Hebrayo 1
1
Kwaanza kwamakani: Kristo ulabainda basinsimi abaangelo
1Kuciindi cakalekale Leza wakaambila bamatata mubasinsimi ubucebuce akuziyanza zinjizinji, 2#Int 2:8; Joh 1:3; Kol 1:16; Mt 21:38pele kumamanino, sunu, cino ciindi watwaa mbila mu-Mwanaakwe, ngwaakasala kuti abe ngomukamwini wazintu zyoonse, alimwi kulinguwe wakaanza zintu zyoonse. 3#Int 110:1; 2 Kor 4:4; Kol 1:15; Mk 16:19; Heb 9:14,26Walo, mbwali nguumwesya bulemu bwa-Leza, alimwi nguwenya ncecizibyo icizibya mbwabede Leza, nguuyumya zintu zyoonse kujwi lyakwe lili anguzu, naakamana kulituula kuti abe cituuzyo cakusalazya bantu kuzibi, wakaakukala kujulu kululyo lwacuuno ca-Leza cabupati. 4#Flp 2:9Wakaba uuinda baangelo, mbubonya izina lyakwe ndyajisi mboliinda mazina aabo, 5#Int 2:7; 2 Sam 7:14; 1 Mak 17:14; Heb 5:5; Inc 13:33Nkaambo ino ndelili Leza naakaambide kuli-angelo umwi kuti,
Yebo nduwe Mwanaangu, Sunu ndakuzyala?
alimwi kuti,
Mebo ndilaba Wisi uwakamuzyala,
Walo ulaba Mwanaangu?
6 #
Dt 32:43; Rom 8:29; Int 97:7 Alimwi, alete buyo Mwanaakwe mutaanzi munyika, waamba kuti,
Abalo baangelo boonse ba-Leza kabayoomukomba.
7 #
Int 104:4
Alimwi mbobuya mbwabaamba baangelo uti,
Baangelo bakwe nguubacita myuuwo,
Abalo basimilimo bakwe wabacita mabangabanga aamulilo.
8 #
Int 45:6-7
Anu kwalo ku-Mwana wakateeti,
Cuuno cabupati bwako, Leza, ncalyoonse lyoonse,
Akalo kasako kabwami bwako bupati nkasako kakululama kwinikwini
9Yebo uyandisya kululama, pele butongo tobuyandi, ulibusulide,
Aboobo Leza, Leza wako, wakunanika mafuta aali ecoolwe iciinda cabeenzinyoko.
10 #
Int 102:25-27
Alimwi,
Yebo O Mwami, nduwe wakatalika kwaanza nyika kumasokelo,
Elyalo ijulu njemilimo yamaanza aako.
11Lyalo ijulu liyooloba, anu yebo pe, tokwe ankoya.
Liyookulumpala mbuli zyakusama.
12Uyoolivunga mbukuvungwa cibaki,
Ii nkasimpe, mbubonya mbuli zyakusama, mpoonya ziyoosanduka akusanduka,
Pele yebo unooli mbubonya, Ayalo myaaka yako tiikooyoogola.
13 #
Int 110:1
Ino ndelili naakaambide kuli-angelo umwi kuti,
Kala kujanza lyangu lyalulyo,
Mane basinkondonyoko ndikabacite kuti babe njemitandabilo yamatende aako?
14 #
Dan 7:10; Int 34:8; 91:11 Sena baangelo boonse tiili myuuya iimubelekela, mbatuma kuya bumubelekela kulibaabo abayoojana kufutuka?
Currently Selected:
Hebrayo 1: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.