Babetesi 1
1
Ba-Israyeli mbubakazunda-zunda nyika ya-Kanana
1 #
Kul 28:30; My 27:21; Bab 20:18; 1 Sam 23:9 Lino Joshua naakamana kufwa, bana ba-Israyeli bakabuzya kuli-Jehova kuti, Ino nguni uuelede kutusololela kuya kuyoolwana aba-Kanana? 2#Matl 49:8Nkabela Jehova wakati, Juda nguelede kumusololela, Ncobeni nyika ndaiaba mumaanza aakwe. 3#Muk 4:9; Mk 6:7; 1 Kor 12:26; Gal 6:2Elyo Juda wukaambila Simeoni mukulana wakwe kuti, Atweende ayebo kucaabilo cangu, tukalwisye ba-Kanana, lino ambebo nzooinka ayebo kucaabilo cako, Nkabela Simeoni wakaya awe. 4#Dt 9:1; Int 44:2; 78:55Lino Juda naakainka, Jehova wakaaba ba-Kanana aba-Perizi mumaanza aabo, Bakajaya akati kabo bantu bali zyuulu zili ikumi mu-Bezeki. 5Nkabela mumonya mu-Bezeki bakajana Adoni-bezeki, bakalwana awe, akuzunda ba-Kanana aba-Perizi. 6Lino Adoni-bezeki wakacija, pele bakamutobela akuyoomujata, nkabela bakamukosola zyaala zyamaulu, 7#Lev 24:19; Int 109:16; Tus 1:31; Mk 4:24; Jak 2:13Elyo Adoni-bezeki wakati, Bami bali makumi aali musanu aabili bakoswedwe zyaala azyaala zyamaulu bakali kubwezelela bufwefwelenga munsi atafule lyangu, Mbuli mbundakacita, Leza wandicitila mbubonya, Lino bakamuleta ku-Jerusalemu, nkuko nkwakafwida.
8 #
Jos 15:63
Nkabda bana ba-Juda bakalwisya munzi wa-Jerusalemu, bakaujata akuusaazya ipanga, alimwi munzi bakautenta mulilo. 9#Jos 10:12,36; 11:21Lino cibe ciindi bana ba-Juda bakaya kuyoolwisya ba-Kanana ibakakede muzilundu amucimpayuma cakumusanza amutulundulundu, 10#Jos 14:15Alimwi ba-Juda bakalwana aba-Kanana ibakakede mu-Hebroni, (izina lya-Hebroni lyakutanguna kalili Kiriyati-ariba), nkabela bakazunda Sesai a-Ahimani a-Talimai. 11#Jos 15:15Kuzwa oko bakaya kuyoolwana abakakede mu-Dibiri, (izina lya-Dibiri lyakutaa-nguna kalili Kiriyati-Seferi), 12Nkabela Kalebe wakati, Kufumbwa muntu uulwisya Kiriati-Seferi akuuzunda, njoomupa mwanaangu Akisa, amukwate. 13#Bab 3:9Lino Otiniyeli mwana wa-Kenazi, mwanike wa-Kalebe, wakauzunda, elyo bakamupa Akisa mwanaakwe kuti amukwate, 14#Jos 15:18Nkabela naakeza kuli-nguwe, wakamukombelezya kuti akumbile muunda kuliwisi. Lino naakaseluka ambongolo, Kalebe wakamubuzya kuti, Uyandanzi? 15#Matl 33:11; 1 Sam 25:27; Heb 6:7Wakati, Kondipa caabilo. Wandipa cimpayuma cakumusanza, kondipa atusensa twamaanzi. Elyo Kalebe wakamupa tusensa twakunselelo.
16 #
My 10:29-32; 24:21,22; Bab 4:11; 1 Sam 15:6; 1 Mak 2:55; Jer 35:2; Dt 34:3; 2 Mak 28:15; My 21:1; 10:32 Alimwi bana ba-Keni, mulamu wa-Musa, bakapola kuzwa kumunzi watukunka antoomwe abana ba-Juda, kuya kunkanda ya-Juda iili kumusanza wa-Aradi, elyo kuzwa nkuko bakaakukala aba-Amaleki. 17#My 21:3; Jos 19:4Lino Juda wakaya a-Simeoni mukulana wakwe kuyoozunda ba-Kanana bakakede mu-Zefati, nkabela bakasaala munzi, azina lyawo bakauulika Horima. 18#Jos 11:22; 13:3; 15:47; Bab 16:1; 1 Sam 6:17Alimwi Juda wakazunda Gaza acisi cawo, a-Asikeloni acisi cawo, a-Ekroni acisi cawo. 19#Matl 39:21; Jos 1:5,9; 14:12; 2 Sam 5:10; 2 Bam 18:7; Rom 8:31; Jos 17:16Jehova kali a-Juda, aboobo wakasaala nyika yazilundu, pele wakakacilwa kusaala bantu bamumpata, nkaambo kabajisi inkalaki yabutale, 20#Jos 15:13-14; My 14:24; Dt 1:36; Jos 14:9,13Nkabela Kalebe bakamupa Hebroni, mbubonya Musa mbwaakalailila, elyo wakatanda kuzwa nkuko bana botatwe ba-Anaki. 21#Jos 15:63; 18:28; 2 Sam 5:6; 1 Mak 11:4Abana ba-Benjamini teebakatanda ba-Jebusi ibakakede mu-Jerusalemu. Ba-Jebusi bacikede antoomwe abana ba-Benjamini mu-Jerusalemu mane kusikila sunu,
22Alimwi bana ba-Josefa bakainka kuyoolwisya Beteli, nkabela Jehova kali abo, 23#Jos 2:1; 7:2; Bab 18:2; Matl 28:19Lino bana ba-Josefa nibakatuma kuyoolanga-langa Beteli (ngonguwe munzi iwakataanguna kutegwa Luzi), 24#Jos 2:12; 1 Sam 30:15balangizi bakabona muntu uuli mukuzwa mumunzi, elyo bakamwaambila kuti, Ututondezye manjililo aamunzi, lino tulakufwida luzyalo. 25Nkabela wakabatondezya manjililo aamunzi, elyo bakasaala munzi amulomo wapanga, pele oyo muntu abasiŋanda bakwe bakabalobosya. 26Lino oyo muntu wakalongela kunyika yaba-Hiti, waakuyaka munzi nkuko, wakauulika izina lya-Luzi, ndendilyo izina lyawo asunu.
27 #
Jos 17:11-13; 21:25 Alimwi ba-Manase teebakatanda bantu ibakakede mu-Betiseani atunzuunzi twawo, nuuba Taanaki atunzuunzi twawo, nuuba Dori atunzuunzi twawo, nuuba Ibleamu atunzuunzi twawo, nuuba Megido atunzuunzi twawo, pele ba-Kanana bakakakatila kukala omo munyika. 28Nekubaboobo ba-Israyeli nibakajana inguzu, bakatelesya ba-Kanana, Kutanda teebakabatandilila pe.
29 #
Jos 16:10; 1 Bam 9:16 Alimwi ba-Efraimu teebakatanda ba-Kanana ibakakede mu-Gezeri, pele ba-Kanana bakacilikede abo omo mu-Gezeri.
30 #
Jos 19:15
Alimwi ba-Zebuloni teebakatanda bantu ibakakede mu-Kitroni nomuba mu-Nahaloli, pele ba-Kanana bakacilikede abo akutelesegwa.
31 #
Jos 19:24-30
Alimwi ba-Aseri teebakatanda bantu ibakakede mu-Ake, nimuba muZidoni, nimuba mu-Akalabu a-Akizibi a-Heliba a-Afeki a-Rehobo, 32#Int 106:34,35pele ba-Aseri bakalikede akati kaba-Kanana bamunyika eyo. Teebakabatandilila pe.
33 #
Jos 19:38
Alimwi ba-Nafitali teebakatanda bantu baku-Beti-semesi abaku-Betianati. Bakalikede akati kaba-Kanana bamunyika, nekubaboobo bantu baku-Beti-semesi abaku-Beti-anati bakatelesegwa.
34Nkabela ba-Amori bakatonta bana ba-Dani muzilundulundu. Tcebakabazumizya kuseluka mumumpata pe. 35#Jos 10:12; 19:42; Bab 12:12Ba-Amori bakakakatila kukala mucilundu ca-Heresi amu-Aijaloni amu-Saalibimu. Nekubaboobo maanza aaluzubo lwa-Josefa akabalemena mane bakatelesegwa. 36#My 34:4; Jos 15:3Lino mugaano waba-Amori kuuli kuzwa kumatantilo aa-Akrabimu, kuzwa ku-Sela akuya kujulu.
Currently Selected:
Babetesi 1: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
