Nehemiya 12
12
Mazina aabapaizi aba-Levi
1 #
Ezr 2:1; Neh 10:2-8 Mbaaba bapaizi aba-Levi ibakeza a-Zerubabeli mwana wa-Sealitiyeli a-Jeshua: Seraya, Jeremiya, Ezara, 2Amariya, Maluki, Hatusi, 3Sekaniya, Rehumu, Meremoti, 4#Lk 1:5Ido, Ginetoni, Abija, 5Miyamini, Maadiya, Biliga, 6Semaya, Joyaribu, Jedaya, 7#Hag 1:1; Zek 3:1Salu, Amoki, Hilikiya, Jedaya. Mbaabo basilutwe babapaizi abakwabo mumazuba aa-Jeshua, 8#1 Mak 16:8,41; Neh 11:17Aba-Levi mbaaba: Jeshua, Binui, Kadimiyeli, Serebiya, Juda, Mataniya (ngonguwe iwakali kubamba milimo yakutembaula, walo abanyina). 9Abalo Bakibukiya a-Uno, bakwabo, bakalibambene abo munkamu zyabo. 10Nkabela Jeshua wakazyala Joyakimu, alakwe Joyakimu wakazyala Eliyasibu, alakwe Eliyasibu wakazyala Joyada, 11alakwe joyada wakazyala Jonatani, alakwe Jonatani wakazyala Jadua. 12Lino mumazuba aa-Joyakimu, bapaizi basilutwe banzubo mbaaba: Luzubo lwa-Seraya, Meraya; luzubo lwa-Jeremiya, Hananiya; 13luzubo lwa-Ezara, Mesulamu; luzubo lwaAramiya, Jehohanana; 14luzubo lwa-Maluki, Jonatani; luzubo lwaSebaniya, Josefa; 15luzubo lwa-Harimu, Adina; luzubo lwa-Merayoti, Helikai; 16luzubo lwa-Ido, Zekariya; luzubo lwa-Ginetoni, Mesulamu; 17luzubo lwa-Abiia, Zikiri; luzubo lwa-Miniamini, nkukuti Moadiya, Pilitai; 18luzubo lwa-Biliga, Samua; luzubo lwa-Semaya, Jonatani; 19luzubo lwa-Joyaribu, Matenai; luzubo lwa-Jedaya, Uzi; 20luzubo lwaSalai, Kalai; luzubo lwa-Amoki, Eberi; 21luzubo lwa-Hilikiya, Hasabiya; luzubo lwa-Jedaya, Netaneli; 22Mumazuba aa-Eliyasibu, Joyada, Johanani a-Jadua, bapati banzubo baba-Levi bakalembwa, abalo bapaizi mumazuba aabwami bwa-Dariyo mu-Persia. 23#1 Mak 9:14Bana ba-Levi, basilutwe banzubo bakalembwa mubbuku lyamakani aaciindi, mane kusikila kumazuba aa-Johanani mwana wa-Eliyasibu. 24#1 Mak 23:1; 25:1; Ezr 3:11Abasilutwe baba-Levi mbaaba: Hasabiya, Serebiya, a-Jeshua mwana wa-Kadimiyeli, abakwabo mbubakabambene abo, ibakali kulumba akutembaula mbubonya mbwaakalailila Davida muntu wa-Leza, inkamu ililangene ankamunyina. 25Mataniya, a-Bakibukiya, Obadiya, Mesulamu, Talimoni, Akubu, bakali kulanga milyango yabulangizi, kuziyobwedo zyamilyango. 26#Neh 8:9; Ezr 7:6,11Abo bakali mumazuba aa-Joyakimu mwana wa-Jeshua mwana wa-Jozadaki, amumazuba aa-Nehemiya mweendelezi a-Ezara mupaizi mulembi.
Malambo mbwaakasalazigwa
27 #
Dt 20:5; 1 Mak 25:6; 2 Mak 5:13; Int 81:1-3; Ciy 5:8 Lino kuciindi cakusalazya bulambo bwa-Jerusalemu, bakayandaula ba-Levi kumasena aabo oonse, kuti babalete ku-Jerusalemu, basekelele ipobwe lyakusalazya, cakukondwa acakulumba acakwiimba, amyeembo anyeele atuntimbwa. 28Nkabela bana babasikwiimba bakayoboloka, kuzwa kubanda lyeengelede Jerusalemu akuzwa kuminzi yaba-Netofi, 29akuzwa ku-Beti-Giligala, akuzwa kumyuunda ya-Geba a-Azamaveti, nkaambo basikwiimba kabayakide minzi cakuzyunguluka Jerusalemu. 30#Kul 19:10Elyo bapaizi aba-Levi bakalisalazya, alimwi bakasalazya bantu amilyango abulambo. 31#Neh 2:13Lino ndakasisya basilutwe ba-Juda atala abulambo. Nkabela ndakabika inkamu impati zyobile zyakweenda kuya butembaula. Inkamu intaanzi yakaya kululyo abulambo kuya kumulyango wabufumba, 32Kusule lyabo kwakeenda Hosaya acisela cabasilutwe ba-Juda, 33a-Azariya, Ezara, Mesulamu, 34Juda, Benjamini, a-Semaya, a-Jeremiya, 35#My 10:2; Jos 6:4; 2 Mak 5:12abamwi bana babapaizi basimyeembo, Zekariya mwana wa-Jonatani mwana wa-Semaya mwana wa-Mataniya mwana wa-Mikaya mwana wa-Zakuri mwana wa-Asafu, 36#1 Mak 23:5; 2 Mak 8:14; Am 6:5abanyina Semaya a-Azareli, Milalai, Gilalai, Maai, Netaneli, a-Jehuda, Hanani, bali azibelesyo zyakwiimbya zya-Davida muntu wa-Leza. Alakwe Ezara mupaizi nguwakabasololela. 37#Neh 2:14; 2 Sam 5:7-9; Neh 3:15,26Lino kumulyango wacikala bakalulama kutanta kumatantilo aamunzi wa-Davida, kumatantilo aabulambo, kujulu lyaŋanda ya-Davida, mane kusikila kumulyango wamaanzi wakujwe. 38Ankamu yabili yabasikutembaula bakaya kuyooswanaana abo, ambebo ndakali kubatobela, acisela cabantu ibakali abulambo, kuzwa kuŋanda indamfu yaziko mane kusikila kubulambo bukwazeme, 39#2 Bam 14:13; Neh 3:6; Jer 32:2akuzwa kumulyango wa-Efraimu, kufwaafwi kumulyango wakalekale, amulyango wanswi, aŋanda indamfu ya-Hananeeli, aŋanda indamfu ya-Mea, mane kusikila kumulyango wambelele. Elyo bakaima mumulyango wabalindizi. 40#Int 42:4Mbuboobo inkamu zyobile zyabasikutembaula mbuzyakaima muŋanda ya-Leza. Ambebo ndakali nkuko, acisela cabasilutwe, 41abapaizi Eliyakimu, Maaseya, Minjamini, Mikaya, Eliunai, Zekariya, Hananiya, bakali amyeembo; 42a-Maaseya, a-Semaya, a-Eleazara, a-Uzi, a-Jehohanana, a-Malikiya, a-Elamu a-Ezeri. Nkabela basikwiimba bakaimbisya. Jezerahiya kali silutwe wabo. 43#Int 9:2; 92:4Lino bakatuula zipaizyo zipati mubuzuba obo, alimwi bakasekelela, nkaambo Leza wakabasekelezya alukondo lupati. Abalo banakazi abana boonse bakasekelela, aboobo kusekelela kwa-Jerusalemu kwakamvwigwa kule.
44 #
2 Mak 13:11,12; Neh 13:5 Lino mubuzuba obo bantu bakabikwa kuti babeleke milimo yatwaanda twaziyobwedo atwazituuzyo atwakabalwebalwe atwazipanzi zyakumi, kuti bayobolole zipanzi zyeelede, mbuuamba mulao, kuzwa kumyuunda yaminzi, akuzibika mulintuto, zibe zyabapaizi azyaba-Levi, nkaambo ba-Juda bakakondelelwa bapaizi aba-Levi ibakaima. 45#1 Mak 25:1Aboobo bakalanga bulangizi bwa-Leza wabo abulangizi bwakusalazya, Abalo basimilyango abasikwiimba bakacita mbubonya, mbubonya mbwaakalailila Davida amwanaakwe Solomoni. 46Nkaambo kalekale mumazuba aa-Davida a-Asafu kakuli silutwe wabasikwiimba anyimbo zyakutembaula azyakulumba Leza. 47Nkabela mumazuba aa-Zerubabeli amumazuba aa-Nehemiya ba-Israyeli boonse bakali kwaabila basikwiimba abasimilyango zyaabilo, buzuba bumwi abumwi mbukweelede. Bakasalazizya ba-Levi, abalo ba-Levi bakasalazizya bana ba-Aroni.
Currently Selected:
Nehemiya 12: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.