Jeremiya 37
37
Jeremiya mbwaakabikwa muntolongo
1 #
1 Mak 3:16; Dan 1:1; 2 Bam 24:17; 2 Mak 36:10 Lino mwami Zedekiya mwana wa-Josiya nguwakalya izina lyaKoniya mwana wa-Jehoyakimu, Nebukadinezara mwami wa-Babuloni ngwaakabika mubwami mucisi ca-Juda. 2#2 Bam 24:19,20; Tus 29:12Pele takwe naakabika moyo kumajwi aa-Jehova ngaakaamba kumulomo wa-Jeremiya musinsimi, naba nguwe nibaba balanda bakwe nibaba bantu banyika.
3 #
Jer 21:1,2 Lino mwami Zedekiya wakatuma Jehukali mwana wa-Selemiya aZefaniya mwana wa-Maaseya mupaizi kuli-Jeremiya musinsimi, wati, Utukombele kuli-Jehova Leza wesu, 4Jeremiya wakacili kuya bweendeenda akati kabantu. Kabatana kumubika muntolongo. 5#2 Bam 24:7; Jer 34:21Ayalo impi ya-Farao yakazwa ku-Egepita, nkabela ba-Kasidi ibakali mukusinkinizya Jerusalemu nibakamvwa impuwo yayo, bakaleka kusinkinizya Jerusalemu.
6Mpawo ijwi lya-Jehova lyakasika kuli-Jeremiya musinsimi, liti, 7#Jer 21:2Mbuboobu mbwaamba Jehova Leza wa-Israyeli. Mbuboobu mbumweelede kwaambila mwami wa-Juda iwakamutuma kulindime kuyoobuzya makani. Ncobeni impi ya-Farao iiza kukumugwasya ilapiluka kunyika yabo beni, ku-Egepita. 8#Int 33:10; Tus 21:30; Is 30:1-7; Jer 34:22Nkabela ba-Kasidi bazooboola alimwi kuzoolwisya munzi uno, bazoouzunda akuutenta mumulilo. 9Mbuboobu mbwaamba Jehova. Mutalyeeni. Mutayeeyi kuti ba-Kasidi bayoomuleka, nkaambo tabakooyoomuleka pe. 10#Lev 26:36-38; Is 30:17; Jer 21:4,5Ncobeni nekuba kuti mwazunda impi yoonse yaba-Kasidi bamulwisya, alimwi kuyoosyaala akati kabo bantu bayasidwe luzutu, umwi aumwi mucilao cakwe, bayoobuka akutenta munzi uno amulilo.
11Lino impi yaba-Kasidi niyakaleka kusinkinizya Jerusalemu nkaambo kampi ya-Farao, 12Jeremiya wakazwa mu-Jerusalemu kuti aye kucisi caBenjamini kuyoovola caabilo cakwe akati kabantu. 13Lino naakali kumulyango wa-Benjamini, kakuli mulindizi, izina lyakwe kali Irija mwana waSelemiya mwana wa-Hananiya, Oyu muntu wakajata Jeremiya musinsimi, wati, Wacijila kuli ba-Kasidi! 14Lino Jeremiya wakavuwa kuti, Wabeja. Nsicijili kuliba-Kasidi pe. Pele Irija wakakaka kumvwa, wajata Jeremiya, wamusisya kulibasilutwe. 15#Jer 20:1-3; Mt 21:35; Joh 18:22; Inc 5:40; Matl 30:20; Jer 38:26; Inc 12:6; Ciy 2:10Nkabela basilutwe bakakalalila Jeremiya, bamuuma, bamwaanga akumubika muŋanda ya-Jonatani mulembi, nkaambo njenjiyo njibakasandula kuba intolongo. 16#Jer 38:6Aboobo Jeremiya wakanjila muŋanda yamumulindi, mutwaanda twakunsi, nkabela wakalikede nkuko mazuba manji.
17Lino cibe ciindi, mwami Zedekiya wakatuma, wamugwisya, Nkabela mwami wakamubuzya kumbali kuti, Sa kuli ijwi lizwa kuli-Jehova? Jeremiya wakavuwa kuti, Nkulili. Wakati, Uyooabwa mumaanza aamwami waBabuloni. 18Alimwi Jeremiya wakaambila mwami Zedekiya kuti, Ino ndakabisyanzi kulinduwe akubalanda bako akubantu aba? Nkaambonzi nowandibika muntolongo? 19Bali kuli basinsimi bako ibakamusinsimina kuti, Mwami wa-Babuloni takooyoosika kulindiswe, takooyoonjila munyika eyi? 20Lino kondiswiilila, O mwami simalelo wangu, Swiilila cikumbilo cangu. Utandibweedezyi kuŋanda ya-Jonatani mulembi, kuti ntafwi nkuko. 21#Jer 32:2; 1 Bam 17:6,9; 2 Bam 25:3; Jer 38:9; 2 Kor 6:4Mpawo mwami Zedekiya wakalailila kuti babike Jeremiya mulubuwa lwabalindizi, nkabela wakapegwa cinkwa comwe abuzuba kuzwa kumugwagwa wabasikujika mazuba oonse zilyo zyamumunzi nizyatakalina kumaninina. Mbuboobo Jeremiya mbwaakakala mulubuwa lwabalindizi.
Currently Selected:
Jeremiya 37: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
