Matayo 1
1
Bamawisi Jesu
(Luka 3:23-38)
1 #
Lk 3:23-38
#
1 Mak 17:11; Matl 5:1; 22:18 Ibbuku lyabansiku ba-Jesu Kristo, Mwanaakwe Davida, mwanaakwe Abrahamu.
2 #
Matl 21:3,12; 25:26; 29:35; 49:10; 1 Mak 1:34 Abrahamu wakazyala Izaka, alakwe Izaka wakazyala Jakobo, alakwe Jakobo wakazyala Juda ababunyina bakwe, 3#1 Mak 2:5,9; Matl 38:29,30; Rut 4:18-22; 1 Mak 2:10-12alakwe Juda wakazyala Faresi a-Zara kuli-Tama, alakwe Faresi wakazyala Hezromi, alakwe Hezromi wakazyala Aramu, 4alakwe Aramu wakazyala Aminadaba, alakwe Aminadaba wakazyala Naasoni, alakwe Naasoni wakazyala Salmoni, 5#Rut 4:13-17alakwe Salmoni wakazyala Boazi kuli-Rahabe, alakwe Boazi wakazyala Obede kuli-Rute, alakwe Obede wakazyala Jese, 6#2 Sam 12:24alakwe Jese wakazyala mwami Davida.
Alakwe Davida wakazyala Solomoni kulimuka-Uriya, 7#1 Mak 3:10-14alakwe Solomoni wakazyala Roboamu, alakwe Roboamu wakazyala Abiya, alakwe Abiya wakazyala Asa, 8alakwe Asa wakazyala Josafata, alakwe Josafata wakazyala Joramu, alakwe Joramu wakazyala Uziya, 9alakwe Uziya wakazyala Jotama, alakwe Jotama wakazyala Ahaze; alakwe Ahaze wakazyala Hezekiya, 10alakwe Hezekiya wakazyala Manasi, alakwe Manasi wakazyala Amosi, alakwe Amosi wakazyala Josiya, 11#2 Bam 24:14-15; 2 Mak 36:10; Jer 27:20; 1 Mak 3:15,16alakwe Josiya wakazyala Jekoniya ababunyina bakwe kuciindi cakulonzegwa ku-Babuloni.
12 #
1 Mak 3:17; Ezr 3:2 Musule lyakulonzegwa ku-Babuloni Jekoniya wakazyala Salatiele, alakwe Salatiele wakazyala Zerobabele, 13alakwe Zerobabele wakazyala Abiyudi, alakwe Abiyudi wakazyala Eliyakimu, alakwe Eliyakimu wakazyala Azoro, 14alakwe Azoro wakazyala Sadoki, alakwe Sadoki wakazyala Akimu, alakwe Akimu wakazyala Eliyudi, 15alakwe Eliyudi wakazyala Eleazara, alakwe Eleazara wakazyala Matani, alakwe Matani wakazyala Jakobo, 16#Mt 27:17,22alakwe Jakobo wakazyala Josefa, mulumaakwe Maliya, nguwe wakazyala Jesu uutegwa Kristo.
17Aboobo mazyalani oonse kuzwida kuli-Abrahamu kusikila kuli-Davida akali mazyalani aali ikumi mwaane, akuzwida kuli-Davida akusikila kukulonzegwa ku-Babuloni mazyalani aya aalo ali ikumi mwaane, akuzwida kukulonzegwa ku-Babuloni akusikila kuli-Kristo mazyalani aya aalo ali ikumi mwaane.
Jesu Kristo mbwaakazyalwa
(Luka 2:1-7)
18 #
Lk 1:27,35 Lino mbuboobu mbwaakazyalwa Jesu Kristo. Maliya banyina katangidwe kuli-Josefa, lino kabatana kuswanaana wakabonwa kuti ulimitide kuli-Muuya Uusalala. 19Lino Josefa mulumaakwe mbaakali muntu uululeme, takwakayanda kumuusya insoni, wakayeeya kuti nkamuleke kumbali. 20#Mt 1:18Nkabela naakali kuyeeya miyeeyo eyi kwakamubonekela angelo wa-Jehova muciloto, wakati, Josefa mwanaakwe Davida, utayoowi kulitambwida mwanakazi wako, nkaambo kakuti eco cimitidwe mulinguwe nca-Muuya Uusalala. 21#Lk 1:31; 2:21; Inc 4:12Nkabela uzootumbuka mwana mulombe ngozooulika izina lya-Jesu, nkaambo nguwe uuzoofutula bantu bakwe kuzwa kuzibi zyabo. 22#Is 7:14Lino aya oonse akaba kuti acitwe ngaakaamba Jehova kumusinsimi kuti:
23 #
Is 7:14
Amubone. Oyu musimbi uzoomita, uzootumbuka mwana mulombe. Nkabela bazoomuulika izina lya-Emanuele, nkukwaamba kuti, Leza uli aswe.
24Lino Josefa naakabuka kuŋonzi wakacita mbuli mbwaakamulailila angelo wa-Jehova, wakalitambwida mwanakazi, 25#Lk 2:21; 2:7nekubaboobo katamuzi mane do wakatumbuka mwana mulombe, elyo wakamuulika izina lya-Jesu.
Currently Selected:
Matayo 1: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.