KAINGKUALAN 2
2
I Musa inanak
1Paat ragili sangulun ungkuyon intor ra bansa' ru Liwi nanangandu' ra sangulun ruandu' intor ra bansa' raginio niayuk. 2#Rin. 7:20; Ibr. 11:23Naganak boo ruandu' no ra sangulun anak ungkuyon. Kakito no ra mapara' bonsoi ru lalagang no, bunio' no lalagang no buoi talu ngansila'. 3Kaa' kalo mabuni no ra mabuoi poyo. Ginio ra alap io rondo' bakul ondo' binaal intor ra sakot galaga am sinalitan no ra tiir, maa' raginio kalo masubol ru timug. Pabantaa' no lalagang nano ralalom bakul no, am patampako' no ra tatanga' ru sakot galaga ra kiing ru sungoi. 4Minigor maayo ruandu' ru lalagang no maalur-alur intor ra giu' no koson magilong ra atan kasaukan ru lalagang no.
5Paat raginio tumuun anak ruandu' ru raja' ra sungoi koson mariu', liliwa' ulipon-ulipon ruandu' nano mugar-ugar ra kiing ru sungoi. Kakito ru anak ruandu' ru raja' no bakul pinaunor ra sakot galaga. Nanusub io ra sangulun ulipon ruandu' mongoi pangalap ra bakul no. 6Ukabo' ru anak ruandu' ru raja' bakul no am kakito no sangulun lalagang ungkuyon mantangi'. Makaasi' anak ruandu' ru raja' no ra lalagang no am indagu, “Gitio sangulun intor ra lalagang ru Ibrani.”
7Pangkuot boo maayo ruandu' ru lalagang no ra anak ruandu' ru raja' no, “Anak ruandu' ru raja', masaga' kou kia amon ru maguyum aku ra sangulun ruandu' Ibrani mapatiti' ra lalagang ti?”
8Taam anak ruandu' ru raja' no, “Iou, ongoi no.” Ugar boo ralaa no am piawo' no ina' galama' ru lalagang no. 9Indagu anak ruandu' ru raja' no riso, “Alapo' lalagang ti am patitio' raki', ayupin tokou.” Alapo' boo ru ruandu' no lalagang no am patitio' no. 10#Rin. 7:21Paat ra anak no maayo noyo, ibito' ru ruandu' no anak no ra anak ruandu' ru raja', am anak no koson pinangkaanak ayuk boo ru anak ruandu' ru raja' no. Indagu io, “Inggalanin ku ri Musa,#Musa: Inggalan ti bolos no koson ra ragu Ibrani ondo' makaarati' ra “inasakan”. sabap ra inasakan ku io intor ra timug.”
Nagiru' i Musa giu' ra Midian
11 #
Ibr. 11:24
#Rin. 7:23-28Paat ri Musa nasukor noyo, ingkual io koson mongoi pagilong ra ulun ru Ibrani ondo' rondo' bansa' riso. Nakito no ati kulaan ilo jinajalan mangandoi ra maagat. Nakito niayuk ri Musa ra napalamba' sangulun Misir ra sangulun Ibrani ondo' rondo' bansa' ri Musa galama'. 12Pulolowo' ri Musa liliut, am ilai' no kolondo' sangulun pana nakakito riso, potoyo' no ulun ru Misir no am bunio' no baangkai no ralalom ru agis. 13Suabon ragili ongoi poyo i Musa ra giu' no, kakito no boo ruo ngaulun Ibrani mansangor. Kuati' ri Musa ulun ondo' makasala no, “Kua lambaa' mu ulun ondo' mogondo' ra bansa' muno galama'?”
14Taam ulun no, “Osoi napasauk rirun ra mangnguasa' am akim mai? Potoyon mu kia aku koson okou namatoi ra ulun ru Misir i?” Malaa' am mangkara' i Musa, “Maaru' napandayan noyo ru ulun binaal kuli.” 15#Rin. 7:29; Ibr. 11:27Kaala' boo raja' ra nasauk no, kinam io maguyum ra ralan koson mamatoi ri Musa, kaa' nagiru' noyo i Musa ra pagun ru Midian am ayan ra giu'.
Paat ra rondo' orou, panturung i Musa maar ra rondo' tulubong. 16Imam giu' ra Midian, inggalan no i Jitro makaanak ra ruandu' tulu' ngaulun. Ratong katulu' ngaulun anak ruandu' ri Jitro mongoi sagou, am suangi' pambulian-pambulian ra timug koson painumon ra domba am kambing ru ama' nilo. 17Kaa' ratong kukula' ngaulun magagalung am pagiruo' nilo tulu' ngaulun ralaa no. Indangano' boo ri Musa ralaa-ralaa no am painumo' bibiag tinambiag nilo. 18Pakauli' ralaa-ralaa no, pangkuot ama' nilo, “Kua mataki' kaga' akau minuli' orou raiti'?”
19Taam ilo, “Sangulun bansa' ru Misir nangindangan ramon intor ulisoon ru magagalung ra bokon. Sinagawan no akai am napainum ra bibiag tinambiag takau.”
20“Ati ulun i raino?” Kuot ri Jitro ra anak-anak nano. “Kua iruani' min io? Ongoyo' min kimaiti' io mangakan mabaya' ritakau.”
21Nangiou boo i Musa mayan ra giu' no. Paganduo' ri Jitro anak ruandu' nano, i Jipora ri Musa. 22Naganak i Jipora ra sangulun anak ungkuyon. Indagu i Musa, “Aku ti ulun bansa' ru bokon ra pagun ti, ginio boo ra inggalanin ku anak ti i Girsom.”#Girsom: Inggalan ti bolos no koson ra ragu Ibrani ondo' makaarati' ra “ulun bansa' ru bokon”.
23Bilor kabilor raiti patoi raja' ru Misir, kaa' ulun ru Israil lakat poyo maguros sabap ra inulipon am golok ilo makiindangan. Golok nilo nakasaboi ri Aki Kapuuno'. 24#Kas. 15:13-14Naining ri Aki Kapuuno' golok ru ulun ru Israil, am nakara' No nabantuan Nano ri Abragam, i Isak am i Jakub. 25Nakakito i Aki Kapuuno' ra ulun-ulun ru Israil no inulipon am mampalio ra baal nilo.#mampalio ra baal nilo: Sumugut ra rondo' pangaligan ragu nakalair: minintalang risilo.
Currently Selected:
KAINGKUALAN 2: TMT
Highlight
Copy
Compare
Share
Want to have your highlights saved across all your devices? Sign up or sign in
Hakcipta © Bible Society of Malaysia, 2013.
KAINGKUALAN 2
2
I Musa inanak
1Paat ragili sangulun ungkuyon intor ra bansa' ru Liwi nanangandu' ra sangulun ruandu' intor ra bansa' raginio niayuk. 2#Rin. 7:20; Ibr. 11:23Naganak boo ruandu' no ra sangulun anak ungkuyon. Kakito no ra mapara' bonsoi ru lalagang no, bunio' no lalagang no buoi talu ngansila'. 3Kaa' kalo mabuni no ra mabuoi poyo. Ginio ra alap io rondo' bakul ondo' binaal intor ra sakot galaga am sinalitan no ra tiir, maa' raginio kalo masubol ru timug. Pabantaa' no lalagang nano ralalom bakul no, am patampako' no ra tatanga' ru sakot galaga ra kiing ru sungoi. 4Minigor maayo ruandu' ru lalagang no maalur-alur intor ra giu' no koson magilong ra atan kasaukan ru lalagang no.
5Paat raginio tumuun anak ruandu' ru raja' ra sungoi koson mariu', liliwa' ulipon-ulipon ruandu' nano mugar-ugar ra kiing ru sungoi. Kakito ru anak ruandu' ru raja' no bakul pinaunor ra sakot galaga. Nanusub io ra sangulun ulipon ruandu' mongoi pangalap ra bakul no. 6Ukabo' ru anak ruandu' ru raja' bakul no am kakito no sangulun lalagang ungkuyon mantangi'. Makaasi' anak ruandu' ru raja' no ra lalagang no am indagu, “Gitio sangulun intor ra lalagang ru Ibrani.”
7Pangkuot boo maayo ruandu' ru lalagang no ra anak ruandu' ru raja' no, “Anak ruandu' ru raja', masaga' kou kia amon ru maguyum aku ra sangulun ruandu' Ibrani mapatiti' ra lalagang ti?”
8Taam anak ruandu' ru raja' no, “Iou, ongoi no.” Ugar boo ralaa no am piawo' no ina' galama' ru lalagang no. 9Indagu anak ruandu' ru raja' no riso, “Alapo' lalagang ti am patitio' raki', ayupin tokou.” Alapo' boo ru ruandu' no lalagang no am patitio' no. 10#Rin. 7:21Paat ra anak no maayo noyo, ibito' ru ruandu' no anak no ra anak ruandu' ru raja', am anak no koson pinangkaanak ayuk boo ru anak ruandu' ru raja' no. Indagu io, “Inggalanin ku ri Musa,#Musa: Inggalan ti bolos no koson ra ragu Ibrani ondo' makaarati' ra “inasakan”. sabap ra inasakan ku io intor ra timug.”
Nagiru' i Musa giu' ra Midian
11 #
Ibr. 11:24
#Rin. 7:23-28Paat ri Musa nasukor noyo, ingkual io koson mongoi pagilong ra ulun ru Ibrani ondo' rondo' bansa' riso. Nakito no ati kulaan ilo jinajalan mangandoi ra maagat. Nakito niayuk ri Musa ra napalamba' sangulun Misir ra sangulun Ibrani ondo' rondo' bansa' ri Musa galama'. 12Pulolowo' ri Musa liliut, am ilai' no kolondo' sangulun pana nakakito riso, potoyo' no ulun ru Misir no am bunio' no baangkai no ralalom ru agis. 13Suabon ragili ongoi poyo i Musa ra giu' no, kakito no boo ruo ngaulun Ibrani mansangor. Kuati' ri Musa ulun ondo' makasala no, “Kua lambaa' mu ulun ondo' mogondo' ra bansa' muno galama'?”
14Taam ulun no, “Osoi napasauk rirun ra mangnguasa' am akim mai? Potoyon mu kia aku koson okou namatoi ra ulun ru Misir i?” Malaa' am mangkara' i Musa, “Maaru' napandayan noyo ru ulun binaal kuli.” 15#Rin. 7:29; Ibr. 11:27Kaala' boo raja' ra nasauk no, kinam io maguyum ra ralan koson mamatoi ri Musa, kaa' nagiru' noyo i Musa ra pagun ru Midian am ayan ra giu'.
Paat ra rondo' orou, panturung i Musa maar ra rondo' tulubong. 16Imam giu' ra Midian, inggalan no i Jitro makaanak ra ruandu' tulu' ngaulun. Ratong katulu' ngaulun anak ruandu' ri Jitro mongoi sagou, am suangi' pambulian-pambulian ra timug koson painumon ra domba am kambing ru ama' nilo. 17Kaa' ratong kukula' ngaulun magagalung am pagiruo' nilo tulu' ngaulun ralaa no. Indangano' boo ri Musa ralaa-ralaa no am painumo' bibiag tinambiag nilo. 18Pakauli' ralaa-ralaa no, pangkuot ama' nilo, “Kua mataki' kaga' akau minuli' orou raiti'?”
19Taam ilo, “Sangulun bansa' ru Misir nangindangan ramon intor ulisoon ru magagalung ra bokon. Sinagawan no akai am napainum ra bibiag tinambiag takau.”
20“Ati ulun i raino?” Kuot ri Jitro ra anak-anak nano. “Kua iruani' min io? Ongoyo' min kimaiti' io mangakan mabaya' ritakau.”
21Nangiou boo i Musa mayan ra giu' no. Paganduo' ri Jitro anak ruandu' nano, i Jipora ri Musa. 22Naganak i Jipora ra sangulun anak ungkuyon. Indagu i Musa, “Aku ti ulun bansa' ru bokon ra pagun ti, ginio boo ra inggalanin ku anak ti i Girsom.”#Girsom: Inggalan ti bolos no koson ra ragu Ibrani ondo' makaarati' ra “ulun bansa' ru bokon”.
23Bilor kabilor raiti patoi raja' ru Misir, kaa' ulun ru Israil lakat poyo maguros sabap ra inulipon am golok ilo makiindangan. Golok nilo nakasaboi ri Aki Kapuuno'. 24#Kas. 15:13-14Naining ri Aki Kapuuno' golok ru ulun ru Israil, am nakara' No nabantuan Nano ri Abragam, i Isak am i Jakub. 25Nakakito i Aki Kapuuno' ra ulun-ulun ru Israil no inulipon am mampalio ra baal nilo.#mampalio ra baal nilo: Sumugut ra rondo' pangaligan ragu nakalair: minintalang risilo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Hakcipta © Bible Society of Malaysia, 2013.