Ezekieli 13
13
Majwi aakutapatila basinsimi babeji
1Lino ijwi lya-Jehova lyakandisikila liti, 2#Jer 14:14mwana amuntu, sinsima akutapatila abo basinsimi ba-Israyeli basinsima, Ambila basinsimi basinsima miyeeyo yamyoyo yabo beni kuti, Amuswiilile ijwi lya-Jehova. 3Mbuboobu mbwaamba Mwami Jehova. Maawe kubasinsimi bafubafuba batobela miyeeyo yamyoyo yabo beni anukuti taakwe ncibabwene. 4#Mik 3:5; Lwi 2:15; 2 Kor 11:13Basinsimi bako baba mbuli bamwaaba akati kamatongo, O Israyeli. 5#Int 106:23,30; Ezk 22:30Tamuna kumamika munzi mpuumwayidwe, tamuna kuyakila luzubo lwa-Israyeli bulambo kuti lwiime nji munkondo mubuzuba bwa-Jehova. 6#Ezk 12:24; Tus 14:15; 2 Tes 2:11Babona zilengano zyabuyo, balasonda zyakubeja, Balaamba kuti, Mbuboobu mbwaamba Jehova, anukuti teensi Jehova wabatuma, lino balasyoma kuti ulazuzikizya majwi aabo. 7Ma! Sa teensi cilengano cabuyo ncimubwene? Sa teensi zisondo zyakubeja nzimwaamba? Nkaambo mui aamba kuti “Mbuboobu mbwaamba Jehova,” nekubaboobo nsina kwaamba pe.
8Nkaambo kako mbuboobu mbwaamba Mwami Jehova, Mwaamba zyabuyo, mwabona zilengano zyakubeja, aboobo ncobeni ndaba sinkondonyoko, mbwaamba Mwami Jehova. 9#Neh 7:5; Lk 10:20; Heb 12:23; Ciy 13:8; Ezk 20:38; 11:10-12; Int 9:16Ijanza lyangu liyoolwanya basinsimi babona zilengano zyabuyo, basonda zyakubeja, Tabakooyooba mumbungano yabantu bangu, tabakooyoolembwa mubbuku lyaluzubo lwa-Israyeli, alimwi tabakooyoosika kunyika ya-Israyeli, aboobo muyooziba kuti ndime Mwami Jehova. 10#2 Tim 3:13; Ezk 22:28; Jer 6:14; 8:11Ncobeni baleesya bantu bangu munzila imbi cakwaamba kuti, Muli aluumuno, muli aluumuno, anukuti taakwe luumuno. Bantu balayaka bulambo, lino abo basinsimi balabulamba mulambo. 11#Ezk 38:22Lino nkaambo kamakani ayo, ncobeni uleelede kwaambila abo basikulamba mulambo kuti bulawa, Kuyooba muyoba, alimwi njoowisya civulamabwe, amuuwo uyooungisya, 12elyo ncobeni bulambo buyoowa. Lino bumane buyo kuwa, sa tamukooyooambilwa kuti, Uli kuli mulambo ngumwakalamba? 13Lino mbuboobu mbwaamba Mwami Jehova. Njooleta iguwo mubukali bwangu, alimwi kuyooba muyoba mulunyemo lwangu, acivulamabwe cabukali cakubumaninizya. 14#Jer 6:14; Ezk 14:8Njoomwaya obo bulambo mbumulambide mulambo akubuwisya ansi, matalikilo aabo akayubunuke. Bwawa buyo, muyoonyonyoonwa mukati kabo, aboobo muyooziba kuti ndime Jehova. 15Njootila bukali bwangu abulambo aalibaabo ibakabulamba mulambo, lino njoomwaambila kuti, Bulambo tabuciwo, abaabo ibakabulambide tabaciwo, 16#Jer 8:11nkukuti basinsimi ba-Israyeli ibakali kusinsima aa-Jerusalemu akuubonena cilengano caluumuno, anukuti luumuno kalutawo, mbwaamba Mwami Jehova.
17 #
Ezk 4:3; 20:46; Kul 15:20; Is 3:16 Lino uwe, O mwana amuntu, kobalanga inkayikayi bana basimbi babantu bako basinsima miyeeyo yamyoyo yabo beni. Sinsima akubatapatila. 18#Ezk 22:25; Ef 4:14; 2 Pet 2:14Amba kuti, Mbuboobu mbwaamba Mwami Jehova. Maawe kubanakazi abo batunga impindo amaboko oonse akucita mifuko yakumitwe yabantu baziimo zyoonse kuti bateye bantu, Sa ncibotu kuti muteye maumi aabantu bangu, akuponya bamwi kuti mujane impindu? 19#Tus 28:21; Mik 3:5; Rom 14:15Mwandisampaula akati kabantu bangu kuti mujane inkankamaanza zyabbaale aminsuma yansima. Mwajaya bantu bateelede kufwa akuponya bantu bateelede kupona, Mwacita obo kukubeja kwanu mumatwi aabantu bangu baswiilila zyakubeja. 20Nkaambo kako mbuboobu mbwaamba Mwami Jehova. Ndisulide impindo zyanu nzimutezya bantu kuti bacije, njoozidelaula kuzwa kumaboko aanu, aboobo njoobaangununa bantu abo mbemuyanda kutezya kuti bacije. 21Ayalo mifuko yanu yoonse njooidelaula, aboobo njoovuna bantu bangu kuzwa kumaanza aanu, Tabakooyooba zyakutezya mumaanza aanu pe, Lino muyooziba kuti ndime Jehova. 22#Tus 19:27; Jer 23:14Mwausya moyo wamuntu uululeme insoni, mebo ngwentana kuusya insoni, alimwi mwayumya maanza aasizibi kuti ataleki inzila yakwe yabubi kuti alijanine buumi. 23#Ezk 12:24; 14:8; Mik 3:6Nkaambo kako tamukooyoobona limbi zilengano zyabuyo, tamukooyoosonda limbi, Njoovuna bantu bangu kuzwa kumaanza aanu, aboobo muyooziba kuti ndime Jehova.
Currently Selected:
Ezekieli 13: Ibbaib63
Highlight
Copy
Compare
Share
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
