Intembauzyo 140
140
Kumupati wabasikwiimba. Intembanzyo ya-Dawida
1Undivune, O Jehova, kubantu basizibi;
Undifutule kubantu bakali;
2Baya buyeeya bubi mumyoyo yabo,
Babusya inkondo mazuba conse.
3 #
Rom 3:13
Banona indimi zyabo mbuli inzoka; Mumilomo yabo muli buyoka bwacipile,
Sela,
4Undifutule, O Jehova, kumaanza aabasizibi;
Undivune kubantu bakali,
Bakanza kuleba maulu aangu.
5 #
Int 10:9; Jer 18:22; Lk 11:53-54 Basikamikami banditeya tukole,
Bandibikila buzamba kumbali lyanzila,
Bandisida milindi. Sela.
6 #
Int 16:2
Ndakaambila Jehova kuti,
Nduwe Leza wangu.
Swiilila ijwi lyankumbizyo zyangu, O Jehova,
7 #
Dt 33:27-29; Int 18:32 O Mwami Jehova, inguzu zyalufutuko lwangu,
Wavumbilila mutwe wangu mubuzuba bwankondo,
8 #
Job 5:12,13 O Jehova, utazuminini ba sizibi kukuyanda kwabo,
Utasumpuli makanze aabo kuti batalikankaizyi.
9 #
Int 7:16
Abo bandizyungulukide balasongomeka mitwe;
Bubi bwamilomo yabo beni bubavunikile,
10 #
Int 11:6
Malasa aayaka abawide;
Basowelwe mumulilo;
Dawide mumalindi kuti batabuki limbi.
11Sikuvwiya atakalilili ansi,
Bubi buvwime muntu mukati, anyonyoonwe.
12 #
Int 109:31
Ndizi kuti Jehova ulaiminina batengwana,
Ulabetekela bacete.
13Ncobeni baluleme bayoolumba izina lyako;
Baololokede bayookalilila kubusyu bwako.
Currently Selected:
Intembauzyo 140: Ibbaib63
Highlight
Share
Compare
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
