Epazaazɨ 2
2
Kɨraazɨtɨyarɨna baryaina mwaaiho'nesɨ.
1Kɨgaa' Gotɨyarɨna sarɨnnya kuryara balesaihɨlyɨ. Gotɨyarɨ wanganakɨna yeva kayaa'nanyanna, yɨwetawakyanna balesaihɨlyɨ. 2Saregaa' Kwaakevakɨyabwi kayaa'nanyaburɨ kaanya yamaryadɨvɨ' yɨmakeraavɨjɨ kulakengɨjɨ maremwaaidei yɨhusavɨ mwaaide sarebwi lɨmwadɨvɨ' mwaalesaihɨlyɨ. A'mwera Gotɨyarɨ galyekɨvaimanɨgasaraavɨ maremwaalɨ' kurya kayaa'nanya sai. 3Sara galazekɨvalesaraayaba nemɨ yuyaina kayaa'na mwaalo. Nemɨre kɨlaakevɨne dɨka neyɨdada nemɨre kɨlaakejɨka “Sara tewaanya' nyɨwaka,” nemɨre yawɨta “Sara yɨdeinyɨ,” yawɨ'daa yagoinera. Sareina sara yago'na Gotɨyarɨ a'mwera kayaa'na mwaaidɨvɨta yuyaraavɨna sɨnna tɨka wɨda'daasɨ tadevaaibɨ' kayaa'na yoinaavɨ kaneramadɨkeinera.
4Kɨrɨ' Gotɨyai kale gaimwanga naangaangevɨ aaya kaavɨlyai gamɨre tewaanya wɨvu'nya naangebwi nemɨnyɨna tewaanya wɨvu'nakeburɨna Kɨraazɨtɨyarɨjɨ gaala nemwaaiha'. 5Nemɨ Gotɨyarɨna yɨwetawakadaawojɨyavɨna Gotɨyarɨna nemɨre kuryara kuna baidɨvɨ' kɨrɨ' “Kɨraazɨtɨyarɨ yɨdɨkaaverɨ wɨlamwaaihɨma!” dake'na Gotɨyai neyɨdɨkavamwaaiha'. Gotɨyai sarɨmɨnyɨ yange'na tewaanna yɨhɨgaimwadevɨna yɨhɨvadaihasamaarakeihɨlyɨ. Yɨ yuyainaavɨ gaala nemwaaiha'. 6Gotɨyai neyɨdɨkavamwaaihaka nabaai, Kɨraazɨtɨyarɨ wɨlamwaaihoinaavɨjɨ Kɨraazɨtɨyai Jizaazarɨjɨ Sɨgunyavɨ maranemwaaihɨwake'na maremwaaimanɨgoinera. 7Gotɨyai “Dɨvi sagaa' yuyagaa' gazagaasagaa' yɨma'nadehaa' nɨmɨre yanga wɨgaimwangeburɨne aaya kaavɨlya naangaange yuyaraavɨ wɨjɨwaainɨma!” daka maranemwaaiha'. Sahwai yanga gaimwangebwina Kɨraazɨtɨyai Jizaazarɨna bwiwanna neyakebulyɨ. 8Sare' dare'nesɨ. Gotɨyai sarɨmɨnyɨ yange'na tewaanna yɨhɨgaimwadevɨna Kɨraazɨtɨyarɨ lɨmwadɨvɨsa'na yɨhɨvadaihasamaarakeihɨlyɨ. Sarɨmɨ wawɨnya yɨna yadɨvɨsa'na yɨhɨvadaihasamaarakeihi mɨ'. Aawa. Sahware sɨhumalesɨra. 9Sare' Gotɨyai yawɨ'na “A'mwe pwai kwai dara nadathɨka! ‘Wawɨnya dɨragɨnna kye Gotɨyai nyɨvadaihasamaarakeinyɨ. Tewaanyainyɨ,’ yawɨ'na yaka sahwai yange'na nevadaihasamaarakesɨ. 10Sare' dare'nesɨ. Gotɨyai mwaaihoinaavɨ mudɨkeinaavɨ newaka'. “Sahwara mi'na wakengɨ sana sana yamaripɨka!” daka Kɨraazɨtɨyai Jizaazarɨ wɨlanemwaaihaka tewaanya yaadeinaavɨ mudɨkeinaavɨ nemwaaiha'.
Kɨraazɨtɨyarɨ wɨlamwaaiho'na avaalyainaavɨnesɨ.
11Sarevɨna yɨhɨthɨma! Sarɨmɨ Juyaraavɨdaa'nyaihi mɨ'. Aawa. Ajɨmya yuyangɨyaihɨlyɨ. Juyara kunnya asajɨ kɨlaakejɨkaavɨ da'nyɨna yadɨvɨsara sarɨmɨnyɨna dɨna “Sahwara kunnya kɨlaakejɨkaavɨ mada'nyadɨvɨsarera. Maaverera.” Kɨgaa' mwaalesaihɨrɨna ayɨna jawɨrila! 12Sagaa' Kɨraazɨtɨyai maayaihɨlyɨ. Gotɨyai a'mweraavɨ dahɨlakyaaka Yɨzɨrelɨya yɨta savaakɨ menyaba mwaalesaihɨlyɨ. Gotɨyai gamɨreraavɨne yune naanga nebulya'na wɨjavurɨne wɨlɨmwagarakejɨyaihi mɨka. Angavaayaihɨlyɨ. Kwaaka davakɨ Gotɨyamaayaihi mwaale'. Nabaai yemwaalyabwi maayaihɨlyɨ. “Gotɨyaryaba mwalaadeinera,” majaihɨlyɨ. 13Kɨrɨ' dahaasagaa' Kɨraazɨtɨyai Jizaazarɨ wɨlamwaaihasaihi Gotɨyaryawɨnna yɨhɨmakabɨwakeihɨlyɨ. Kɨraazɨtɨyai balaka gamɨre tawe' bwalaravake'na menya keimwɨ mwaalesaihi Gotɨyaryaba aya kɨbanna yɨma'naabɨwaasaihɨlyɨ. 14Sare' dare'nesɨ. Kɨraazɨtɨyai sahwai narya' wakɨnɨkelyɨ. Nabaai, Juyainajɨ Menyaihɨlyɨ avaalyainaavɨ kanemwaaiha' nemɨre munya yɨrɨla nedɨwagakelyɨ. Sɨnnawɨ Juyara keiba mwaalesa' Menyara aagaiba mwaalesa' tɨnnyaba yɨkamaangebwi kaanya tinɨke' warakesɨ. Sare'na sɨnna tɨka wɨdavakerera. Kɨraazɨtɨyai sahwai gamɨre kɨlaakejɨ' yɨsavɨ balake'na kaanya tinɨke' wo'dalasɨ'nakelyɨ. 15Juyainaavɨre Kɨwɨnya', kɨwɨnya dɨnɨkejɨ kɨmaaka dɨnɨkejɨ yaasɨwa'nanyabwi wakaka kaanya tinɨkebwi wo'dalasɨ'nakelyɨ. “Nɨmɨ narya' waka'mujɨ yɨta pɨvakaai warɨkeraavɨ yɨta gavevakɨyara nɨmɨnyɨ wɨlamwaaihɨma!” daka wo'dalasɨ'nakelyɨ. Avaalyaina mwaaiho. 16“Nɨmɨnyɨ kaanya tinɨke', yɨkamaangebwi tamaka'mujɨ, yɨ, nɨmɨre yɨta yovihɨrarannɨkevɨna yuyavakaalyɨ Gotɨyalyɨ yɨrakuramwaaihɨma! Yɨ nɨmɨre kɨlaakejɨsɨyara avaalyara yɨma'nɨpɨka!” daka wo'dalasɨ'nakelyɨ. 17Sare' Kɨraazɨtɨyai baka yuyaraavɨ yagaala tewaanya' narya'ne' wɨdakesɨ. Menyaba Maaveihi Gotɨyarɨ myawɨryaihɨrɨ yɨhɨthake' aya kɨba Juyaina Gotɨyarɨ yawɨ'daanyainaavɨ nedakesɨ narya'. 18Sare' Kɨraazɨtɨyai neyake'na Kuryarɨ Juyainaavɨnajɨ Maaveihɨrɨnajɨ nejaava'. Sare'na Nenɨmaangeryawɨnna wawaajɨ dɨnaade'nanyɨ.
19Sarevɨdaa'nyɨ sarɨmɨ Juya mamwaalyɨgasaihi Gotɨyarɨna kuna Maavera angavaayara mɨ'. Wa'mwa'dɨvɨsaihi kuna mamwaalyɨga'. Kuna gabinyaihi mɨ'. Aawa. Gotɨyare angeba mwaalyaihi Gotɨyare tewaanyarajɨ mwaaihasaihɨlyɨ. Gotɨyarenɨdakihɨlyɨra. 20Nabaai sarɨmɨ Gotɨyare ange'bɨsaihɨlyɨ. Nedaasadeinajɨ Gotɨyarɨ wɨ'nawɨjɨwaakadɨvɨsarajɨ mɨnye laannɨkeinaavɨ sarɨmɨ Gotɨyare angesɨ. Kɨraazɨtɨyai Jizaazai sahwai munyaba mɨjamaange' pwɨyɨnɨkelyɨ Naangei. 21Sahwai anga yuya' pwɨyɨnɨka nemɨ yuyainaavɨ nelɨmwaga'delyɨ. Naangere anga tewaanya'na mannɨkeinaavɨ nemwaaihadelyɨ. Sara neyada yuyagaa' tewaanyaina yɨma'nadaanyainera. 22Sahwarɨ wɨlamwaaihasaihɨlyɨ nemɨjɨ pwarajɨ sainaavɨ mannɨka angevɨ Kuryai wɨlanemwaalɨ' Gotɨyare angevɨ.
Currently Selected:
Epazaazɨ 2: byr
Highlight
Copy
Compare
Share
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
Epazaazɨ 2
2
Kɨraazɨtɨyarɨna baryaina mwaaiho'nesɨ.
1Kɨgaa' Gotɨyarɨna sarɨnnya kuryara balesaihɨlyɨ. Gotɨyarɨ wanganakɨna yeva kayaa'nanyanna, yɨwetawakyanna balesaihɨlyɨ. 2Saregaa' Kwaakevakɨyabwi kayaa'nanyaburɨ kaanya yamaryadɨvɨ' yɨmakeraavɨjɨ kulakengɨjɨ maremwaaidei yɨhusavɨ mwaaide sarebwi lɨmwadɨvɨ' mwaalesaihɨlyɨ. A'mwera Gotɨyarɨ galyekɨvaimanɨgasaraavɨ maremwaalɨ' kurya kayaa'nanya sai. 3Sara galazekɨvalesaraayaba nemɨ yuyaina kayaa'na mwaalo. Nemɨre kɨlaakevɨne dɨka neyɨdada nemɨre kɨlaakejɨka “Sara tewaanya' nyɨwaka,” nemɨre yawɨta “Sara yɨdeinyɨ,” yawɨ'daa yagoinera. Sareina sara yago'na Gotɨyarɨ a'mwera kayaa'na mwaaidɨvɨta yuyaraavɨna sɨnna tɨka wɨda'daasɨ tadevaaibɨ' kayaa'na yoinaavɨ kaneramadɨkeinera.
4Kɨrɨ' Gotɨyai kale gaimwanga naangaangevɨ aaya kaavɨlyai gamɨre tewaanya wɨvu'nya naangebwi nemɨnyɨna tewaanya wɨvu'nakeburɨna Kɨraazɨtɨyarɨjɨ gaala nemwaaiha'. 5Nemɨ Gotɨyarɨna yɨwetawakadaawojɨyavɨna Gotɨyarɨna nemɨre kuryara kuna baidɨvɨ' kɨrɨ' “Kɨraazɨtɨyarɨ yɨdɨkaaverɨ wɨlamwaaihɨma!” dake'na Gotɨyai neyɨdɨkavamwaaiha'. Gotɨyai sarɨmɨnyɨ yange'na tewaanna yɨhɨgaimwadevɨna yɨhɨvadaihasamaarakeihɨlyɨ. Yɨ yuyainaavɨ gaala nemwaaiha'. 6Gotɨyai neyɨdɨkavamwaaihaka nabaai, Kɨraazɨtɨyarɨ wɨlamwaaihoinaavɨjɨ Kɨraazɨtɨyai Jizaazarɨjɨ Sɨgunyavɨ maranemwaaihɨwake'na maremwaaimanɨgoinera. 7Gotɨyai “Dɨvi sagaa' yuyagaa' gazagaasagaa' yɨma'nadehaa' nɨmɨre yanga wɨgaimwangeburɨne aaya kaavɨlya naangaange yuyaraavɨ wɨjɨwaainɨma!” daka maranemwaaiha'. Sahwai yanga gaimwangebwina Kɨraazɨtɨyai Jizaazarɨna bwiwanna neyakebulyɨ. 8Sare' dare'nesɨ. Gotɨyai sarɨmɨnyɨ yange'na tewaanna yɨhɨgaimwadevɨna Kɨraazɨtɨyarɨ lɨmwadɨvɨsa'na yɨhɨvadaihasamaarakeihɨlyɨ. Sarɨmɨ wawɨnya yɨna yadɨvɨsa'na yɨhɨvadaihasamaarakeihi mɨ'. Aawa. Sahware sɨhumalesɨra. 9Sare' Gotɨyai yawɨ'na “A'mwe pwai kwai dara nadathɨka! ‘Wawɨnya dɨragɨnna kye Gotɨyai nyɨvadaihasamaarakeinyɨ. Tewaanyainyɨ,’ yawɨ'na yaka sahwai yange'na nevadaihasamaarakesɨ. 10Sare' dare'nesɨ. Gotɨyai mwaaihoinaavɨ mudɨkeinaavɨ newaka'. “Sahwara mi'na wakengɨ sana sana yamaripɨka!” daka Kɨraazɨtɨyai Jizaazarɨ wɨlanemwaaihaka tewaanya yaadeinaavɨ mudɨkeinaavɨ nemwaaiha'.
Kɨraazɨtɨyarɨ wɨlamwaaiho'na avaalyainaavɨnesɨ.
11Sarevɨna yɨhɨthɨma! Sarɨmɨ Juyaraavɨdaa'nyaihi mɨ'. Aawa. Ajɨmya yuyangɨyaihɨlyɨ. Juyara kunnya asajɨ kɨlaakejɨkaavɨ da'nyɨna yadɨvɨsara sarɨmɨnyɨna dɨna “Sahwara kunnya kɨlaakejɨkaavɨ mada'nyadɨvɨsarera. Maaverera.” Kɨgaa' mwaalesaihɨrɨna ayɨna jawɨrila! 12Sagaa' Kɨraazɨtɨyai maayaihɨlyɨ. Gotɨyai a'mweraavɨ dahɨlakyaaka Yɨzɨrelɨya yɨta savaakɨ menyaba mwaalesaihɨlyɨ. Gotɨyai gamɨreraavɨne yune naanga nebulya'na wɨjavurɨne wɨlɨmwagarakejɨyaihi mɨka. Angavaayaihɨlyɨ. Kwaaka davakɨ Gotɨyamaayaihi mwaale'. Nabaai yemwaalyabwi maayaihɨlyɨ. “Gotɨyaryaba mwalaadeinera,” majaihɨlyɨ. 13Kɨrɨ' dahaasagaa' Kɨraazɨtɨyai Jizaazarɨ wɨlamwaaihasaihi Gotɨyaryawɨnna yɨhɨmakabɨwakeihɨlyɨ. Kɨraazɨtɨyai balaka gamɨre tawe' bwalaravake'na menya keimwɨ mwaalesaihi Gotɨyaryaba aya kɨbanna yɨma'naabɨwaasaihɨlyɨ. 14Sare' dare'nesɨ. Kɨraazɨtɨyai sahwai narya' wakɨnɨkelyɨ. Nabaai, Juyainajɨ Menyaihɨlyɨ avaalyainaavɨ kanemwaaiha' nemɨre munya yɨrɨla nedɨwagakelyɨ. Sɨnnawɨ Juyara keiba mwaalesa' Menyara aagaiba mwaalesa' tɨnnyaba yɨkamaangebwi kaanya tinɨke' warakesɨ. Sare'na sɨnna tɨka wɨdavakerera. Kɨraazɨtɨyai sahwai gamɨre kɨlaakejɨ' yɨsavɨ balake'na kaanya tinɨke' wo'dalasɨ'nakelyɨ. 15Juyainaavɨre Kɨwɨnya', kɨwɨnya dɨnɨkejɨ kɨmaaka dɨnɨkejɨ yaasɨwa'nanyabwi wakaka kaanya tinɨkebwi wo'dalasɨ'nakelyɨ. “Nɨmɨ narya' waka'mujɨ yɨta pɨvakaai warɨkeraavɨ yɨta gavevakɨyara nɨmɨnyɨ wɨlamwaaihɨma!” daka wo'dalasɨ'nakelyɨ. Avaalyaina mwaaiho. 16“Nɨmɨnyɨ kaanya tinɨke', yɨkamaangebwi tamaka'mujɨ, yɨ, nɨmɨre yɨta yovihɨrarannɨkevɨna yuyavakaalyɨ Gotɨyalyɨ yɨrakuramwaaihɨma! Yɨ nɨmɨre kɨlaakejɨsɨyara avaalyara yɨma'nɨpɨka!” daka wo'dalasɨ'nakelyɨ. 17Sare' Kɨraazɨtɨyai baka yuyaraavɨ yagaala tewaanya' narya'ne' wɨdakesɨ. Menyaba Maaveihi Gotɨyarɨ myawɨryaihɨrɨ yɨhɨthake' aya kɨba Juyaina Gotɨyarɨ yawɨ'daanyainaavɨ nedakesɨ narya'. 18Sare' Kɨraazɨtɨyai neyake'na Kuryarɨ Juyainaavɨnajɨ Maaveihɨrɨnajɨ nejaava'. Sare'na Nenɨmaangeryawɨnna wawaajɨ dɨnaade'nanyɨ.
19Sarevɨdaa'nyɨ sarɨmɨ Juya mamwaalyɨgasaihi Gotɨyarɨna kuna Maavera angavaayara mɨ'. Wa'mwa'dɨvɨsaihi kuna mamwaalyɨga'. Kuna gabinyaihi mɨ'. Aawa. Gotɨyare angeba mwaalyaihi Gotɨyare tewaanyarajɨ mwaaihasaihɨlyɨ. Gotɨyarenɨdakihɨlyɨra. 20Nabaai sarɨmɨ Gotɨyare ange'bɨsaihɨlyɨ. Nedaasadeinajɨ Gotɨyarɨ wɨ'nawɨjɨwaakadɨvɨsarajɨ mɨnye laannɨkeinaavɨ sarɨmɨ Gotɨyare angesɨ. Kɨraazɨtɨyai Jizaazai sahwai munyaba mɨjamaange' pwɨyɨnɨkelyɨ Naangei. 21Sahwai anga yuya' pwɨyɨnɨka nemɨ yuyainaavɨ nelɨmwaga'delyɨ. Naangere anga tewaanya'na mannɨkeinaavɨ nemwaaihadelyɨ. Sara neyada yuyagaa' tewaanyaina yɨma'nadaanyainera. 22Sahwarɨ wɨlamwaaihasaihɨlyɨ nemɨjɨ pwarajɨ sainaavɨ mannɨka angevɨ Kuryai wɨlanemwaalɨ' Gotɨyare angevɨ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.