Ciyubunuzyo 18
18
Lunyonyooko lwa-Babuloni
1 #
Ciy 10:1; Ezk 43:2 Musule lyayaaya ndakabona angelo aumwi wakazwa kujulu. Oyo wakalijisi inguzu zinji, nkabela nyika yoonse yakamwesegwa abulemu bwakwe. 2#Is 13:21; 21:9; 34:11; Jer 9:11; 50:39; 51:8; Ciy 14:8; Dan 4:30Lino wakalilisya ajwi ijumu, wakati,
Wawa! Wawa Babuloni mupati!
Waba bukalo bwabadaimona.
Waba ciyobwedo camyuuya yoonse iisofweede,
Aciyobwedo cabayuni boonse basofweede abasesemya.
3 #
Is 23:17; Jer 25:15,27; 51:7; Nah 3:4 Nkaambo masi oonse alinywide waini wabukali bwabwaamu bwakwe.
Bami boonse banyika bakacita awe bwaamu,
Abalo basambazi baansi bakupuka nkaambo kakulitakaazya kwakwe kupati.
4 #
Is 48:20; 52:11; Jer 50:8; 51:6,9,45 Lino ndaswiilila ijwi limbi lizwa kujulu, liti,
Kamuzwa mulinguwe nobantu bangu,
Kuti mutavwelanizigwi azibi zyakwe,
Mutapenzegwi azipenzyo zyakwe.
5 #
Matl 18:20-21; Jer 51:9 Nkaambo zibi zyakwe zyatanta kujulu,
Lino sunu Leza waiyeeya milandu yakwe,
6 #
Int 137:8; Jer 50:15,29; 2 Tes 1:6 Amubweedezye kulinguwe mbuli mbwabweedezya mwini,
Amumupe kobile mbuli milimo yakwe,
Amumunywisye alakwe mapenzi.
Anywe mucinywido nciconya ncaakanywisya bamwi,
7 #
Is 47:7-9; Jer 50:29 Mbuli mbwaakalilemya akulitakaazya loko,
Amumupenzye akumulizya mbubonya.
Mumoyo wakwe ulaamba kuti, Ndi namalelo,
Nsili mukamufu, nsikonzyi kujana lulilo pe.
8 #
Is 47:9; Jer 50:34; Ciy 17:16 Nkaambo kaako zipenzyo zyakwe zilamusikila mubuzuba bomwe buyo,
Lufu akulila anzala.
Ncobeni uyooumpisigwa amulilo,
Nkaambo ngusinguzu Mwami Leza Mubetesi wakwe.
9 #
Ezk 26:16-17
#
Ezk 27:30-35; Is 23:17; Ciy 17:2 Nkabela bami baansi ibakali kucita awe bwamu akupona awe cakulitakaazya, baakubona busi bwakutentwa kwakwe, bayoomulila akumoomokela, 10#Dan 4:30; Ezk 26:17; Is 21:9; Jer 51:8; Ciy 14:8Bayooimikila alaale nkaambo kakuyoowa zipenzyo zyakwe, bayooti, Maawe! Maawe, munzi oyu mupati Babuloni, oyu munzi uuli ampuwo! Sunu lubeteko lwako lwafwambaana kusika! 11#Ezk 27:31,36Abalo basambazi baansi bayoomulila, bayoomumotokelwa, nkaambo taakwe muntu uuti ule limbi makwebo aabo, 12#Ezk 27:12-13,22makwebo aangolida ansiliva amabwe mayandisi angale, masani aatuba anamundelele amasani aadowalowa amasani aasalala tyu, zimvwalimvwali zyoonse zyamasamu aamukamba azyameja aanzovu azyamasamu mayandisi azyamindalila azyabutale azyamabweluuma, 13#Ezk 27:13tununkilizyo twakinamono atwaamomo atulonze alibano amura, waini amafuta aaolifa abusu busete abulotwe, iŋombe ambelele ambizi ankalaki, ayalo mibili yabantu abuumi bwabo. 14Lino sunu yakumanina eyo micelo iibizwa moyo wako njiwakali kuyandisya, zyakunyonyookela zintu zyoonse zibekema zibotezesya, tokooyoozijana limbi pe. 15#Ezk 27:31,36Abo bantu ibakali kusambala zintu ezi akuvubizigwa kumaanza aakwe bayooimikila alaale nkaambo kakuyoowa zipenzyo zyakwe. Bayoolila akoomoka, 16#Ciy 17:4kuti,
Maawe! Maawe munzi oyo mupati!
Wakalisamide masani aatuba azyakusama zyadowalowa azisalala tyu,
Wakalisakatide ingolida amabwe mayandisi angale.
17 #
Is 23:14; Ezk 27:26-30 Lino sunu lubono olo loonse lwafwambaana kufwa. Abalo boonse basibanamusyoloma aboonse beenda alwizi abasibwaato abaabo bajisi milimo yakulwizi bakaaimikila alaale, 18#Ezk 27:32; Is 34:10elyo nibakabona busi bwakutentwa kwakwe, bakalila, bakati, Munzinzi mupati uukozya munzi oyo? 19#Ezk 26:19; 27:30-34Nkabela bakalivwikila ivu amitwe yabo, bakoongolola cakulila akoomoka, bakati,
Maawe! Maawe oyo munzi mupati!
Boonse bajisi maato mulwizi bakavubizigwa alubono lwawo.
Pele sunu wafwambaana kusaalwa.
20 #
Dt 32:43; Jer 51:48; Is 44:23 Amusekelele nomajulu,
Anywebo nobasalali abaapostolo abasinsimi,
Nkaambo sunu Leza wamubetekela lubeta kulinguwo.
21 #
Jer 51:63-64; Ezk 26:21; Dan 4:30 Mpoonya awo umwi angelo singuzu wakabweza ibbwe lili mbuli iziyo ipati, wakaliwaala mulwizi, wakati,
Mbubonya obu mbuuyoocitigwa munzi mupati Babuloni.
Uyoowisigwa bbu, tuukooyoojanwa limbi pe.
22 #
Ezk 26:13; Is 24:8 #
Jer 7:34; 25:10 Alyalo ijwi lyabasituntimbwa alyabaimbi alyabasinyeele alyabasimyeembo
Talikooyoomvwigwa limbi mulinduwe.
Abasimilimo kufumbwa niiba ili buti
Tabakooyoojanwa limbi.
Akuvuta kwaziyo.
Takukooyoomvwigwa limbi.
23 #
Jer 7:34; 16:9; 25:10; Is 23:8; 47:9 Awalo mumuni walampi
Tuukooyookumunikila limbi.
Ajwi lyasibwiinga alyanabwiinga
Talikooyoomvwigwa limbi mukati lyako.
Nkaambo basambazi bako bakali bantu bapati baansi.
Masi oonse akeenwa kumalozi aako.
24 #
Jer 51:9,49; Mt 23:35; Ciy 6:10; 17:6; 19:2 Nkabela mulinguwe mwakajanwa bulowa bwabasinsimi abwabasalali,
Abulowa bwabantu boonse ibakajayigwa ansi.
Currently Selected:
Ciyubunuzyo 18: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.