nadɨvɨ' yɨmaka wɨlɨna. Nabaai bɨyaaya nyɨna kwarame kayaa'nanyabwi yɨna, avaanna kayaa'nanyabwi yɨna. Sara yadɨvɨsangɨ. Nabaai, sasarebura pɨburajɨ yadɨvɨsangɨ. Kɨgaa' gɨthevaaibɨ' dɨragɨnna ayɨna gɨthɨvanɨge. Sasare sabwi minna! Pwara saza yadɨvɨsaraavɨ Gotɨyai nayaa mamaremwaalyɨ yadera Gotɨyare yuyanna mamaari yɨpɨ'derera.
22A'mweraavɨre sɨmunyabwina kayaa'na yadɨvɨta kɨrɨ' Gotɨyare Kuryai nemɨre sɨmunyanna maremwaaida yɨsɨla nawɨ'nyabɨsanna tewaanyainaavɨ nemwaaihɨvanɨkelyɨ. Sare' dara yadaanyasɨra. Pwaraavɨna kale neyada, sɨmunyangɨ yɨlaaya yadaa, kwaamu'nanyabwi yadaa, pwara kayaa'na neyadaapɨjɨ sɨnna tɨka yarai madayɨ neyade'na dɨragɨnyaina mwaidaa, bwiwanna yabwi yadaa, pwaraavɨ tewaanna wiadaa, sara wɨdadaanya yuyagaa' sara yadaa, 23kave yɨgoina nennya yaya mamakinyadaa, sɨmunya kayaa'nanya' “Aala,” dɨvanɨgoina dɨragɨnna maremwainadaa Kuryai nemwaaihadelyɨ. Sara yadaanyainaavɨ Kɨwɨnya yagaalyasɨ manejɨnɨkengɨ. 24Kɨraazɨtɨyai Jizaazareina dara yawɨ'manɨgo. A'mweinaavɨre sɨmunya dɨragɨnya myaannebwi Kɨraazɨtɨyare yɨsavɨri mi'na yeramwo. Sare'na kayaa'nanyabwi manemaremwaalyɨkeinera. Yɨ sɨmunya kayaa'na dɨka widadejɨ wima'nadejɨ yɨsavɨri mena yeramwo. Yuya dazabwi dɨvanɨgo. Aala! Sarebwi Kɨraazɨtɨyai balake'nanyɨ. 25Sare' “Kuryarɨ mwaaiho,” daaza' yɨ nabaai Kuryarɨ kaanya yamaryaana! Gamɨre yagaalya' mɨdɨnaana! 26“Nɨmɨ tewaanyainyɨ. Pwara kayaa'nanyarera,” madaanna! Pwara sɨmunya kwalaalya yawɨpɨ'de'na myaanna! Pwara kanevɨlavapɨjɨ bɨrala myaanna! Aawa. Kuryare dɨragɨnyavɨ mwalaana!
Currently Selected:
Galezɨya 5: byr
Highlight
Copy
Compare
Share
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
Galezɨya 5
5
Kɨraazɨtɨyai nevwɨyɨnɨkeinaavɨ neyaramaarake'nesɨ.
1Nemɨ tewaanya dɨragɨnna mwaalya'neinaavɨna Kɨraazɨtɨyai bala'. “Yuyabura pwɨyɨnɨkeraavɨ yaarɨma!” daka nevadaihasamaara'. Sarevɨdaa'nyɨ kuna dɨragɨnna dɨthaaka! “Yaasɨwa'wawɨnyabulyainyɨ ayɨna nyɨma'nɨwɨdɨka!” da'gɨzɨ Kɨwɨnyabwi myawɨ'dɨnna! 2Du'nana! Polɨnyɨ kave dara gɨthɨvanɨge. Gɨmɨ yawɨ'na “Gotɨyai nɨmɨnyɨna ‘Yɨda'maraangelyɨra,’ dana! Sare'na nɨmɨ Kɨwɨnya' yadɨ kɨlaakejɨkɨ nyɨdapɨka!” Sara yɨja' Kɨraazɨtɨyai yake'na gɨmɨnyɨna gɨhaimwagake' yaasɨwa'nanya' yɨma'nade'nanyɨ. 3Ayɨna dɨragɨnna gɨzalɨkurakɨma! Gazaizai yawɨ'na “Yɨda'maraangeinyɨ yɨma'nɨma! Pwara nɨmɨre kɨlaakejɨ' nyɨdapɨ'de'nanyɨ,” yawɨ'na yojɨ sai Kɨwɨnya yuneba yannei tɨvɨkɨsa'nei yɨma'nade'nanyɨ. 4Gɨmɨ yawɨ'na “Gotɨyai nyɨdana! ‘Yɨda'maraangeigɨnyɨ.’ Nyɨdathe'na Kɨwɨnyabwi yɨma!” Sara yawɨ'na, yɨna yɨwaanya'na Kɨraazɨtɨyarɨ yagalya'ma'mwaa. Gotɨyai yange'na gɨhaimwagakevɨ bwala'mwaawɨ. 5Sare' dare'nesɨ. Nemɨ Kɨraazɨtɨyarɨ lɨmwadaa Gotɨyare Kuryai gannya dɨragɨnya' nejaavada yɨlaaya yadaa yemwaaiho. Aayagaa' Gotɨyai yuyaraayaba “Yɨda'maraangeihɨlyɨ,” nedathe'na yemwaaiho. 6Sare' dare'nesɨ. Nemɨ Kɨraazɨtɨyarɨ wɨlamwaaiho'na kɨlaakejɨ' daya'nebwi yaasɨwa'nanyasɨ. Nabaai kɨlaakejɨ' madaya'nebwi yaasɨwa'nanyasɨ. Nemɨ Kɨraazɨtɨyarɨ lɨmwadaanyabwi pwaraavɨna tewaanya nevu'nadevɨna wawɨnya yadevwi naangaangesɨ.
7Sɨnnawɨ Kɨraazɨtɨyarɨna kaanyave'na nayaa wawagɨnyaigɨnyɨ. Gɨmɨnyɨ aai galagɨrihɨ'mwaka! Sare' nebulya' mamɨdɨnyɨ be'na yɨvanɨgɨna! 8Mɨdɨnya saburɨna Gotɨyai givwaramaa'manɨkei sara magɨzɨwaakyɨwa'. 9Dadaanya' “Pamidakade yɨzɨya maalɨkemɨlɨ' bɨretɨya naange' pamidakadesɨra.” 10Sare' kɨrɨ' nɨmɨ sainyɨ Kɨraazɨtɨyarɨ wɨlamwaaihe'na dɨragɨnna yawɨ'mwa “Sara yawɨ'manɨge Galezɨya mwaalyara sara yawɨpɨ'dera. Aane pɨbwi kɨbwi myawɨri, avaaina yɨpɨ'dera.” Nabaai, a'mwei gɨmɨnyɨna taanga gɨzaavanɨkerɨ Gotɨyai kayaa'na wiadelyɨ. A'mwe naangei dɨngaka? A'mwe maalɨkei dɨngaka? Sarerɨ Gotɨyai wɨrɨvɨkɨradelyɨ.
11Nya'mweigɨ, pwara nɨmɨnyɨna kwaasɨ wɨdɨna “Sai wɨdɨna ‘A'mwera kɨlaakejɨkaavɨ da'nyɨna kyapɨjɨ Gotɨyai “Yɨda'maraangeihɨlyɨ,” ’ wɨdathelyɨ.” Sara wɨdɨwɨjɨ kwajɨ kayaa'na kuna mi kanyɨpɨdɨka! Savɨdaa'nyɨ nebulya' warajɨ kwajɨ yɨsavɨ Kɨraazɨtɨyai balakevɨne wagɨla wɨvwa'nyabwi mena kyɨma'nadɨka! 12A'mwera “Kɨlaaka dɨtha'nyɨla!” dadɨvɨ' gɨmɨre sɨmunya kayaaka yɨvanɨgasara kunnya kɨlaakejɨkaavɨ yune'na da'nɨpɨka! 13Sare' dare'nesɨ. Nya'mweigɨ, sahwaigɨnyɨ Gotɨyai gɨthahɨlaka' “Wɨla pwɨyɨnɨkerɨ yaarɨma!” Sara gɨthahɨlakaka sara kagɨzɨvwaramaara' tewaanna mwaaihɨnyaigɨnyɨ. Mi'na gɨthɨwe'na dara myawɨ'dɨnna! “O, Kɨwɨnya' manevwɨyɨnyɨka. Su! Su! Kɨlaakejɨkɨne yuya tewaanyajɨ kayaa'nanyajɨ yɨma!” Sara myawɨ'dɨnna! Sara myɨnna! Aawa. Gyaarakeigɨ ja'mweraavɨna kale gyada yaasɨwa'wawɨnyaigɨ wɨgaimwanna ja! 14Sare' dare'nesɨ. Gotɨyare Kɨwɨnya yuyavɨ aaya kaavɨlya' dara dɨnɨke' “Gɨmɨ saigɨnyɨna kale gyadevaaibɨ' pwaraavɨna kale gyana! Duhaimwana!” Yɨ yagaala sahɨrɨsɨ. 15Sɨwaaka, malakayaaryarabɨsaihi myɨma'nɨpɨna! Maanga, sɨnna tɨka daya, mala sazabwi myɨpɨna! Sara yapɨjɨ, yɨthaanyi, gazaihizaihɨrɨ kayaaka yuna nyɨgainɨpɨdɨka!
Kwaakevakɨya yawɨsabulyɨ, Gotɨyare Kuryare yawɨsabulyɨ saburaarɨnesɨ.
16Da'na yɨhɨthɨvanɨge. Gotɨyare Kuryai sara kagɨthozɨ kuna sara ja! Sara ya'gɨzɨ gɨmɨre sɨmunya ayabwi mi jɨtheigɨnyɨ. Arɨkawɨ. 17Sare' dare'nesɨ. A'mweina sɨmunya yawɨ'daanya' Gotɨyare Kuryai yawɨ'de' yaamɨjɨ dathɨwanna. Nabaai, Gotɨyare Kuryai yawɨ'de' a'mweinaavɨre sɨmunya' dathɨwanna yannesɨ. Sare' dare'nesɨ. Gotɨyare Kuryare sɨmunyasɨ a'mweinaavɨre sɨmunyasɨ yɨkamaangewaalyɨ. Sare'na Kuryai gɨthada gɨnnya sɨmunya' “Pɨbwi ja!” kagɨthozɨ sarebwi minneigɨnyɨ. 18Sare'na Kuryai kuna gɨmaremwaalajaigɨ Kɨwɨnya' mamaremwaalyɨ gyatheigɨnyɨ.
19A'mweraavɨre sɨmunyabwi yuyaina yawɨ'manɨgovulyɨ. A'mweraavɨrebulyɨyara dara yadɨvɨsangɨ. Ata lɨmwangebwi yɨna. Yaawaryaraavɨrebwi yɨna. Gɨrɨkita'nanyabwi yɨna. A'mweraavɨ a'mwengɨ yaasɨwa'na kayaa'na lɨmwangebwi yɨna. 20Yɨsaraavɨ, sɨlaangeraavɨ, nyɨlyarɨ, lawerɨ, sɨlɨngaamɨnyaraavɨ a'mwa'mweraavɨ yɨlaayabwi yɨna, kulaka maarya'nebwi yɨna. Gɨri'nya, lakya, kwalya dazabwi yɨna. Yɨkamaangebwi yɨna. Maangebwi yɨna. Pwaraavɨre tɨganaarya yadɨvɨ' “Maa'mujainyɨ,” dɨna. Sɨnna tɨka wɨdaya'nebwi yɨna. Kunnya yaya makinyɨna yadɨvɨ', pwaraavɨna kale mwia'nebwi yɨna. Jaapaina yadɨvɨ' pwaraavɨ wanganakɨna. Kumɨjɨyaraavɨ bɨrala yadɨvɨ' “Nemɨ tewaanyaine,” dɨna. 21Pwaraavɨre naangengɨna “Maa'mujainyɨ,” dɨzabwi yɨna. Pwaraavɨ tamakɨna. Bɨyaaya saza nadɨvɨ' yɨmaka wɨlɨna. Nabaai bɨyaaya nyɨna kwarame kayaa'nanyabwi yɨna, avaanna kayaa'nanyabwi yɨna. Sara yadɨvɨsangɨ. Nabaai, sasarebura pɨburajɨ yadɨvɨsangɨ. Kɨgaa' gɨthevaaibɨ' dɨragɨnna ayɨna gɨthɨvanɨge. Sasare sabwi minna! Pwara saza yadɨvɨsaraavɨ Gotɨyai nayaa mamaremwaalyɨ yadera Gotɨyare yuyanna mamaari yɨpɨ'derera.
22A'mweraavɨre sɨmunyabwina kayaa'na yadɨvɨta kɨrɨ' Gotɨyare Kuryai nemɨre sɨmunyanna maremwaaida yɨsɨla nawɨ'nyabɨsanna tewaanyainaavɨ nemwaaihɨvanɨkelyɨ. Sare' dara yadaanyasɨra. Pwaraavɨna kale neyada, sɨmunyangɨ yɨlaaya yadaa, kwaamu'nanyabwi yadaa, pwara kayaa'na neyadaapɨjɨ sɨnna tɨka yarai madayɨ neyade'na dɨragɨnyaina mwaidaa, bwiwanna yabwi yadaa, pwaraavɨ tewaanna wiadaa, sara wɨdadaanya yuyagaa' sara yadaa, 23kave yɨgoina nennya yaya mamakinyadaa, sɨmunya kayaa'nanya' “Aala,” dɨvanɨgoina dɨragɨnna maremwainadaa Kuryai nemwaaihadelyɨ. Sara yadaanyainaavɨ Kɨwɨnya yagaalyasɨ manejɨnɨkengɨ. 24Kɨraazɨtɨyai Jizaazareina dara yawɨ'manɨgo. A'mweinaavɨre sɨmunya dɨragɨnya myaannebwi Kɨraazɨtɨyare yɨsavɨri mi'na yeramwo. Sare'na kayaa'nanyabwi manemaremwaalyɨkeinera. Yɨ sɨmunya kayaa'na dɨka widadejɨ wima'nadejɨ yɨsavɨri mena yeramwo. Yuya dazabwi dɨvanɨgo. Aala! Sarebwi Kɨraazɨtɨyai balake'nanyɨ. 25Sare' “Kuryarɨ mwaaiho,” daaza' yɨ nabaai Kuryarɨ kaanya yamaryaana! Gamɨre yagaalya' mɨdɨnaana! 26“Nɨmɨ tewaanyainyɨ. Pwara kayaa'nanyarera,” madaanna! Pwara sɨmunya kwalaalya yawɨpɨ'de'na myaanna! Pwara kanevɨlavapɨjɨ bɨrala myaanna! Aawa. Kuryare dɨragɨnyavɨ mwalaana!
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.