Matalikilo 50
50
Kufwa kwa-Jakobo
1 #
Matl 46:4; 2 Bam 13:14 Mpawo Josefa wakawida abusyu bwawisi, walila alinguwe wamumyonta, 2#2 Mak 16:14; Mt 26:12; Mk 14:8; 16:1; Lk 24:1; Joh 19:39,40Lino Josefa wakalailila balanda bakwe basilisi kuti bayanike mutunta wawisi, aboobo basilisi bakayanika mutunta wa-Israyeli. 3#My 20:29; Dt 34:8Kwakamana mazuba aali makumi one, nkaambo ngomweelwe wamazuba aakuyanika mutunta. Nkabela ba-Egepita bakamulila mazuba aali makumi aali musanu aabili.
4 #
Es 4:2
Lino mazuba aakulilwa kwakwe naakamana, Josefa wakaambila basiŋanda ba-Farao kuti, Na ndijene buuya mumeso aanu, amwaambile Farao kuti, 5#2 Mak 16:14; Is 22:16; Mt 27:60Taata wakandikonkezya, wati, Ndaamba kufwa; kukabanda kangu nkendakalisida munyika ya-Kanana nkooko nkumweelede kundivwikila, Lino njiinke, nkazike taata. Njooboola. 6Nkabela Farao wakati, Mbubo, inka, ukavwike uso, mbubonya mbwaakakukonkezya. 7Elyo Josefa wakainka kuyoovwika wisi. Abalo balanda boonse ba-Farao bakainka awe, bapati baŋanda yakwe, abapati boonse banyika ya-Egepita, 8aluzubo loonse lwa-Josefa, ababunyina, aluzubo lwawisi. Bacece babo luzutu, ambelele zyabo aŋombe zyabo, nzebakasia munyika ya-Goseni. 9Wakaya ankalaki abasimbizi, inkamu impati loko. 10#Inc 8:2; 1 Sam 31:13; Job 2:13Basike kubbuwa lyacipolelo lya-Atadi, kutala lya-Jordano, bakalila nkukonya oko akulila kupati kuyoosya loko, 11Nkabela bantu banyika ya-Kanana, nibakabona kulila oko kwakucipolelo ca-Atadi, bakati, Oku kulila kwaba-Egepita kulayoosya loko. Nciceeco kuntu oko ncikwakapedwa izina lya-Abeli-mizraimu. Kuli mutala lya-Jordano, 12Aboobo bana bakwe bakamucitila mbubonya mbwaakabalailila. 13#Matl 23:16; Inc 7:16Bana bakwe bakamutola kunyika ya-Kanana, bamuvwika musempo lyamumuunda wa-Makipela, kunembo lya-Mamre, muunda Abrahamu ngwaakaula kuli-Efroni mu-Hi ti, kuti auvube, ube mavwikilo. 14Amane kuzika wisi, Josefa wakapiluka ku-Egepita ababunyina aboonse mbaakainkide abo kuyoovwika wisi.
Mamanino aabuumi bwa-Josefa
15 #
Job 15:21
Lino babunyina Josefa, nibakabona kuti wisaabo wafwa, bakati, Ambweni Josefa ulatusula akutuboozezya bubi boonse mbutwakamucitila. 16Elyo bakatumina Josefa mulazyo wakuti, Uso naatakalina kufwa wakalailila kuti, 17#Tus 28:13; Matl 49:25Mbuboobu mbumweelede kwaambila Josefa. Wence ulekelele bakulana bako milandu yabo azibi zyabo, nkaambo bakakucitila bubi. Lino twakumbila kuti utulekelele milandu yesu tobalanda ba-Leza wauso. Mpawo Josefa wakalila naakamvwa majwi aabo. 18#Matl 37:7,10Nkabela bakulana bakwe bakasika kuzoovundama kubusyu bwakwe, bati, Bona! Tuli balanda bako. 19#Dt 32:35; Rom 12:19; Heb 10:30Lino Josefa wakabaambila kuti, Mutayoowi. Sa mebo ndi mucibaka caLeza? 20#Int 56:5; Is 10:7; Matl 45:5,7; Inc 3:13-15Inywe mwakayeeya kundicitila bubi, pele Leza wakabusandula kuba bubotu, kuti acite makani ngemubwene sunu, kukuponya bantu banji. 21#Matl 47:12; Mt 5:44Lino mutayoowi pe, Njoomulela, nywebo abacece banu. Mbuboobo mbwaakabaumbulizya akutontozya myoyo yabo.
22Lino Josefa kakede mu-Egepita, walo aluzubo lwawisi. Nkabela Josefa wakapona myaka iili mwa nda akumi, 23#Job 42:16; Matl 30:3Nkabela Josefa wakabona bana ba-Efraimu bamuzukulu watatu; abalo bana ba-Makiri mwana waManase bakazyalwa amazwi aa-Josefa. 24#Kul 8:16,17; Heb 11:22; Matl 26:3Lino Josefa wakaambila baku la na bakwe kuti, Mebo ndaamba kufwa, pele Leza ncobeni unoomuswaya akumupozya munyika ino kuti muye kunyika eyo njaakakonkezya kuli-Abrahamu akuli-Izaka akuli-Jakobo. 25#Matl 47:29; Kul 13:19; Jos 24:32Lino Josefa wakakonkya bana baIsrayeli kuti, Ncobeni Leza unooyoomuswaya, lino zifuwa zyangu muleelede kuzitola kuzwa okuno, 26Elyo Josefa wakafwa, Kali amyaka iili mwanda akumi lyomwe, Nkabela bakayanika mutunta wakwe akumubika mucilondwedo mu-Egepita.
Currently Selected:
Matalikilo 50: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.