Babetesi 3
3
Bantu Jehova mbaakabelesya kukusukusya ba-Israyeli
1 #
Matl 22:1; Dt 8:2,16; 13:3; Joh 2:24; 1 Kor 11:19 Lino njeeyi misyobo yabantu Jehova njaakaleka, kuti asukusye baIsrayeli kumaanza aabo, nkukuti ba-Israyeli boonse ibatakabwene inko ndo zya-Kanana. 2Yakali yakuzibya mazyalani aabana ba-Israyeli, akubaiisya inkondo abo ibatakaina kuziba mbwiilwigwa. 3#Jos 13:3Misyobo njeeyi: bami bosanwe baba-Filisti, aba-Kanana boonse, aba-Sidoni, aba-Hivi ibakakede mucilundu ca-Lebano, kuzwa kucilundu ca-Baalaherimoni mane kusikila kumanjililo aa-Hamati. 4Yakaba yakusukusya ba-Israyeli, kuti azibe naa balaswiilila milazyo ya-Jehova njaakalailila bamawisi kumulomo wa-Musa, 5#Int 106:35Nkabela bana ba-Israyeli bakalikede akati kaba-Kanana aba-Hiti abaAmori aba-Perizi aba-Hivi aba-Jebusi. 6#Kul 34:16; Dt 7:3; Ezr 9:11Bana babo basimbi bakali kubakwata, abasimbi babo beni bakali kubakwatanya abalombe babo, alimwi bakali kukomba mizimu yabo.
Otiniyeli mbwaakavuna ba-Israyeli kumaanza aa-Kusani
7 #
Bab 2:11; Kul 34:13; Dt 16:21; Bab 6:25 Elyo bana ba-Israyeli bakacita bubi mumeso aa-Jehova, bakaluba Jehova Leza wabo akukomba Babaala azifanikisyo. 8#Hab 3:7Nkabela bukali bwa-Jehova bwakabukila ba-Israyeli, aboobo wakabauzya mumaanza aa-Ku saniRisatayimu, mwami wa-Mesopotamiya. Lino bana ba-Israyeli bakabelekela Kusani-Risatayimu myaka iili musanu aitatu. 9#Bab 6:7; 10:10; 1 Sam 12:10; Neh 9:27; Int 22:5; 106:44; Bab 2:13,16Elyo bana ba-Israyeli nibakakwiilila Jehova, Jehova wakabusizya bana ba-Israyeli mufutuli iwakabafutula, nkukuti Otiniyeli mwana wa-Kenazi mwanike wa-Kale be. 10#My 11:17; 27:18; 1 Sam 10:6; 11:6; 16:13; 2 Mak 15:1; Heb 6:4Muuya wa-Jehova wakamuselukila, elyo wakabeteka ba-Israyeli, alimwi wakaya kuyoolwana, nkabela Jehova wakaaba Kusani-Risatayimu mwami wa-Mesopotamiya mumaanza aakwe, Ijanza lyakwe lyakalemena Kusani-Risatayimu, 11lino nyika yakatontola myaka iili makumi one, lumwi Otiniyeli mwana wa-Kenazi wakafwa.
Ehudi mbwaakavuna ba-Israyeli kumaanza aa-Egiloni mwami wa-Moabu
12 #
Bab 2:19; Jer 16:12; Hos 6:4; Mt 23:32; 1 Sam 12:9 Lino bana ba-Israyeli bakaindulula kucita bubi mumeso aa-Jehova, nkabela Jehova wakayumya Egiloni mwami wa-Moabu kuti alwisye baIsrayeli nkaambo kububi bwabo mbubakabisya mumeso aa-Jehova. 13#Bab 5:14; Dt 34:3; Bab 1:16Mpawo wakaliyobolweda bana ba-Amoni aba-Amaleki, wakaya kuyoosaala baIsrayeli, elyo bakavuba munzi watukunka. 14#Lev 26:23-25; Dt 28:40Lino bana ba-Israyeli bakabelekela Egiloni mwami wa-Moabu myaka iili ikumi amusanu aitatu. 15#Int 50:15; 78:34; Jer 29:12,13; Dan 9:3; Bab 20:16Pele bana ba-Israyeli nibakakwiilila Jehova, Jehova wakababusizya mufutuli, Ehudi mwana wa-Gera, muna-Benjamini, muntu sicimwensi. Bana ba-Israyeli bakatumina Egiloni mwami wa-Moabu cilumbyo kujanza lyakwe. 16Nkabela Ehudi wakalifulila ipanga lili amilomo yobile, bulamfu bwalyo bwakali kakokola, lino wakalisama kunsi lyazyakusama zyakwe kucibelo cakwe calulyo. 17Elyo wakaleta cilumbyo kuli-Egiloni mwami wa-Moabu. Nkabela Egiloni kali muntu uuneneede loko, 18Lino naakamana kuleta cilumbyo, wakabweedezya basikuyumuna acilumbyo, 19#Jos 4:20pele walo mwini wakapiluka kuzwa kumigodi yaku-Giligala, wakati, Ndijisi ijwi lyakwaamba kumbali, O mwami, Lino wakaamba kuti, Amutuleke, Mpawo bantu boonse mbaakali abo bakazwa anze, 20Nkabela Ehudi naakaswena nkwakabede, wakalikede muŋanda yakulitontozya yamujulu njakajisi. Mpawo Ehudi wakati, Ndijisi ijwi lya-Leza lyakwaambila nduwe, O mwami, Elyo naakanyampuka acuuno cakwe, 21Ehudi wakatandabula ijanza lyakwe lyalumwensi, wakasomona ipanga lyakali kulubbazu lwakwe lwalulyo, akumuyasa mwida. 22Aluti alwalo lwakanjila musule lyamemba, amafuta akasinka kumemba, nkaambo takakalisomona ipanga mubula bwakwe pe, elyo kwakazwa cifusi, 23Mpawo Ehudi wakazwa akuya mulukonkono, wakajala milyango yaŋanda musule lyakwe, akwiikwiida. 24Lino naakamana kwiinka, balanda bakwe bakasika, bakabona kuti milyango yaŋanda ilikwiididwe, elyo bakaamba kuti, Ncobeni ulavumba maulu aakwe muŋanda yakulitontozya. 25Nkabela bakalindila mane bakafwa insoni, pele teewakajalula milyango yaŋanda pe, lino bakabweza inkwiidizyo, bajula mulyango, bakajana mwami wabo uliwide ansi, ulifwide. 26Pele Ehudi wakalilobokede nibakacili kulindila, wakainda mutala lyamigodi, wakasika ku-Scira. 27#Bab 5:14; 6:34; 1 Sam 13:3; Jos 17:15; Bab 7:24; 17:1Elyo naakasika, wakalizya mweembo mucilundu ca-Efraimu, nkabela bana ba-Israyeli bakazwa kuzilundulundu, walo kabasololela. 28#Bab 7:9,15; 1 Sam 17:47; Jos 2:7; Bab 12:5Lino wakabaambila kuti, Amutobele ndime, nkaambo Jehova waaba basinkondonyoko ba-Moabu mumaanza aanu. Mpawo bakamutobela, bakaakujata zito zyaku-Jordano zilangene anyika ya-Moabu, alimwi teebakazumizya muntu naba omwe kuzu-buka. 29Nkabela bakajaya akati kaba-Moabu kuciindi eco bantu bali zyuulu zili ikumi, boonse kabali basintaze, Teekwakaloboka muntu naba omwe akati kabo, 30Aboobo ba-Moabu bakazundwa mubuzuba obo akweendelezegwa kubana ba-Israyeli, Elyo nyika yakalitontwede myaka iili makumi aali musanu aatatu.
Samagara mbwaakavuna ba-Israyeli
31 #
1 Sam 17:47,50; Bab 2:16 Lino musule lyayooyo kwakasika Samagara mwana wa-Anati. Walo wakajazya ba-Filisti bali myaanda iili musanu aumwi cibinzyo caŋombe. Alakwe wakavuna ba-Israyeli.
Currently Selected:
Babetesi 3: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
