Jobu 19
19
Jobu ulapandulula mapenzi aakwe akukombelezya luse kubazwalani bakwe
1Elyo Jobu wakavuwa wati,
2 #
1 Sam 1:6; Int 6:2,3 Mulaleka lili kupenzya muuya wangu,
Akundipwayapwaya amajwi aanu?
3Mulandivulumina ziindi zili kumi,
Mwandijata bubi cakubula insoni
4 #
Int 19:12; Ezk 18:4 Nekuba kuti inga ndakalubizya,
Cibi cangu makani aangu.
5 #
Int 38:16; Mik 7:8 Kuti kamundilwanya mukulisampula kwanu
Akundivulumina akweetezya kwangu,
6 #
Malo 1:13
Amuyeeye kuti ngu-Leza wakandinyonyoona,
Kanditeya munsabwe zyakwe.
7Ndoompolola kuti, Ndafwa! pele taakwe uundivwiila;
Ndakwiilila lugwasyo pesi taakwe uukosola mulandu.
8 #
Malo 3:7,8 Ulisinkide nzila yangu,
Akwiisizya kuti ntaindi.
9Wandipilusizya bulemu bwangu
Akundinyanga bwami.
10Wandikolomosya koonse koonse;
Wazyula kulangila kwangu mbuli musamu;
11 #
Dt 32:22
Undikunkilide kunyema kwakwe,
Akundiyeeya mbuli sinkondonyina.
12 #
Int 34:19
Mbaaba basilumamba bakwe,
Balakazyanya kuti bandisaale.
13 #
Int 31:11; Mt 26:56; 2 Tim 4:16 Basikamukowama bandilekelede limwi,
Bazwalani bangu baliyamukide kulindime.
14Basazima tabayandi kundiziba,
Bazibide kundiswaya balindilubide.
15Bazike bangu basimbi balandaamba kuti mweenzu;
Kulimbabo ndi muzwamasi.
16Ndaita muzike wangu pele tandivwiili;
Ndeelede kumukombelezya buyo.
17Muuya wangu ulasesemya banangu;
Akubana bakwesu ndanunka.
18Abana bani ini bandinonga;
Kuti na ndanyamuka balandisampaula.
19Bazwalani bangu boonse balacimwa nkaambo kangu,
Abaabo mbindakali kuyanda balandilwanya.
20Lukanda lwangu lulanamatila kuzifuwa zyangu;
Ndilobokede biyo anyama yamumeno aangu.
21Mubaaluse, mundifwide luzyalo nywe nobazwalani bangu,
Nkaambo ndaumwa ajanza lya-Leza.
22Mundipenzezyanzi mbuli mbwacita Leza?
Sa tamusangalilwi anyama yangu?
23Majwi aangu naalembwa!
Naalembwa mulugwalo!
24Naaengwa apeni lyalubulo alotwe!
Naaengwa abbwe kuti akale kutamani!
25Nekubaboobo ndilizi kuti Muvuni wangu ulapona,
Alimwi kuti uyoondiiminina anyika.
26Nekuba kuti mubili oyu wamana,
Buumi bwangu buyoobona Leza,
27Moyo wangu ulalilauka kumubona kali kulubazu lwangu;
Kumubona katayanzanukide andime.
28Inywe nomwaamba kuti, Tuyakumupenzya buti,
Nkaambo mulandu uli kulinguwe?
29Amucenjele!
Nkaambo inzeko zili boobo zilatundululwa apanga,
Kuti mwiiye kuti kuli Mubetesi.
Currently Selected:
Jobu 19: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.