Ciyubunuzyo 22
22
Mulonga wabuumi amusamu wabuumi. Leza nguumunika munzi
1 #
Ezk 47:1; Zek 14:8 Elyo wakanditondezya mulonga wamaanzi aabuumi aabalangala mbuli krustalo, uleenda kuzwa kucuuno ca-Leza aca-Mwanambelele. 2#Matl 2:9; Ezk 47:12; Ciy 21:21Mukati kamugwagwa wawo akumabazu oonse obile kwakalimenede isamu lyabuumi, lizyala misyobo yamicelo iili ikumi aibili, lyakali kweenzya micelo yalyo myeezi yoonse. Nkabela matu aasamu elyo ngaakuponya bantu. 3#Zek 14:11Takukooyooba limbi kusinganya, pele cuuno ca-Leza aca-Mwanambelele ciyooba mumo, nkabela bazike bakwe bayoomubelekela milimo. 4#Mt 5:8; Ciy 3:12Bayoobona busyu bwakwe, alimwi izina lyakwe linooyoolembedwe kunkumu zyabo, 5#Is 60:19; Dan 7:18,27; Ciy 21:25Takukooyooba limbi masiku, aboobo tabayandi kumunikilwa ilampi nuuba mumuni wazuba, nkaambo Mwami Leza nguuyoobamunikila, nkabela bayooendelezya lyoonse alyoonse kukabe kutamani.
Macenjezyo amalongezyo aakumamanino
6 #
Ciy 1:1; 1 Kor 14:32 Lino wakandaambila kuti, Majwi aya ngalusyomo, alisinizye. Mwami Leza wamyuuya yabasinsimi watuma angelo wakwe kubatondezya bazike bakwe zintu zeelede kuba lino lino. 7#Ciy 3:11; 1:3Amubone, ndafwambaana kuboola, Uli acoolwe uupangika moyo wakwe kumajwi aabusinsimi bwamubbuku dino.
8 #
Ciy 19:10
Ndime Johane, nendakabona zintu ezi akuziswiilila, Lino nindakaziswiilila akuzibona ndakaliwaala ansi kumaulu aangelo oyo iwakanditondezya zintu ezi, ndakati mukombe. 9Pele wakandikasya, wakati, Pe, utaciti obo, nkaambo ndi muzikenyoko buyo, ndi umwi wabanabakwanu basinsimi, ndi umwi wabaabo bajatisya makani aabbuku elino. Komba Leza.
10 #
Ciy 10:4; 1:3; Dan 8:26; 12:4 Alimwi wandaambila kuti, Utanamatiki majwi aabusinsimi bwakubbuku elino, nkaambo ciindi cili afwaafwi, 11#Dan 12:10Oyo uucita zitaluleme kaciya bucita mbubonya, oyo uuli amatombe kaciba simatombe, oyo uucita bululami kaciya bucita bululami, ayooyo uusalala kacisalala.
12 #
Is 40:10; 62:11; Int 28:4; 62:12; Jer 17:10; Ciy 3:11; Rom 2:6 Amubone, ndafwambaana kuboola, alimwi ndeza abulumbu bwangu bwakulumbula muntu umwi aumwi mbuli mulimo wakwe. 13#Ciy 1:8,17; 2:8; Is 44:6; 48:12; Heb 13:8Ndime Alfa a-Omega, matalikilo amamanino, mutaanzi amusyaalizi, 14#Matl 2:9; 3:22; 49:11Bali acoolwe abo basanzya zikobela zyabo, kuti bazumizigwe kuswenena kucisamu cabuumi akunjila mumilyango yamunzi. 15#Ciy 21:8,27; 1 Kor 6:9,10Nkaambo anze mpobabede babwa abalozi abasibwaamu abajayi abakomba mituni aboonse bayanda kubeja akucita bubeji.
16 #
Is 11:1,2,10; 5:5; Is 11:1,10; Lk 1:78; Ciy 1:1,2; 5:5 Ndime Jesu, ndatuma angelo wangu kukumulungulwida makani aya mumbungano. Ndime cisyuukila cizyalwa kumiyanda ya-Davida, Ndime Intanda iimwekesya, 17#Is 55:1; Ciy 21:6; Zek 14:8; Rom 8:23; Joh 7:37Lino Muuya anabwiinga balaamba kuti, Boola. Ayooyo uuswiilila alakwe aambe kuti, Boola, Ayooyo uufwide nyota aboole. Amuntu woonse uuyanda anywe cabuyo maanzi aabuumi.
18 #
Dt 4:2; 12:32; 29:20; Ciy 15:1,6 Ndalungulwida muntu umwi aumwi uuswiilila makani aabusinsimi bwamubbuku elino kuti, Na muntu uuli buti unooyungizizya makani aya cintu, Leza uyoomuyungizizya zipenzyo zilembedwe omuno mubbuku. 19#Matl 2:9; 3:22Nkabela anooli muntu uyoogwisya cintu kumajwi aabbuku lyabusinsimi obuno, Leza uyoogwisya lukono lwakwe mubbuku lyabuumi amumunzi uusalala amuzintu zilembedwe omuno mubbuku.
20Walo uulungulula aya makani wati, Mbukubede! Ndafwambaana kuboola, Ameni! Koboola ncobeni, Mwami Jesu.
21Luzyalo lwa-Mwami Jesu alube anywe nyoonse. Ameni.
Currently Selected:
Ciyubunuzyo 22: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.