KASAUKAN 44
44
Sangkir ra natatak
1Panusub i Jusup ra ulipon magalung ra baloi nano, “Suangi' karung ru ulun-ulun raginio ra gandum polos ra maibit nilo am pasuango' ruit nilono sigagama' ra karung nilono. 2Pasuango' sangkir pirok kuno ra karung ru pupusan no pabayaa' ra ruit pambayar no ra gandum no.” Gagayaa' ru ulipon no nanusuban ri Jusup no. 3Katawang ra suabon no, rinondom atari' sangkaaka' no ra ralan nababaya' ra kaladai nilono. 4Pakaugar ilo ra kukula' galur intor ra bandar no, indagu i Jusup ra ulipon magalung ra baloi nano, “Ilowo' ulun ra raitii' ni. Masunu' mu ilo, kuati' ilo, ‘Kua balasi' min kaansayan ra kalaatan? 5Kua tokowo' min sangkir pirok ru tuan mai?#Rondo' pangaligan ragu nakalair:Kua tokowo' min sangkir ru tuan mai? Ralalom ragu Ibrani, kolondo' ragu ragitio. Sangkir raginio noyo panginuman nano am ondo' pangilong nano ra atan masauk ra orou matong no. Nambaal kau ra kalaatan maayo!’ ”
6Pakainggaar ulipon no risilo, raguo' no saguli' atan pinabala' ri Jusup i. 7Taam ilo ra ulipon no, “Tuan, atan arati' muno minindagu raginii? Magibot akai ra kalo binaal mai ginio. 8Tuan, nakapandai kou ra pinasaguli' mai noyo rirun intor ra tana' ru Kanaan ruit ra natuum mai ra karung maili. Kua poyo pantakou akai ra pirok kapoam mas intor ra baloi ru gabenor? 9Tuan, amon ru sangulun intor ramon ti narampatan makakuliamos raginio, ukumin io ra potoyon am masauk akai ra ulipon muno.”
10Indagu ulipon no, “Mangiou aku, kaa' ulun ondo' narampatan makasangkir raginio ayuk masauk ra ulipon kuno, bokon no makalabus.” 11Indibaki' nilo patuuno' karung nilo sigagama' am bungkalaro' nilo. 12Uliato' toojo ru ulipon ri Jusup no, intari' no ra katuaan suku' ra pupusan, am soroi sangkir no ra karung ri Binjamin. 13Mangiluk kaga' sangkaaka' no saboi ririlako' nilo bayang nilono. Pangkayango' nilo kaladai nilono am ruli' ra bandar no.
14Pakasaboi i Jiuda ilo sangkaaka' ra baloi ri Jusup, lakat poyo soroi i Jusup ra giu' i. Samba ilo riso, 15am indagu i Jusup, “Atan kia binaal mini? Kalo kia nakapandai kau ra ulun koson raki' ti mapandai mangilong ra binaal mini mansail ra kapandayan kuno?”
16Taam i Jiuda, “Tuan, atan kia paraguon mai rirun? Atan koson kia akai mansang? Atan koson kia akai magisaung? Pinatalang noyo ri Aki Kapuuno' sala maiti. Raino, akai ngaangai' ti ulipon muno am sala' ka ayuk ra ulun ondo' narampatan makasangkir raginio.”
17Indagu i Jusup, “Kalo! Kalo toojo baalon ku ginio! Ulun narampatan makasangkir no ayuk ondo' masauk ra ulipon kuno. Bokon no makauli' ra ama' mini ra matanda'.”
Manaung i Jiuda ri Binjamin
18Inggaar i Jiuda ri Jusup am indagu, “Tuan, makimaap aku, paindaguo' aku poyo galing. Pai' noyo sangit raki'. Okou ti koson ra raja' galama'. 19Tuan, nangkuot kono ramon, ‘Lakat poyo kia makaama' kau kapoam makapagaka' ungkuyon kau ra bokon?’ 20Taam akai, ‘Matutuo noyo ama' maino am pupusan maino inanak paat ri ama' matutuo noyo kaga'. Pongkotob nali ra rondo' ina' am ama' minatoi noyo. Raino io sangulun ayuk soroi intor ra anak ru ina' nano, am motogom kaga' i ama' riso.’ 21Tuan, nanusub kou ramon magibit riso ragiti, maa' raginio makailong kou riso. 22Taam akai boo ra kalo makapansuai ilo magama' no. Amon ru binaal no ginio, matoi ama' nano. 23Kamu boo, ‘Kalo makatuum kau raki' amon ru kalo ibiton min pupusan mini.’
24Pakauli' akai ri ama', patunungo' mai riso atan ondo' rinagu muli. 25Io pana indagu, ‘Saguli' kau poyo ra Misir am bali kau kasanganu ra gandum ra akanon takau.’ 26Taam akai, ‘Kalo makatuum akai ra gabenor no amon ru kalo ibiton mai pupusan maino. Mugar akai amon makaaya' ramon pupusan no.’ 27Indagu ama' mai, ‘Nakapandai kau ra andu' kuli i Ragil naganak ra ruo ngaulun anak ungkuyon ayuk. 28Sangulun intor risilo nangiruan noyo raki'. Maaru' sinaam io noyo ru bibiag masigo, sabap ra saboi raino kalo boo nakito ku io. 29Amon ru alapon min pupusan ti intor raki' raino, am amon ru makakalaatan masauk riso, sonor ru kangilukan porotongon min raki' no mangkinibit ra patayan kuno, sabap ra matutuo aku noyo.’ ”
30-31Tungguli' poyo ri Jiuda, “Tuan, sabap raginio, amon ru muli' aku ra ama' kuno am kalio ibiton ku anak ti, maaru' matoi ama' mai. Painawo nano pinalansan no ra anak ti, ama' mai matutuo noyo am kangilukan ondo' porotongon mai riso makapamatoi riso. 32Ginio nai poyo binantu' ku noyo ra ama' kuno ra alungin ku anak ti. Minindagu aku riso ra amon ru kalo saguliin ku anak ti riso, aku mangapu ra ukuman ra sabuoi-buoi no. 33Tuan, kitaakon ku sauko' aku ra ulipon muno malit ra pupusan maiti, paulio' noyo io mabaya' ra pagaka'-pagaka' nano. 34Atan koson aku muli' ra ama' maino amon ru anak ti kalio mabaya' ramon? Kalo mokoorot aku magilong ra baal makalalaa' no makatiu' ra ama' maino.”
Currently Selected:
KASAUKAN 44: TMT
Highlight
Copy
Compare
Share
Want to have your highlights saved across all your devices? Sign up or sign in
Hakcipta © Bible Society of Malaysia, 2013.
KASAUKAN 44
44
Sangkir ra natatak
1Panusub i Jusup ra ulipon magalung ra baloi nano, “Suangi' karung ru ulun-ulun raginio ra gandum polos ra maibit nilo am pasuango' ruit nilono sigagama' ra karung nilono. 2Pasuango' sangkir pirok kuno ra karung ru pupusan no pabayaa' ra ruit pambayar no ra gandum no.” Gagayaa' ru ulipon no nanusuban ri Jusup no. 3Katawang ra suabon no, rinondom atari' sangkaaka' no ra ralan nababaya' ra kaladai nilono. 4Pakaugar ilo ra kukula' galur intor ra bandar no, indagu i Jusup ra ulipon magalung ra baloi nano, “Ilowo' ulun ra raitii' ni. Masunu' mu ilo, kuati' ilo, ‘Kua balasi' min kaansayan ra kalaatan? 5Kua tokowo' min sangkir pirok ru tuan mai?#Rondo' pangaligan ragu nakalair:Kua tokowo' min sangkir ru tuan mai? Ralalom ragu Ibrani, kolondo' ragu ragitio. Sangkir raginio noyo panginuman nano am ondo' pangilong nano ra atan masauk ra orou matong no. Nambaal kau ra kalaatan maayo!’ ”
6Pakainggaar ulipon no risilo, raguo' no saguli' atan pinabala' ri Jusup i. 7Taam ilo ra ulipon no, “Tuan, atan arati' muno minindagu raginii? Magibot akai ra kalo binaal mai ginio. 8Tuan, nakapandai kou ra pinasaguli' mai noyo rirun intor ra tana' ru Kanaan ruit ra natuum mai ra karung maili. Kua poyo pantakou akai ra pirok kapoam mas intor ra baloi ru gabenor? 9Tuan, amon ru sangulun intor ramon ti narampatan makakuliamos raginio, ukumin io ra potoyon am masauk akai ra ulipon muno.”
10Indagu ulipon no, “Mangiou aku, kaa' ulun ondo' narampatan makasangkir raginio ayuk masauk ra ulipon kuno, bokon no makalabus.” 11Indibaki' nilo patuuno' karung nilo sigagama' am bungkalaro' nilo. 12Uliato' toojo ru ulipon ri Jusup no, intari' no ra katuaan suku' ra pupusan, am soroi sangkir no ra karung ri Binjamin. 13Mangiluk kaga' sangkaaka' no saboi ririlako' nilo bayang nilono. Pangkayango' nilo kaladai nilono am ruli' ra bandar no.
14Pakasaboi i Jiuda ilo sangkaaka' ra baloi ri Jusup, lakat poyo soroi i Jusup ra giu' i. Samba ilo riso, 15am indagu i Jusup, “Atan kia binaal mini? Kalo kia nakapandai kau ra ulun koson raki' ti mapandai mangilong ra binaal mini mansail ra kapandayan kuno?”
16Taam i Jiuda, “Tuan, atan kia paraguon mai rirun? Atan koson kia akai mansang? Atan koson kia akai magisaung? Pinatalang noyo ri Aki Kapuuno' sala maiti. Raino, akai ngaangai' ti ulipon muno am sala' ka ayuk ra ulun ondo' narampatan makasangkir raginio.”
17Indagu i Jusup, “Kalo! Kalo toojo baalon ku ginio! Ulun narampatan makasangkir no ayuk ondo' masauk ra ulipon kuno. Bokon no makauli' ra ama' mini ra matanda'.”
Manaung i Jiuda ri Binjamin
18Inggaar i Jiuda ri Jusup am indagu, “Tuan, makimaap aku, paindaguo' aku poyo galing. Pai' noyo sangit raki'. Okou ti koson ra raja' galama'. 19Tuan, nangkuot kono ramon, ‘Lakat poyo kia makaama' kau kapoam makapagaka' ungkuyon kau ra bokon?’ 20Taam akai, ‘Matutuo noyo ama' maino am pupusan maino inanak paat ri ama' matutuo noyo kaga'. Pongkotob nali ra rondo' ina' am ama' minatoi noyo. Raino io sangulun ayuk soroi intor ra anak ru ina' nano, am motogom kaga' i ama' riso.’ 21Tuan, nanusub kou ramon magibit riso ragiti, maa' raginio makailong kou riso. 22Taam akai boo ra kalo makapansuai ilo magama' no. Amon ru binaal no ginio, matoi ama' nano. 23Kamu boo, ‘Kalo makatuum kau raki' amon ru kalo ibiton min pupusan mini.’
24Pakauli' akai ri ama', patunungo' mai riso atan ondo' rinagu muli. 25Io pana indagu, ‘Saguli' kau poyo ra Misir am bali kau kasanganu ra gandum ra akanon takau.’ 26Taam akai, ‘Kalo makatuum akai ra gabenor no amon ru kalo ibiton mai pupusan maino. Mugar akai amon makaaya' ramon pupusan no.’ 27Indagu ama' mai, ‘Nakapandai kau ra andu' kuli i Ragil naganak ra ruo ngaulun anak ungkuyon ayuk. 28Sangulun intor risilo nangiruan noyo raki'. Maaru' sinaam io noyo ru bibiag masigo, sabap ra saboi raino kalo boo nakito ku io. 29Amon ru alapon min pupusan ti intor raki' raino, am amon ru makakalaatan masauk riso, sonor ru kangilukan porotongon min raki' no mangkinibit ra patayan kuno, sabap ra matutuo aku noyo.’ ”
30-31Tungguli' poyo ri Jiuda, “Tuan, sabap raginio, amon ru muli' aku ra ama' kuno am kalio ibiton ku anak ti, maaru' matoi ama' mai. Painawo nano pinalansan no ra anak ti, ama' mai matutuo noyo am kangilukan ondo' porotongon mai riso makapamatoi riso. 32Ginio nai poyo binantu' ku noyo ra ama' kuno ra alungin ku anak ti. Minindagu aku riso ra amon ru kalo saguliin ku anak ti riso, aku mangapu ra ukuman ra sabuoi-buoi no. 33Tuan, kitaakon ku sauko' aku ra ulipon muno malit ra pupusan maiti, paulio' noyo io mabaya' ra pagaka'-pagaka' nano. 34Atan koson aku muli' ra ama' maino amon ru anak ti kalio mabaya' ramon? Kalo mokoorot aku magilong ra baal makalalaa' no makatiu' ra ama' maino.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Hakcipta © Bible Society of Malaysia, 2013.