Ezekieli 17
17
Cikozyano cakatabi muyuni nkaakasimpika mbukakaba musamu
1Lino ijwi lya-Jehova lyakandisikila, liti, 2O mwana amuntu, labika kalabi akwaamba cikozyano mumatwi aaluzubo lwa-Israyeli. 3#2 Bam 24:12Amba kuti, Mbuboobu mbwaamba Mwami Jehova. Sikube mupati uuli amababa mapati amilimba milamfu, uuli amapepe manji aamanyengwe-manyengwe, wakasika ku-Lebano, wanyungula impela yamusamu wakedari. 4Wakacela impumpu yawo iigolezya amutwe, waitola kunyika yabasimakwebo, waibika mumunzi wabasambazi. 5#Dt 8:7-9; Is 15:7Lino wakabweza imbuto zimwi zyamunyika, wazibika mumuunda wakubyala, kumbali amaanzi manji. Wazibyala mbuli cimeno camuzimbwa, 6elyo cakasyuuka, caba musaansa uuyandabede uli abwiime bufwiifwi, nkabela mitabi yawo yakatandabalila kulinguwe, amiyanda yawo yakasyaala nkukonya nkuwakabede. Aboobo cakaba musaansa, capanda mitabi akumeneka matu.
7Alimwi kwakeza sikube aumwi mupati, iwakajisi mababa mapati amapepe manji loko, nkabela oyo musaansa wakatalika kusendeka miyanda yawo kulubazu lwakwe akutandabika mitabi yawo kulinguwe, kuzwa kumutundulu nkowakabyalidwe, kuti autilile. 8Kuubyalidwe muvu ibotu kumbali amaanzi manji, kuti umeneke mitabi akuzyala micelo, ube musaansa mubotu loko. 9#2 Bam 25:7Amba kuti, Mbuboobu mbwaamba Mwami Jehova, Sa ulakula kabotu? Sa takooyoozyukula miyanda yawo akugonka micelo yawo, kuti upusame, amalelema aawo oonse apusame. Takuyandwa kuboko kuyumuna bantu banji kuti miyanda yawo inonkolwe. 10#Ezk 19:12; Hos 13:15; Mt 21:19; Mk 11:20; Joh 15:6; Jud 1:12Alimwi uzikilwe buyo, sa ulamena kabotu? Muuwo wakujwe uugume buyo, sa tuukooyoopusamina limwi? Sa tuukooyoopusama mpoonya awo amutundulu mpuumenede?
11Lino ijwi lya-Jehova lyakandisikila, liti, 12#Ezk 2:5; 2 Bam 24:15-20; 2 Mak 36:10-13Ambila luzubo lukataazya kuti, Sa tamuzi aya makani mbwaamba? Kobaambila kuti, Amubone! Mwami wa-Babuloni wakasika ku-Jerusalemu, watola mwami wawo abasilutwe bawo, wabasisya kulinguwe ku-Babuloni. 13#2 Bam 24:17; 2 Mak 36:13Lino wakabweza umwi walunyungu lwabwami, watanga awe cizuminano akumukonkezya cikonke. Abalo bapati bacisi wakabagwisya, 14#Ezk 29:14kuti cisi cibombe, citalisumpuli, cibambe cizuminano cakwe, kuti ciime nji. 15#2 Bam 24:20; Dt 17:16; Jer 52:3; 37:5-7; Is 30:1-4; 31:1-3Pele wakamubukila, watuma batumwa bakwe ku-Egepita, kuti bamupe imbizi abantu banji. Sa ulakonzya kuzunda? Sa muntu uucita obo ulakonzya kuvunwa? Sa uutyola cizuminano ulakonzya kuvunwa? 16#Jer 32:5; Ezk 12:13Ncobeni mbundi muumi, mbwaamba Mwami Jehova, uyoofwa mubusena bwamwami iwakamupa bwami, ngonguwe iwakasampawidwa cikonke cakwe akutyolelwa cizuminano cakwe. Ncobeni uyoofwa kulinguwe mu-Babuloni. 17#Jer 37:7; 52:4; Malo 4:17; Ezk 29:6,7Farao ampi yakwe impati amakamu makamu aabantu bakwe tabakooyoomugwasya munkondo, zitantaala zyakulwisya niziyoolundikwa, amalambo aakusinkinizya naayooyakwa kuti kujayigwe bantu banji. 18#1 Mak 29:24Wakasampaula cikonke akutyola cizuminano. Bakasukana amaanza, nekubaboobo wakacita zintu ezi zyoonse. Nkaambo kako takooyoovunwa pe. 19Nkaambo kako mbuboobu mbwaamba Mwami Jehova. Ncobeni mbundi muumi, cikonke cangu ncaakasampaula acizuminano cangu ncaakatyola, zyoonse buyo njooziboozya amutwe wakwe. 20#Jos 10:16-18; 2 Mak 33:11; Muk 9:12; Malo 1:13; Ezk 12:13; 20:36Njoomuvumbya buzamba bwangu, nkabela uyoocegwa mukakole kangu, lino njoomusisya ku-Babuloni, tukabetekane nkuko nkaambo kamulandu wakwe wakundipapila. 21#Ezk 12:14Basilumamba bakwe babotu, boonse bayoojazigwa ipanga, abaabo basyaala bayoomwayisigwa kumabazu oonse, aboobo muyooziba kuti ndime nde-Jehova wakaamba.
22 #
Is 11:1; 53:2; Jer 23:5; Int 2:6 Mbumboobu mbwaamba Mwami Jehova. Mebo njoonyungula impela yamusamu wakedari mulamfu akwiizikila. Njoocela imwi yampumpu zyawo zigolesya ajulu, akwiisimpika amutwe wacilundu cilamfu cisumpukide. 23#Is 2:2,3; Mik 4:1Njooizikila atala lyacilundu cilamfu ca-Israyeli, elyo iyoopanda mitabi akuzyala micelo akuba musamu wakedari mubotu loko, nkabela munsi awo muyookala bayuni bamisyobo misyobo. Bayookala mucenzule camitabi yawo. 24Nkabela misamu yoonse yamusokwe iyooziba kuti mebo ndeJehova ndafwiinsya musamu uusumpukide akusumpula musamu mufwiifwi, ndayuminizya musamu mutete akusyuusya musamu uuyuminide. Ndime nde-Jehova ndaamba, njoocicita.
Currently Selected:
Ezekieli 17: Ibbaib63
Highlight
Copy
Compare
Share
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
Ezekieli 17
17
Cikozyano cakatabi muyuni nkaakasimpika mbukakaba musamu
1Lino ijwi lya-Jehova lyakandisikila, liti, 2O mwana amuntu, labika kalabi akwaamba cikozyano mumatwi aaluzubo lwa-Israyeli. 3#2 Bam 24:12Amba kuti, Mbuboobu mbwaamba Mwami Jehova. Sikube mupati uuli amababa mapati amilimba milamfu, uuli amapepe manji aamanyengwe-manyengwe, wakasika ku-Lebano, wanyungula impela yamusamu wakedari. 4Wakacela impumpu yawo iigolezya amutwe, waitola kunyika yabasimakwebo, waibika mumunzi wabasambazi. 5#Dt 8:7-9; Is 15:7Lino wakabweza imbuto zimwi zyamunyika, wazibika mumuunda wakubyala, kumbali amaanzi manji. Wazibyala mbuli cimeno camuzimbwa, 6elyo cakasyuuka, caba musaansa uuyandabede uli abwiime bufwiifwi, nkabela mitabi yawo yakatandabalila kulinguwe, amiyanda yawo yakasyaala nkukonya nkuwakabede. Aboobo cakaba musaansa, capanda mitabi akumeneka matu.
7Alimwi kwakeza sikube aumwi mupati, iwakajisi mababa mapati amapepe manji loko, nkabela oyo musaansa wakatalika kusendeka miyanda yawo kulubazu lwakwe akutandabika mitabi yawo kulinguwe, kuzwa kumutundulu nkowakabyalidwe, kuti autilile. 8Kuubyalidwe muvu ibotu kumbali amaanzi manji, kuti umeneke mitabi akuzyala micelo, ube musaansa mubotu loko. 9#2 Bam 25:7Amba kuti, Mbuboobu mbwaamba Mwami Jehova, Sa ulakula kabotu? Sa takooyoozyukula miyanda yawo akugonka micelo yawo, kuti upusame, amalelema aawo oonse apusame. Takuyandwa kuboko kuyumuna bantu banji kuti miyanda yawo inonkolwe. 10#Ezk 19:12; Hos 13:15; Mt 21:19; Mk 11:20; Joh 15:6; Jud 1:12Alimwi uzikilwe buyo, sa ulamena kabotu? Muuwo wakujwe uugume buyo, sa tuukooyoopusamina limwi? Sa tuukooyoopusama mpoonya awo amutundulu mpuumenede?
11Lino ijwi lya-Jehova lyakandisikila, liti, 12#Ezk 2:5; 2 Bam 24:15-20; 2 Mak 36:10-13Ambila luzubo lukataazya kuti, Sa tamuzi aya makani mbwaamba? Kobaambila kuti, Amubone! Mwami wa-Babuloni wakasika ku-Jerusalemu, watola mwami wawo abasilutwe bawo, wabasisya kulinguwe ku-Babuloni. 13#2 Bam 24:17; 2 Mak 36:13Lino wakabweza umwi walunyungu lwabwami, watanga awe cizuminano akumukonkezya cikonke. Abalo bapati bacisi wakabagwisya, 14#Ezk 29:14kuti cisi cibombe, citalisumpuli, cibambe cizuminano cakwe, kuti ciime nji. 15#2 Bam 24:20; Dt 17:16; Jer 52:3; 37:5-7; Is 30:1-4; 31:1-3Pele wakamubukila, watuma batumwa bakwe ku-Egepita, kuti bamupe imbizi abantu banji. Sa ulakonzya kuzunda? Sa muntu uucita obo ulakonzya kuvunwa? Sa uutyola cizuminano ulakonzya kuvunwa? 16#Jer 32:5; Ezk 12:13Ncobeni mbundi muumi, mbwaamba Mwami Jehova, uyoofwa mubusena bwamwami iwakamupa bwami, ngonguwe iwakasampawidwa cikonke cakwe akutyolelwa cizuminano cakwe. Ncobeni uyoofwa kulinguwe mu-Babuloni. 17#Jer 37:7; 52:4; Malo 4:17; Ezk 29:6,7Farao ampi yakwe impati amakamu makamu aabantu bakwe tabakooyoomugwasya munkondo, zitantaala zyakulwisya niziyoolundikwa, amalambo aakusinkinizya naayooyakwa kuti kujayigwe bantu banji. 18#1 Mak 29:24Wakasampaula cikonke akutyola cizuminano. Bakasukana amaanza, nekubaboobo wakacita zintu ezi zyoonse. Nkaambo kako takooyoovunwa pe. 19Nkaambo kako mbuboobu mbwaamba Mwami Jehova. Ncobeni mbundi muumi, cikonke cangu ncaakasampaula acizuminano cangu ncaakatyola, zyoonse buyo njooziboozya amutwe wakwe. 20#Jos 10:16-18; 2 Mak 33:11; Muk 9:12; Malo 1:13; Ezk 12:13; 20:36Njoomuvumbya buzamba bwangu, nkabela uyoocegwa mukakole kangu, lino njoomusisya ku-Babuloni, tukabetekane nkuko nkaambo kamulandu wakwe wakundipapila. 21#Ezk 12:14Basilumamba bakwe babotu, boonse bayoojazigwa ipanga, abaabo basyaala bayoomwayisigwa kumabazu oonse, aboobo muyooziba kuti ndime nde-Jehova wakaamba.
22 #
Is 11:1; 53:2; Jer 23:5; Int 2:6 Mbumboobu mbwaamba Mwami Jehova. Mebo njoonyungula impela yamusamu wakedari mulamfu akwiizikila. Njoocela imwi yampumpu zyawo zigolesya ajulu, akwiisimpika amutwe wacilundu cilamfu cisumpukide. 23#Is 2:2,3; Mik 4:1Njooizikila atala lyacilundu cilamfu ca-Israyeli, elyo iyoopanda mitabi akuzyala micelo akuba musamu wakedari mubotu loko, nkabela munsi awo muyookala bayuni bamisyobo misyobo. Bayookala mucenzule camitabi yawo. 24Nkabela misamu yoonse yamusokwe iyooziba kuti mebo ndeJehova ndafwiinsya musamu uusumpukide akusumpula musamu mufwiifwi, ndayuminizya musamu mutete akusyuusya musamu uuyuminide. Ndime nde-Jehova ndaamba, njoocicita.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.