Ezekieli 14
14
Muntu uukomba mituni teelede kubuzya makani kuli-Jehova
1 #
Ezk 8:1; 20:1 Lino bamwi bapati baba-Israyeli bakeza kulindime, bakala kubusyu bwangu. 2Nkabela ijwi lya-Jehova lyakandisikila, liti, 3#Ezk 3:20; 7:19; 1 Pet 2:8; Ciy 2:14; Tus 15:8O mwana amuntu, bantu aba balibikide myoyo yabo kuzikozyano zyabo, acilebyo camilandu yabo balicibikide kumeso aabo. Sa ndakonzya kuzumina kuti babuzye makani kulindime? 4Lino kobaambila kuti, Mbuboobu mbwaamba Mwami Jehova. Kufumbwa muntu waluzubo lwa-Israyeli uubika moyo wakwe kuzikozyano zyakwe, alimwi ulabika cilebyo camilandu yakwe kumeso aakwe, elyo ulaboola kumusinsimi, mebo nde Jehova njoomuvwiila ndemwini, nkaambo kabunji bwazikozyano, 5#Heb 3:12-19kuti njate kumyoyo yabantu baluzubo lwa-Israyeli, mbetwaandeene abo boonse nkaambo kazikozyano zyabo.
6Nkaambo kako ambila luzubo lwa-Israyeli kuti, Mbuboobu mbwaamba Mwami Jehova. Amweempwe, muleke zikozyano zyanu akufutatika masyu aanu kuzwa kuzisesemyo zyanu. 7#Jer 2:13; Mt 6:24; Jud 1:19Nkaambo kufumbwa muntu waluzubo lwa-Israyeli, na wabeenzu bakala-kala akati kaba-Israyeli, uulyaandaanya kulindime, uubika moyo wakwe kuzikozyano zyakwe akubika cilebyo camilandu yakwe kubusyu bwakwe, lino uleza kumusinsimi kuti abuzye makani kulindime, mebo nde-Jehova njoomuvwiila ndemwini. 8#Lev 17:10; Jer 44:11; Ezk 15:7; 5:15; My 26:10; Dt 28:37Oyo muntu njoomulanga cankayikayi, njoomubika kuti abe citondezyo akasimpi, alimwi njoomunyonyoona akati kabantu bangu, aboobo muyooziba kuti ndime Jehova.
9 #
Job 12:16; Jer 4:10; 2 Tes 2:11 Alimwi musinsimi na waongelezegwa kwaamba ijwi, ndime nde-Jehova ndaongelezya oyo musinsimi, nkabela njootandabika ijanza lyangu kulinguwe akumunyonyoona mukati kabantu bangu ba-Israyeli. 10Boonse bayoopegwa mulandu, (mulandu wamusinsimi amulandu wayooyo uumubuzya, yoonse iyooelana), 11#Int 119:67,71; Heb 12:11; Jer 31:18,19; 2 Pet 2:15; Jer 24:7; 30:22; 32:38; Ezk 11:20; 36:28kuti luzubo lwa-Israyeli lutaleki limbi kunditobela munzila iiluleme, batalisofwaazyi limbi mumilandu yabo yoonse, aboobo bayooba bantu bangu, ambebo njooba Leza wabo, mbwaamba Mwami Jehova.
Bululami bwakubeteka kwa-Jehova
12Lino ijwi lya-Jehova lyakandisikila, liti, 13#Lev 26:26; Is 3:1; Ezk 4:16O mwana amuntu, Na cisi candibisizya akundicitila cakukataazya, aboobo ndatandabika ijanza lyangu kulincico akucimanisizya malilu oonse akuciletela inzala, akucinyonyweda bantu abanyama boonse, 14#Jer 15:1; 7:16; Tus 11:4; 2 Pet 2:9nebakajanika aba bantu botatwe Nowa aDaniele a-Jobu mukati kaco, nebakalivuna balike kubululami bwabo, mbwaamba Mwami Jehova. 15#My 21:6; Lev 26:22Na ndaletela nyika banyama bakali kuti bainde mulinjiyo akwiibisya-bisya, ibe matongo, kutabi bantu bainda mulinjiyo nkaambo kabanyama, 16nebakajanika bantu aba botatwe mukati kayo, ncobeni mbundi muumi mbwaamba Mwami Jehova, tabakooyoovuna abana balombe na basimbi. Mbembabo balike bayoovunwa, anyika yoonse iyoosaalwa, 17#Lev 26:25; Jer 33:12; Ezk 5:12; 25:13; Hos 4:3Alimwi na ndaletela nyika ipanga, akwaamba kuti ipanga lileelede kwiinda mukati kanyika, akwiinyonyweda bantu abanyama boonse, 18nebakajanika bantu aba botatwe mulinjiyo, ncobeni mbundi muumi, mbwaamba Mwami Jehova, tabakooyoovuna bana balombe na basimbi, mbembabo balike bayoovunwa. 19#2 Sam 24:15; Ezk 7:8; Ciy 16:3-6Alimwi na ndaletela nyika malwazi, akwiitilila bukali bwangu abulowa, akwiinyonyweda bamu abanyama boonse, 20nebakajanika Nowa a-Daniele a-Jobu mulinjiyo, ncobeni mbundi muumi, mbwaamba Mwami Jehova, tabakooyoovuna abana balombe na basimbi. Bayoolivuna balike kubululami bwabo.
21 #
Jer 15:2,3; Ezk 5:17; Am 4:10; Ciy 6:8 Nkaambo mbuboobu mbwaamba Mwami Jehova. Sa makani taakooyooinda kubija ninzooletela Jerusalemu zyuumyo zyangu zibi zyone, ipanga apamba abanyama bakali abulwazi, akuunyonyweda bantu abanyama boonse buyo? 22#Ezk 6:8; 20:43Na kwasyaala mulinguwo bamwi bafutuka, bagwisya bana balombe abasimbi, ncobeni nibayoosika kulindinywe, alimwi nimuyoobona inzila zyabo amilimo yabo, muyooumuzigwa mumakani aamapenzi oonse ngendaletela Jerusalemu, ii, mumakani oonse buyo ngendauletela. 23#Jer 22:8,9Bayoomuumuzya nimuyoobona inzila zyabo amilimo yabo, nkabela muyooziba kuti makani oonse ngendacita mulinguwo nsina kwaacita katakwe kaambo, mbwaamba Mwami Jehova.
Currently Selected:
Ezekieli 14: Ibbaib63
Highlight
Copy
Compare
Share
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
Ezekieli 14
14
Muntu uukomba mituni teelede kubuzya makani kuli-Jehova
1 #
Ezk 8:1; 20:1 Lino bamwi bapati baba-Israyeli bakeza kulindime, bakala kubusyu bwangu. 2Nkabela ijwi lya-Jehova lyakandisikila, liti, 3#Ezk 3:20; 7:19; 1 Pet 2:8; Ciy 2:14; Tus 15:8O mwana amuntu, bantu aba balibikide myoyo yabo kuzikozyano zyabo, acilebyo camilandu yabo balicibikide kumeso aabo. Sa ndakonzya kuzumina kuti babuzye makani kulindime? 4Lino kobaambila kuti, Mbuboobu mbwaamba Mwami Jehova. Kufumbwa muntu waluzubo lwa-Israyeli uubika moyo wakwe kuzikozyano zyakwe, alimwi ulabika cilebyo camilandu yakwe kumeso aakwe, elyo ulaboola kumusinsimi, mebo nde Jehova njoomuvwiila ndemwini, nkaambo kabunji bwazikozyano, 5#Heb 3:12-19kuti njate kumyoyo yabantu baluzubo lwa-Israyeli, mbetwaandeene abo boonse nkaambo kazikozyano zyabo.
6Nkaambo kako ambila luzubo lwa-Israyeli kuti, Mbuboobu mbwaamba Mwami Jehova. Amweempwe, muleke zikozyano zyanu akufutatika masyu aanu kuzwa kuzisesemyo zyanu. 7#Jer 2:13; Mt 6:24; Jud 1:19Nkaambo kufumbwa muntu waluzubo lwa-Israyeli, na wabeenzu bakala-kala akati kaba-Israyeli, uulyaandaanya kulindime, uubika moyo wakwe kuzikozyano zyakwe akubika cilebyo camilandu yakwe kubusyu bwakwe, lino uleza kumusinsimi kuti abuzye makani kulindime, mebo nde-Jehova njoomuvwiila ndemwini. 8#Lev 17:10; Jer 44:11; Ezk 15:7; 5:15; My 26:10; Dt 28:37Oyo muntu njoomulanga cankayikayi, njoomubika kuti abe citondezyo akasimpi, alimwi njoomunyonyoona akati kabantu bangu, aboobo muyooziba kuti ndime Jehova.
9 #
Job 12:16; Jer 4:10; 2 Tes 2:11 Alimwi musinsimi na waongelezegwa kwaamba ijwi, ndime nde-Jehova ndaongelezya oyo musinsimi, nkabela njootandabika ijanza lyangu kulinguwe akumunyonyoona mukati kabantu bangu ba-Israyeli. 10Boonse bayoopegwa mulandu, (mulandu wamusinsimi amulandu wayooyo uumubuzya, yoonse iyooelana), 11#Int 119:67,71; Heb 12:11; Jer 31:18,19; 2 Pet 2:15; Jer 24:7; 30:22; 32:38; Ezk 11:20; 36:28kuti luzubo lwa-Israyeli lutaleki limbi kunditobela munzila iiluleme, batalisofwaazyi limbi mumilandu yabo yoonse, aboobo bayooba bantu bangu, ambebo njooba Leza wabo, mbwaamba Mwami Jehova.
Bululami bwakubeteka kwa-Jehova
12Lino ijwi lya-Jehova lyakandisikila, liti, 13#Lev 26:26; Is 3:1; Ezk 4:16O mwana amuntu, Na cisi candibisizya akundicitila cakukataazya, aboobo ndatandabika ijanza lyangu kulincico akucimanisizya malilu oonse akuciletela inzala, akucinyonyweda bantu abanyama boonse, 14#Jer 15:1; 7:16; Tus 11:4; 2 Pet 2:9nebakajanika aba bantu botatwe Nowa aDaniele a-Jobu mukati kaco, nebakalivuna balike kubululami bwabo, mbwaamba Mwami Jehova. 15#My 21:6; Lev 26:22Na ndaletela nyika banyama bakali kuti bainde mulinjiyo akwiibisya-bisya, ibe matongo, kutabi bantu bainda mulinjiyo nkaambo kabanyama, 16nebakajanika bantu aba botatwe mukati kayo, ncobeni mbundi muumi mbwaamba Mwami Jehova, tabakooyoovuna abana balombe na basimbi. Mbembabo balike bayoovunwa, anyika yoonse iyoosaalwa, 17#Lev 26:25; Jer 33:12; Ezk 5:12; 25:13; Hos 4:3Alimwi na ndaletela nyika ipanga, akwaamba kuti ipanga lileelede kwiinda mukati kanyika, akwiinyonyweda bantu abanyama boonse, 18nebakajanika bantu aba botatwe mulinjiyo, ncobeni mbundi muumi, mbwaamba Mwami Jehova, tabakooyoovuna bana balombe na basimbi, mbembabo balike bayoovunwa. 19#2 Sam 24:15; Ezk 7:8; Ciy 16:3-6Alimwi na ndaletela nyika malwazi, akwiitilila bukali bwangu abulowa, akwiinyonyweda bamu abanyama boonse, 20nebakajanika Nowa a-Daniele a-Jobu mulinjiyo, ncobeni mbundi muumi, mbwaamba Mwami Jehova, tabakooyoovuna abana balombe na basimbi. Bayoolivuna balike kubululami bwabo.
21 #
Jer 15:2,3; Ezk 5:17; Am 4:10; Ciy 6:8 Nkaambo mbuboobu mbwaamba Mwami Jehova. Sa makani taakooyooinda kubija ninzooletela Jerusalemu zyuumyo zyangu zibi zyone, ipanga apamba abanyama bakali abulwazi, akuunyonyweda bantu abanyama boonse buyo? 22#Ezk 6:8; 20:43Na kwasyaala mulinguwo bamwi bafutuka, bagwisya bana balombe abasimbi, ncobeni nibayoosika kulindinywe, alimwi nimuyoobona inzila zyabo amilimo yabo, muyooumuzigwa mumakani aamapenzi oonse ngendaletela Jerusalemu, ii, mumakani oonse buyo ngendauletela. 23#Jer 22:8,9Bayoomuumuzya nimuyoobona inzila zyabo amilimo yabo, nkabela muyooziba kuti makani oonse ngendacita mulinguwo nsina kwaacita katakwe kaambo, mbwaamba Mwami Jehova.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.