Johane 16
16
Jesu mbwaakaamba mapenzi aaciza, akuboola kwakwe
1 #
Joh 14:29
Ndamwaambila makani aya kuti mutalebwi. 2#Joh 9:22; Mt 5:11; 24:9; Lk 6:22Bayoomutanda muzikombelo, alimwi ciindi ciyoosika kuti oyo uuti kamujaye uyoocita anga, Ndamanina Leza mulimo. 3#Joh 15:21Bayoomucitila zintu ezi nkaambo tabana kumuziba Taata, nemba ndime. 4#Lk 22:53; Joh 17:12Pele ndamwaambila zintu ezi, kuti ciindi canzizvo caakusika, mukayeeye mbwendakamwaambila nzizyo. Nsikamwaambilide ezi zintu kusaanguna nkaambo ndakacili anywebo, 5#Joh 7:33Pele eno ndainka kulooyo uwakandituma, akati kanu takukwe uundibuzya kuti, Ino uyai? 6Pele nkaambo ndakamwaambila zintu ezi, myoyo yanu ilizywide buusu. 7#Joh 14:16,26Nokubaboobo ndamwaambila kasimpe kuti, Nceceelede kulindinywe kuti ndiinke, nkaambo ndatainka Mugwasyi takooyoosika kulindinywe, pele kuti ndainka ndiyoomutumina nguwe. 8#1 Kor 14:24; Heb 4:12Walo asika, uzooipa mulandu inyika aazibi, aabululami, aalubeteko: 9#Joh 3:18; Rom 1:18aazibi, nkaambo tabandisyomi, 10#Inc 5:31; Rom 4:25aabululami, nkaambo ndiya kuli-Taata, anywebo tamucindiboni limbi, 11#Joh 12:31; 14:30aalubeteko, nkaambo mwami wanyika eyi wabetekwa kale. 12#1 Kor 3:1Ndicili amakani manji aakumwaambila, pele tamwaakonzya sunu, 13#Joh 14:26; 1 Joh 2:27Nokubaboobo asika oyo Muuya wabwini, uzoomweenzya mubwini boonse. Nkaambo takoozoolyaamba mwini, pele uzooamba ezyo nzyati kamvwe, alimwi uzoomuyubulwida zintu iziciza. 14Uzoondilemeka nkaambo uzootola zyangu, uzooziyubulwida ndinywe, 15#Joh 17:10Zintu zyoonse nzyajisi Taata, nzizyangu. Ncendaamba kuti uzootola zyangu, uzooziyubulwida ndinywe. 16#Joh 14:19Kaba kaindi kaniini tamucindiboni limbi, alimwi kaba kaindi kaniini muyoondibona. 17Nkaambo kaako bamwi babasikwiiya bakwe bakabuzyanya kuti, Ino nkokutinzi obo mbwaatwaambila kuti, Kaba kaindi kaniini tamucindiboni limbi, alimwi kaba kaindi muyoondibona, aboobo mbwaamba kuti, Nkaambo ndiya kuli-Taata? 18Ncobakaamba kuti, Ino nkokutinzi naamba obo kuti, Kaba kaindi kaniini? Tatuzi ncaamba. 19Jesu wali kuzi kuti bali kuyandisya kumubuzya, wakabaambila kuti, Sena mulabuzyanya makani aya ngendaamba, kuti, Kaba kaindi kaniini tamucindiboni, alimwi kaba kaindi kaniini muyoondibona? 20Ncobeni ndamwaambila nkasimpe kuti mulalila akoomoka, pele inyika iyoobotelwa. Alimwi muyoousa pele kuusa kwanu kuyoosanduka kubotelwa. 21#Is 26:17Mwanakazi natumbuka ulausa, nkaambo ciindi cakwe casika. Pele atumbuka, taciyeeyi limbi kuciswa kwakwe, nkaambo kakukondwa kwakwe kuti muntu wazyalwa ansi. 22#Is 66:14Anywebo mulausa eno pele ndiyoomubona alimwi, myoyo yanu iyookondwa, akwalo kukondwa kwanu takukwe uuti kamunyange. 23#Joh 14:13,14,20; 1 Joh 5:14; Mt 7:7; Mk 11:24Kubuzuba obo tamukwe ncomuyoondibuzya. Ncobeni ndamwaambila kasimpe, Kufumbwa cintu ncomuyookumbila kuli-Taata muzina lyangu uyoomupa, 24#Joh 15:11Mbukwaali kuba tamunakumbila cintu muzina lyangu. Amukumbile, muyoopegwa, kuti kukondwa kwanu kuzyulile.
25 #
Joh 10:6
Ezi zintu ndamwaambilila mutulabi, Ciindi cilasika ncentaciyoomwaambilili limbi mutulabi, pele ndiyoomwaambilila antangalala izyaTaata. 26Kubuzuba obo muyookumbila muzina lyangu, Eno nsimwaambili kuti ndiyoomukumbilila kuli-Taata, 27#Joh 14:21nkaambo Taata mwini ulamuyanda, nkaambo kakuti mwandiyanda mebo, alimwi mwasyoma kuti ndakazwida kuli-Taata. 28Ndakazwa kuli-Taata, ndakeza ansi. Alimwi ndiisia nyika, ndilaya kuli-Taata. 29#Joh 16:25Basikwiiya bakwe bakati, Langa, eno waamba antangalala, tocaambi mutulabi. 30#Joh 2:25Eno twaziba kuti ulizizi zintu zyoonse, toelede kuti muntu akubuzye. Aboobo twasyoma kuti wakazwa kuli-Leza. 31Jesu wakabavuwa kuti, Sena mwasyoma eno? 32#Zek 13:7; Mt 26:31,45; Mk 14:27,50; Joh 8:29Amulange, ciindi cilasika, ncobeni ncencico cino, ncomuti mwaike umwi umwi kulizyakwe, mulandisia endike, nokubaboobo nsili endike nkaambo Taata uli amebo. 33#Joh 14:27; Rom 5:1; 1 Joh 5:4Ncendamwaambila zintu ezi kuti mulindime mube aluumuno, Munyika mulaba amapenzi, pele amulimbe myoyo, ndakiizunda nyika.
Currently Selected:
Johane 16: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.