KAPINTARAN RI SALOMO 2
2
Pangkaraan ru ulun malaat
1Kalo noyo motopot pangkaraan ru ulun malaat amon ru mindagu ilo ra, “Bayag ti mariwa' am makangiluk ra guang. Amon ru ulun masuku' patayan nilono, kolondo' noyo makapamayag risilo. Kalo igondo' korongog ra mokoondo' ulun ondo' maayag saguli' intor ra kapatayan. 2Amon ru inanak takau ayuk toojo am malupus bayag ragitio pupusin, baal takano mogondo' ayuk, koson ayuk ra kalo nakaili' soroi. Painawo takau lisun ayuk, am pangkaraan takau koson ra simbula' ru apui ra sisikou ru pusu' takau. 3Paat ra apui no malasa', inan takano matutuk masauk ra kaau am ambiluo takano sasiab-siab koson ra angin. 4Buoi-kabuoi binaal takano lilianin am inggalan takano kalo bagu karaan. Bayag takati mansail koson ra ugar ru gaun kapoam kabus ondo' mapaliot ralalom lasu' ru orou. 5Paat ru bayag takau koson ra babara' mansail. Kalo lair sumaguli' takau intor ra kapatayan, sabap baal ragitio inaru' noyo toojo am kolondo' ralan sumaguli'.”
6 Ulun malaat mindagu ra, “Sia' takano ra ngaangai' atan ondo' moonsoi ra ralalom ru bayag ragitio am mataki' onongon ngaangai' ondo' natampos noyo ra tana' ti koson paat ra kinamuloko' takali. 7Ibok panginum takano ra ruu' ru anggur ondo' mologo am pagumau ra maamis owou maya' ra saga' ru guang; pai' noyo panatang ra rondo' pana busak bulintok mambusak. 8Pansikot takano ra busak ru ros ra ulu takano ra buoi ru lakat poyo mungkalar am kalo poyo lumonot. 9Moonsoi noyo maya' takau ngaangai' ra bunsag lalayau am manatang ra tatandu'-tatandu' ru kaansukan ra ati-ati ayuk; ginio noyo longgom takau am tayar takau!”
Paliso ru ulun malaat ra ulun moonsoi
10Kon ru ulun malaat, “Ibok imboloo' takau ulun musikin ondo' moonsoi; pai' pakaasi' ra napuor am pai' umparaa' ulun matutuo. 11Sabap itakau maikang; itakau noyo motopot. Ulun malawo mapandayan toojo ra kolondo' onong. 12Paguyum takano ra kaluagan koson manginggi' ra ulun moonsoi, sabap ilo ti mantipagon ritakau am manggal ra binaal takano. Uwin takau minanggal ra Ukum ri Musa am asabin sabap ra sinonsol inigigilaan takau. 13Kon ra makaulig ilo ri Aki Kapuuno' am mangiou ilo ra anak ru Tuhan. 14Koson ritakau ilo no pangiisan ra pangkaraan takau; magilong ayuk risilo maruol noyo ra pampalimanan. 15Koson raginio baal no sabap ra ilo no sala' ka ulun kaindalaman; ngaangai' paliso nilono sala' toojo. 16Mangkara' ilo ra itakau mamparuung am minggalur ra baal ru kaayagan takau koson ayuk ra baal raginio makajaka'. Lumimbau ilo ra i Aki Kapuuno' no Ama' nilo am mangintopot ilo ra ulun moonsoi matasu' paat ra pupus ru bayag nilo. 17Kinami' takano ilai' ru motopot ragu nilono am atan ondo' masauk paat ra ilo matoi. 18Amon ru ulun moonsoi raginio totopot anak ri Aki Kapuuno', maaru' mangindangan i Aki Kapuuno' am mamayag risilo intor ra kuasa' ru pantula'. 19Ginio ra kinami' takano ilo am imboloo' takano ilo ra moporos, maa' raginio makapandai ra ati polos ru kinolomoi am kataanan ru guang nilono. 20Ibok ukumi' takano ilo ra ukuman matoi ondo' mapakauyu', sabap ra kon nilo ra i Aki Kapuuno' totopot matong mangindangan risilo!”
Ulun malaat nakalayau
21Ginio noyo pangkaraan ru ulun malaat, kaa' nakalayau ilo sabap ra binolou ilo ru kalaatan nilai no galama'. 22Kalo makaulig ilo ra sauk ondo' inopot-inopot ri Aki Kapuuno' am kalo maringkuanang kapoam malansan ra balos moonsoi ra ulun ondo' maayag ra mapasau am niayuk kalo magusun ra balos moonsoi ra ulun ondo' kolondo' kalaatan. 23 I Aki Kapuuno' napasauk ritakau koson maayag ra mantilayun; Io napasauk ritakau sumugut ra inan Nano galama'. 24Kaa' sabap ra riwato sumolon, kapatayan siminubol ra tana' ti, am ulun ondo' mangintopot ra riwato mokoowot ra patayan.
Currently Selected:
KAPINTARAN RI SALOMO 2: TMT
Highlight
Share
Copy
Want to have your highlights saved across all your devices? Sign up or sign in
Hakcipta © Bible Society of Malaysia, 2013.
KAPINTARAN RI SALOMO 2
2
Pangkaraan ru ulun malaat
1Kalo noyo motopot pangkaraan ru ulun malaat amon ru mindagu ilo ra, “Bayag ti mariwa' am makangiluk ra guang. Amon ru ulun masuku' patayan nilono, kolondo' noyo makapamayag risilo. Kalo igondo' korongog ra mokoondo' ulun ondo' maayag saguli' intor ra kapatayan. 2Amon ru inanak takau ayuk toojo am malupus bayag ragitio pupusin, baal takano mogondo' ayuk, koson ayuk ra kalo nakaili' soroi. Painawo takau lisun ayuk, am pangkaraan takau koson ra simbula' ru apui ra sisikou ru pusu' takau. 3Paat ra apui no malasa', inan takano matutuk masauk ra kaau am ambiluo takano sasiab-siab koson ra angin. 4Buoi-kabuoi binaal takano lilianin am inggalan takano kalo bagu karaan. Bayag takati mansail koson ra ugar ru gaun kapoam kabus ondo' mapaliot ralalom lasu' ru orou. 5Paat ru bayag takau koson ra babara' mansail. Kalo lair sumaguli' takau intor ra kapatayan, sabap baal ragitio inaru' noyo toojo am kolondo' ralan sumaguli'.”
6 Ulun malaat mindagu ra, “Sia' takano ra ngaangai' atan ondo' moonsoi ra ralalom ru bayag ragitio am mataki' onongon ngaangai' ondo' natampos noyo ra tana' ti koson paat ra kinamuloko' takali. 7Ibok panginum takano ra ruu' ru anggur ondo' mologo am pagumau ra maamis owou maya' ra saga' ru guang; pai' noyo panatang ra rondo' pana busak bulintok mambusak. 8Pansikot takano ra busak ru ros ra ulu takano ra buoi ru lakat poyo mungkalar am kalo poyo lumonot. 9Moonsoi noyo maya' takau ngaangai' ra bunsag lalayau am manatang ra tatandu'-tatandu' ru kaansukan ra ati-ati ayuk; ginio noyo longgom takau am tayar takau!”
Paliso ru ulun malaat ra ulun moonsoi
10Kon ru ulun malaat, “Ibok imboloo' takau ulun musikin ondo' moonsoi; pai' pakaasi' ra napuor am pai' umparaa' ulun matutuo. 11Sabap itakau maikang; itakau noyo motopot. Ulun malawo mapandayan toojo ra kolondo' onong. 12Paguyum takano ra kaluagan koson manginggi' ra ulun moonsoi, sabap ilo ti mantipagon ritakau am manggal ra binaal takano. Uwin takau minanggal ra Ukum ri Musa am asabin sabap ra sinonsol inigigilaan takau. 13Kon ra makaulig ilo ri Aki Kapuuno' am mangiou ilo ra anak ru Tuhan. 14Koson ritakau ilo no pangiisan ra pangkaraan takau; magilong ayuk risilo maruol noyo ra pampalimanan. 15Koson raginio baal no sabap ra ilo no sala' ka ulun kaindalaman; ngaangai' paliso nilono sala' toojo. 16Mangkara' ilo ra itakau mamparuung am minggalur ra baal ru kaayagan takau koson ayuk ra baal raginio makajaka'. Lumimbau ilo ra i Aki Kapuuno' no Ama' nilo am mangintopot ilo ra ulun moonsoi matasu' paat ra pupus ru bayag nilo. 17Kinami' takano ilai' ru motopot ragu nilono am atan ondo' masauk paat ra ilo matoi. 18Amon ru ulun moonsoi raginio totopot anak ri Aki Kapuuno', maaru' mangindangan i Aki Kapuuno' am mamayag risilo intor ra kuasa' ru pantula'. 19Ginio ra kinami' takano ilo am imboloo' takano ilo ra moporos, maa' raginio makapandai ra ati polos ru kinolomoi am kataanan ru guang nilono. 20Ibok ukumi' takano ilo ra ukuman matoi ondo' mapakauyu', sabap ra kon nilo ra i Aki Kapuuno' totopot matong mangindangan risilo!”
Ulun malaat nakalayau
21Ginio noyo pangkaraan ru ulun malaat, kaa' nakalayau ilo sabap ra binolou ilo ru kalaatan nilai no galama'. 22Kalo makaulig ilo ra sauk ondo' inopot-inopot ri Aki Kapuuno' am kalo maringkuanang kapoam malansan ra balos moonsoi ra ulun ondo' maayag ra mapasau am niayuk kalo magusun ra balos moonsoi ra ulun ondo' kolondo' kalaatan. 23 I Aki Kapuuno' napasauk ritakau koson maayag ra mantilayun; Io napasauk ritakau sumugut ra inan Nano galama'. 24Kaa' sabap ra riwato sumolon, kapatayan siminubol ra tana' ti, am ulun ondo' mangintopot ra riwato mokoowot ra patayan.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Hakcipta © Bible Society of Malaysia, 2013.