Hebrayo 8
8
Ngomulongo mupya ngwaatanga Leza muli-Kristo
1 #
Int 110:1; Heb 4:14 Eno kumakani aya ngotwali kukanana, mutwe wamakani ngooyu. Tulijisi mupaizi mupati uuli bobuya, uukede kululyo lwacuuno ca-Bupati bwa-Leza kujulu, 2ngonguwe uubeleka mulimo uusalala wakucikombelo cinicini. Eco cikombelo cakayakwa a-Jehova, teecakayakwa kumaanza aabantu pe. 3Eno bapaizi bapati boonse mbobasalwa kuti batuule budumbu azipaizyo, awalo Mupaizi Mupati oyu uleelede kuba acintu cakutuula. 4Kuti naali kucili ansi, natacili mupaizi pe, nkaambo mpobali abo batuula budumbu bulaililwa mu-Mulao. 5#Kul 25:40; Kol 2:17(Milimo njibamana ncecikozyano citondezya mbuzibede zintu zyakujulu, mbubonya mbwaakalaililwa Musa kuli-Leza, naakaamba kuyaka cikombelo, nkaambo wakaambilwa kuti, Konga kocita zintu zyoonse kuti zibe mbubonya mbuli eeciya ncowakatondezegwa adundu). 6#Heb 7:22; 12:24; 2 Kor 3:6Pele eno ncobeni mulimo ngwaajana Kristo ngomulimo mupati winiwini, nkaambo ngowaba sikwiimaakati wa-Mulongo uuinda kubota, uwakalengwa azisyomezyo ziinda kubota. 7Nkaambo kuti oyo Mulongo wakusaanguna nowatali kujisi kampenda nokutakwe kaambo kakulenga yooyu uwabili. 8#Jer 31:31-34; Heb 10:16,17Eno mbwaakabeena kampenda wakabaambila kuti,
Amubone, mazuba aleza, ngo-Jehova waamba obo,
Nenti katange mulongo mupya kubana-Israyeli akubana-Juda.
9 #
Kul 19:5,6 Tuuli mbuli mulongo ngwendakatanga kulibamawisi,
Eliya nendakabajata kujanza kuya bubakwela akubeenzya kuti bazwe mucisi ca-Egepita,
Nkaambo bakakaka kukalilila mumulongo oyo,
Ncendakalekela kubabamba, ngo-Jehova waamba obo.
10Eno ngooyu mulongo ngwenjandootanga kubana-Israyeli,
Munsi lyamazuba ayo, ngo-Jehova waamba obo.
Ndiyoobika milao yangu mukuyeeya kwabo,
Moonse amumyoyo yabo ndiyooilembamo,
Elyo ndikabe Leza wabo,
Abalo bakabe bantu bangu.
11Nkabela takukwe uuti kaiisye mweenzinyina,
Takukwe uuti kaiisye mwanaakwabo kuti,
Amuzibe Jehova,
Nkaambo boonse bayoondiziba beni,
Ukuzwida kumwana mane kusikila kumupati.
12Nkaambo ndiyoobafwida luzyalo kukubisya kwabo,
Nsikooyooziyeeya limbi zibi zyabo.
13 #
Rom 10:4
Lino naakaamba kuti, Umulongo mupya, wakakulumpazya yooyo mutaanzi. Nkabela coonse iciya bukalumpala akucembaala cili kufwaafwi kumaninina.
Currently Selected:
Hebrayo 8: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.