Levitiko 24
24
Milao yamalampi aacikombelo azinkwa zyakutuula
1Lino Jehova wakaambila Musa kuti, 2#Kul 27:20; 39:37; My 8:2-4Lailila bana ba-Israyeli kuti bamu letele mafuta aasalala aamaolifa aaengedwe aakumunisya ilampi, kuti ilampi kaliyaka lyoonse. 3Anze lyacisitilizyo camulao mutente lyakubunganina, Aroni mpaelede kulibamba lyoonse, kumazuba acifumofumo, kubusyu bwa-Jehova, Ngumulao walyoonse mumazyalani aanu oonse. 4#Kul 31:8; 37:17-24Abambe malampi lyoonse aciimikilo cisalala kubusyu bwa-Jehova.
5 #
Kul 25:30; 40:24 Lino bweza busu bunante akujika zinkwa zili ikumi azibili; cinkwa cimwi acimwi cibe azipanzi zyobile zyakumi zyalusuwo. 6#1 Bam 7:48; 2 Mak 4:19; Heb 9:2Nkabela uleelede kuzibamba mumilongo yobile, nkokuti musanu acimwi mumulongo umwi aumwi, antafule iisalala kubusyu bwa-Jehova. 7Alimwi bika tununkilizyo tusalala twalibano amulongo umwi aumwi, kuti tube antoomwe azinkwa, tube cipaizyo cakwiibalusya cakutentela Jehova. 8#My 4:7; 1 Mak 9:32; 2 Mak 2:4Mubuzuba bumwi abumwi bwaSabata Aroni azibambe kubusyu bwa-Jehova; acitile bana ba-Israyeli, kuti kube cizuminano citeeli. 9#Mt 12:4; Mk 2:26; Lk 6:4; 1 Sam 21:6; Kul 29:33; Lev 8:3; 21:22Zilaba zya-Aroni azyabana bakwe, bazilye mubusena busalala; ncecaabilo cakwe cisalalisya akati kazipaizyo zitentelwa Jehova; ngumulao walyoonse.
Milandu yabasikusampaula Leza amilao imwi
10Lino kakweenda akati kabana ba-Israyeli umwi muntu, mwana wamwanakazi mu-Israyeli; wisi kali mu-Egepita, Oyo mwana wamwanakazi mu-Israyeli wakakazyanya mumalabba amwaalumi mu-Israyeli. 11#Job 1:5; 2:5,9; Is 8:21; Kul 18:22Nkabela mwana wamwanakazi mu-Israyeli wakasampaula izina lya-Leza akutukila, Mpawo bakamuleta kuli-Musa. Izina lyabanyina bakali Selomiti mwana wa-Dibri wamusyobo wa-Dani. 12#My 15:34; Kul 18:15,16Nkabela bakamubika muntolongo mane bakayubunwidwe kuyanda kwa-Jehova.
13Lino Jehova wakaambila Musa kuti, 14#Dt 17:7Oyo muntu iwakatukila, amumulete anze lyamalabba. Lino boonse ibakamumvwa babike maanza aabo amutwe wakwe, abasimbungano boonse bamufuse mabwe. 15#Lev 5:1; 9:13Alimwi ambila bana ba-Israyeli kuti, Kufumbwa muntu uutukila Leza wakwe ulapegwa mulandu. 16#1 Bam 21:10; Int 74:10,18; Mt 12:31; Mk 3:28; Jak 2:7Uusampaula izina lya-Jehova ncobeni ulajayigwa, basimbungano boonse bamufuse mabwe. Kufumbwa muntu, naba muzyalwemucisi naba mweenzu, uusampaula izina lya-Leza uleelede kufwa. 17#Kul 21:12; Matl 9:6; My 35:31; Dt 19:11; Mt 26:52; Ciy 13:10Ayooyo uujaya muntunyina ncobeni uleelede kufwa. 18Amuntu uujaya munyama, uleelede kuliya mbubonya, buumi mucibaka cabuumi. 19#Kul 21:24; Dt 19:21; Mt 5:38; 7:2Alimwi muntu uupa mweenzinyina kampenda uleelede kucitilwa mbubonya mbwaakacita, 20#Kul 21:23-25; Dt 19:21; Mt 5:38luumo kuluumo, liso kuliso, lino kulino. Mbuli mbwaakabisizya mweenzinyina, ulacitilwa mbubonya obo. 21#Kul 21:33Uujaya munyama aliye; uujaya muntu ajayigwe. 22#My 15:16; Kul 12:49; Lev 19:34; Dt 10:17,19Kube mulao omwe buyo kubantu boonse, naba mweenzu naba muzyalwe mucisi, nkaambo ndime Jehova Leza wanu.
23 #
Dt 13:9; 17:7 Mpawo Musa wakaambila bana ba-Israyeli, nkabela oyo iwakatukila bakamugwisya mumalabba, bamufusa mabwe. Bana ba-Israyeli bakacita mbubonya mbuli Jehova mbwaakalailila Musa.
Currently Selected:
Levitiko 24: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.