Matalikilo 24
24
Izaka mbwaakakwata Rebeka
1 #
Matl 18:11; 13:2; Gal 3:9 Abrahamu wakacembaala, kali amyaka minji, nkabela Jehova kapede Abrahamu coolwe muzintu zyoonse. 2#Matl 15:2; 24:10; 39:4-6; 47:29; Malo 5:6Lino Abrahamu wakaambila mulanda wakwe, mupati wabasiŋanda bakwe, iwakali kulanga imbono zyakwe zyoonse, kuti, Bika ijanza lyako kunsi lyacibelo cangu; 3#Kul 34:16; Dt 7:3; 2 Kor 6:14-17lino ndakucita kuti ukonkezye muzina lya-Jehova Leza wakujulu a-Leza waansi kuti tokooyookwatya mwanaangu umwi wabana basimbi baba-Kanana mbenkede akati kabo. 4#Matl 28:2Uleelede kuya kucisi cangu akuluzubo lwangu, ukajanine mwanaangu Izaka mukazi nkukonya oko. 5Lino mulanda wakamwaambila kuti, Ambweni mwanakazi takonzyi kuzumina kunditobela kuza okuno kunyika ino, Sa ndeelede kupilusya mwanaako kucisi eco nkowakazwa, 6#2 Pet 2:20-22Abrahamu wakamuvwiila kuti, Ne! Toelede kupilusya mwanaangu oko abuniini. 7#Matl 12:1,7; 13:15; Kul 32:13; 23:20; Int 34:7; Is 63:9Jehova Leza wakujulu, iwakandigwisya munanda yataata amu nyika yabuzyalwe bwangu, iwakandaambila akukonka kuti, Njoopa lunyungu lwako nyika eyi, ulatuma angelo wakwe kunembo lyako, nkabela uyoobwezela mwanaangu mukazi kuzwa oko. 8#Jos 2:17-20Pele na mwanakazi tazumini kukutobela, yooangunuka kuzwa kucikonke cangu. Toelede kupilusya mwanaangu oko pe. 9Mpawo mulanda wakabika ijanza lyakwe kunsi acibelo-ca-Abrahamu simalelaakwe, wakonkezya mumakani aya.
10 #
Matl 27:43
Lino mulanda wakatolelelaikumi lyankamele zyasimalelaakwe, wainka, waya azintu zibotu zyoonse zyasimalelaakwe mujanza lyakwe. Wakanyamuka, waya ku-Mesopotamiya kumunzi wa-Nahori. 11#Kul 2:16; 1 Sam 9:11Nkabela wakafugamya inkamele anze amunzi kumbali kucikala camaanzi Kuciindi camangolezya, banakazi nibakali kuteka maanzi. 12#Matl 24:27; 26:24; Kul 3:6,15; Flp 4:6Nkabela wakaamba kuti, O Jehova, Leza wasimalelaangu Abrahamu, undipe coolwe buzuba obuno akucitila simalelaangu Abrahamu caluzyalo. 13Bona! Ndiimvwi kumbali akasensa kamaanzi, abana basimbi babantu bamunzi baleza kukuteka maanzi. 14#Tus 19:14; Bab 6:17-37; 1 Sam 6:7Lino na ndaambila musimbi kuti, Wence sendeka inongo yako, nywe alimwi oyo musimbi ulaamba kuti, Nywa, nkabela njootekela inkamele zyako azyaloabe ngonguwe ngosalilide mulanda wako Izaka. Mbuboobo mbunjooziba kuti wacitila simalelaangu luzyalo.
15 #
Int 34:15; Matl 11:29 Lino naakatalina kumana kwaamba, kwakasika Rebeka, ngonguwe iwakazyalilwa Betueli mwana wa-Milika muka-Nahori muzyalwanyina Abrahamu. Wakeza anongo yakwe akuko lyakwe. 16#Matl 26:7Oyo musimbi keebeka loko, alimwi kali nakalindu, katana kweebwa mwaalumi, Nkabela naakasika kukasensa, wakazuzya nongo yakwe, wazwa. 17#Joh 4:7Mpawo mulanda wakazuzaana kuyoomuswana, wati, Wence undinywisye twaanzi munongo yako. 18#1 Pet 3:8; 4:9Wakavuwa kuti, Nywa, mwami. Nkabela wakafwambaana kusendeka nongo yakwe mujanza lyakwe, wamunywisya. 19Amane kumunywisya, wakati, Ndatekela inkamele zyako azyalo, mane zimane kunywa zyoonse. 20Mpawo wakafwambaana kutulida nongo yakwe mucinywido, wazuzaanina kucikala kukuteka alimwi. Nkabela wakatekela inkamele zyoonse. 21#Lk 2:19,51Lino muntu wakali kumulangisya cakuumuna, wali kulindila kuziba na Jehova wabotezya lweendo lwakwe na pe,
22 #
Kul 32:2,3; Is 3:19,20; 1 Pet 3:3 Lino inkamele nizyakamana kunywa, muntu wakabweza kasi ta kangolida ikakali abulemu bwacisela casyekeli, ankaya zyobile zyakusamika maboko aakwe izyakali abulemu bwamasyekeli aali ikumi. 23Nkabela wakabuzya kuti, Wence undaambile na uli mwana wani? Sa tulakonzya kujana busena bwakoona kuliuso? 24Wakavuwa kuti, Ndime mwana musimbi waBetueli, mwana wa-Milika ngwaakazyalila Nahori. 25#1 Pet 4:9Alimwi wakati, Bwizu nkubuli kulindiswe, azilyo zinji, abusena bwakoona. 26#Matl 24:52; Kul 4:31Mpawo muntu wakakotama, wakomba Jehova, 27#Kul 18:10; Rut 4:14; 1 Sam 25:32; 2 Sam 18:28; Lk 1:68; Matl 32:10; Int 98:3; Matl 24:48; Tus 3:6wati, Alumbwe Jehova Leza wasimalelaangu Abrahamu! Tana kuleka buuya bwakwe alusyomo lwakwe kulisimalelaangu. Lino mebo, Jehova wandeenzya munzila, wandisisya kuŋanda yamunyina simalelaangu.
28Lino musimbi wakazuzaana, walwiida basiŋanda babanyina aya makani. 29#Matl 29:5Nkabela Rebeka kajisi munyinandumi, izina lyakwe kali Labani. Oyo Labani wakazuzaanina kucikala muntu nkwaakabede. 30Abone buyo kasita ankaya zyakumaboko aamucizi wakwe, alimwi naakamvwa majwi aa-Rebeka mucizi wakwe aakuti, Mbuboobu muntu mbwaandaambila, wakainka oko muntu nkwaakabede. Wakamujana uliimvwi kunembo lyankamele kukasensa. 31#Matl 26:29; Bab 17:2; Rut 3:10; Int 115:15Mpawo wakati, Njila, webo opedwe coolwe kuliJehova! Nkaambonzi noima anze? Ndabamba iŋanda abusena bwankamele. 32#Matl 43:24; Bab 19:21Elyo muntu wakanjila waangununa inkamele, Nkabela wakaleta bwizu abulilu bwankamele, amaanzi kuti asambe kumaulu, walo abantu mbaakeza abo. 33#Job 23:12; Joh 4:34; Ef 6:5-7Mpawo wakabambilwa zyakulya, pele wakati, Nsikoolya, cita ntaangune kwaamba makani aangu, Wakati, Amba.
34Lino wakaamba kuti, Ndime mulanda wa-Abrahamu. 35#Matl 24:1; 13:2; Job 1:3Jehova ulipede. Simalelaangu coolwe cipati abulemu. Ulimupede imbelele aŋombe, insiliva angolida, balanda baalumi abanakazi, ankamele ambongolo. 36#Matl 21:2,10; 25:5Lino Sara mukazi wasimalelaangu wakazyalila simalelaangu mwana mulombe naakacembaala, nkabela zyoonse nzyaajisi wazipa oyo mwana. 37#Matl 24:3Lino simalelaangu wakandisungilizya kukonkezya kuti, Toelede kukwatya mwanaangu mwanakazi wabana basimbi baba-Kanana mbendikede abo munyika ino, pe. 38Uleelede kuya kunaada yataata akuluzubo lwangu, ukaselele mwanaangu nkuko, 39Mpoonya awo ndakaambila simalelaangu kuti, Ambweni mwanakazi tayandi kunditobela. 40#Matl 24:7; 5:22-24; 17:1; Kul 23:20Pele wakati, Jehova ngunjenda awe ulatuma angelo wakwe kubusyu bwako kuti abotye lweendo lwako, mane ukajanine mwanaangu mukazi kuzwa kuluzubo lwangu akuŋanda yataata. 41#Matl 24:8Wamana kucita obo waangunuka kucikonke cangu, Pele wasika kuluzubo lwangu, na tabakupi, mbubo, waangunuka kuzwa kucikonke cangu. 42#1 Bam 1:36; Inc 10:7,8,22; Neh 1:11; Int 90:17; Rom 1:10Lino sunu, nindasika kukasensa, ndaamba kuti, O Jehova Leza wasimalelaangu Abrahamu, na wabotya lweendo lwangu ndundatola, 43#Matl 24:13bona! Ndiimvwi kumbali lyakasensa kamaanzi. Na kwasika kamwale kuzooteka maanzi, alimwi na ndamwaambila kuti, Kondinywisya twaanzi twamunongo yako, 44#Heb 13:2na ulandaambila kuti, Nywa, nkabela ndatekela inkamele zyako azyalo—oyo abe mwanakazi Jehova ngwasalilide mwana wasimalelaangu. 45#Matl 24:15; 1 Sam 1:13; Is 65:24Lino nindacili kwaamba mumoyo wangu, kwasika Rebeka, weza anongo yakwe akuko lyakwe, waya kukasensa kuti ateke, Mpawo ndamwaambila kuti, Wence undinywisye. 46Nkabela wafwambaana kusendeka nongo yakwe, wati, Nywa, nkabela ndatekela inkamele zyako azyalo. Aboobo ndanywa, azyalo inkamele zyanywa. 47#Ezk 16:11,12Mpawo ndamubuzya kuti, Ino uli mwana wani? Wavuwa kuti, Ndime mwana waBetueli mwana wa-Nahori, ngwaakamuzyalila Milika. Elyo ndamusamika kasita mumpemu yakwe ankaya amaboko aakwe. 48#Matl 24:26; Int 32:8; 48:14; 107:7; Is 48:17Mpawo ndakotama, ndakomba Jehova, ndalumba Jehova Leza wasimalelaangu Abrahamu iwakandeenzya munzila iiluleme kuti nkwatye mwana wasimalelaangu mwana musimbi wamunyina. 49#Matl 47:29; Jos 2:14Lino amundaambile. Sa mulacitila simalelaangu caluzyalo acakusyomeka? Na mwazumina na mwakaka, amundaambile, nkazibe inzila njinjeelede kutola, niiba yalulyo niiba yalumwensi.
50 #
Int 118:23; Mt 21:42; Mk 12:11 Mpawo Labani a-Betueli bakavuwa kuti, Makani azwa kuli-Jehova: swebo tatukonzyi kwaamba cintu niciba comwe, niciba cibotu niciba cibi. 51#Matl 20:15Bona! Ngooyu Rebeka. Komutola, akwiinka awe, abe mukazi wamwana wasimalelaako, mbubonya mbuli Jehova mbwaamba,
52Lino mulanda wa-Abrahamu, naakamvwa majwi aabo, wakavundama ansi, wakomba Jehova. 53#Kul 3:22; 11:2; 12:35; 2 Mak 21:3; Ezr 1:6Nkabela mulanda wakagwisya zintu zyansiliva azintu zyangolida azyakusama, wapa Rebeka. Alakwe munyinandumi wakwe, abanyina, wakabapa zintu ziyandisi. 54#Matl 24:56,59Lino bakalya akunywa, walo abantu mbaakali abo, nkabela bakoona nkukonya oko. Nibwakaca, bakabuka, elyo wakati, Amundisungule kuya kulisimalelaangu, 55Pele munyinandumi wakwe abanyina bakati, Musimbi kacikede kulindiswe mazuba mace nanka ikumi, Amana, ulaya. 56#Matl 24:40Wakabaambila kuti, Mutandicelezyi, nkaambo Jehova wandipa coolwe mulweendo lwangu. Amundisungule, njiinke kulisimalelaangu. 57Bakati, Atwiite musimbi, tuswiilile mbwaamba mwini. 58Mpawo bakaita Rebeka, bamubuzya kuti, Sa ulayanda kwiinka amuntu oyo? Wakavuwa kuti, Ndainka. 59#Matl 35:8Aboobo bakasungula Rebeka mucizi wabo asikumulela wakwe amulanda wa-Abrahamu abantu bakwe. 60#Matl 17:16; 22:17; Rut 4:11Nkabela bakalongezya Rebeka, bati, O mucizi wesu, koba banyina bazyuulu zyazyuulu zyabantu, alunyungu lwako luvube mulyango wabaabo balusulide. 61Mpawo Rebeka wakanyampuka abasimbi bakwe, batanta ankamele, batobela muntu oyo. Mbuboobo mulanda mbwaakatola Rebeka akwiinka awe.
62 #
Matl 16:14; 25:11 Lino Izaka kalongede kuzwa ku-Cikala ca-Lahai-roi, kakede munyika ya-Negebi. 63#Jos 1:8; Int 1:2; Dan 6:10; Mt 6:5,6; Mk 1:35; Lk 5:16; Inc 10:9Nkabela Izaka wakali kuya bweendeenda musokwe ciindi cagoko; elyo naakatambya meso aakwe wakabona inkamele zileza. 64#Jos 15:18; 1 Sam 25:23Alakwe Rebeka wakatambya meso aakwe, wabona Izaka, elyo wakaseluka kuzwa kunkamele yakwe, 65#1 Kor 11:3-10; 1 Tes 4:13wabuzya mulanda kuti, Ino nguni oyu mwaalumi uuza bweendeenda musokwe kuzootuswanaanya? Mulanda wakati, Ngonguwe simalelaangu, Mpawo wakabweza kaputi, walivumba kumeso. 66Lino mulanda wakalwiida Izaka zintu zyoonse nzyaakacitide. 67Nkabela Izaka wakanjizya Rebeka mutente lya-Sara banyina. Wakatola Rebeka, abe mukazi wakwe, nkabela wakamuyandisya. Aboobo lzaka wakaumbulizigwa.
Currently Selected:
Matalikilo 24: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.