Ezekieli 21
21
Ipanga lya-Jehova
1Lino ijwi lya-Jehova lyakandisikila, liti, 2#Ezk 20:46; Dt 32:2; Am 7:16; 1 Pet 4:17O mwana amuntu, lanzya busyu bwako ku-Jerusalemu cankayikayi akutuntumwida zikombelo majwi aako. Sinsima aanyika ya-Israyeli. 3#Job 9:22Ambila nyika ya-Israyeli kuti, Mbuboobu mbwaamba Jehova. Bona! Ndime sinkondonyoko! Njoosomona ipanga lyangu mumukutu walyo, njookunyonyweeda bantu boonse, nibaba baluleme nibaba basizibi. 4#Ezk 20:47Lino mbuli mbunjanda kukunyonyweeda bantu boonse, nibaba baluleme nibaba basizibi, ipanga lyangu liyoozwa mumukutu walyo cakulwisya bantu boonse kuzwa kumusanza mane kusikila kunyika. 5#Is 45:23Nkabela bantu boonse bayooziba kuti ndime nde-Jehova ndagwisya ipanga lyangu mumukutu walyo. Talikooyoosomenwa alimwi pe. 6#Is 22:4Lino webo, o mwana amuntu, sintimuka, Sintimuka mumeso aabo camoyo uutyokede acakuusa loko. 7Lino nibazookubuzya kuti, Waba aanzi nosintimuka? uleelede kuvuwa kuti, Nkaambo kamakani ngendamvwa. Makani asike buyo, myoyo yoonse ileenzemuka amaanza oonse alakompama, myuuya yoonse ilawizuka amazwi oonse alateta mbuli maanzi, Ncobeni aleza, alazuzikizigwa, mbwaamba Mwami Jehova.
8Lino ijwi lya-Jehova lyakandisikila, liti, 9#Dt 32:41O mwana amuntu, sinsima akwaamba kuti, Mbuboobu mbwaamba Mwami. Amba kuti, Ipanga! Ipanga! Lilinonedwe akusyobolwa! 10Lilinonedwe kuti lijaye bantu! Lilisyobwedwe kuti libalame mbuli lulabo! Ma! Sa tulakonzya kusobanasobana? Lilasampaula musako wamwanaangu amisamu yoonse. 11Lyaabwa kuti lisyobolwe, kuti libelesegwe amaanza. Ipanga lilinonedwe akusyobolwa kuti lipegwe mumaanza aasikujaya. 12#Jer 31:19Lila akuwuula, O mwana amuntu, nkaambo lilalwisya bantu bangu, lilalwisya basilutwe boonse ba-Israyeli. Baabwa kupanga antoomwe abantu bangu. Kolyuuma acamba, 13#Job 9:23nkaambo ciindi cakulingulwa casika. Tucite buti na ipanga lilasampaula amusako? mbwaamba Mwami Jehova.
14 #
1 Bam 20:30; Ezk 8:12 Lino webo, O mwana amuntu, sinsima akukamba amaanza aako, Ipanga liinduuluke ziindi zyotatwe, ipanga lyabayasidwe, ipanga lyamupati uuyasidwe. Ndendilyo libazyungulukide, 15kuti myoyo yabo ienzemuke, bantu banji balebwe kumilyango yabo. Ndibambide indomo yapanga! Aha! Lyaba mbuli lulabo, lilisyobwedwe kukujazya! 16#Ezk 14:17Timbaula kululyo akulumwesi, koonse koonse busyu bwako nkobulangide. 17#Ezk 22:13; 16:42; Dt 28:63; Is 1:24Ambebo njookamba amaanza aangu, njookutya bukali bwangu. Ndime nde-Jehova ndaamba.
18Lino ijwi lya-Jehova lyakandisikila, liti, 19Webo, Omwana amuntu, bika inzila zyobile ipanga lyamwami wa-Babuloni nzilikonzya kutola. Zyoonse zyobile zileelede kuzwa munyika yomwe. Lino kumapambukilo aanzila eenga citondezyo cajanza litondeka kumunzi. 20#Dt 3:11; 2 Sam 12:26; Jer 49:2Bika inzila ipanga njelikonzya kutola kuya ku-Raba wabana ba-Amoni, aimwi yakuya kucisi ca-Juda aku-Jerusalemu munzi walubaya. 21Nkaambo mwami wa-Babuloni uliimvwi kumapambukilo aanzila, inzila zyobile nkuziswanaanina, kuti asonde. Ulazungaanya mivwi, ulabuzya makani kutukozyano, ulalingula muni. 22#Jer 51:14; Ezk 4:2Mujanza lyakwe lyalulyo mwaboneka cisolo ca-Jerusalemu, cisolo cakubika mincini yakupwayauzya, cakwaasamuna mulomo kukujaya akulizya ijwi lyacikwala, cakubika mincini yakupwayauzya zitendele, cakulundika citantaala cakusinkinizya akuyaka cilwido. 23#Ezk 17:13Mumeso aabo makani alaboneka mbuli kusonda kwabuyo. Balikonkezezye zikonke zipati. Pele ulaibalusya milandu yabo, kuti bazundwe.
24Lino mbuboobu mbwaamba Mwami Jehova. Mbuli mbumwacita kuti milandu yanu iibalukwe, nkukuti insotoko zyanu zyayubunuka, azyalo zibi zyanu zyaboneka mumilimo yanu yoonse-mbuli mbumwaibalukwa, muyoozundwa mulinzizyo. 25#Matl 13:13Lino webo, O simasampu sizibi, silutwe waIsrayeli, oosikilwa buzuba bwako, ciindi camamanino aako aakupegwa mulandu, 26#Lk 1:52mbuboobu mbwaamba Mwami Jehova. Samununa citambala, gwisya musini. Zintu zyoonse zyasanduka. Sumpula cifwiifwi, fwiinsya cisumpukide. 27#Matl 49:10Njoocita kuti musini ube cisaalo, cisaalo, cisaalo luzutu, nkabela tuukooyooba limbi mane akasike oyo uuelede, lino njooupa nguwe.
28 #
Jer 49:1-6; Ezk 25:1-7; Am 1:3-15; Zef 2:8-11 Lino uwe, O mwana amuntu, sinsima cakwaamba kuti, Mbuboobu Mwami Jehova mbwaamba aabana ba-Amoni akusampaula kwabo. Amba kuti, Ipanga! Ipanga lilisomwedwe kukujaya, lilisyobedwe, lilamweka mbuli lulabo, 29—bantu nibakubonena zilengano zyabuyo akukusondela zyakubeja —kuti balilazike ansingo zyabasimasampu basizibi basikilwa buzuba bwabo, ciindi camamanino aabo aakupegwa mulandu. 30Lipilusye mumukutu walyo. Nkukonya oko nkowakalengelwa, munyika yabuzyalwe bwako, njookubeteka nkukonya. 31Njookutilila bukali bwangu, njookuvukutila amulilo walunyemo lwangu, njookwaaba mumaanza aabantu basicongo bezi kunyonyoona. 32Uyooba cilyo camulilo. Bulowa bwako buyooba mukati kanyika, Tokooyooyeeyegwa limbi, nkaambo ndime nde-Jehova ndaamba.
Currently Selected:
Ezekieli 21: Ibbaib63
Highlight
Copy
Compare
Share
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
Ezekieli 21
21
Ipanga lya-Jehova
1Lino ijwi lya-Jehova lyakandisikila, liti, 2#Ezk 20:46; Dt 32:2; Am 7:16; 1 Pet 4:17O mwana amuntu, lanzya busyu bwako ku-Jerusalemu cankayikayi akutuntumwida zikombelo majwi aako. Sinsima aanyika ya-Israyeli. 3#Job 9:22Ambila nyika ya-Israyeli kuti, Mbuboobu mbwaamba Jehova. Bona! Ndime sinkondonyoko! Njoosomona ipanga lyangu mumukutu walyo, njookunyonyweeda bantu boonse, nibaba baluleme nibaba basizibi. 4#Ezk 20:47Lino mbuli mbunjanda kukunyonyweeda bantu boonse, nibaba baluleme nibaba basizibi, ipanga lyangu liyoozwa mumukutu walyo cakulwisya bantu boonse kuzwa kumusanza mane kusikila kunyika. 5#Is 45:23Nkabela bantu boonse bayooziba kuti ndime nde-Jehova ndagwisya ipanga lyangu mumukutu walyo. Talikooyoosomenwa alimwi pe. 6#Is 22:4Lino webo, o mwana amuntu, sintimuka, Sintimuka mumeso aabo camoyo uutyokede acakuusa loko. 7Lino nibazookubuzya kuti, Waba aanzi nosintimuka? uleelede kuvuwa kuti, Nkaambo kamakani ngendamvwa. Makani asike buyo, myoyo yoonse ileenzemuka amaanza oonse alakompama, myuuya yoonse ilawizuka amazwi oonse alateta mbuli maanzi, Ncobeni aleza, alazuzikizigwa, mbwaamba Mwami Jehova.
8Lino ijwi lya-Jehova lyakandisikila, liti, 9#Dt 32:41O mwana amuntu, sinsima akwaamba kuti, Mbuboobu mbwaamba Mwami. Amba kuti, Ipanga! Ipanga! Lilinonedwe akusyobolwa! 10Lilinonedwe kuti lijaye bantu! Lilisyobwedwe kuti libalame mbuli lulabo! Ma! Sa tulakonzya kusobanasobana? Lilasampaula musako wamwanaangu amisamu yoonse. 11Lyaabwa kuti lisyobolwe, kuti libelesegwe amaanza. Ipanga lilinonedwe akusyobolwa kuti lipegwe mumaanza aasikujaya. 12#Jer 31:19Lila akuwuula, O mwana amuntu, nkaambo lilalwisya bantu bangu, lilalwisya basilutwe boonse ba-Israyeli. Baabwa kupanga antoomwe abantu bangu. Kolyuuma acamba, 13#Job 9:23nkaambo ciindi cakulingulwa casika. Tucite buti na ipanga lilasampaula amusako? mbwaamba Mwami Jehova.
14 #
1 Bam 20:30; Ezk 8:12 Lino webo, O mwana amuntu, sinsima akukamba amaanza aako, Ipanga liinduuluke ziindi zyotatwe, ipanga lyabayasidwe, ipanga lyamupati uuyasidwe. Ndendilyo libazyungulukide, 15kuti myoyo yabo ienzemuke, bantu banji balebwe kumilyango yabo. Ndibambide indomo yapanga! Aha! Lyaba mbuli lulabo, lilisyobwedwe kukujazya! 16#Ezk 14:17Timbaula kululyo akulumwesi, koonse koonse busyu bwako nkobulangide. 17#Ezk 22:13; 16:42; Dt 28:63; Is 1:24Ambebo njookamba amaanza aangu, njookutya bukali bwangu. Ndime nde-Jehova ndaamba.
18Lino ijwi lya-Jehova lyakandisikila, liti, 19Webo, Omwana amuntu, bika inzila zyobile ipanga lyamwami wa-Babuloni nzilikonzya kutola. Zyoonse zyobile zileelede kuzwa munyika yomwe. Lino kumapambukilo aanzila eenga citondezyo cajanza litondeka kumunzi. 20#Dt 3:11; 2 Sam 12:26; Jer 49:2Bika inzila ipanga njelikonzya kutola kuya ku-Raba wabana ba-Amoni, aimwi yakuya kucisi ca-Juda aku-Jerusalemu munzi walubaya. 21Nkaambo mwami wa-Babuloni uliimvwi kumapambukilo aanzila, inzila zyobile nkuziswanaanina, kuti asonde. Ulazungaanya mivwi, ulabuzya makani kutukozyano, ulalingula muni. 22#Jer 51:14; Ezk 4:2Mujanza lyakwe lyalulyo mwaboneka cisolo ca-Jerusalemu, cisolo cakubika mincini yakupwayauzya, cakwaasamuna mulomo kukujaya akulizya ijwi lyacikwala, cakubika mincini yakupwayauzya zitendele, cakulundika citantaala cakusinkinizya akuyaka cilwido. 23#Ezk 17:13Mumeso aabo makani alaboneka mbuli kusonda kwabuyo. Balikonkezezye zikonke zipati. Pele ulaibalusya milandu yabo, kuti bazundwe.
24Lino mbuboobu mbwaamba Mwami Jehova. Mbuli mbumwacita kuti milandu yanu iibalukwe, nkukuti insotoko zyanu zyayubunuka, azyalo zibi zyanu zyaboneka mumilimo yanu yoonse-mbuli mbumwaibalukwa, muyoozundwa mulinzizyo. 25#Matl 13:13Lino webo, O simasampu sizibi, silutwe waIsrayeli, oosikilwa buzuba bwako, ciindi camamanino aako aakupegwa mulandu, 26#Lk 1:52mbuboobu mbwaamba Mwami Jehova. Samununa citambala, gwisya musini. Zintu zyoonse zyasanduka. Sumpula cifwiifwi, fwiinsya cisumpukide. 27#Matl 49:10Njoocita kuti musini ube cisaalo, cisaalo, cisaalo luzutu, nkabela tuukooyooba limbi mane akasike oyo uuelede, lino njooupa nguwe.
28 #
Jer 49:1-6; Ezk 25:1-7; Am 1:3-15; Zef 2:8-11 Lino uwe, O mwana amuntu, sinsima cakwaamba kuti, Mbuboobu Mwami Jehova mbwaamba aabana ba-Amoni akusampaula kwabo. Amba kuti, Ipanga! Ipanga lilisomwedwe kukujaya, lilisyobedwe, lilamweka mbuli lulabo, 29—bantu nibakubonena zilengano zyabuyo akukusondela zyakubeja —kuti balilazike ansingo zyabasimasampu basizibi basikilwa buzuba bwabo, ciindi camamanino aabo aakupegwa mulandu. 30Lipilusye mumukutu walyo. Nkukonya oko nkowakalengelwa, munyika yabuzyalwe bwako, njookubeteka nkukonya. 31Njookutilila bukali bwangu, njookuvukutila amulilo walunyemo lwangu, njookwaaba mumaanza aabantu basicongo bezi kunyonyoona. 32Uyooba cilyo camulilo. Bulowa bwako buyooba mukati kanyika, Tokooyooyeeyegwa limbi, nkaambo ndime nde-Jehova ndaamba.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.