Intembauzyo 135
135
1Amutembaule Jehova!
Amutembaule izina lya-Jehova!
Amutembaule, nobalanda ba-Jehova,
2 #
Lk 2:37
Nywebo nomwiima muŋanda ya-Jehova,
Mumbuwa zyaŋanda ya-Leza wesu.
3Amutembaule Jehova, nkaambo Jehova mubotu.
Amwiimbile izina lyakwe, nkaambo ncibotu.
4 #
Kul 19:5; Dt 7:6,7 Nkaambo Jehova wakalisalila Jakobo,
A-Israyeli kuba lubono lwakwe luyandika,
5Ncobeni ndizi kuti Jehova mupati;
Mwami wesu ulainda baleza boonse,
6Kufumbwa Jehova ncayanda ulacicita,
Kujulu naaba ansi, mulwizi amubbonze,
7 #
Matl 2:6; Job 5:10; Jer 10:13; Zek 10:1; Job 28:25; 38:22 Ngonguwe uubusya sikunku kumagolelo aanyika,
Uutuma malabo kuleta imvula,
Uugwisya muuwo muziyobwedo zyakwe.
8Ngonguwe wakajaya bana bataanzi ba-Egepita,
Bantu abanyama yama boonse,
9Wakatuma zitondezyo amalecle akati kako, O Egepita,
Kuli-Farao akubalanda bakwe boonse.
10 #
My 21:24
Wakauma bamasi banji;
Wakajaya bami basinguzu,
11 #
Jos 12:7
Sihoni mwami waba-Amori,
A-Ogi mwami wa-Basani,
Azisi zyoonse zyaba-Kanana,
12 #
Matl 17:8
Wakaaba nyika yabo, ibe lukono,
Lukono lwabantu bakwe ba-Israyeli.
13 #
Kul 3:15
Izina lyako, O Jehova, ndyalyoonse;
Impuwo yako njamazyalani oonse.
14 #
Dt 32:36
Nkaambo Jehova uyoobeteka bantu bakwe,
Uyoofwida balanda bakwe luzyalo.
15 #
Int 115:4-8; Ciy 9:20 Zimpangaliko zyabamasi ninsiliva angolida,
Zilenge zyamaanza aabantu,
16Zilijisi milomo, pele tazyaambi;
Zilijisi meso, pele taziboni;
17Zilijisi matwi, pele tazimvwi;
Amukanwa lyabo tamukwe muuya,
18Basikuzicita babe mbubonya mbuli nzizyo,
Abalo boonse bazisyoma.
19Noluzubo lwa-Israyeli, amulumbe Jehova!
Noluzubo lwa-Aroni, amulumbe Jehova!
20Noluzubo lwa-Levi, amulumbe Jehova!
Nyoonse nomuyoowa Jehova, amulumbe Jehova!
21Alumbwe Jehova kuzwa ku-Zioni,
Uukede mu-Jerusalemu.
Amutembaule Jehova!
Currently Selected:
Intembauzyo 135: Ibbaib63
Highlight
Share
Compare
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
