2 Pitai 2
2
Wɨjɨwaakya kwaasɨyaraavɨna mala nayaa jɨwannyide'nesɨ.
(Juthɨyai 4-13)
1Nabaai kɨgaakuna sagaa' Yɨzɨrelɨyara Gotɨyareraayaba Gotɨyarɨ wɨ'nawɨjɨwaakya kwaasɨyara mwaalɨna. Sasare sabaaibɨ' kwaasɨ yagaala ja'ne wɨjɨwaakadɨvɨta pwara sarɨmɨ kwaihɨrɨ mwaalɨna yɨhipɨ'dera. Sahwara kumɨrebwina lɨka yulya'dɨvɨ' “Nawɨ'nyainera. Kɨraazɨtɨyareina,” dadɨvɨ' kwaasɨ yagaala pɨnɨnna pɨnɨnnanya a'mweraavɨ kayaaka yɨgalakya'ne yawɨsa dɨpɨ'derera. Naangei kumɨre maremwaaidei kumɨnyɨ mubaka kwara kɨrɨ' sahwarɨna bule'na wɨjaavɨna yɨpɨ'derera. Nabaai sara yadɨvɨ' kumɨ sara kayaaka yɨme'nya'bɨ' yɨma'nɨpɨ'derera. 2Sahwara kwaasɨya' dadɨvɨ' gɨrɨkita'nanya yaasɨwa' avaanna wɨlamaryadaapɨjɨ Kɨraazɨtɨyare pwara a'mwe kwalaalyara kumɨre kayaa'nanya sabura mɨdɨbɨ'derera. Sara yɨpɨ'deraavɨna a'mwe Kɨraazɨtɨyarɨ malɨmwagyara Naangere nebula nawɨ'nya sabwine tusavɨna bɨraiyagaala dɨpɨ'dere. 3Kwaasɨ wɨjɨwaakya dazara gɨlyɨvɨta pwaraavɨrengɨ wabarɨnna yadɨvɨta sarevɨ sarɨmɨre nɨgwianna “Mwagi'naana!” dadɨvɨ' kwaasɨ yagaala kwalaalya yɨhɨthɨpɨ'dere. Kɨrɨ' nabaai kɨgaakuna sasareraavɨna yawɨbwata ja'ne Gotɨyai mena yovɨrawakyaakelyɨ. Sahwaraavɨ kayaaka yɨgalakya'ne' se mwarika. Aawa. Sahwaraavɨna yemwaalɨka.
4Sare' dare'nanyɨ. Mamaaya pwara kɨgaa' kayaa'na yaasaraavɨ, kɨrɨ' Gotɨyai mwanganakyaakere. Aawa. Yɨrorɨlyavɨ kalavuza marapweyɨrakakera mwalyaasara yɨrorɨla wana jɨhɨnyavɨ kuna mwaaiha'. Dahaa' kalavuzavɨ kuna mwaaleva yawɨbwasa'na yemwaaiha'. Sabaaibɨ' Gotɨyai kwaasɨyaraavɨ sara yadei midaaka! 5Nabaai a'mwe sɨnnawɨnyara Gotɨyarɨ bule'na wɨjayaasaraavɨ sai mwanganakyaakere. Aawa. Aalyaaka naange' yɨma'naka kamaramɨlyaa' sarera aalya naangevɨ yɨwɨna yaa'. Kɨrɨ' Nowaai tewaanya yɨda'maraangebwina wɨjɨwakyaakerɨ Gotɨyai nayaa maremwaaina wiaakelyɨ. A'mwe ata purɨdaa'nyɨ pwaraalyara Nowaarenɨdakaavɨya sarerajɨ tewaanna mwaalɨna yaa'. Yɨ nabaai Gotɨyai sara yadei midaaka! 6Sai Anga Sothomɨjɨ Anga Gomorajɨ sabanyaalyaraavɨre kayaa'na yadɨvɨsabwina sɨmunya jɨdayaakelyɨ. Anga naanga sabanyaai Gotɨyai dɨke' yɨra'na kyaa' yune kwaagɨsa'na warɨna. Sai sabanyaarɨ kayaa'nanya' sara karɨvɨkɨryaa' anga naanga sabanyaai yuna kayaaka yɨma'nyɨna yaa'. Sarevɨ nabaai dɨvi Gotɨyarɨna a'mwe bule'na wɨjaavɨpɨjara pwɨya sɨnnawɨnya daza'na yawɨrya'nesɨ. Sa' yawɨta dɨvidaa'nyɨ kumɨnyɨ yɨma'nade'na tɨnna wanganya'ne yaamɨjɨ sa' yaakesɨ. Yɨ nabaai Gotɨyai sara yadei midaaka! 7Nabaai Gotɨyai a'mwe yɨda'maraanga Lotɨmɨ padaihasamaa'na kyaa' sai kayaaka minyaa'. Lotɨmɨ a'mwe kayaa'nanyaraavɨre gɨrɨkita'nanya sabwina sɨmunya' taanginya winaryaakelyɨ. 8Sare' dare'nesɨ. A'mwe yɨda'maraanga dazai sahwaraavɨ tɨnnyaba wɨlawɨmwalyaakei, kumɨre kayaa'nanya yadaapiya tɨnna wanganna yada yuya yɨrɨkerɨkaavɨ kumɨre kayaakyagaala dadaapiya kadɨka wɨ'nyɨna. Gamɨre sɨmunya' yɨda'maraangebwina yadei, sai lɨka yɨwaainada gamɨre sɨmunyavɨ daanga wɨvɨdelyɨ kɨwɨnya dɨnɨkengɨ galazekɨvala sabwi yadaapi. Kɨrɨ' nabaai Gotɨyai sara padaihasamaa'na yadei midaaka! 9Yo, sara yada yaakevɨ a'mwe Gotɨyarɨ mɨdɨdɨvɨsaraavɨ yɨjɨwaala pɨnɨ kwima'nojɨ yɨjɨwaala sabwi marasɨ'nya'na Naangei mena yawɨ'dei sara yannelyɨ. Padaihasamaarannelyɨ. Nabaai dahaakɨgaasɨ yɨrɨka yawɨbwarya'ne kɨgaasɨ a'mwe kayaa'nanyaraavɨre sabwina kayaa'nanya' tɨvɨkɨsa'najɨ mena yawɨ'delyɨ. Yɨ kayaa'nanya' tɨvɨkɨsa'na sahwaraavɨ kuna dɨragɨnna marirakadelyɨ. 10Tɨvɨkɨta naange' dareraavɨnesɨ. A'mwera munyɨ' dɨka yɨdade sabwi mɨdɨdɨvɨ' kayaa'na gɨrɨkita'nanya sabwi yadɨvɨsare. Sara yadɨvɨ' “Gotɨyare yagaalya'najɨ a'mwe naangeraavɨre yagaalya'najɨ yaasɨwa'nanyasɨra,” yawɨ'dɨvɨsare.
A'mwe kwaasɨ dadɨvɨta sahwara yɨ navɨka yɨbwaakadɨvɨ' yune kunnyabwina mɨdɨdɨvɨsare. Nabaai byaannaka kayaa'nanyaraavɨ bɨraiyagaala danganya'na lɨka maalɨka kɨrɨ' myadɨvɨsare. 11Mamaayara dɨragɨnya naangejɨyara a'mwe dazaraavɨ wavɨla'dɨvɨsare. Kɨrɨ' sahwara Naangeryaba byaannakeraavɨ kotɨya wɨmaryadɨvɨ' bɨraiyagaala wɨdadɨvɨtara mɨ'. 12A'mwe dazara yɨkurɨyaawiara yune kɨlaakejɨkɨna mɨdɨdɨvɨta saraavɨre sɨmumaaya kune sabɨsasɨyare. A'mwera yɨkurɨyaawiaraavɨ maa'dɨvɨ' tamakya'nera ganaange' maarakerabɨsare. Yɨ sahwara myawɨranganyadɨvɨsanna, sahɨnɨnna bɨraiyagaala dadɨvɨsare. Yɨkurɨyaawia bwia bura'devaaibɨ' a'mwe dazahwara kayaaka yɨma'nɨpɨ'dere. 13Sahwara kayaa'nanya dala pɨnɨnna pɨnɨnnanya yadɨvɨsaraavɨ kumɨre kayaa'nanyabwina kayaa'nanya daza wɨrɨvɨkɨradere. Sahwara yawɨ'na “Tɨka munne nyabulyɨ biyaaya kwalaalya nɨbainyabulyɨ sawɨta gavegaa' aala! Nemɨ nyɨlyagaa' sara yaana!” Sara yawɨ'na yadɨvɨ' sabwina yɨlaaya'na yadɨvɨsare. Sarɨmɨre tɨka munne sarɨmɨjɨ yɨhye'mwannanadɨvɨ' sarɨmɨnyawɨ kwaasɨya sahwara gɨrɨkita'nanyara wɨlayɨhɨmwaaidɨvɨsare. Sarɨmɨnyɨ yɨwihwaaryabɨsare. Sarɨmɨnyawɨ sara yadɨvɨ' sarɨmɨnyɨ kumɨre kwaasɨya yadɨvɨta sabwina yɨlaaya yadɨvɨsare. 14Kumɨre tɨnnyai yuyagaa' a'mwengɨ wangadɨvɨ' ata lɨmwangebwina ya'nera yawɨ'dɨvɨ' sarevɨ kayaa'na yabwina mwakwasakɨpɨ'dera mɨ'. Aawa nebulyasɨ. A'mwera kumɨre sɨmunya' dɨragɨnya mwaryaderaavɨ wabwiwayagaala wɨdadɨvɨkɨ. Sara yadɨvɨ' kayaa'na ya'neraavɨ makwodɨvɨkɨ. Pwaraavɨre gɨlyɨvɨsangɨ wabarɨnna yabwina sɨmunya mena maa'dɨvɨsara. Sare'na Gotɨyai yuna Dɨkevɨ marasɨ'nadera mwaaihasara! 15Tuta tewaanya yɨda'nanya sarɨkɨna bule'na wɨjaavadɨvɨ' yaasɨwa' yɨraataatakaanya yamarivanɨgasa'na. Sahwara Beyomɨre kaimɨraayai Belaamɨmɨre tusarɨ' mɨdɨmanɨgasare. Sai kayaa'nanyabwi yade nɨgwɨtɨvɨkɨta savɨna yɨma'nya'na nawɨ'nyɨna wɨvu'nakelyɨ. 16Kɨrɨ' gamɨre kayaa'nanya' pari'mata yade sabwina maiyagaalya' yɨma'nyɨna. Jɨlɨkyaawarya dogiyara yagaala majadɨvɨsare. Kɨrɨ' Belaamɨmɨre dogiyai a'mweibɨ' yagaala dɨna yaka sahwarɨ maiyagaala wɨdɨna. Sasare sabwi, wɨ'nawɨjɨwaakya dazai gamɨre yɨraataate yade dazabwi ayɨna ya'na dogiya dazai tusarɨ' kaanya tihɨ'na yaakelyɨ.
17Kwaasɨ wɨjɨwaakadɨvɨta dazara aalɨyɨmɨnya pɨnɨ aalya mwalyuya saa'nya daa'devaaibɨsare. Nabaai kwaakewɨnne yɨraaya yɨhu'maanarya' tɨvɨpaidaa'nyɨ yɨwɨnama'na yadevaaibɨsare. Yɨ waryaanyara. Yaasɨwa'nanya wɨdadɨvɨsare. Sare'na Gotɨyai anga jɨhɨnyaanga naangeba mena yovɨrawaka'. Sahwara kayaa'nanya sahɨbanna wɨpɨ'dere. 18Sare' dare'nanyɨ. A'mwe dazahwara kumɨnne yaya' jaka naanga dadɨvɨta sa' yaasɨwakebulyɨ. Yaasɨwa'na yadɨvɨ' kumɨre yagaala waryaanyabulyɨ. Sahwara a'mwe pwaraavɨ wabwiwayagaala wɨdadɨvɨ' kumɨre munyɨ' dɨka yɨdada kayaa'na gɨrɨkita'nanya yɨya sabwinajɨ dala pɨnɨnna pɨnɨnnanya kɨlaakejɨkɨya kayaa'nanya sabwinajɨ sasare saburɨ a'mwe dazaraavɨ mwagi'namaata yɨvanɨga'. Wana dahaasagaa' dɨragɨnna malɨmwagyadɨvɨsaraavɨre kwaasɨya kayaa'nanyabwi mena yagalya'maveva Naangere tewaanyabwi gaai mɨdɨnna yɨvanɨgasaraavɨ. 19A'mwe kwaasɨya wɨjɨwaakadɨvɨta dazara yune naanga nebulya'na wɨja'na kwaasɨ dɨna “Sarɨmɨre yawɨta sabwi kayaa'nanya pɨnɨ yɨhɨthathɨvalade mɨ'. Kayaa'nanya sa yapɨjɨ kayaaka myɨma'nyɨ tewaanya kuna dɨmwaalyideihɨlyɨ.” Kɨrɨ' kumɨ sara kayaaka yɨnya'ne saburɨ yaasɨwa'wawɨnyara mwaaidɨvɨkɨ. Yɨ dare'nanyɨ. Dɨragɨnya pɨnɨ a'mwerɨ mena wavɨlavojɨyangɨ, a'mwe dazai dɨragɨnya gamɨnyɨ wavɨlavaja sangɨna yaasɨwa'wawɨnyai mwaalɨna. 20Sare' dare'nanyɨ. Sahwara Jizaazai Kɨraazɨtɨyai nemɨre Naangei nevadaihasamaarya'nerɨ mena yawɨramaa'dɨvɨ' sɨduta yawɨta savɨna Kwaakevakɨ yuya gɨrɨkita'nanya warɨka sangɨ yagalya'ma'na. Nabaai aya saburɨ ayɨna lɨmwagapɨjɨ sa' wɨla yɨralɨmwaga'dori dara mwaaibɨ'dere. Aaya mudɨkegaa' Kɨraazɨtɨyarɨ malɨmwagyahaa' kayaa'na mwaalɨna. Kɨrɨ' dɨvi nabaai Naangerɨ yagalya'ma'na yɨpɨja' kayaa'nanya sabwi ayɨna maarapɨjɨ sagaa' wana kayaa'na mwaaibɨ'dere. 21Sare' dare'nanyɨ. Sahwara yɨda'maraanga saburɨne tusa' sɨmunya myawɨramaaryɨ yɨpɨjɨ kwajɨ tewaanya' dɨngaka! Dahaa' tuta sarɨkɨ mena yawɨrangadɨvɨta sara kɨwɨnya nawɨ'nyaanga dɨnɨka daza' maareva kɨrɨ' bule gɨnyɨra'dɨvɨsa' yɨ sa' kayaa'nanaangesɨ. Tɨvɨkɨta naangaange' maapɨ'dere. 22Sahwaraavɨ yɨma'nɨvanɨka dazabwi, yagaaikɨwɨnya nebulya'na dɨnɨka pɨbwi dara dɨnɨ' “Jɨlɨkei gannya kwadaake' ayɨna yɨrɨ'mwannanyɨna. Nabaai yaawaryai aalya mena yɨnakei kwaaka ara'bunyabanya taaka yemannamarina.”
Currently Selected:
2 Pitai 2: byr
Highlight
Copy
Compare
Share
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
2 Pitai 2
2
Wɨjɨwaakya kwaasɨyaraavɨna mala nayaa jɨwannyide'nesɨ.
(Juthɨyai 4-13)
1Nabaai kɨgaakuna sagaa' Yɨzɨrelɨyara Gotɨyareraayaba Gotɨyarɨ wɨ'nawɨjɨwaakya kwaasɨyara mwaalɨna. Sasare sabaaibɨ' kwaasɨ yagaala ja'ne wɨjɨwaakadɨvɨta pwara sarɨmɨ kwaihɨrɨ mwaalɨna yɨhipɨ'dera. Sahwara kumɨrebwina lɨka yulya'dɨvɨ' “Nawɨ'nyainera. Kɨraazɨtɨyareina,” dadɨvɨ' kwaasɨ yagaala pɨnɨnna pɨnɨnnanya a'mweraavɨ kayaaka yɨgalakya'ne yawɨsa dɨpɨ'derera. Naangei kumɨre maremwaaidei kumɨnyɨ mubaka kwara kɨrɨ' sahwarɨna bule'na wɨjaavɨna yɨpɨ'derera. Nabaai sara yadɨvɨ' kumɨ sara kayaaka yɨme'nya'bɨ' yɨma'nɨpɨ'derera. 2Sahwara kwaasɨya' dadɨvɨ' gɨrɨkita'nanya yaasɨwa' avaanna wɨlamaryadaapɨjɨ Kɨraazɨtɨyare pwara a'mwe kwalaalyara kumɨre kayaa'nanya sabura mɨdɨbɨ'derera. Sara yɨpɨ'deraavɨna a'mwe Kɨraazɨtɨyarɨ malɨmwagyara Naangere nebula nawɨ'nya sabwine tusavɨna bɨraiyagaala dɨpɨ'dere. 3Kwaasɨ wɨjɨwaakya dazara gɨlyɨvɨta pwaraavɨrengɨ wabarɨnna yadɨvɨta sarevɨ sarɨmɨre nɨgwianna “Mwagi'naana!” dadɨvɨ' kwaasɨ yagaala kwalaalya yɨhɨthɨpɨ'dere. Kɨrɨ' nabaai kɨgaakuna sasareraavɨna yawɨbwata ja'ne Gotɨyai mena yovɨrawakyaakelyɨ. Sahwaraavɨ kayaaka yɨgalakya'ne' se mwarika. Aawa. Sahwaraavɨna yemwaalɨka.
4Sare' dare'nanyɨ. Mamaaya pwara kɨgaa' kayaa'na yaasaraavɨ, kɨrɨ' Gotɨyai mwanganakyaakere. Aawa. Yɨrorɨlyavɨ kalavuza marapweyɨrakakera mwalyaasara yɨrorɨla wana jɨhɨnyavɨ kuna mwaaiha'. Dahaa' kalavuzavɨ kuna mwaaleva yawɨbwasa'na yemwaaiha'. Sabaaibɨ' Gotɨyai kwaasɨyaraavɨ sara yadei midaaka! 5Nabaai a'mwe sɨnnawɨnyara Gotɨyarɨ bule'na wɨjayaasaraavɨ sai mwanganakyaakere. Aawa. Aalyaaka naange' yɨma'naka kamaramɨlyaa' sarera aalya naangevɨ yɨwɨna yaa'. Kɨrɨ' Nowaai tewaanya yɨda'maraangebwina wɨjɨwakyaakerɨ Gotɨyai nayaa maremwaaina wiaakelyɨ. A'mwe ata purɨdaa'nyɨ pwaraalyara Nowaarenɨdakaavɨya sarerajɨ tewaanna mwaalɨna yaa'. Yɨ nabaai Gotɨyai sara yadei midaaka! 6Sai Anga Sothomɨjɨ Anga Gomorajɨ sabanyaalyaraavɨre kayaa'na yadɨvɨsabwina sɨmunya jɨdayaakelyɨ. Anga naanga sabanyaai Gotɨyai dɨke' yɨra'na kyaa' yune kwaagɨsa'na warɨna. Sai sabanyaarɨ kayaa'nanya' sara karɨvɨkɨryaa' anga naanga sabanyaai yuna kayaaka yɨma'nyɨna yaa'. Sarevɨ nabaai dɨvi Gotɨyarɨna a'mwe bule'na wɨjaavɨpɨjara pwɨya sɨnnawɨnya daza'na yawɨrya'nesɨ. Sa' yawɨta dɨvidaa'nyɨ kumɨnyɨ yɨma'nade'na tɨnna wanganya'ne yaamɨjɨ sa' yaakesɨ. Yɨ nabaai Gotɨyai sara yadei midaaka! 7Nabaai Gotɨyai a'mwe yɨda'maraanga Lotɨmɨ padaihasamaa'na kyaa' sai kayaaka minyaa'. Lotɨmɨ a'mwe kayaa'nanyaraavɨre gɨrɨkita'nanya sabwina sɨmunya' taanginya winaryaakelyɨ. 8Sare' dare'nesɨ. A'mwe yɨda'maraanga dazai sahwaraavɨ tɨnnyaba wɨlawɨmwalyaakei, kumɨre kayaa'nanya yadaapiya tɨnna wanganna yada yuya yɨrɨkerɨkaavɨ kumɨre kayaakyagaala dadaapiya kadɨka wɨ'nyɨna. Gamɨre sɨmunya' yɨda'maraangebwina yadei, sai lɨka yɨwaainada gamɨre sɨmunyavɨ daanga wɨvɨdelyɨ kɨwɨnya dɨnɨkengɨ galazekɨvala sabwi yadaapi. Kɨrɨ' nabaai Gotɨyai sara padaihasamaa'na yadei midaaka! 9Yo, sara yada yaakevɨ a'mwe Gotɨyarɨ mɨdɨdɨvɨsaraavɨ yɨjɨwaala pɨnɨ kwima'nojɨ yɨjɨwaala sabwi marasɨ'nya'na Naangei mena yawɨ'dei sara yannelyɨ. Padaihasamaarannelyɨ. Nabaai dahaakɨgaasɨ yɨrɨka yawɨbwarya'ne kɨgaasɨ a'mwe kayaa'nanyaraavɨre sabwina kayaa'nanya' tɨvɨkɨsa'najɨ mena yawɨ'delyɨ. Yɨ kayaa'nanya' tɨvɨkɨsa'na sahwaraavɨ kuna dɨragɨnna marirakadelyɨ. 10Tɨvɨkɨta naange' dareraavɨnesɨ. A'mwera munyɨ' dɨka yɨdade sabwi mɨdɨdɨvɨ' kayaa'na gɨrɨkita'nanya sabwi yadɨvɨsare. Sara yadɨvɨ' “Gotɨyare yagaalya'najɨ a'mwe naangeraavɨre yagaalya'najɨ yaasɨwa'nanyasɨra,” yawɨ'dɨvɨsare.
A'mwe kwaasɨ dadɨvɨta sahwara yɨ navɨka yɨbwaakadɨvɨ' yune kunnyabwina mɨdɨdɨvɨsare. Nabaai byaannaka kayaa'nanyaraavɨ bɨraiyagaala danganya'na lɨka maalɨka kɨrɨ' myadɨvɨsare. 11Mamaayara dɨragɨnya naangejɨyara a'mwe dazaraavɨ wavɨla'dɨvɨsare. Kɨrɨ' sahwara Naangeryaba byaannakeraavɨ kotɨya wɨmaryadɨvɨ' bɨraiyagaala wɨdadɨvɨtara mɨ'. 12A'mwe dazara yɨkurɨyaawiara yune kɨlaakejɨkɨna mɨdɨdɨvɨta saraavɨre sɨmumaaya kune sabɨsasɨyare. A'mwera yɨkurɨyaawiaraavɨ maa'dɨvɨ' tamakya'nera ganaange' maarakerabɨsare. Yɨ sahwara myawɨranganyadɨvɨsanna, sahɨnɨnna bɨraiyagaala dadɨvɨsare. Yɨkurɨyaawia bwia bura'devaaibɨ' a'mwe dazahwara kayaaka yɨma'nɨpɨ'dere. 13Sahwara kayaa'nanya dala pɨnɨnna pɨnɨnnanya yadɨvɨsaraavɨ kumɨre kayaa'nanyabwina kayaa'nanya daza wɨrɨvɨkɨradere. Sahwara yawɨ'na “Tɨka munne nyabulyɨ biyaaya kwalaalya nɨbainyabulyɨ sawɨta gavegaa' aala! Nemɨ nyɨlyagaa' sara yaana!” Sara yawɨ'na yadɨvɨ' sabwina yɨlaaya'na yadɨvɨsare. Sarɨmɨre tɨka munne sarɨmɨjɨ yɨhye'mwannanadɨvɨ' sarɨmɨnyawɨ kwaasɨya sahwara gɨrɨkita'nanyara wɨlayɨhɨmwaaidɨvɨsare. Sarɨmɨnyɨ yɨwihwaaryabɨsare. Sarɨmɨnyawɨ sara yadɨvɨ' sarɨmɨnyɨ kumɨre kwaasɨya yadɨvɨta sabwina yɨlaaya yadɨvɨsare. 14Kumɨre tɨnnyai yuyagaa' a'mwengɨ wangadɨvɨ' ata lɨmwangebwina ya'nera yawɨ'dɨvɨ' sarevɨ kayaa'na yabwina mwakwasakɨpɨ'dera mɨ'. Aawa nebulyasɨ. A'mwera kumɨre sɨmunya' dɨragɨnya mwaryaderaavɨ wabwiwayagaala wɨdadɨvɨkɨ. Sara yadɨvɨ' kayaa'na ya'neraavɨ makwodɨvɨkɨ. Pwaraavɨre gɨlyɨvɨsangɨ wabarɨnna yabwina sɨmunya mena maa'dɨvɨsara. Sare'na Gotɨyai yuna Dɨkevɨ marasɨ'nadera mwaaihasara! 15Tuta tewaanya yɨda'nanya sarɨkɨna bule'na wɨjaavadɨvɨ' yaasɨwa' yɨraataatakaanya yamarivanɨgasa'na. Sahwara Beyomɨre kaimɨraayai Belaamɨmɨre tusarɨ' mɨdɨmanɨgasare. Sai kayaa'nanyabwi yade nɨgwɨtɨvɨkɨta savɨna yɨma'nya'na nawɨ'nyɨna wɨvu'nakelyɨ. 16Kɨrɨ' gamɨre kayaa'nanya' pari'mata yade sabwina maiyagaalya' yɨma'nyɨna. Jɨlɨkyaawarya dogiyara yagaala majadɨvɨsare. Kɨrɨ' Belaamɨmɨre dogiyai a'mweibɨ' yagaala dɨna yaka sahwarɨ maiyagaala wɨdɨna. Sasare sabwi, wɨ'nawɨjɨwaakya dazai gamɨre yɨraataate yade dazabwi ayɨna ya'na dogiya dazai tusarɨ' kaanya tihɨ'na yaakelyɨ.
17Kwaasɨ wɨjɨwaakadɨvɨta dazara aalɨyɨmɨnya pɨnɨ aalya mwalyuya saa'nya daa'devaaibɨsare. Nabaai kwaakewɨnne yɨraaya yɨhu'maanarya' tɨvɨpaidaa'nyɨ yɨwɨnama'na yadevaaibɨsare. Yɨ waryaanyara. Yaasɨwa'nanya wɨdadɨvɨsare. Sare'na Gotɨyai anga jɨhɨnyaanga naangeba mena yovɨrawaka'. Sahwara kayaa'nanya sahɨbanna wɨpɨ'dere. 18Sare' dare'nanyɨ. A'mwe dazahwara kumɨnne yaya' jaka naanga dadɨvɨta sa' yaasɨwakebulyɨ. Yaasɨwa'na yadɨvɨ' kumɨre yagaala waryaanyabulyɨ. Sahwara a'mwe pwaraavɨ wabwiwayagaala wɨdadɨvɨ' kumɨre munyɨ' dɨka yɨdada kayaa'na gɨrɨkita'nanya yɨya sabwinajɨ dala pɨnɨnna pɨnɨnnanya kɨlaakejɨkɨya kayaa'nanya sabwinajɨ sasare saburɨ a'mwe dazaraavɨ mwagi'namaata yɨvanɨga'. Wana dahaasagaa' dɨragɨnna malɨmwagyadɨvɨsaraavɨre kwaasɨya kayaa'nanyabwi mena yagalya'maveva Naangere tewaanyabwi gaai mɨdɨnna yɨvanɨgasaraavɨ. 19A'mwe kwaasɨya wɨjɨwaakadɨvɨta dazara yune naanga nebulya'na wɨja'na kwaasɨ dɨna “Sarɨmɨre yawɨta sabwi kayaa'nanya pɨnɨ yɨhɨthathɨvalade mɨ'. Kayaa'nanya sa yapɨjɨ kayaaka myɨma'nyɨ tewaanya kuna dɨmwaalyideihɨlyɨ.” Kɨrɨ' kumɨ sara kayaaka yɨnya'ne saburɨ yaasɨwa'wawɨnyara mwaaidɨvɨkɨ. Yɨ dare'nanyɨ. Dɨragɨnya pɨnɨ a'mwerɨ mena wavɨlavojɨyangɨ, a'mwe dazai dɨragɨnya gamɨnyɨ wavɨlavaja sangɨna yaasɨwa'wawɨnyai mwaalɨna. 20Sare' dare'nanyɨ. Sahwara Jizaazai Kɨraazɨtɨyai nemɨre Naangei nevadaihasamaarya'nerɨ mena yawɨramaa'dɨvɨ' sɨduta yawɨta savɨna Kwaakevakɨ yuya gɨrɨkita'nanya warɨka sangɨ yagalya'ma'na. Nabaai aya saburɨ ayɨna lɨmwagapɨjɨ sa' wɨla yɨralɨmwaga'dori dara mwaaibɨ'dere. Aaya mudɨkegaa' Kɨraazɨtɨyarɨ malɨmwagyahaa' kayaa'na mwaalɨna. Kɨrɨ' dɨvi nabaai Naangerɨ yagalya'ma'na yɨpɨja' kayaa'nanya sabwi ayɨna maarapɨjɨ sagaa' wana kayaa'na mwaaibɨ'dere. 21Sare' dare'nanyɨ. Sahwara yɨda'maraanga saburɨne tusa' sɨmunya myawɨramaaryɨ yɨpɨjɨ kwajɨ tewaanya' dɨngaka! Dahaa' tuta sarɨkɨ mena yawɨrangadɨvɨta sara kɨwɨnya nawɨ'nyaanga dɨnɨka daza' maareva kɨrɨ' bule gɨnyɨra'dɨvɨsa' yɨ sa' kayaa'nanaangesɨ. Tɨvɨkɨta naangaange' maapɨ'dere. 22Sahwaraavɨ yɨma'nɨvanɨka dazabwi, yagaaikɨwɨnya nebulya'na dɨnɨka pɨbwi dara dɨnɨ' “Jɨlɨkei gannya kwadaake' ayɨna yɨrɨ'mwannanyɨna. Nabaai yaawaryai aalya mena yɨnakei kwaaka ara'bunyabanya taaka yemannamarina.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.