Intembauzyo 62
62
Kumupati wabasikwiimba. Lwiimbwe mbuli Jedutuni, Intembauzyo ya-Davida
1Moyo wangu ulalitontozya kuli-Leza alike:
Lufutuko lwangu lulazwa kulinguwe,
2Walo alike nindomba yangu alufutuko lwangu,
Niŋanda yangu indamfu, nsikonzyi kusunzululwa.
3 #
Is 30:13
Mulaleka lili kukonga muntu, nyoonse,
Kuti mumujaye,
Mbuli bulambo buyanda kuwa, mbuli lubaya lutajisi.
4 #
Int 28:3
Balakanza kumutanda mubulemu bwakwe,
Balabotelwa bubeji,
Balalongezya kumulomo,
Anukuti mukati balatukila.
Sela.
5 #
Mik 7:7,10 Moyo wangu, ulitontozye kuli-Leza alike,
Nkaambo mulinguwe muli bulangizi bwangu.
6Walo alike nindomba yangu alufutuko lwangu,
Niŋanda yangu indamfu, nsikonzyi kusunzululwa,
7 #
Jer 3:23
Lufutuko lwangu abulemu bwangu nzizya-Leza;
Leza nindomba yangu iili anguzu, ngemayubilo aangu.
8 #
1 Sam 1:15; Int 42:4 Amumusyome kuziindi zyoonse, nobantu;
Amutule myoyo yanu kulinguwe;
Leza ngemayubilo esu,
Sela.
9Ncobeni bantu mbabuyo,
Abantu balemu mbabubeji;
Na bapimwa kubulemu, mbaubauba,
Kwiinda moya uuyooyegwa.
10 #
Is 26:4; Mk 10:23; Lk 12:15 Mutasyomi luundungano,
Mutalisumpuli muli zyakubba,
Na imbono zyavula, mutabiki myoyo yanu alinzizyo.
11Leza wakaamba komwe,
Ndakamuswiilila obo ziindi zyobile;
Kuti inguzu nzizya-Leza.
12 #
Job 34:11; Jer 17:10; Mt 16:27; 1 Pet 1:17; Rom 2:6; Ciy 2:23 Alwalo luzyalo ndulwako, O Mwami;
Nkaambo ulapa muntu bulumbu bweelede milimo yakwe.
Currently Selected:
Intembauzyo 62: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
