Intembauzyo 86
86
Cikombyo ca-Davida
1Cenjeka kutwi kwako, O Jehova, undivuwe,
Nkaambo ndi mutengwana uupengede.
2Bamba buumi bwangu, nkaambo ndiluleme;
Futula mulanda wako uukusyoma, O Leza.
3Undifwide luzyalo, O Mwami,
Nkaambo ndikwiilila nduwe buzuba boonse,
4Kondezya moyo wamulanda wako,
Nkaambo ndabika moyo wangu kulinduwe.
5 #
Int 130:7-8; Joel 2:13 Nkaambo yebo, O Mwami, uli mubotu, ulafwamba kujatila,
Ulatila luzyalo lwako kuli boonse bakukwiilila.
6Swiilila cikombyo cangu, O Jehova.
Teelela ijwi lyakukumbila kwangu.
7Mubuzuba bwakupenga kwangu ndakukwiilila,
Nkaambo ulandivuwa.
8 #
Kul 15:11; Dt 3:24; 1 Sam 2:2; 2 Sam 7:22; 1 Bam 8:23 Taakwe akati kamizimu uuli mbuli nduwe,
O Mwami; Taakwe milimo iielene amilimo yako.
9 #
Int 95:6-7; Is 43:7; Ciy 15:4 Zisi zyoonse nzowakalenga zilaboola,
Zilaboola kuzookukotamina, O Mwami;
Zilalemeka izina lyako.
10 #
Dt 6:4; Is 37:16; Mk 12:29; 1 Kor 8:4; Ef 4:6 Nkaambo yebo uli mupati, ulacita maleele.
Nduwe Leza olike.
11Njiiyisya inzila yako, O Jehova, kuti njeende mulusinizyo lwako;
Mbe simoyo omwe kukulemeka izina lyako,
12Ndakulumba amoyo wangu woonse, O Mwami Leza wangu,
Njoolemeka izina lyako lyoonse,
13 #
Int 56:13
Nkaambo luzyalo lwako ndupati kulindime;
Wandivuna kudindi lyabafwide.
14O Leza, basikamikami bandibukila;
Imbungano yabasizibi bayoosya balayandaula buumi bwangu;
Tabakubiki kubusyu bwabo.
15 #
Kul 34:6; My 14:18; Neh 9:17; Joel 2:13; Int 103:8; 111:4 Pele yebo, O Mwami, uli Leza uuzwide luzyalo abuuya,
Uutafwambi kukalala, uuvuzya luse alusyomo.
16Undilange, undifwide luzyalo.
Kopa mulanda wako inguzu;
Futula mwana wamulanda wako musimbi.
17Kondipa citondezyo cabubotu,
Kuti bandisulide babone, bause insoni,
Nkaambo yebo, O Jehova, wandi gwasya, wanduumbulizya.
Currently Selected:
Intembauzyo 86: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
