Jeremiya 52
52
Zedekiya abantu bakwe mbubakatolwa ku-Babuloni
1 #
2 Bam 24:18; 2 Mak 36:11 Zedekiya kajisi myaka iili makumi obile aumwi naakaba mwami, nkabela wakeendelezya mu-Jerusalemu myaka iili ikumi aumwi. Izina lyabanyina basali Hamutala mwana musimbi wa-Jeremiya wakuLibina. 2Nkabela wakacita bubi mumeso aa-Jehova mbubonya mbwaakacita Jehoyakimu. 3#Ezk 17:12-16Nkaambo bukali bwa-Jehova bwakali kuya bukomena mu-Jerusalemu amucisi ca-Juda mane lumwi wakabatanda kuzwa kubusyu bwakwe. Elyo Zedekiya wakapapila mwami wa-Babuloni. 4#Ezk 24:2; 2 Bam 25:1; Zek 8:19; Jer 39:1; 6:3-6; Dt 28:52-57; Is 42:24,25Nkabela munwaka wamusanu aine wabwami bwakwe, munwezi wakumi, mubuzuba bwakumi bwamwezi, kwakasika Nebukadinezara mwami wa-Babuloni, walo abasilumamba bakwe boonse, ku-Jerusalemu kuzoolwisya, nkabela bakausinkinizya akuyaka lubaya lwakuuzyungulusya. 5Aboobo munzi wakalisinkinizidwe mane kusikila kumwaka wakumi aumwi wabwami bwa-Zedekiya. 6#Lev 26:14,26; Is 3:1; Ezk 4:16Elyo mubuzuba bwamusanu aane bwamwezi wane, inzala yakakomena loko mumunzi, abantu bacisi teebakajisi zilyo abuniini. 7#Ezk 33:21Mpawo munzi wakaanduka, nkabela basilumamba boonse bakacija masiku, bazwa mununzi akwiinda kumulyango uuli akati kamalambo obile, kufwaafwi kumuunda wamwami, ba-Kasidi nibakacili kuzyunguluka munzi. Lino bakatola inzila iiya ku-Araba. 8Pele basilumamba baba-Kasidi bakatobela mwami, bamweenzya Zedekiya mugezi lya-Jeriko, nkabela basilumamba bakwe boonse bakamwaika, bamusia. 9#Jer 32:4Lino bakajata mwami, bamuleta kumwami wa-Babuloni ku-Ribila munyika ya-Hamati, bamubeteka nkuko. 10#Jer 39:6,7Nkabela bana ba-Zedekiya, mwami wa-Babuloni wakabajaya kumeso aakwe, abalo basilutwe boonse ba-Juda, wakabajaya ku-Ribila. 11#Ezk 12:13Alimwi wakaofwaazya meso aa-Zedekiya, wamwaanzya inkeetani, nkabela mwami wa-Babuloni wakamusisya ku-Babuloni, wamubika muntolongo mane kusikila kubuzuba bwalufu lwakwe.
12 #
2 Bam 25:8; Zek 7:5; Jer 39:9 Lino mumwezi wasanu, mubuzuba bwakumi bwamwezi, nkokuti mumwaka wakumi amusanu aine wabwami bwa-Nebukadinezara mwami wa-Babuloni, Nebuzaradana mupati wabasikutabilila, mulanda wamwami wa-Babuloni, wakanjila mu-Jerusalemu. 13#1 Bam 9:8; Is 64:10,11; Jer 26:18; Mt 24:1,2Nkabela wakatenta iŋanda yaJehova aŋanda yamwami amaanda oonse aamu-Jerusalemu. Maanda oonse mapati wakaatenta amulilo. 14Aalo malambo oonse aa-Jerusalemu aazyungulukide munzi, bakaamwaya basilumamba baba-Kasidi, mupati wabasikutabilila mbaakeza abo. 15Abantu bamwi batengwana, abantu bamwi ibakasyeede mumunzi, abaabo ibakalyaabide kale mumaanza aamwami waBabuloni, abana baleya, boonse Nebuzaradana mupati wabasikutabilila wakabatola mubuzike. 16Pele Nebuzaradana mupati wabasikutabilila wakaleka bamwi bacete bacisi kuti babe basimyuunda yamasaansa abasikulima,
17 #
1 Bam 7:15-47; Jer 27:19 Lino minsende yamukuba iyakali muŋanda ya-Jehova, azikazikilo, acikozyano caziba lyamaanzi camukuba icakali muŋanda ya-Jehova, zyoonse ba-Kasidi bakazipwayaula akutola mukuba wazyo woonse ku-Babuloni. 18#Kul 27:3Azyalo zilongo, amaliko, atugele, amigano, azinkomba, azibelesyo zyoonse zyamukuba nzibakali kupaizya, zyoonse buyo bakazitola. 19Ayalo mitiba, ankayi zyamulilo, amigano, azilongo, azibikilo zyamalampi, azinkomba zyatununkilizyo amitiba yazipaizyo zyakunywa, zibulo zyoonse zyangolida mupati wabasikutabilila wakatola ingolida yazyo, azibulo zyoonse zyansiliva wakatola insiliva yazyo. 20Nkabela minsende yobile, acikozyano comwe caziba lyamaanzi, abasune bali ikumi ababili bamukuba ibakaimvwi kunsi lyaziba, azikazikilo, mwami Solomoni nzyaakacitila iŋanda ya-Jehova, bulemu bwamukuba wa zintu ezi zyoonse teebwakali kweelekeka. 21#1 Bam 7:15,21,22; 2 Mak 3:15Aminsende, bulamfu bwaumwi aumwi bwakali tukokola tuli ikumi amusanu arutatu, amubalo wawo wakali tukokola tuli ikumi atubili, antuli yawo yakali indiya yaminwe yone, nkaambo wakalifokwedwe. 22Atala lyawo kakuli ciimikilo camukuba. Bulamfu bwaciimikilo cimwi acimwi cakali tukokola tosanwe, alimwi ciimikilo cakalizyungulukidwe tusabwe tupesedwe amapomegranite; zyoonse zyakalifulidwe mukuba. 23#1 Bam 7:20; 2 Mak 3:16Mapomegranite aakumabazu akali makumi aali musanu aane amusanu alimwi, amapomegranite oonse aakali zyungulukide kasabwe akali mwaanda.
24 #
1 Mak 6:14; 2 Bam 25:18; Jer 21:1 Mpawo mupati wabasikutabilila wakabweza Seraya mupaizi mupati, a-Zefaniya mupaizi wabili, abantu botatwe ibakali kulanga mulyango, 25alimwi mumunzi wakabweza umwi, silutwe iwakali kulanga basilumamba, abasinkuta bamwami bali musanu ababili ibakajanwa mumunzi, amulembi wasilutwe wampi iwakali kubunganya bantu bacisi, abantu banyika bali makumi aali musanu alimwi ibakajanwa mukati kamunzi. 26Aba boonse Nebuzaradana mupati wabasikutabilila wakababweza akubasisya kumwami wa-Babuloni ku-Ribila. 27#Lev 26:33Lino mwami wa-Babuloni wakabauma akubajaya nkukonya oko ku-Ribila munyika ya-Hamati. Mbuboobo ba-Juda mbubakatolwa mubuzike akugwisigwa munyika yabo.
28 #
2 Bam 24:2; 2 Mak 36:20 Ngooyu mweelwe wabantu Nebukadinezara mbaakatola mubuzike mumwaka wamusanu aibili: ba-Juda bali zyuulu zyotatwe amakumi obile abatatu, 29#Jer 39:9Amumwaka wakumi amusanu aitatu wabwami bwa-Nebukadinezara, wakatola mubuzike kuzwa ku-Jerusalemu bantu bali myanda iili musanu aitatu amakumi otatwe ababili. 30Alimwi mumwaka wamakumi obile aitatu wabwami bwa-Nebukadinezara, Nebuzaradana mupati wabasikutabilila wakatola mubuzike ba-Juda bali myanda iili musanu aibili amakumi one aali amusanu. Aboobo bantu boonse bakasika kuzyuulu zyone amyanda iili musanu aumwi.
31 #
2 Bam 25:27-30; Matl 40:13-20 Lino mumwaka wamakumi otatwe amusanu aibili wabuzike bwa-Joyakini mwami wa-Juda, mumwezi wakumi aibili, mubuzuba bwamakumi obile amusanu bwamumwezi, Evili-Merodaki mwami wa-Babuloni, mumwaka oyo nguwenya naakalya bwami, wakaangununa Joyakini mwami wa-Juda muntolongo mwaakabede. 32Nkabela wakamwaambila caluse, wasumpula cuuno cakwe cabwami kwiinda zyuuno zyabaminyina mbaakali abo mu-Babuloni; 33#2 Sam 9:13aboobo Joyakini wakasamununa zyakusama zyakwe zyabuzike, nkabela wakali kulya insima kuntafule yamwami lyoonse, mazuba oonse ngaakacili kupona, 34Caabilo cakwe cazilyo, wakacipegwa lyoonse, cakazwa mumaanza aamwami wa-Babuloni, caabilo ceelede cabuzuba bumwi abumwi, mazuba oonse ngaakapona mane lumwi wakafwa.
Currently Selected:
Jeremiya 52: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
Jeremiya 52
52
Zedekiya abantu bakwe mbubakatolwa ku-Babuloni
1 #
2 Bam 24:18; 2 Mak 36:11 Zedekiya kajisi myaka iili makumi obile aumwi naakaba mwami, nkabela wakeendelezya mu-Jerusalemu myaka iili ikumi aumwi. Izina lyabanyina basali Hamutala mwana musimbi wa-Jeremiya wakuLibina. 2Nkabela wakacita bubi mumeso aa-Jehova mbubonya mbwaakacita Jehoyakimu. 3#Ezk 17:12-16Nkaambo bukali bwa-Jehova bwakali kuya bukomena mu-Jerusalemu amucisi ca-Juda mane lumwi wakabatanda kuzwa kubusyu bwakwe. Elyo Zedekiya wakapapila mwami wa-Babuloni. 4#Ezk 24:2; 2 Bam 25:1; Zek 8:19; Jer 39:1; 6:3-6; Dt 28:52-57; Is 42:24,25Nkabela munwaka wamusanu aine wabwami bwakwe, munwezi wakumi, mubuzuba bwakumi bwamwezi, kwakasika Nebukadinezara mwami wa-Babuloni, walo abasilumamba bakwe boonse, ku-Jerusalemu kuzoolwisya, nkabela bakausinkinizya akuyaka lubaya lwakuuzyungulusya. 5Aboobo munzi wakalisinkinizidwe mane kusikila kumwaka wakumi aumwi wabwami bwa-Zedekiya. 6#Lev 26:14,26; Is 3:1; Ezk 4:16Elyo mubuzuba bwamusanu aane bwamwezi wane, inzala yakakomena loko mumunzi, abantu bacisi teebakajisi zilyo abuniini. 7#Ezk 33:21Mpawo munzi wakaanduka, nkabela basilumamba boonse bakacija masiku, bazwa mununzi akwiinda kumulyango uuli akati kamalambo obile, kufwaafwi kumuunda wamwami, ba-Kasidi nibakacili kuzyunguluka munzi. Lino bakatola inzila iiya ku-Araba. 8Pele basilumamba baba-Kasidi bakatobela mwami, bamweenzya Zedekiya mugezi lya-Jeriko, nkabela basilumamba bakwe boonse bakamwaika, bamusia. 9#Jer 32:4Lino bakajata mwami, bamuleta kumwami wa-Babuloni ku-Ribila munyika ya-Hamati, bamubeteka nkuko. 10#Jer 39:6,7Nkabela bana ba-Zedekiya, mwami wa-Babuloni wakabajaya kumeso aakwe, abalo basilutwe boonse ba-Juda, wakabajaya ku-Ribila. 11#Ezk 12:13Alimwi wakaofwaazya meso aa-Zedekiya, wamwaanzya inkeetani, nkabela mwami wa-Babuloni wakamusisya ku-Babuloni, wamubika muntolongo mane kusikila kubuzuba bwalufu lwakwe.
12 #
2 Bam 25:8; Zek 7:5; Jer 39:9 Lino mumwezi wasanu, mubuzuba bwakumi bwamwezi, nkokuti mumwaka wakumi amusanu aine wabwami bwa-Nebukadinezara mwami wa-Babuloni, Nebuzaradana mupati wabasikutabilila, mulanda wamwami wa-Babuloni, wakanjila mu-Jerusalemu. 13#1 Bam 9:8; Is 64:10,11; Jer 26:18; Mt 24:1,2Nkabela wakatenta iŋanda yaJehova aŋanda yamwami amaanda oonse aamu-Jerusalemu. Maanda oonse mapati wakaatenta amulilo. 14Aalo malambo oonse aa-Jerusalemu aazyungulukide munzi, bakaamwaya basilumamba baba-Kasidi, mupati wabasikutabilila mbaakeza abo. 15Abantu bamwi batengwana, abantu bamwi ibakasyeede mumunzi, abaabo ibakalyaabide kale mumaanza aamwami waBabuloni, abana baleya, boonse Nebuzaradana mupati wabasikutabilila wakabatola mubuzike. 16Pele Nebuzaradana mupati wabasikutabilila wakaleka bamwi bacete bacisi kuti babe basimyuunda yamasaansa abasikulima,
17 #
1 Bam 7:15-47; Jer 27:19 Lino minsende yamukuba iyakali muŋanda ya-Jehova, azikazikilo, acikozyano caziba lyamaanzi camukuba icakali muŋanda ya-Jehova, zyoonse ba-Kasidi bakazipwayaula akutola mukuba wazyo woonse ku-Babuloni. 18#Kul 27:3Azyalo zilongo, amaliko, atugele, amigano, azinkomba, azibelesyo zyoonse zyamukuba nzibakali kupaizya, zyoonse buyo bakazitola. 19Ayalo mitiba, ankayi zyamulilo, amigano, azilongo, azibikilo zyamalampi, azinkomba zyatununkilizyo amitiba yazipaizyo zyakunywa, zibulo zyoonse zyangolida mupati wabasikutabilila wakatola ingolida yazyo, azibulo zyoonse zyansiliva wakatola insiliva yazyo. 20Nkabela minsende yobile, acikozyano comwe caziba lyamaanzi, abasune bali ikumi ababili bamukuba ibakaimvwi kunsi lyaziba, azikazikilo, mwami Solomoni nzyaakacitila iŋanda ya-Jehova, bulemu bwamukuba wa zintu ezi zyoonse teebwakali kweelekeka. 21#1 Bam 7:15,21,22; 2 Mak 3:15Aminsende, bulamfu bwaumwi aumwi bwakali tukokola tuli ikumi amusanu arutatu, amubalo wawo wakali tukokola tuli ikumi atubili, antuli yawo yakali indiya yaminwe yone, nkaambo wakalifokwedwe. 22Atala lyawo kakuli ciimikilo camukuba. Bulamfu bwaciimikilo cimwi acimwi cakali tukokola tosanwe, alimwi ciimikilo cakalizyungulukidwe tusabwe tupesedwe amapomegranite; zyoonse zyakalifulidwe mukuba. 23#1 Bam 7:20; 2 Mak 3:16Mapomegranite aakumabazu akali makumi aali musanu aane amusanu alimwi, amapomegranite oonse aakali zyungulukide kasabwe akali mwaanda.
24 #
1 Mak 6:14; 2 Bam 25:18; Jer 21:1 Mpawo mupati wabasikutabilila wakabweza Seraya mupaizi mupati, a-Zefaniya mupaizi wabili, abantu botatwe ibakali kulanga mulyango, 25alimwi mumunzi wakabweza umwi, silutwe iwakali kulanga basilumamba, abasinkuta bamwami bali musanu ababili ibakajanwa mumunzi, amulembi wasilutwe wampi iwakali kubunganya bantu bacisi, abantu banyika bali makumi aali musanu alimwi ibakajanwa mukati kamunzi. 26Aba boonse Nebuzaradana mupati wabasikutabilila wakababweza akubasisya kumwami wa-Babuloni ku-Ribila. 27#Lev 26:33Lino mwami wa-Babuloni wakabauma akubajaya nkukonya oko ku-Ribila munyika ya-Hamati. Mbuboobo ba-Juda mbubakatolwa mubuzike akugwisigwa munyika yabo.
28 #
2 Bam 24:2; 2 Mak 36:20 Ngooyu mweelwe wabantu Nebukadinezara mbaakatola mubuzike mumwaka wamusanu aibili: ba-Juda bali zyuulu zyotatwe amakumi obile abatatu, 29#Jer 39:9Amumwaka wakumi amusanu aitatu wabwami bwa-Nebukadinezara, wakatola mubuzike kuzwa ku-Jerusalemu bantu bali myanda iili musanu aitatu amakumi otatwe ababili. 30Alimwi mumwaka wamakumi obile aitatu wabwami bwa-Nebukadinezara, Nebuzaradana mupati wabasikutabilila wakatola mubuzike ba-Juda bali myanda iili musanu aibili amakumi one aali amusanu. Aboobo bantu boonse bakasika kuzyuulu zyone amyanda iili musanu aumwi.
31 #
2 Bam 25:27-30; Matl 40:13-20 Lino mumwaka wamakumi otatwe amusanu aibili wabuzike bwa-Joyakini mwami wa-Juda, mumwezi wakumi aibili, mubuzuba bwamakumi obile amusanu bwamumwezi, Evili-Merodaki mwami wa-Babuloni, mumwaka oyo nguwenya naakalya bwami, wakaangununa Joyakini mwami wa-Juda muntolongo mwaakabede. 32Nkabela wakamwaambila caluse, wasumpula cuuno cakwe cabwami kwiinda zyuuno zyabaminyina mbaakali abo mu-Babuloni; 33#2 Sam 9:13aboobo Joyakini wakasamununa zyakusama zyakwe zyabuzike, nkabela wakali kulya insima kuntafule yamwami lyoonse, mazuba oonse ngaakacili kupona, 34Caabilo cakwe cazilyo, wakacipegwa lyoonse, cakazwa mumaanza aamwami wa-Babuloni, caabilo ceelede cabuzuba bumwi abumwi, mazuba oonse ngaakapona mane lumwi wakafwa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.