Jeremiya 33
33
Zisyomezyo azimwi zyacoolwe ciboola
1 #
Jer 32:2; 37:21 Lino ijwi lya-Jehova lyakasika kuli-Jeremiya alwabili naakacaangidwe mulubanza lwabalindizi, liti, 2#Is 37:26Mbuboobu mbwaamba Jehova iwaka lenga nyika, iwakaibumba akwiimika, Jehova ndizina lyakwe. 3#Matl 18:17; Dt 4:7,29; Int 50:15; Is 55:6,7; Jer 29:12; Inc 2:21Kondikwiilila, lino nookuvwiila, nookulwiida makani mapati aasisidwe ngotana kuziba. 4#Jer 32:24Nkaambo mbuboobu Jehova Leza wa-Israyeli mbwaamba aamaanda aamumunzi uno amaanda aabami ba-Juda, aakamwayigwa kukulivuna kuzitantaala zyakusinkinizya akupanga. 5Ba-Kasidi baleza kuzoolwisya akwaazuzya mitunta yabantu mbendakajaya mubukali bwangu amulunyemo lwangu, nkaambo ndasisa busyu bwangu kuzwa kumunzi uno nkaambo kabubi bwabo boonse. 6#Jer 30:17Amubone! Njoouletela buumi abuponi. Njoobaponya akubayubunwida ziyobwedo zyaluumuno azyalusinizyo. 7#Is 1:26Njoolobya buzike bwa-Juda abuzike bwa-Israyeli. Njoobayakulula mbubonya mbubakabede kukutaanguna. 8#Int 85:2,3; Is 40:2; Jer 31:34; Heb 9:13; Mik 7:18; 1 Joh 1:7-9Njoobasalazizya milandu yazibi zyabo nzibandibisizya. Ee, njoobalekelela milandu yoonse yazibi nzibandibisizya anzibandipapila. 9#Ezr 1:2; Is 62:7; 60:5Nkabela oyu munzi uyoondibeda ijwi lyakukondwa alyakutembaulwa alyabulemu kumeso aabamasi boonse baansi bayoomvwa makani oonse aacoolwe ncinzoobaletela. Bayooyoowa akukankama nkaambo kabubotu boonse acoolwe coonse ncinzooleta kulinguwo,
10Mbuboobu mbwaamba Jehova. Mubusena obuno mbumwaamba kuti matongo buyo aatakwe bantu nibaba banyama, muminzi ya-Juda amumigwagwa ya-Jerusalemu iitakwe bantu nibaba banyama, muyoomvwigwa alimwi 11#1 Mak 16:34; 2 Mak 5:13; 7:3; Ezr 3:11; Int 100:5; 106:1; 107:1; 118:1; 136:1; Ciy 18:23; Lev 7:12; Joh 2:9; Heb 13:15ijwi lyakukondwa ajwi lyakusekelela, ijwi lyasibwinga ajwi lyanabwinga, ijwi lyabaabo beza bwiimba kuti,
Amulumbe Jehova wamakamu,
Nkaambo Jehova mubotu,
Nkaambo luzyalo lwakwe talweeli,
baletelela zipo zyakulumbya kuŋanda ya-Jehova. Nkaambo njooboozezya nyika coolwe mbubonya mbuli kukutaanguna, mbwaamba Jehova.
12 #
Is 65:10
Mbuboobu mbwaamba Jehova wamakamu. Mubusena obuno bwaba matongo buyo, butakwe bantu nibaba banyama, amuminzi yabo yoonse, muyoojanwa alimwi makalilo aabeembeli babutya imbelele zyabo. 13#Jer 17:26; Lev 27:32Muminzi yakumalundu, muminzi yatulundulundu, muminzi ya-Negebi, nyika ya-Benjamini, mumasena aaengelede Jerusalemu, amuminzi ya-Juda, koonse koonse kuyooinda alimwi imbelele mumaanza aabasikubala, mbwaamba Jehova.
14 #
Jer 23:5-6; 29:10 Amubone! Mumazuba aaboola, mbwaamba Jehova, njoozuzikizya ijwi eli ibotu ndindakaamba aaluzubo lwa-Israyeli aluzubo lwa-Juda. 15#Is 4:2Mumazuba ayo akuciindi eco njoosyuusizya Davida mutabi uululeme, uuyoobeteka kabotu akucita bululami munyika. 16#Dt 33:28; Is 45:17Lino mumazuba ayo Juda uyoofutulwa, a-Jerusalemu uyookala cakuliiba, Azina lyakwe ndyayooulikwa ndeeli: Jehova mbululami bwesu.
17 #
2 Sam 7:12-16; 1 Bam 2:4; 1 Mak 17:11-14 Nkaambo mbuboobu mbwaamba Jehova. Takukooyoobulila Davida muntu wakukala acuuno cabwami bwaluzubo lwa-Israyeli, 18#My 3:5-10; Mal 1:11; Rom 12:1; 1 Pet 2:5,9; Ciy 1:6abalo bapaizi ba-Levi tabakooyoobula muntu uuima kubusyu bwangu wakutuuzya zipaizyo awakutenta zituuzyo zyabusu awakupaila mazuba oonse mane kukabe kutamani.
19Lino ijwi lya-Jehova lyakasika kuli-Jeremiya, liti, 20#Matl 8:22; Int 89:37; Is 54:9; Jer 31:36Mbuboobu mbwaamba Jehova. Na mulakonzya kulobya cizuminano cangu casikati acamasiku, kuti ziindi zyeelede zyasikati azyamasiku zileke, 21lino cizuminano cangu ncinditangene amulanda wangu Davida acalo cilakonzya kulobesegwa, kuti kumubulile mwana wakukala acuuno cabwami bwakwe, acalo cizuminano ncinditangene abapaizi ba-Levi basimilimo bangu. 22#Matl 13:16; 15:5; Jer 31:37Mbuli inyenyeezi zyakujulu mbuzitabaliki, awalo musenga wakunkomwe yakulwizi mbuutaelekeki, njoovuzya mbubonya inyungu zya-Davida mulanda wangu aba-Levi basimilimo bangu,
23Alimwi ijwi lya-Jehova lyakasika kuli-Jeremiya, liti, 24#Matl 8:22; Jer 31:35; Int 74:16; 104:19Sa tomvwide bantu aba mbubaamba? Bati, Inzubo zyobile Jehova nzyaakasala, sunu wazikaka. Balasampaula bantu bangu, aboobo tabacili musyobo mumeso aabo. 25Mbuboobu mbwaamba Jehova. Sa teensi ndime ndakatanga cizuminano casikati acamasiku? Sa teensi ndime ndakabika milao yakujulu ayaansi? 26#Is 14:1; Jer 31:20; Zek 10:6Na endime, lino ndakonzya kukaka inyungu zya-Jakobo azya-Davida mulanda wangu akukaka kusala umwi wabana bakwe kuti aendelezye inyungu zya-Abrahamu azya-Izaka azya-Jakobo. Nkaambo njoolobya buzike bwabo akubafwida luzyalo.
Currently Selected:
Jeremiya 33: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.