Jeremiya 50
50
Jeremiya mbwaakasinsima lunyonyooko lwa-Babuloni
1 #
Is 13:1; 21:1 Ngaaya makani Jehova ngaakaamba aa-Babuloni aanyika yaba-Kasidi kumulomo wa-Jeremiya musinsimi.
2 #
Is 46:1; Jer 43:12 Amuluule makani akati kabamasi, kuti bamvwe. Amusumpule citondezyo, mumvwisye bantu makani, mutaasisi pe. Amwaambe kuti, Babuloni wazundwa! Beli wausa insoni, alakwe Merodaki ulakankama. Zikozyano zyakwe zyausa insoni, zimpangaliko zyakwe zilayoowa. 3#Is 13:17Nkaambo kulubazu lwakunyika kwazwa musyobo wabantu kuzoomulwisya. Oyu musyobo uyoonyonyoona nyika yakwe, ibe matongo, itakalwi abuniini. Bantu abanyama boonse baicija, baya.
4 #
Hos 1:11; 3:5; Int 126:5; 105:4; Zek 12:10; 8:21,22; Is 45:19 Mumazuba ayo akuciindi eco, mbwaamba Jehova, bana ba-Israyeli abana ba-Juda bayooza boonse antoomwe, bayooza bulila kuzooyandaula Jehova Leza wabo. 5#Jer 31:31; 1 Pet 2:25Bayoobuzya inzila iiya ku-Zioni akulanzya masyu aabo nkukonya oko. Bayooamba kuti, Amuboole, tuliswangaanye kuliJehova, tutangane awe cizuminano citamani citakonzya kulubwa.
6Bantu bangu bakali imbelele ziswekede. Basikuzyeembela mbobakazileesya akuzituntulisya atala lyazilundu. Zilaya bweendeenda kuzwa kucilundu kusikila kutulundulundu, acibutilo cazyo zilicilubide. 7#Zek 11:5; Jer 2:3; Dan 9:16; Int 22:4Boonse ibakazijana bakali kuziluma, abasinkondonyina bakaamba kuti, Taakwe ncitwabisya pe, nkaambo bakabisizya Jehova, cikalilo cabululami, Jehova bamawisaabo ngubakali kusyoma.
8 #
Ciy 18:4; Is 48:20; Jer 51:6; Zek 2:6 Amucije kuzwa akati ka-Babuloni, amuzwe munyika yaba-Kasidi, amube mbuli basijembwe basololela butanga. 9Nkaambo amubone! Ndabusya makamu makamu aabamasi kuzwa kucisi cakunyika, ndabaleta kuzoolwisya Babuloni, nkabela bayoolibamba mumindando mane akazundwe, Mivwi yabo ili mbubonya mbuli silumamba uucenjede uutakonzyi kuboola buyo. 10#Ciy 17:16Ba-Kasidi bayoosaalwa, aboonse basikubasaala bayoolamwa, mbwaamba Jehova.
11 #
Is 47:6
Nekuba kuti mulasekelela akukondwa inywe nyoonse nomusaala lukono lwangu, nekuba kuti mulasanga-sanga mbuli boombe kumacelelo, akulila mbuli imbizi zineneede, 12banyoko bayoofwa bweeme, ayooyo iwakamuzyala uyoousigwa insoni. Ncobeni uyooba musyaalizi akati kamisyobo yabantu, uyooba matongo buyo aamunkanda iibula maanzi, 13Nkaambo kabukali bwa-Jehova takooyookalwa, uyooba matongo aagambya. Boonse bainda ku-Babuloni bayoogamba, bayoosabula nkaambo kazyuumo zyakwe zyoonse. 14Amulibambe kulwisya Babuloni, mumuzyunguluke, nyoonse nubasimata. Amumufuse, mutaleki mivwi yanu, nkaambo wabisizya Jehova. 15#1 Mak 29:24; 2 Mak 30:8; Malo 5:6; Jer 51:58; Ciy 16:6Amumuyowelele koonse koonse! Langa! Walikombela kale! Malinga aakwe awa, amalambo aakwe amwayigwa! 16#Is 13:14Amunyonweede Babuloni sikubyala ayooyo uubelesya cigonsyo kuciindi cakutebula, Nkaambo kapanga lyasikupenzya bayoocija, umwi aumwi kubantu bakwe, umwi aumwi kunyika yakwa bo.
17 #
Joel 3:12; Mt 9:36; Jer 23:2; 2:15; 1 Pet 2:25; 2 Mak 28:20; 2 Bam 17:6; 24:10,14; Is 7:17,20; 8:7,8 Israyeli nimbelele iimwaikide, iitandidwe balavu. Mwami wa-Asuri nguwakataanguna kumuluma, lino kumamanino oyu Nebukadinezara mwami wa-Babuloni wamubaka. 18Nkaambo kako mbuboobu mbwaamba Jehova wamakamu Leza wa-Israyeli. Ncobeni njoouma mwami wa-Babuloni anyika yakwe, mbubonya mbundakauma mwami wa-Asuri, 19#Is 65:10Njooboozya Israyeli kumacelelo aakwe, lino uyoocela ku-Karimeli aku-Basani, uyookuta kuzilundu zya-Efraimu azya-Gileadi. 20#Jer 31:34; Is 1:9Lino mumazuba ayo akuciindi eco, mbwaamba Jehova, milandu ya-Israyeli iyooyandaulwa pele tiikooyooba wo, azyalo zibi zya-Juda pele tazikooyoojanwa pe, nkaambo abo mbundasyaazya njoobalekelela.
21 #
Is 10:6
Kamuya mukalwisye nyika ya-Merataimu abantu bakede mu-Pekodi. Amubajaye akumaninizya zyoonse nzibasiide, mbwaamba Jehova. Kamucita zyoonse nzindamulailila, 22Ijwi lyankondo lyamvwigwa munyika alunyonyooko lupati. 23#Is 16:6; Jer 51:20Ma! Insando iiuma nyika yoonse yakosoka, yapwayika buti? Babuloni waba buti cigambyo akati kabamasi! 24#Dan 5:30Ndakateya ikole, O Babuloni, aboobo wakacegwa kotezi. Wakajanwa, wajatwa, nkaambo wakakazyanya a-Jehova. 25#Is 13:5Jehova wajalula ciyobwedo cakwe, wagwisya zilwisyo zyabukali bwakwe, nkaambo Mwami Jehova wamakamu ulijisi milimo munyika yaba-Kasidi. 26Amuboole kuzoomulwisya kuzwa kumabazu oonse. Amujalule matala aakwe. Amumulundike mbuli zilwi, mumunyonyoone, kutasyaali kapanzi kakwe nikaba kaniini. 27#Int 22:12; Is 34:7; Jer 48:44Amujaye bapoho bakwe boonse, bainke kucijayilo. Maawe kulimbabo, nkaambo buzuba bwabo bwasika, aciindi camapenzi aabo.
28 #
Jer 51:10
Swiilila! Balacija, balaloboka kuzwa munyika ya-Babuloni kuyoolungulula mu-Zioni Jehova Leza wesu mbwaliya inkoto, mbwaliya inkoto yabubi ibwakacitilwa intempele yakwe. 29#Ciy 18:6; Malo 3:64; 2 Tes 1:6; Is 47:10Amwiite basimata ku-Babuloni, boonse babwene kufusa. Amuyake zilao zyakumusinkinizya koonse koonse. Kutabi naba omwe uuloboka. Amumubweedezye bulumbu bweelede bwamilimo yakwe. Amumucitile muzintu zyoonse mbubonya mbwaakacita, nkaambo wakalilisumpwide kumeso aa-Jehova, Uusalala wa-Israyeli. 30#Jer 49:26; 51:4Nkaambo kako bakubusi bakwe bayoowa mumigwagwa, abasilumamba bakwe boonse bayoomanisigwa mubuzuba obo, mbwaamba Jehova. 31Bona! Ndaba sinkondonyoko, webo oolisumpula, mbwaamba Mwami Jehova wamakamu, nkaambo buzuba bwako bwasika, ciindi ncinjanda kukuuma, 32#Jer 21:14Sikantukantu uyoolebwa, uyoowa, uyoobula wakumubukulusya, nkabela njoodukula mulilo muminzi yakwe uuyoolya zyoonse zimweengelede.
33Mbuboobu mbwaamba Jehova wamakamu. Bana ba-Israyeli abana ba-Juda, boonse buyo bapenzegwa. Boonse ibakabatola mubuzike balabajatisya, bakaka kubaangununa. 34#Ciy 18:8; Tus 23:11; Is 47:4Munununi wabo muyumu, Jehova wamakamu ndizina lyakwe. Ncobeni uyookosola kabotu lubeta lwabo, kuti atontozye nyika, abantu ba-Babuloni uyoobanyonyonganya.
35 #
Dan 5:30; Is 37:13 Ipanga lyasikila ba-Kasidi, mbwaamba Jehova, abantu bakede muBabuloni, abasilutwe bawo abasongo bawo. 36Ipanga lyasikila basikantu-kantu, kuti bafubaazigwe. Ipanga lyasikila basilumamba kuti bapwayigwe. 37#Jer 25:20; 51:30; Nah 3:13Ipanga lyasikila imbizi zyabo ankalaki zyabo abantu bavwelene bali mukati kawo, nkabela bayooba zyanakazi buyo. Ipanga lyasikila zintu zyawo ziyandisi, kuti zisaalwe. 38#Is 44:27; Ciy 16:12; Jer 51:32,36Cimpayuma casikila maanzi aawo, kuti ayuminme. Nkaambo ninyika yazikozyano, mbasondosi nkaambo kazimpangaliko zyabo.
39 #
Ciy 18:2; Is 13:21; Jer 51:37; 25:12 Nkaambo kako basibandilwabana abamwaaba bayookala nkuko, ampowani zilakala nkuko. Tuukooyookalwa limbi kukabe kutamani, tuukooyooba abantu mumazyalani oonse. 40#Matl 19:24-25; Dt 29:23; Is 1:9; Jer 49:18; Am 4:11; Zef 2:9; 2 Pet 2:6; Jud 1:7Mbubonya mbuli ciindi eciya Leza naakamwaya Sodoma a-Gomora aminzi imwi iibambene, mbwaamba Jehova, takukooyooba muntu uukala nkuko, takukooyooba mwana wa-Adamu naba omwe uukala mulinguwo.
41 #
Jer 6:22; Ciy 17:16 Amubone! Kwasika bantu bazwa kulubazu lwakunyika. Musyobo mupati abami banji babuka kumagolelo aanyika. 42#Is 13:18; 5:30Balijisi mata amasumo. Mbayumu mumyoyo, tabafwi luzyalo pe. Ijwi lyabo lili mbuli kuvuuma kwalwizi. Balitantide amabbiza mbuli muntu uulilibambilide inkondo, beza kuzoolwisya nduwe, O mwana musimbi wa-Babuloni, 43#Jer 49:24Mwami wa-Babuloni naakamvwa impuwo yabo, maanza aakwe akalebuluka, akupenga kwakamujata mbuli macise aamwanakazi uuyanda kutumbuka.
44 #
Job 41:10; Dan 5:2,20 Ncobeni mbuli mulavu uuzwa mulusaka lwa-Jordano kuzoolwanisya cimpati ciyumu, njooboongomokela mbubonya akubamwaisya kuzwa kulinguwo, nkabela kufumbwa ngunsala njoomubika kuti abe mweendelezi wawo, Nkaambo nguni uuli mbuli ndime? Nguni uukonzya kundibikila ciindi cakulwana? Nguni mweembeli uukonzya kwiima nji kubusyu bwangu? 45#Int 33:11; Is 14:24; Jer 51:11; Inc 4:28; Ef 1:11; 1 Kor 1:27Lino amuswiilile lulayo lwa-Jehova ndwaalailila aa-Bubuloni, amakanze aakwe ngaakanza aanyika yaba-Kasidi. Ncobeni baniini babutanga bwabo bayookwelwa. Ncobeni cimpati cabo ciyoogamba kumakani aabo. 46#Ciy 18:9Nyika ilazungaana kujwi lyakuzundwa kwa-Babuloni, akulila kwawo kuyoomvwigwa akati kabamasi.
Currently Selected:
Jeremiya 50: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
Jeremiya 50
50
Jeremiya mbwaakasinsima lunyonyooko lwa-Babuloni
1 #
Is 13:1; 21:1 Ngaaya makani Jehova ngaakaamba aa-Babuloni aanyika yaba-Kasidi kumulomo wa-Jeremiya musinsimi.
2 #
Is 46:1; Jer 43:12 Amuluule makani akati kabamasi, kuti bamvwe. Amusumpule citondezyo, mumvwisye bantu makani, mutaasisi pe. Amwaambe kuti, Babuloni wazundwa! Beli wausa insoni, alakwe Merodaki ulakankama. Zikozyano zyakwe zyausa insoni, zimpangaliko zyakwe zilayoowa. 3#Is 13:17Nkaambo kulubazu lwakunyika kwazwa musyobo wabantu kuzoomulwisya. Oyu musyobo uyoonyonyoona nyika yakwe, ibe matongo, itakalwi abuniini. Bantu abanyama boonse baicija, baya.
4 #
Hos 1:11; 3:5; Int 126:5; 105:4; Zek 12:10; 8:21,22; Is 45:19 Mumazuba ayo akuciindi eco, mbwaamba Jehova, bana ba-Israyeli abana ba-Juda bayooza boonse antoomwe, bayooza bulila kuzooyandaula Jehova Leza wabo. 5#Jer 31:31; 1 Pet 2:25Bayoobuzya inzila iiya ku-Zioni akulanzya masyu aabo nkukonya oko. Bayooamba kuti, Amuboole, tuliswangaanye kuliJehova, tutangane awe cizuminano citamani citakonzya kulubwa.
6Bantu bangu bakali imbelele ziswekede. Basikuzyeembela mbobakazileesya akuzituntulisya atala lyazilundu. Zilaya bweendeenda kuzwa kucilundu kusikila kutulundulundu, acibutilo cazyo zilicilubide. 7#Zek 11:5; Jer 2:3; Dan 9:16; Int 22:4Boonse ibakazijana bakali kuziluma, abasinkondonyina bakaamba kuti, Taakwe ncitwabisya pe, nkaambo bakabisizya Jehova, cikalilo cabululami, Jehova bamawisaabo ngubakali kusyoma.
8 #
Ciy 18:4; Is 48:20; Jer 51:6; Zek 2:6 Amucije kuzwa akati ka-Babuloni, amuzwe munyika yaba-Kasidi, amube mbuli basijembwe basololela butanga. 9Nkaambo amubone! Ndabusya makamu makamu aabamasi kuzwa kucisi cakunyika, ndabaleta kuzoolwisya Babuloni, nkabela bayoolibamba mumindando mane akazundwe, Mivwi yabo ili mbubonya mbuli silumamba uucenjede uutakonzyi kuboola buyo. 10#Ciy 17:16Ba-Kasidi bayoosaalwa, aboonse basikubasaala bayoolamwa, mbwaamba Jehova.
11 #
Is 47:6
Nekuba kuti mulasekelela akukondwa inywe nyoonse nomusaala lukono lwangu, nekuba kuti mulasanga-sanga mbuli boombe kumacelelo, akulila mbuli imbizi zineneede, 12banyoko bayoofwa bweeme, ayooyo iwakamuzyala uyoousigwa insoni. Ncobeni uyooba musyaalizi akati kamisyobo yabantu, uyooba matongo buyo aamunkanda iibula maanzi, 13Nkaambo kabukali bwa-Jehova takooyookalwa, uyooba matongo aagambya. Boonse bainda ku-Babuloni bayoogamba, bayoosabula nkaambo kazyuumo zyakwe zyoonse. 14Amulibambe kulwisya Babuloni, mumuzyunguluke, nyoonse nubasimata. Amumufuse, mutaleki mivwi yanu, nkaambo wabisizya Jehova. 15#1 Mak 29:24; 2 Mak 30:8; Malo 5:6; Jer 51:58; Ciy 16:6Amumuyowelele koonse koonse! Langa! Walikombela kale! Malinga aakwe awa, amalambo aakwe amwayigwa! 16#Is 13:14Amunyonweede Babuloni sikubyala ayooyo uubelesya cigonsyo kuciindi cakutebula, Nkaambo kapanga lyasikupenzya bayoocija, umwi aumwi kubantu bakwe, umwi aumwi kunyika yakwa bo.
17 #
Joel 3:12; Mt 9:36; Jer 23:2; 2:15; 1 Pet 2:25; 2 Mak 28:20; 2 Bam 17:6; 24:10,14; Is 7:17,20; 8:7,8 Israyeli nimbelele iimwaikide, iitandidwe balavu. Mwami wa-Asuri nguwakataanguna kumuluma, lino kumamanino oyu Nebukadinezara mwami wa-Babuloni wamubaka. 18Nkaambo kako mbuboobu mbwaamba Jehova wamakamu Leza wa-Israyeli. Ncobeni njoouma mwami wa-Babuloni anyika yakwe, mbubonya mbundakauma mwami wa-Asuri, 19#Is 65:10Njooboozya Israyeli kumacelelo aakwe, lino uyoocela ku-Karimeli aku-Basani, uyookuta kuzilundu zya-Efraimu azya-Gileadi. 20#Jer 31:34; Is 1:9Lino mumazuba ayo akuciindi eco, mbwaamba Jehova, milandu ya-Israyeli iyooyandaulwa pele tiikooyooba wo, azyalo zibi zya-Juda pele tazikooyoojanwa pe, nkaambo abo mbundasyaazya njoobalekelela.
21 #
Is 10:6
Kamuya mukalwisye nyika ya-Merataimu abantu bakede mu-Pekodi. Amubajaye akumaninizya zyoonse nzibasiide, mbwaamba Jehova. Kamucita zyoonse nzindamulailila, 22Ijwi lyankondo lyamvwigwa munyika alunyonyooko lupati. 23#Is 16:6; Jer 51:20Ma! Insando iiuma nyika yoonse yakosoka, yapwayika buti? Babuloni waba buti cigambyo akati kabamasi! 24#Dan 5:30Ndakateya ikole, O Babuloni, aboobo wakacegwa kotezi. Wakajanwa, wajatwa, nkaambo wakakazyanya a-Jehova. 25#Is 13:5Jehova wajalula ciyobwedo cakwe, wagwisya zilwisyo zyabukali bwakwe, nkaambo Mwami Jehova wamakamu ulijisi milimo munyika yaba-Kasidi. 26Amuboole kuzoomulwisya kuzwa kumabazu oonse. Amujalule matala aakwe. Amumulundike mbuli zilwi, mumunyonyoone, kutasyaali kapanzi kakwe nikaba kaniini. 27#Int 22:12; Is 34:7; Jer 48:44Amujaye bapoho bakwe boonse, bainke kucijayilo. Maawe kulimbabo, nkaambo buzuba bwabo bwasika, aciindi camapenzi aabo.
28 #
Jer 51:10
Swiilila! Balacija, balaloboka kuzwa munyika ya-Babuloni kuyoolungulula mu-Zioni Jehova Leza wesu mbwaliya inkoto, mbwaliya inkoto yabubi ibwakacitilwa intempele yakwe. 29#Ciy 18:6; Malo 3:64; 2 Tes 1:6; Is 47:10Amwiite basimata ku-Babuloni, boonse babwene kufusa. Amuyake zilao zyakumusinkinizya koonse koonse. Kutabi naba omwe uuloboka. Amumubweedezye bulumbu bweelede bwamilimo yakwe. Amumucitile muzintu zyoonse mbubonya mbwaakacita, nkaambo wakalilisumpwide kumeso aa-Jehova, Uusalala wa-Israyeli. 30#Jer 49:26; 51:4Nkaambo kako bakubusi bakwe bayoowa mumigwagwa, abasilumamba bakwe boonse bayoomanisigwa mubuzuba obo, mbwaamba Jehova. 31Bona! Ndaba sinkondonyoko, webo oolisumpula, mbwaamba Mwami Jehova wamakamu, nkaambo buzuba bwako bwasika, ciindi ncinjanda kukuuma, 32#Jer 21:14Sikantukantu uyoolebwa, uyoowa, uyoobula wakumubukulusya, nkabela njoodukula mulilo muminzi yakwe uuyoolya zyoonse zimweengelede.
33Mbuboobu mbwaamba Jehova wamakamu. Bana ba-Israyeli abana ba-Juda, boonse buyo bapenzegwa. Boonse ibakabatola mubuzike balabajatisya, bakaka kubaangununa. 34#Ciy 18:8; Tus 23:11; Is 47:4Munununi wabo muyumu, Jehova wamakamu ndizina lyakwe. Ncobeni uyookosola kabotu lubeta lwabo, kuti atontozye nyika, abantu ba-Babuloni uyoobanyonyonganya.
35 #
Dan 5:30; Is 37:13 Ipanga lyasikila ba-Kasidi, mbwaamba Jehova, abantu bakede muBabuloni, abasilutwe bawo abasongo bawo. 36Ipanga lyasikila basikantu-kantu, kuti bafubaazigwe. Ipanga lyasikila basilumamba kuti bapwayigwe. 37#Jer 25:20; 51:30; Nah 3:13Ipanga lyasikila imbizi zyabo ankalaki zyabo abantu bavwelene bali mukati kawo, nkabela bayooba zyanakazi buyo. Ipanga lyasikila zintu zyawo ziyandisi, kuti zisaalwe. 38#Is 44:27; Ciy 16:12; Jer 51:32,36Cimpayuma casikila maanzi aawo, kuti ayuminme. Nkaambo ninyika yazikozyano, mbasondosi nkaambo kazimpangaliko zyabo.
39 #
Ciy 18:2; Is 13:21; Jer 51:37; 25:12 Nkaambo kako basibandilwabana abamwaaba bayookala nkuko, ampowani zilakala nkuko. Tuukooyookalwa limbi kukabe kutamani, tuukooyooba abantu mumazyalani oonse. 40#Matl 19:24-25; Dt 29:23; Is 1:9; Jer 49:18; Am 4:11; Zef 2:9; 2 Pet 2:6; Jud 1:7Mbubonya mbuli ciindi eciya Leza naakamwaya Sodoma a-Gomora aminzi imwi iibambene, mbwaamba Jehova, takukooyooba muntu uukala nkuko, takukooyooba mwana wa-Adamu naba omwe uukala mulinguwo.
41 #
Jer 6:22; Ciy 17:16 Amubone! Kwasika bantu bazwa kulubazu lwakunyika. Musyobo mupati abami banji babuka kumagolelo aanyika. 42#Is 13:18; 5:30Balijisi mata amasumo. Mbayumu mumyoyo, tabafwi luzyalo pe. Ijwi lyabo lili mbuli kuvuuma kwalwizi. Balitantide amabbiza mbuli muntu uulilibambilide inkondo, beza kuzoolwisya nduwe, O mwana musimbi wa-Babuloni, 43#Jer 49:24Mwami wa-Babuloni naakamvwa impuwo yabo, maanza aakwe akalebuluka, akupenga kwakamujata mbuli macise aamwanakazi uuyanda kutumbuka.
44 #
Job 41:10; Dan 5:2,20 Ncobeni mbuli mulavu uuzwa mulusaka lwa-Jordano kuzoolwanisya cimpati ciyumu, njooboongomokela mbubonya akubamwaisya kuzwa kulinguwo, nkabela kufumbwa ngunsala njoomubika kuti abe mweendelezi wawo, Nkaambo nguni uuli mbuli ndime? Nguni uukonzya kundibikila ciindi cakulwana? Nguni mweembeli uukonzya kwiima nji kubusyu bwangu? 45#Int 33:11; Is 14:24; Jer 51:11; Inc 4:28; Ef 1:11; 1 Kor 1:27Lino amuswiilile lulayo lwa-Jehova ndwaalailila aa-Bubuloni, amakanze aakwe ngaakanza aanyika yaba-Kasidi. Ncobeni baniini babutanga bwabo bayookwelwa. Ncobeni cimpati cabo ciyoogamba kumakani aabo. 46#Ciy 18:9Nyika ilazungaana kujwi lyakuzundwa kwa-Babuloni, akulila kwawo kuyoomvwigwa akati kabamasi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.