2 Koridɨ 6
6
1Nemɨ Gotɨyalyɨ wawɨnya ye'mwannayadaanyaina sarɨmɨnyɨ dɨragɨnna dara yɨhɨthɨvanɨgo. Gotɨyare yanga gaimwangebwi mena daape'. Akai, gaimwanga sa' sarɨmɨ yaasɨwa' saba sana yagalya'ma'na nyɨpɨdɨka! 2Sare' darevɨnyɨ. Gotɨyai jaa'. Dara dɨnɨ'
“Nɨmɨre nawɨ'nyagaa' kadɨka gu'neinyɨ.
Yɨrɨka wɨvadaihasamaasa'nerɨkɨ gɨhaimwageinyɨ.”
Nɨmɨ yɨhɨthɨvanɨge. Yɨthaanyi! Dathahaasagaa' gamɨ nawɨ'nyaangegaakɨ. Yɨthaanyi! Dahaa' yɨrɨka wɨvadaihasamaarya'nerɨkɨ.
3Yɨ a'mweraavɨre sɨvɨlyangɨ kurinojɨ sahwara walarya'ne nemɨ kayaa'nanya aane pɨrɨ' kɨrɨ' yadaanyaina mɨ'. “Nemɨ kayaa'na yaaja' a'mwera tɨnna wanganapɨjɨ nemɨ Gotɨyare yagaalya' wɨjɨwakadaanya wawɨnya dazavɨna sahwara yagaala kayaa'nanya' nadɨpɨdɨka!” dona kayaa'nanya aane pɨrɨ' kɨrɨ' yadaanyaina mɨ'. 4Aawa. Yuyangɨ Gotɨyare wɨdaayadɨvɨsara nayaa yadɨvɨtabaaibɨ' nemɨ yuyaraavɨna Gotɨyare yagaalya' wɨdadaanyavɨna tewaanyabwi wibwarɨdakwadaanyaine. Yɨ yuyangɨ dara yadaanyaine. Kwalaalyagaa' kayaa'nanyangɨ dɨragɨnna nebulya'na da'daanyɨ. Yɨ taanga neyɨma'nadaasɨ, yɨ taanginya neyɨma'nada, yɨ kayaaka yɨnɨgɨrasaina mwaidaanyɨ. 5A'mwera nemɨnyɨ malyajɨ neradɨvɨ' kalavuza neyɨrakadɨvɨsaine. Yɨkamaangera nega'mɨjamakwodɨvɨ' jaka kayaa'nanya nedadɨvɨsaine. Nemɨ yagɨyagɨ wawɨnyavɨ nebulya'na marulawakɨdaanyaine. Sawɨta kwalaalyangɨ se mwaryadaanyaine. Nemɨ mɨjɨ'na mwaidaanyaine. Sarevɨdaa'nyɨ pwara dara yawɨranganya'nanyɨ “Taanginya wiadaa'nyɨ kɨrɨ' Gotɨyare wawɨnya' kuna yadɨvɨta sahwara Gotɨyare wɨdaayadɨvɨta nebulya'nanyarera.” 6Nemɨ tewaanya yɨda'nanyabwina yadaanyaine. Yadaanyagaa' yawɨta nawɨ'nyabwi lɨmwaga'daa mayagaala yarai dadaanyaina mɨ'. Nemɨ a'mweraavɨ tewaanya nawɨ'nya pada'galayadaanyaine. Nemɨ Kurya Tewaanyare yange kɨnɨnnakeine. A'mwe Kɨraazɨtɨyareraavɨna tewaanya nevu'nya sabwi yune maangi'nanya'na mɨ'. 7Nemɨ yagaala nebulya'nanya' wɨjɨwakadaanyaine. Nemɨ Gotɨyare dɨragɨnyavɨ gamɨre wawɨnya' yadaanyaine. Sareinaavɨna pwara nayaa dara yawɨpɨne'na “O, sahwara Gotɨyare wɨdaayadɨvɨta tewaanyara daaka!” yɨ nemɨ sara yadaanyaine. Nabaai tewaanya yɨda'maraangebwi lɨmwaga'daa, aangasɨrɨ kwaari'masɨramɨnya' wa'da kwanaamirɨ saabya' wa'devaaibɨ' kayaa'nanyabulyɨ nemɨ mala tannadaanyaine. 8Nemɨnyɨne wawɨnya'na a'mwe pwara nemɨnne yaya munyaba makidɨvɨsaine. Yɨ pwara nemɨnne yaya kwaakewɨ marulawakadɨvɨsaine. Nemɨnyɨna pwara yagaala kayaa'nanyajɨ bulayagaalyajɨ dadɨvɨsaine. Yɨ pwara a'mwe pwaraavɨ nemɨnyɨna wɨdadɨvɨsaine “Sahwara wawɨnya' tewaanya yadɨvɨsarera.” Apozelɨyaina Gotɨyare wawɨnya' kuna nayaa yadaanyaine. Yɨ a'mwe pwara nemɨnyɨna yagaala ge dɨpɨja' nayaa yadaanyaine. Pwara nemɨnyɨna dara yawɨ'dɨvɨsaine “A'mwe sara kwaasɨ yagaala dadɨvɨsare.” Kɨrɨ' aawa. Nemɨ yagaalya' nebulya'na dadaanyaine. 9Pwara neyawɨrangadɨvɨtaina mɨ'. Kɨrɨ' a'mwe kwalaalyara neyawɨranganamaa'dɨvɨsaine. Nemɨ baidaa kɨrɨ', yɨthaanyi, nemɨ gaala kuna mwaaiho. Gotɨyai nemɨnyɨ yavada'gala ya'nei tamamwaaihaderabɨsaine. Kɨrɨ' sahwai yuna maneramakyadeine. 10Nemɨnyɨ kale neyɨvanɨ'. Kɨrɨ' yuyagaa' nemɨ yɨlaaya yadaanyaine. A'mwe gɨlyɨvɨta maayainabɨ' mwaidaanyaine. Kɨrɨ' nawɨ'nya kɨnɨnnakeina nebulya'nanya a'mwe kwalaalyaraavɨna wɨjavadaanyaine. Nemɨ gɨlyɨvɨta aane pɨmɨlɨ' kɨmɨlɨ' kɨnɨnnakeina mɨ'. Kɨrɨ' yuya nawɨ'nya gazaza lɨmwagakoine. Yɨ yuya sanna yadaa dara wibwarɨdaakwɨvanɨgo. Sahwaina Gotɨyare wɨdayadaanya nebulya'nanyaine.
11Sarɨmɨ Koridɨ mwaalyaihi, nemɨ sarɨmɨnyɨ yagaalya' ku'maayaba jalɨkurakya'neina maanga naangeva'na tavadɨwo. Nemɨ sarɨmɨnyɨ maarya'neba nemɨre kale naanga yɨma'nɨwa'. 12Nemɨre sɨmunya' sarɨmɨnyɨna tihɨrakamaremwaala miwo. Aawa. Nemɨnyɨ sarɨmɨnyɨna tewaanya nevu'nɨvanɨ'. Kɨrɨ' sarɨmɨ saihi sarɨnnya sɨmunya' tihɨrakamaremwaaiha'. Yɨ nemɨjɨ avaaizɨmunya nebulya'na mamwaalyɨga'. 13Ganɨmaangei gannya kaimɨraayangɨ wɨdadevaaibɨ' dahaa' yɨhɨthɨvanɨge. Nemɨre dazabwina ayɨna tɨvɨkɨrya'ne' nemɨnyɨ maarya'neba sarɨmɨ kwaihɨlyɨ sarɨmɨre kale naanga yɨma'nana!
14Mu'nyadɨvɨsara sahwara yɨ pwarabɨsare. Sarɨmɨ kumɨrebwina mye'mwannayamaripɨna! Yadɨvɨ' kunnya sahwaraavɨre saburɨ gaimwanga mipɨna! Sare' darevɨnyɨ. Yɨda'maraanga sabulyɨ kɨwɨnyavɨ galazekɨvala sabulyɨ sawaai gatha'dara ye'mwannayɨkadewaalaka! Baakesɨ jɨhɨnyasɨ gatha'dara ye'mwannayɨrakurikadewaalaka! 15Nabaai Kɨraazɨtɨyai Kamaalyalyɨ avaaizɨmunya'na ye'mwannadathei dɨngaka! A'mwe Kɨraazɨtɨyarɨ dɨragɨnna lɨmwadelyɨ Kɨraazɨtɨyarɨ malɨmwagyadelyɨ saraai sɨmunya gave pɨrɨ'na lɨmwagikaderaai daa! 16Gotɨyare anga tewaanyasɨ kwaasɨgotɨyarajɨ marirakurakɨpɨ'de' daaka! Sare' darevɨnyɨ. Nemɨ Kɨraazɨtɨyareina Gotɨyai gaala kɨnɨnnakere anga tewaanyasɨra. Gotɨyai jaakabaaibɨsasɨ. Yɨ dara dɨnɨ'
“Nɨmɨ sahwaraavɨ wɨlamwaalɨdeinyɨ.
Sahwaraayaba kaanya yamarideinyɨ.
Kumɨre Gotɨyainyɨ mwaalɨdeinyɨ
Nɨmɨnyɨne a'mwera mwaaibɨ'dere.”
17Sarevɨ Naangei ayahi pɨrɨsɨ jaa'
“Pwaraavɨ tɨnnyaba nayaa jahalya'mayɨla!
Sahwaraavɨ menyawɨ sarɨmɨ dɨmwaalyɨla!
Gɨrɨkita'nanya aane pɨrɨ' kɨrɨ' malɨmwabɨna!
Nɨmɨ sainyɨ sarɨmɨnyɨ yɨhɨmaarɨdeinyɨ.”
18“ ‘Nɨmɨ sarɨmɨnyɨ Sɨrɨnɨmaangeinyɨ mwaalɨdeinyɨ.
Sarɨmɨ nyɨgwaalaangeihɨlyɨ nyɨraavaangengihɨlyɨ dɨmwaalyideihɨlyɨ!’
Naangei dɨragɨnya yuya kɨnɨnnakei sasara dadelyɨ.”
Currently Selected:
2 Koridɨ 6: byr
Highlight
Copy
Compare
Share
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
2 Koridɨ 6
6
1Nemɨ Gotɨyalyɨ wawɨnya ye'mwannayadaanyaina sarɨmɨnyɨ dɨragɨnna dara yɨhɨthɨvanɨgo. Gotɨyare yanga gaimwangebwi mena daape'. Akai, gaimwanga sa' sarɨmɨ yaasɨwa' saba sana yagalya'ma'na nyɨpɨdɨka! 2Sare' darevɨnyɨ. Gotɨyai jaa'. Dara dɨnɨ'
“Nɨmɨre nawɨ'nyagaa' kadɨka gu'neinyɨ.
Yɨrɨka wɨvadaihasamaasa'nerɨkɨ gɨhaimwageinyɨ.”
Nɨmɨ yɨhɨthɨvanɨge. Yɨthaanyi! Dathahaasagaa' gamɨ nawɨ'nyaangegaakɨ. Yɨthaanyi! Dahaa' yɨrɨka wɨvadaihasamaarya'nerɨkɨ.
3Yɨ a'mweraavɨre sɨvɨlyangɨ kurinojɨ sahwara walarya'ne nemɨ kayaa'nanya aane pɨrɨ' kɨrɨ' yadaanyaina mɨ'. “Nemɨ kayaa'na yaaja' a'mwera tɨnna wanganapɨjɨ nemɨ Gotɨyare yagaalya' wɨjɨwakadaanya wawɨnya dazavɨna sahwara yagaala kayaa'nanya' nadɨpɨdɨka!” dona kayaa'nanya aane pɨrɨ' kɨrɨ' yadaanyaina mɨ'. 4Aawa. Yuyangɨ Gotɨyare wɨdaayadɨvɨsara nayaa yadɨvɨtabaaibɨ' nemɨ yuyaraavɨna Gotɨyare yagaalya' wɨdadaanyavɨna tewaanyabwi wibwarɨdakwadaanyaine. Yɨ yuyangɨ dara yadaanyaine. Kwalaalyagaa' kayaa'nanyangɨ dɨragɨnna nebulya'na da'daanyɨ. Yɨ taanga neyɨma'nadaasɨ, yɨ taanginya neyɨma'nada, yɨ kayaaka yɨnɨgɨrasaina mwaidaanyɨ. 5A'mwera nemɨnyɨ malyajɨ neradɨvɨ' kalavuza neyɨrakadɨvɨsaine. Yɨkamaangera nega'mɨjamakwodɨvɨ' jaka kayaa'nanya nedadɨvɨsaine. Nemɨ yagɨyagɨ wawɨnyavɨ nebulya'na marulawakɨdaanyaine. Sawɨta kwalaalyangɨ se mwaryadaanyaine. Nemɨ mɨjɨ'na mwaidaanyaine. Sarevɨdaa'nyɨ pwara dara yawɨranganya'nanyɨ “Taanginya wiadaa'nyɨ kɨrɨ' Gotɨyare wawɨnya' kuna yadɨvɨta sahwara Gotɨyare wɨdaayadɨvɨta nebulya'nanyarera.” 6Nemɨ tewaanya yɨda'nanyabwina yadaanyaine. Yadaanyagaa' yawɨta nawɨ'nyabwi lɨmwaga'daa mayagaala yarai dadaanyaina mɨ'. Nemɨ a'mweraavɨ tewaanya nawɨ'nya pada'galayadaanyaine. Nemɨ Kurya Tewaanyare yange kɨnɨnnakeine. A'mwe Kɨraazɨtɨyareraavɨna tewaanya nevu'nya sabwi yune maangi'nanya'na mɨ'. 7Nemɨ yagaala nebulya'nanya' wɨjɨwakadaanyaine. Nemɨ Gotɨyare dɨragɨnyavɨ gamɨre wawɨnya' yadaanyaine. Sareinaavɨna pwara nayaa dara yawɨpɨne'na “O, sahwara Gotɨyare wɨdaayadɨvɨta tewaanyara daaka!” yɨ nemɨ sara yadaanyaine. Nabaai tewaanya yɨda'maraangebwi lɨmwaga'daa, aangasɨrɨ kwaari'masɨramɨnya' wa'da kwanaamirɨ saabya' wa'devaaibɨ' kayaa'nanyabulyɨ nemɨ mala tannadaanyaine. 8Nemɨnyɨne wawɨnya'na a'mwe pwara nemɨnne yaya munyaba makidɨvɨsaine. Yɨ pwara nemɨnne yaya kwaakewɨ marulawakadɨvɨsaine. Nemɨnyɨna pwara yagaala kayaa'nanyajɨ bulayagaalyajɨ dadɨvɨsaine. Yɨ pwara a'mwe pwaraavɨ nemɨnyɨna wɨdadɨvɨsaine “Sahwara wawɨnya' tewaanya yadɨvɨsarera.” Apozelɨyaina Gotɨyare wawɨnya' kuna nayaa yadaanyaine. Yɨ a'mwe pwara nemɨnyɨna yagaala ge dɨpɨja' nayaa yadaanyaine. Pwara nemɨnyɨna dara yawɨ'dɨvɨsaine “A'mwe sara kwaasɨ yagaala dadɨvɨsare.” Kɨrɨ' aawa. Nemɨ yagaalya' nebulya'na dadaanyaine. 9Pwara neyawɨrangadɨvɨtaina mɨ'. Kɨrɨ' a'mwe kwalaalyara neyawɨranganamaa'dɨvɨsaine. Nemɨ baidaa kɨrɨ', yɨthaanyi, nemɨ gaala kuna mwaaiho. Gotɨyai nemɨnyɨ yavada'gala ya'nei tamamwaaihaderabɨsaine. Kɨrɨ' sahwai yuna maneramakyadeine. 10Nemɨnyɨ kale neyɨvanɨ'. Kɨrɨ' yuyagaa' nemɨ yɨlaaya yadaanyaine. A'mwe gɨlyɨvɨta maayainabɨ' mwaidaanyaine. Kɨrɨ' nawɨ'nya kɨnɨnnakeina nebulya'nanya a'mwe kwalaalyaraavɨna wɨjavadaanyaine. Nemɨ gɨlyɨvɨta aane pɨmɨlɨ' kɨmɨlɨ' kɨnɨnnakeina mɨ'. Kɨrɨ' yuya nawɨ'nya gazaza lɨmwagakoine. Yɨ yuya sanna yadaa dara wibwarɨdaakwɨvanɨgo. Sahwaina Gotɨyare wɨdayadaanya nebulya'nanyaine.
11Sarɨmɨ Koridɨ mwaalyaihi, nemɨ sarɨmɨnyɨ yagaalya' ku'maayaba jalɨkurakya'neina maanga naangeva'na tavadɨwo. Nemɨ sarɨmɨnyɨ maarya'neba nemɨre kale naanga yɨma'nɨwa'. 12Nemɨre sɨmunya' sarɨmɨnyɨna tihɨrakamaremwaala miwo. Aawa. Nemɨnyɨ sarɨmɨnyɨna tewaanya nevu'nɨvanɨ'. Kɨrɨ' sarɨmɨ saihi sarɨnnya sɨmunya' tihɨrakamaremwaaiha'. Yɨ nemɨjɨ avaaizɨmunya nebulya'na mamwaalyɨga'. 13Ganɨmaangei gannya kaimɨraayangɨ wɨdadevaaibɨ' dahaa' yɨhɨthɨvanɨge. Nemɨre dazabwina ayɨna tɨvɨkɨrya'ne' nemɨnyɨ maarya'neba sarɨmɨ kwaihɨlyɨ sarɨmɨre kale naanga yɨma'nana!
14Mu'nyadɨvɨsara sahwara yɨ pwarabɨsare. Sarɨmɨ kumɨrebwina mye'mwannayamaripɨna! Yadɨvɨ' kunnya sahwaraavɨre saburɨ gaimwanga mipɨna! Sare' darevɨnyɨ. Yɨda'maraanga sabulyɨ kɨwɨnyavɨ galazekɨvala sabulyɨ sawaai gatha'dara ye'mwannayɨkadewaalaka! Baakesɨ jɨhɨnyasɨ gatha'dara ye'mwannayɨrakurikadewaalaka! 15Nabaai Kɨraazɨtɨyai Kamaalyalyɨ avaaizɨmunya'na ye'mwannadathei dɨngaka! A'mwe Kɨraazɨtɨyarɨ dɨragɨnna lɨmwadelyɨ Kɨraazɨtɨyarɨ malɨmwagyadelyɨ saraai sɨmunya gave pɨrɨ'na lɨmwagikaderaai daa! 16Gotɨyare anga tewaanyasɨ kwaasɨgotɨyarajɨ marirakurakɨpɨ'de' daaka! Sare' darevɨnyɨ. Nemɨ Kɨraazɨtɨyareina Gotɨyai gaala kɨnɨnnakere anga tewaanyasɨra. Gotɨyai jaakabaaibɨsasɨ. Yɨ dara dɨnɨ'
“Nɨmɨ sahwaraavɨ wɨlamwaalɨdeinyɨ.
Sahwaraayaba kaanya yamarideinyɨ.
Kumɨre Gotɨyainyɨ mwaalɨdeinyɨ
Nɨmɨnyɨne a'mwera mwaaibɨ'dere.”
17Sarevɨ Naangei ayahi pɨrɨsɨ jaa'
“Pwaraavɨ tɨnnyaba nayaa jahalya'mayɨla!
Sahwaraavɨ menyawɨ sarɨmɨ dɨmwaalyɨla!
Gɨrɨkita'nanya aane pɨrɨ' kɨrɨ' malɨmwabɨna!
Nɨmɨ sainyɨ sarɨmɨnyɨ yɨhɨmaarɨdeinyɨ.”
18“ ‘Nɨmɨ sarɨmɨnyɨ Sɨrɨnɨmaangeinyɨ mwaalɨdeinyɨ.
Sarɨmɨ nyɨgwaalaangeihɨlyɨ nyɨraavaangengihɨlyɨ dɨmwaalyideihɨlyɨ!’
Naangei dɨragɨnya yuya kɨnɨnnakei sasara dadelyɨ.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.