Joshua 23
23
Joshua mbwaakacenjezya bantu
1 #
Jos 21:44; 22:4; 13:1 Lino nikwamana ciindi cilamfu, Jehova naakamana kupa bana baIsrayeli kulyokezya kwakutakataazigwa kuli basinkondonyina boonse bazyungulukide, alimwi Joshua naakacembaala akuba amyaka minji, 2#Dt 31:28; Jos 24:1; 1 Mak 28:1Joshua wakaita bana ba-Israyeli boonse, bapati abasilutwe ababetesi abeendelezi, akubaambila makani. Wakati, Ime ndacembaala, ndaba amyaka mmu, 3Lino inywe mwabona zintu zyoonse Jehova Leza wanu nzyaakacitila misyobo eyi yoonse kubusyu bwanu, nkaambo Jehova Leza wanu nguwakamulwida. 4Amubone! Ndamwaabila ezi zisi zisyeede, kuti zivubwe kumikowa yanu, kuzwa ku-Jordano, amisyobo yoonse njindanyonyoona, mane kusikila kulwizi lupati lwakububbila. 5#Kul 23:30; 33:2; 34:11; Dt 11:23; My 33:53Jehova Leza wanu nguuti kabatande kubusyu bwanu akubasaala kumeso aanu, kuti muvube nyika yabo, mbubonya Jehova Leza wanu mbwaakamwaambila. 6#Dt 5:32; 28:14Nkaambo kako amuliyumye loko kuti mujatisye akucita zyoonse zilembedwe mubbuku lyamulao wa-Musa, Mutaleyi kuzwa kulinzizyo, nikuba kululyo nikuba kulumwensi. 7#Kul 23:33; Dt 7:2,3; Tus 4:14; Ef 5:11; Kul 23:13; My 32:38; Int 16:4; Jer 5:7; Zef 1:5Amisyobo eyi iisyeede, mutavwelaani ayo pe. Mutaambi mazina aamizimu yabo, nikuba kukonkya njiyo, nikuba kwiivundamina nikuba kwiimanina milimo. 8#Dt 10:20; 11:22Pele amukakatile kuli-Jehova Leza wanu; mbubonya mbumwakacita mazuba aakamana akusikila sunu. 9#Jos 1:5Jehova wamutandila misyobo mipati iili anguzu, anukuti anywe nubeni taakwe muntu naba omwe iwakaimikila cakumulwisya akusikila sunu. 10#Dt 3:22; 32:30; Bab 3:31; 15:15; 2 Sam 23:8Umwi wanu ulatanda bantu bali cuulu, nkaambo kakuti Jehova Leza wanu nguumulwida, mbubonya mbwaakamwaambila. 11Lino amucenjele loko, muyandisye Jehova Leza wanu. 12#Heb 10:38; 2 Pet 2:20Nkaambo kakuti, naa mwabweeda musule akukakatila kumisyobo eyi iisyeede njimukede ayo, akukwatana ayo akuswanaana abo, 13#Bab 2:3; 1 Bam 11:4elyo ncobeni muyooziba kuti Jehova Leza wanu takooyoobatanda limbi bantu bamisyobo eyi kumeso aanu, pele bayoomubeda kooze acigece, ciyasyo camumabazu aanu amamvwa aamumeso aanu, mane mukamaninine munyika eyi imbotu Jehova Leza wanu njaakamupa. 14#Muk 12:3-7; Heb 9:27; 11:13; Lk 21:33Lino mebo ndatola inzila njibatola bantu boonse. Mulizi camyoyo yanu yoonse acamiyeeyo yanu yoonse kuti taakwe cintu niciba comwe icakawida ansi akati kazintu zibotu zyoonse Jehova Leza wanu nzyakaamba aandinywe. Zyoonse buyo zyakacitika, taakwe niciba comwe icakawida ansi. 15#Dt 28:63; Lev 26:16; Dt 28:15,16; Bab 3:8,12; 4:1; Lk 21:22Lino mbubonya mbumwasikilwa zintu zyoonse zibotu Jehova Leza wanu nzyaakamwaambila, aboobo Jehova uyoomuletela zintu zyoonse zibi, mane akamunyonyoone kuzwa munyika eyi imbotu Jehova Leza wanu njaamupede. 16Na mwasotoka cizuminano ca-Jehova Leza wanu ncaakamulailila, akuya bumanina mizimu myeenzu milimo akwiikotamina, elyo bukali bwa-Jehova buyoomubukila, muyoofwambaana kunyonyooka kuzwa munyika imbotu njaakamupa.
Currently Selected:
Joshua 23: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
Joshua 23
23
Joshua mbwaakacenjezya bantu
1 #
Jos 21:44; 22:4; 13:1 Lino nikwamana ciindi cilamfu, Jehova naakamana kupa bana baIsrayeli kulyokezya kwakutakataazigwa kuli basinkondonyina boonse bazyungulukide, alimwi Joshua naakacembaala akuba amyaka minji, 2#Dt 31:28; Jos 24:1; 1 Mak 28:1Joshua wakaita bana ba-Israyeli boonse, bapati abasilutwe ababetesi abeendelezi, akubaambila makani. Wakati, Ime ndacembaala, ndaba amyaka mmu, 3Lino inywe mwabona zintu zyoonse Jehova Leza wanu nzyaakacitila misyobo eyi yoonse kubusyu bwanu, nkaambo Jehova Leza wanu nguwakamulwida. 4Amubone! Ndamwaabila ezi zisi zisyeede, kuti zivubwe kumikowa yanu, kuzwa ku-Jordano, amisyobo yoonse njindanyonyoona, mane kusikila kulwizi lupati lwakububbila. 5#Kul 23:30; 33:2; 34:11; Dt 11:23; My 33:53Jehova Leza wanu nguuti kabatande kubusyu bwanu akubasaala kumeso aanu, kuti muvube nyika yabo, mbubonya Jehova Leza wanu mbwaakamwaambila. 6#Dt 5:32; 28:14Nkaambo kako amuliyumye loko kuti mujatisye akucita zyoonse zilembedwe mubbuku lyamulao wa-Musa, Mutaleyi kuzwa kulinzizyo, nikuba kululyo nikuba kulumwensi. 7#Kul 23:33; Dt 7:2,3; Tus 4:14; Ef 5:11; Kul 23:13; My 32:38; Int 16:4; Jer 5:7; Zef 1:5Amisyobo eyi iisyeede, mutavwelaani ayo pe. Mutaambi mazina aamizimu yabo, nikuba kukonkya njiyo, nikuba kwiivundamina nikuba kwiimanina milimo. 8#Dt 10:20; 11:22Pele amukakatile kuli-Jehova Leza wanu; mbubonya mbumwakacita mazuba aakamana akusikila sunu. 9#Jos 1:5Jehova wamutandila misyobo mipati iili anguzu, anukuti anywe nubeni taakwe muntu naba omwe iwakaimikila cakumulwisya akusikila sunu. 10#Dt 3:22; 32:30; Bab 3:31; 15:15; 2 Sam 23:8Umwi wanu ulatanda bantu bali cuulu, nkaambo kakuti Jehova Leza wanu nguumulwida, mbubonya mbwaakamwaambila. 11Lino amucenjele loko, muyandisye Jehova Leza wanu. 12#Heb 10:38; 2 Pet 2:20Nkaambo kakuti, naa mwabweeda musule akukakatila kumisyobo eyi iisyeede njimukede ayo, akukwatana ayo akuswanaana abo, 13#Bab 2:3; 1 Bam 11:4elyo ncobeni muyooziba kuti Jehova Leza wanu takooyoobatanda limbi bantu bamisyobo eyi kumeso aanu, pele bayoomubeda kooze acigece, ciyasyo camumabazu aanu amamvwa aamumeso aanu, mane mukamaninine munyika eyi imbotu Jehova Leza wanu njaakamupa. 14#Muk 12:3-7; Heb 9:27; 11:13; Lk 21:33Lino mebo ndatola inzila njibatola bantu boonse. Mulizi camyoyo yanu yoonse acamiyeeyo yanu yoonse kuti taakwe cintu niciba comwe icakawida ansi akati kazintu zibotu zyoonse Jehova Leza wanu nzyakaamba aandinywe. Zyoonse buyo zyakacitika, taakwe niciba comwe icakawida ansi. 15#Dt 28:63; Lev 26:16; Dt 28:15,16; Bab 3:8,12; 4:1; Lk 21:22Lino mbubonya mbumwasikilwa zintu zyoonse zibotu Jehova Leza wanu nzyaakamwaambila, aboobo Jehova uyoomuletela zintu zyoonse zibi, mane akamunyonyoone kuzwa munyika eyi imbotu Jehova Leza wanu njaamupede. 16Na mwasotoka cizuminano ca-Jehova Leza wanu ncaakamulailila, akuya bumanina mizimu myeenzu milimo akwiikotamina, elyo bukali bwa-Jehova buyoomubukila, muyoofwambaana kunyonyooka kuzwa munyika imbotu njaakamupa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.