Intembauzyo 45
45
Kumupati wabasikwiimba. Lwiimbwe mbuli lwiimbo lwampana. Intembauzyo yabana ba-Kora. Lwiimbo lwakuyandana
1Moyo wangu waata makani mabotu.
Ndaambila mwami malembo aangu,
Lulimi lwangu ncilembyo camulembi uufwambaana,
2Uleebeka kwiinda bana boonse ba-Adamu;
Bwanga buli kumilomo yako:
Nkaambo kako Leza wakulongezya lyoonse.
3Anga ipanga lyako akasolo, O sintaze;
Lisakile bulemu abupati bwako.
4Mubulemu bwako koya butantide akuzunda,
Kukugwasya lusinizyo abaluleme bapengede,
Ijanza lyalulyo likwiiyisye milimo iiyoosya.
5Mivwi yako yabosya;
Ilayasa mumyoyo yabasinkondonyina mwami.
Bamasi balawidn ansi kunembo iyako;
6 #
Heb 1:8-9; Int 93:2; Is 9:6,7 Cuuno cako, O Leza, ncalyoonse;
Kasako kabwami bwako nkasako kabululami.
7 #
Int 33:5; Mt 3:15; Heb 1:9; Is 61:1; Joh 20:17 Ulayandisya bululami, ulisulide bubi;
Nkaambo kako Leza, Leza wako,
Wakunanika mafuta aakukondwa kwiinda beenzinyoko.
8Zyakusama zyako zyoonse zilanunka misamu yamuro amaalo akasia;
Kulila kwatuntimbwa kulakubotezya mumaanda aanyanga.
9Akati kabanakazi bako balemu nkubali bana babami:
Kujanza lyako lyalulyo kuliimvwi namalelo, ulisamine ingolida yaku-Ofeli,
10 #
Dt 21:13
Swiilila, O mwana musimbi; ubone akucenjeka kutwi;
Luba cisi cako aluzubo lwauso.
11 #
Int 95:6; Is 54:5 Lino mwami ulayandisya kweebeka kwako.
Umubombele, nkaambo ngumwami wako.
12Lino bantu baku-Turo bayookuletela zipo;
Bavubi banyika bayoolibombya kubusyu bwako.
13 #
Ciy 19:7,8 Mwana musimbi wamwami wasamikwa zintu zyabulemu mukati kaŋanda,
Zyakusama zyakwe zyasakatizigwa ingolida.
14Uyootolwa kumwami ulisamide zyamalengwa.
Abalo banakalindu beenzinyina bayooletwa kulinduwe,
15Bayooletwa alutangalo akukondwa;
Bayoonjila muŋanda yamwami.
16 #
1 Pet 2:9; Ciy 1:6 Mucibaka cabamauso kuyooba bana bako;
Uyoobacita kuba bami munyika yoonse,
17 #
Is 11:10; Mal 1:11 Njooyeezya izina lyako kumazyalani oonse,
Nkabela bamasi bayookulumba lyoonse mane kukabe kutamani.
Currently Selected:
Intembauzyo 45: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
