Intembauzyo 146
146
1Amutembaule Jehova!
Tembaula Jehova, O moyo wangu.
2Njootembaula Jehova mubuumi bwangu boonse;
Njooimbila Leza wangu intembauzyo nencipona.
3 #
Is 2:22
Mutasyomi bami,
Na muntu waansi uutagwasyi,
4 #
Muk 12:7; 1 Kor 2:6 Muuya wakwe wazwa, ulabweeda kubulongo;
Mubuzuba obo mbubonya makanze aakwe oonse alamana.
5 #
Jer 17:7
Ngusicoolwe uuli a-Leza wa-Jakobo kuba mugwasyi wakwe,
Uusyoma Jehova Leza wakwe,
6 #
Mik 7:20; Inc 4:24; 14:15; Ciy 14:7 lwakalenga ijulu anyika,
Lwizi azyoonse zili mulindulo,
Uujisi lusyomo lyoonse,
7Uubetekela bapenzegwa,
Uuabila basinzala zilyo.
Jehova ulaangununa baangidwe.
8Jehova ulabonya boofu;
Jehova ulabusya bawizuka;
Jehova ulayandisya baluleme.
9Jehova ulabamba beenzu,
Ulatabilila bamucaala abamukabafu,
Pele inzila yabasizibi ulainyonyoona.
10Jehova nguuendelezya lyoonse;
Ngu-Leza wako, O Zioni, kumazyalani amazyalani.
Amutembaule Jehova!
Currently Selected:
Intembauzyo 146: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.