Ezekieli 4
4
Zitondezyo Ezekieli nzyaakaiisya aakusinkinizigwa kwa-Jerulsalemu
1Lino webo, O mwana amuntu, bweza bbimbili, ulibike kubusyu bwako, akutala alindilyo cifwanisyo camunzi, nkokuti Jerusalemu. 2Bika zibelesyo zyakuusinkinizya, yaka bulambo bwakusinkinizya, lundika citantaala cakuulwisya, alimwi bika basilumamba bakuulwisya amincini yakupwayauzya. 3#Is 8:18; Ezk 12:6,11; Mk 14:22; Lk 2:34; Joh 4:48Lino bweza imbali yabutale, uibike mbuli bulambo bwabutale, akatikati kako amunzi, alimwi lanzya busyu bwako kulinjiyo, kuti munzi usinkinizigwe. Mbuboobo mboelede kusinkinizya munzi, aceeci ciyooba citondezyo kuluzubo lwa-Israyeli.
4Lino uleelede kulala abbambo lyako lyacimwensi, kuti ulemenwe obo milandu yaluzubo lwa-Israyeli. Mazuba oonse ngolala obo uyoolemenwa milandu yabo. 5Ndakupa mweelwe wamazuba uulelene amweelwe wamyaka yamilandu yabo, nkukuti mazuba aali myanda yotatwe amakumi aali musanu aane, Ayo mazuba uyoolemenwa milandu yaluzubo lwa-Israyeli. 6Lino wamanisya buyo mazuba ayo, uleelede kulala alimwi alubazu lwako lwalulyo, kuti ulemenwe milandu yaluzubo lwa-Juda. Ndakupa mazuba aali makumi one, buzuba bumwi abumwi ngumwaka. 7Lino uleelede kubika busyu bwako cakulanga kusinkinizigwa kwa-Jerusalemu, akuboko kwako kusamununwe, ukasinsime aanguwo. 8#Ezk 3:25Bona! Ndakubikila intambo, kuti utasanduluki mane ukamane mazuba aako aakusinkinizya.
9Lino uwe, bweza bulotwe abbaale, nyangu anyemu, mabele amaila, uzibike mucilongo comwe, ukalijikile zilyo, ukalye nzizyo mazuba oonse ngonoolede abbambo lyako, nkokuti mazuba aali myanda yotatwe amakumi aali musanu aane. 10Azilyo nzonoolya zileelede kupimwa; masyekeli aali makumi obile mbobulemu bwacaabilo cabuzuba bumwi abumwi, alimwi uleelede kulya komwe buyo mubuzuba. 11Aalo maanzi ngonoonywa aleelede kupimwa; inkomeki zyobile ncecaabilo cako cabuzuba bumwi abumwi, alimwi uleelede kunywa komwe buyo mubuzuba. 12Uleelede kulya zilyo zyako mbuli zinkwa zyabbaale akujika uleelede kuzijika mumeso aabo amazyu aabantu. 13#Dan 1:8; Hos 9:3Lino Jehova wakaamba kuti, Mbuboobo bana baIsrayeli mbubayoolya zilyo zyabo zisofweede akati kabamasi nkumbatandilide. 14#Ezk 9:8; Inc 10:14; Lev 11:40; 19:7; Kul 22:31; Dt 14:3; Is 65:4Mpawo ndakati, Akaka Mwami Jehova! Ncobeni nsikwe nindakalisofwaazya abuniini; kuzwa kubwanike bwangu akusikila sunu nsikwe nindakalya intundulu nanka nyama iyakalumwa munyama, alimwi taakwe cintu cisesemya niciba cimwi icakanjila mukanwa lyangu. 15Lino wakandaambila kuti, Bona! Ndakupa bufumba bwaŋombe mucibaka camazyu aamuntu, lino uleelede kujika zilyo zyako alimbubo. 16#Lev 26:26; Int 105:16; Is 3:1; Dt 28:48; Ezk 5:16; 12:18,19; Int 68:3; Malo 1:11Alimwi wakandaambila kuti, O mwana amuntu, ncobeni njoomanisya mu-Jerusalemu malilu oonse aabuumi. Bayoolya insima cakupimapima bulemu, acakukankama, aalo maanzi bayooanywa cakweelekaeleka acakuyoowa. 17#Lev 26:39; Ezk 24:23Njoocita kuti babule zilyo amaanzi, elyo bayoolangana cakugamba, banooya bukotelakotela mukati kamilandu yabo.
Currently Selected:
Ezekieli 4: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
Ezekieli 4
4
Zitondezyo Ezekieli nzyaakaiisya aakusinkinizigwa kwa-Jerulsalemu
1Lino webo, O mwana amuntu, bweza bbimbili, ulibike kubusyu bwako, akutala alindilyo cifwanisyo camunzi, nkokuti Jerusalemu. 2Bika zibelesyo zyakuusinkinizya, yaka bulambo bwakusinkinizya, lundika citantaala cakuulwisya, alimwi bika basilumamba bakuulwisya amincini yakupwayauzya. 3#Is 8:18; Ezk 12:6,11; Mk 14:22; Lk 2:34; Joh 4:48Lino bweza imbali yabutale, uibike mbuli bulambo bwabutale, akatikati kako amunzi, alimwi lanzya busyu bwako kulinjiyo, kuti munzi usinkinizigwe. Mbuboobo mboelede kusinkinizya munzi, aceeci ciyooba citondezyo kuluzubo lwa-Israyeli.
4Lino uleelede kulala abbambo lyako lyacimwensi, kuti ulemenwe obo milandu yaluzubo lwa-Israyeli. Mazuba oonse ngolala obo uyoolemenwa milandu yabo. 5Ndakupa mweelwe wamazuba uulelene amweelwe wamyaka yamilandu yabo, nkukuti mazuba aali myanda yotatwe amakumi aali musanu aane, Ayo mazuba uyoolemenwa milandu yaluzubo lwa-Israyeli. 6Lino wamanisya buyo mazuba ayo, uleelede kulala alimwi alubazu lwako lwalulyo, kuti ulemenwe milandu yaluzubo lwa-Juda. Ndakupa mazuba aali makumi one, buzuba bumwi abumwi ngumwaka. 7Lino uleelede kubika busyu bwako cakulanga kusinkinizigwa kwa-Jerusalemu, akuboko kwako kusamununwe, ukasinsime aanguwo. 8#Ezk 3:25Bona! Ndakubikila intambo, kuti utasanduluki mane ukamane mazuba aako aakusinkinizya.
9Lino uwe, bweza bulotwe abbaale, nyangu anyemu, mabele amaila, uzibike mucilongo comwe, ukalijikile zilyo, ukalye nzizyo mazuba oonse ngonoolede abbambo lyako, nkokuti mazuba aali myanda yotatwe amakumi aali musanu aane. 10Azilyo nzonoolya zileelede kupimwa; masyekeli aali makumi obile mbobulemu bwacaabilo cabuzuba bumwi abumwi, alimwi uleelede kulya komwe buyo mubuzuba. 11Aalo maanzi ngonoonywa aleelede kupimwa; inkomeki zyobile ncecaabilo cako cabuzuba bumwi abumwi, alimwi uleelede kunywa komwe buyo mubuzuba. 12Uleelede kulya zilyo zyako mbuli zinkwa zyabbaale akujika uleelede kuzijika mumeso aabo amazyu aabantu. 13#Dan 1:8; Hos 9:3Lino Jehova wakaamba kuti, Mbuboobo bana baIsrayeli mbubayoolya zilyo zyabo zisofweede akati kabamasi nkumbatandilide. 14#Ezk 9:8; Inc 10:14; Lev 11:40; 19:7; Kul 22:31; Dt 14:3; Is 65:4Mpawo ndakati, Akaka Mwami Jehova! Ncobeni nsikwe nindakalisofwaazya abuniini; kuzwa kubwanike bwangu akusikila sunu nsikwe nindakalya intundulu nanka nyama iyakalumwa munyama, alimwi taakwe cintu cisesemya niciba cimwi icakanjila mukanwa lyangu. 15Lino wakandaambila kuti, Bona! Ndakupa bufumba bwaŋombe mucibaka camazyu aamuntu, lino uleelede kujika zilyo zyako alimbubo. 16#Lev 26:26; Int 105:16; Is 3:1; Dt 28:48; Ezk 5:16; 12:18,19; Int 68:3; Malo 1:11Alimwi wakandaambila kuti, O mwana amuntu, ncobeni njoomanisya mu-Jerusalemu malilu oonse aabuumi. Bayoolya insima cakupimapima bulemu, acakukankama, aalo maanzi bayooanywa cakweelekaeleka acakuyoowa. 17#Lev 26:39; Ezk 24:23Njoocita kuti babule zilyo amaanzi, elyo bayoolangana cakugamba, banooya bukotelakotela mukati kamilandu yabo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.