Jeremiya 46
46
Jeremiya mbwaakasinsima aabamasi: Ba-Egepita
1 #
Jer 25:15
Ngaaya makani aa-Jehova aakasika kuli-Jeremiya musinsimi aabamasi. 2#Jer 25:9,19Ngaaya makani aa-Egepita, makani aabasilumamba ba-Farao-Neko mwami wa-Egepita, ibakali kumbali lyamulonga wa-Firate ku-Karikemisi, Nebukadinezara mwami wa-Babuloni mbaakazunda mumwaka wane wabwami bwa-Jehoyakimu mwana wa-Josiya mwami wa-Juda.
3 #
Is 8:9,10; Jer 51:11,12; Joel 3:9,10; Nah 2:1 Amubambe intobo azitabilizyo, muswene afwaafwi kukulwisya. 4Amwaange imbizi, mutante nubasimbizi. Amulibambe angoani zyanu, Amusyobole masumo aanu. Amusame zibaki zyankondo. 5#Jer 6:25; 20:4; Ciy 6:15-17Ma! Ndabona nzi? Nkaambonzi bayoowa akupiluka kunsi? Baalumi babo basintaze bazundwa, bafwambaana kucija! Tabacebuki musule pe! Zintu ziyoosya nkuzili koonse koonse! mbwaamba Jehova. 6#Dan 11:19Siluno ataciji, alakwe silumamba sintaze ataloboki. Kulubazu lwakunyika, kunkomwe yamulonga wa-Firate, nkokuko nkubalebwa, nkubawida.
7 #
Dan 11:22
Ino nguni oyu uufutumuka mbuli mulonga wa-Nile, uuli amaanzi aayuwana mbuli milonga? 8Egepita nguufutumuka mbuli mulonga wa-Nile, Nguujisi maanzi aayuwana mbuli milonga. Waamba kuti, Nkafutumuke akuvumba nyika yoonse, nkanyonyoone minzi abantu bakede mulinjiyo, 9Amweendesye nobasimbizi, amulitakate nobasinkalaki. Basilumamba bainke kuyoolwisya, bantu ba-Kusi aba-Puti bajisi intobo, aba-Ludi babwene kubelesya mata, 10#Joel 1:15; Dt 32:42; Is 34:6Obo buzuba mbobuzuba bwa-Mwami Jehova wamakamu, buzuba bwakuliya inkoto, kuti aliye inkoto kulibasinkondonyina. Ipanga liyoolya akukuta, liyookolwa bulowa. Nkaambo Mwami Jehova wamakamu ulijisi ipobwe lyakupaizya kucisi cakunyika, kumbali lyamulonga wa-Firate. 11#Jer 8:22; Is 47:1Koya ku-Gileadi, ukabweze mabbona, O mwana musimbi wa-Egepita. Misamu minji njobelesya njabuyo, tokwe nosi ponezegwe pe. 12Bamasi balimvwide impuwo yabweeme bwako, anyika ilizwide kulila kwako, nkaambo silumamba walebwa kuli silumambanyina, aboobo boonse bobile bawa antoomwe.
13 #
Jer 43:10-13; Is 19:1 Ngaaya makani Jehova ngaakaambila Jeremiya musinsimi aakuboola kwa-Nebukadinezara mwami wa-Babuloni kuzoolwisya nyika ya-Egepita.
14Amulungulule makani mu-Egepita, amvwigwe mu-Migidoli. Makani amvwigwe mu-Nofi amu-Tahapanesi. Amwaambe kuti, Amwiimikile akulibamba, nkaambo ipanga lilaya bunyonyoona koonse koonse. 15Ino Apisi wacijilanzi? Nkaambonzi sintaze wako wakakacilwa kwiima nji? Nkaambo kakuti Jehova nguwakamutanda. 16#Lev 26:37Makamu makamu aabantu bako, boonse bakalebwa, bawa, baamba umwi aumwi kumweenzinyina kuti, Amunyamuke, tupiluke kubantu besu akunyika yabuzyalwe bwesu, nkaambo kapanga lyasikupenzya. 17Farao mwami wa-Egepita, amumuulike izina lya-Sicikwala uusowa ciindi buyo. 18#Is 48:2; Mal 1:14; Jer 10:10; 44:26; 1 Tim 1:17; My 23:19Mbubonya mbundi muumi, mbwaamba Mwami, izina lyakwe ngu-Jehova wamakamu, kuyoosika umwi mupati uuli mbuli Tabori akati kazilundu ambuli Karameli kumbali lyalwizi. 19#Jer 48:18Amulibambile impasya zyakutolelela mubuzike, O mwana musimbi nokede mu-Egepita, nkaambo Nofi uyooba matongo, uyoopya mane ukabule bantu bakala mumo. 20#Hos 10:11; Jer 1:14Egepita nimpwizi iiebeka loko, pele muzimbwa uuzwa kunyika ulimukede. 21Basilumamba bakwe baulidwe bali mukati kacisi bali mbuli boombe baneneede. Boonse buyo bapiluka, bacija, teebaima pe, nkaambo ciindi camapenzi aabo casika, ciindi cabo cakuumwa. 22#Is 29:4Ulaya bupoota mbuli inzoka, nkaambo basinkondonyina baleenda anguzu, bamusikila atuleba, mbuli basikugonka misamu. 23Bayoogonka lusaka lwakwe, mbwa amba Jehova, nekuba kuti lulisinkide, nkaambo mbanji loko kwiinda cisozi, mweelwe wabo tuubaliki pe. 24Mwana musimbi wa-Egepita uyoousigwa bweeme, uyooabwa mumaanza aabantu bazwa kunyika,
25 #
Ezk 30:13
Mbuboobu mbwaamba Jehova wamakamu Leza wa-Israyeli. Ncobeni njoouma Amoni waku-No, a-Farao, acisi ca-Egepita abaleza baco abami baco, a-Farao aboonse bamusyoma. 26#Jer 44:30; 48:47; 49:39Njoobaaba mumaanza aabaabo bayanda kunyonyoona buumi bwabo, nkukuti mumaanza aa-Nebukadinezara mwami wa-Babuloni amumaanza aabalanda bakwe. Lino kusule lyayaaya cisi ca-Egepita ciyookalwa mbubonya mbuli mumazuba aakalekale, mbwaamba Jehova,
27 #
Jer 30:10-11; Is 44:2 Lino webo, utayoowi, O Jakobo mulanda wangu, Utakankami, O Israyeli. Nkaambo ncobeni njookufutula kuzwa kule, alunyungu lwako njoolufutula munyika yabuzike bwalo, Lino Jakobo uyoopiluka, uyookala aluumuno, nkabela takukooyooba naba omwe uumukataazya. 28Utayoowi, o Jakobo mulanda wangu, mbwaamba Jehova, nkaambo mebo ndi anywe. Misyobo yoonse njindakamumwayila akati kayo, njooimaninizya, pele nywebo nsikooyoomumaninizya pe. Njoomuuma muciyanza ceelede buyo, nsikooyoomuleka buyo.
Currently Selected:
Jeremiya 46: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
Jeremiya 46
46
Jeremiya mbwaakasinsima aabamasi: Ba-Egepita
1 #
Jer 25:15
Ngaaya makani aa-Jehova aakasika kuli-Jeremiya musinsimi aabamasi. 2#Jer 25:9,19Ngaaya makani aa-Egepita, makani aabasilumamba ba-Farao-Neko mwami wa-Egepita, ibakali kumbali lyamulonga wa-Firate ku-Karikemisi, Nebukadinezara mwami wa-Babuloni mbaakazunda mumwaka wane wabwami bwa-Jehoyakimu mwana wa-Josiya mwami wa-Juda.
3 #
Is 8:9,10; Jer 51:11,12; Joel 3:9,10; Nah 2:1 Amubambe intobo azitabilizyo, muswene afwaafwi kukulwisya. 4Amwaange imbizi, mutante nubasimbizi. Amulibambe angoani zyanu, Amusyobole masumo aanu. Amusame zibaki zyankondo. 5#Jer 6:25; 20:4; Ciy 6:15-17Ma! Ndabona nzi? Nkaambonzi bayoowa akupiluka kunsi? Baalumi babo basintaze bazundwa, bafwambaana kucija! Tabacebuki musule pe! Zintu ziyoosya nkuzili koonse koonse! mbwaamba Jehova. 6#Dan 11:19Siluno ataciji, alakwe silumamba sintaze ataloboki. Kulubazu lwakunyika, kunkomwe yamulonga wa-Firate, nkokuko nkubalebwa, nkubawida.
7 #
Dan 11:22
Ino nguni oyu uufutumuka mbuli mulonga wa-Nile, uuli amaanzi aayuwana mbuli milonga? 8Egepita nguufutumuka mbuli mulonga wa-Nile, Nguujisi maanzi aayuwana mbuli milonga. Waamba kuti, Nkafutumuke akuvumba nyika yoonse, nkanyonyoone minzi abantu bakede mulinjiyo, 9Amweendesye nobasimbizi, amulitakate nobasinkalaki. Basilumamba bainke kuyoolwisya, bantu ba-Kusi aba-Puti bajisi intobo, aba-Ludi babwene kubelesya mata, 10#Joel 1:15; Dt 32:42; Is 34:6Obo buzuba mbobuzuba bwa-Mwami Jehova wamakamu, buzuba bwakuliya inkoto, kuti aliye inkoto kulibasinkondonyina. Ipanga liyoolya akukuta, liyookolwa bulowa. Nkaambo Mwami Jehova wamakamu ulijisi ipobwe lyakupaizya kucisi cakunyika, kumbali lyamulonga wa-Firate. 11#Jer 8:22; Is 47:1Koya ku-Gileadi, ukabweze mabbona, O mwana musimbi wa-Egepita. Misamu minji njobelesya njabuyo, tokwe nosi ponezegwe pe. 12Bamasi balimvwide impuwo yabweeme bwako, anyika ilizwide kulila kwako, nkaambo silumamba walebwa kuli silumambanyina, aboobo boonse bobile bawa antoomwe.
13 #
Jer 43:10-13; Is 19:1 Ngaaya makani Jehova ngaakaambila Jeremiya musinsimi aakuboola kwa-Nebukadinezara mwami wa-Babuloni kuzoolwisya nyika ya-Egepita.
14Amulungulule makani mu-Egepita, amvwigwe mu-Migidoli. Makani amvwigwe mu-Nofi amu-Tahapanesi. Amwaambe kuti, Amwiimikile akulibamba, nkaambo ipanga lilaya bunyonyoona koonse koonse. 15Ino Apisi wacijilanzi? Nkaambonzi sintaze wako wakakacilwa kwiima nji? Nkaambo kakuti Jehova nguwakamutanda. 16#Lev 26:37Makamu makamu aabantu bako, boonse bakalebwa, bawa, baamba umwi aumwi kumweenzinyina kuti, Amunyamuke, tupiluke kubantu besu akunyika yabuzyalwe bwesu, nkaambo kapanga lyasikupenzya. 17Farao mwami wa-Egepita, amumuulike izina lya-Sicikwala uusowa ciindi buyo. 18#Is 48:2; Mal 1:14; Jer 10:10; 44:26; 1 Tim 1:17; My 23:19Mbubonya mbundi muumi, mbwaamba Mwami, izina lyakwe ngu-Jehova wamakamu, kuyoosika umwi mupati uuli mbuli Tabori akati kazilundu ambuli Karameli kumbali lyalwizi. 19#Jer 48:18Amulibambile impasya zyakutolelela mubuzike, O mwana musimbi nokede mu-Egepita, nkaambo Nofi uyooba matongo, uyoopya mane ukabule bantu bakala mumo. 20#Hos 10:11; Jer 1:14Egepita nimpwizi iiebeka loko, pele muzimbwa uuzwa kunyika ulimukede. 21Basilumamba bakwe baulidwe bali mukati kacisi bali mbuli boombe baneneede. Boonse buyo bapiluka, bacija, teebaima pe, nkaambo ciindi camapenzi aabo casika, ciindi cabo cakuumwa. 22#Is 29:4Ulaya bupoota mbuli inzoka, nkaambo basinkondonyina baleenda anguzu, bamusikila atuleba, mbuli basikugonka misamu. 23Bayoogonka lusaka lwakwe, mbwa amba Jehova, nekuba kuti lulisinkide, nkaambo mbanji loko kwiinda cisozi, mweelwe wabo tuubaliki pe. 24Mwana musimbi wa-Egepita uyoousigwa bweeme, uyooabwa mumaanza aabantu bazwa kunyika,
25 #
Ezk 30:13
Mbuboobu mbwaamba Jehova wamakamu Leza wa-Israyeli. Ncobeni njoouma Amoni waku-No, a-Farao, acisi ca-Egepita abaleza baco abami baco, a-Farao aboonse bamusyoma. 26#Jer 44:30; 48:47; 49:39Njoobaaba mumaanza aabaabo bayanda kunyonyoona buumi bwabo, nkukuti mumaanza aa-Nebukadinezara mwami wa-Babuloni amumaanza aabalanda bakwe. Lino kusule lyayaaya cisi ca-Egepita ciyookalwa mbubonya mbuli mumazuba aakalekale, mbwaamba Jehova,
27 #
Jer 30:10-11; Is 44:2 Lino webo, utayoowi, O Jakobo mulanda wangu, Utakankami, O Israyeli. Nkaambo ncobeni njookufutula kuzwa kule, alunyungu lwako njoolufutula munyika yabuzike bwalo, Lino Jakobo uyoopiluka, uyookala aluumuno, nkabela takukooyooba naba omwe uumukataazya. 28Utayoowi, o Jakobo mulanda wangu, mbwaamba Jehova, nkaambo mebo ndi anywe. Misyobo yoonse njindakamumwayila akati kayo, njooimaninizya, pele nywebo nsikooyoomumaninizya pe. Njoomuuma muciyanza ceelede buyo, nsikooyoomuleka buyo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.