Ezekieli 1
1
Ezekieli mbwaakabona cilengano cabulemu bwa-Leza
1 #
2 Bam 23:3; Mt 3:16; Ciy 19:11 Mumwaka wamakumi otatwe, mumwezi wane, mubuzuba bwasanu bwamumwezi, ndakali akati kabazike kumulonga wa-Kebara, elyo ijulu lyakajaluka, nkabela ndakabona zilengano zya-Leza. 2#2 Bam 24:10-16; 2 Mak 36:9-10Mubuzuba bwasanu bwamumwezi, nkokuti mumwaka wasanu wabuzike bwamwami Joyakini, 3#2 Pet 1:21; 2 Bam 3:15ijwi lya-Jebova lyakasika kuli-Ezekieli mupaizi mwana wa-Buzi munyika yaba-Kasidi kumulonga wa-Kebara, nkabela ijanza lya-Jehova lyakali alinguwe nkukonya oko.
4 #
Is 21:1; Jer 23:19; 1:14; 4:6 Lino nindakalanga, ndakabona muuwo uungisya uuzwa kulubazu lwakunyika, ajoba ipati, amulilo uuvutuka-vutuka lyoonse, akubalangala kuzyungulukide, alimwi mukati kamulilo mwakaboneka mbuli mundalila uusalalisya uupya munsaka. 5#Ezk 10:8; Ciy 4:6Alimwi mukati kawo mwakazwa mbuli banyama bone. Mbuboobu mbubakabede: bakali mbuli muntu, 6pele umwi aumwi kajisi masyu one, alimwi umwi aumwi kajisi mababa one. 7#Dan 10:6; Ciy 1:15Maulu aabo akaliluleme, azituta zyabo zyakali mbuli zituta zyabanamani. Nkabela bakali kubekabeka mbubonya mbuli mundalila uusyobwedwe. 8#Is 6:6; Ezk 10:18; Ciy 4:8Kabajisi maanza aabuntu kunsi amababa aabo kumabazu aabo one. Mbuboobu mbwaakabede masyu aabo amababa aabo boonse bone: 9mababa aabo akaliswaneene limwi alimwi abbabanyina. Amukweenda kwabo teebakali kuleyauka pe, boonse kabalulama buyo. 10#My 2:10; Ezk 10:14; Ciy 4:7Alimwi mbuboobu masyu aabo mbwaakabede: kabajisi busyu bwamuntu, aboonse bone kabajisi umwi aumwi busyu bwamulavu kululyo lwakwe, aboonse bone kabajisi umwi aumwi busyu bwamusune kulumwensi lwakwe, aboonse bone kabajisi umwi aumwi busyu bwansika. 11#Is 6:2Mbuboobo masyu aabo mbwaakabede. Nkabela mababa aabo akalitandabikidwe kujulu; umwi aumwi kajisi mababa obile aagumene mababa aamweenzinyina, amababa obile aavumbide mubili wakwe. 12Nkabela umwi aumwi kalulama mukweenda kwakwe. Kufumbwa muuya nkuwakali kuyanda kuya, bakaya nkukonya, akutaleyauka pe. 13#Dan 10:5,6; Mt 28:3; Ciy 4:5Nkabela akati kabanyama kakuli mbuli malasa aayaka, mbuli malampi aakali kweendeenda akati kabanyama. Mulilo wakali kunyengema, alimwi mukati kamulilo mwakazwa lulabo. 14#Zek 4:10; Kul 3:2; Bab 13:20; 2 Bam 2:11; Int 104:4; Mt 24:27Nkabela banyama bakali kuzuza akupiluka mbuli kubyanta kwalulabo.
15 #
Ezk 10:9-13
Lino nindakali kulanga banyama, ndakabona ivili lyomwe ansi kumbali lyabanyama, limwi alimwi kuliboonse bone. 16#Dan 10:6Mbuboobu mavwili mbaakabede, mbaakapangidwe. Akali mbuli mabwe aa-Berulo aabekabeka. Oonse one kaelene, kaajisi mibalo akati kamibalo. 17Ciindi cakweenda, kaenda kufumbwa mabazu aao one nkwaakalangide, kaataleyi-leyi pe. 18#Tus 15:3; Ezk 10:12; Ciy 5:6; Ciy 4:8Mavwili oonse one kaajisi mibalo amasipoko, amibalo yao kiizwide meso koonse koonse. 19#Ezk 10:16,17Lino banyama nibakeenda, mavwili aalo akeenda kumbali lyabo, alimwi banyama nibakasumpulwa kuzwa ansi, aalo mavwili akasumpulwa mbubonya. 20Kufumbwa muuya nkuuwakayanda kuya, bakaya nkukonya, aale mavwili akasumpulwa kumbali lyabo, nkaambo mumavili momwakali muuya wabanyama. 21Nibakainka, aalo akainka; nibakaima, aalo akaima, alimwi nibakasumpulwa kuzwa ansi, aalo akasumpulwa kumbali lyabo, nkaambo mumavili momwakali muuya wabanyama.
22 #
Ezk 10:1,5; Ciy 4:6 Ajulu amitwe yabanyama akali mwenya uutandabede, wakali kubalangala mbuli krustalo, wakalitandabede ajulu amitwe yabo. 23Lino kunsi lyamwenya oyo, mababa aabo akalitandabede cakululama, limwi alimwi lyakaliswaneene abbabanyina, alimwi umwi aumwi kajisi mababa obile aakulivumbya mubili wakwe. 24#Dan 10:6; Job 37:4,5; Int 18:13; Ciy 1:4-15; 19:6Nkabela nibakali kweenda, ndakamvwa cikwala camababa aabo mbuli cikwala camaanzi aavuuma, mbuli ijwi lya-Cilenga, cikwala calupyopyongano mbuli cikwala camakamu makamu aabasilumamba. Lino baime buyo, bakavunga mababa aabo. 25Mpawo kwakamvwigwa ijwi lizwa kumwenya uuli atala lyamitwe yabo, nibakaimvwi akuvunga mababa aabo.
26 #
Kul 24:10; Is 6:1; Ezk 10:1; Ciy 4:2-3 Alimwi kujulu lyamwenya oyo iwakali atala lyamitwe yabo kwakaboneka cili mbuli cuuno cabwami, cakali mbuli ibbwe lya-Safiro, nkabela atala acintu eco cakali mbuli cuuno akakede mbuli muntu. 27#Ezk 8:2Lino ndakabona mbuli mundalila uusalalisya ambuli mulilo uuli mukati kansaka. Kuzwa mbuli kucikungu cakwe akujulu, alimwi kuzwa mbuli cikungu cakwe kuya ansi, ndakabona mbuli mulilo. Alimwi kakuli mumuni uumuzyungulukide. 28#Ciy 4:3; 1:17; Kul 33:20; My 12:8; Ezk 8:4; 43:3; Dan 8:17; Inc 9:4Mbubonya mbuli fulicongo uuboneka mujoba ciindi camvula, mbuwakabede mumuni wakazyungulukide. Mbuboobo mbucakabede cilengano cabulemu bwa-Jehova. Lino nindakacibona, ndakavundama ansi, nkabela ndakamvwa ijwi lyasikwaamba.
Currently Selected:
Ezekieli 1: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
Ezekieli 1
1
Ezekieli mbwaakabona cilengano cabulemu bwa-Leza
1 #
2 Bam 23:3; Mt 3:16; Ciy 19:11 Mumwaka wamakumi otatwe, mumwezi wane, mubuzuba bwasanu bwamumwezi, ndakali akati kabazike kumulonga wa-Kebara, elyo ijulu lyakajaluka, nkabela ndakabona zilengano zya-Leza. 2#2 Bam 24:10-16; 2 Mak 36:9-10Mubuzuba bwasanu bwamumwezi, nkokuti mumwaka wasanu wabuzike bwamwami Joyakini, 3#2 Pet 1:21; 2 Bam 3:15ijwi lya-Jebova lyakasika kuli-Ezekieli mupaizi mwana wa-Buzi munyika yaba-Kasidi kumulonga wa-Kebara, nkabela ijanza lya-Jehova lyakali alinguwe nkukonya oko.
4 #
Is 21:1; Jer 23:19; 1:14; 4:6 Lino nindakalanga, ndakabona muuwo uungisya uuzwa kulubazu lwakunyika, ajoba ipati, amulilo uuvutuka-vutuka lyoonse, akubalangala kuzyungulukide, alimwi mukati kamulilo mwakaboneka mbuli mundalila uusalalisya uupya munsaka. 5#Ezk 10:8; Ciy 4:6Alimwi mukati kawo mwakazwa mbuli banyama bone. Mbuboobu mbubakabede: bakali mbuli muntu, 6pele umwi aumwi kajisi masyu one, alimwi umwi aumwi kajisi mababa one. 7#Dan 10:6; Ciy 1:15Maulu aabo akaliluleme, azituta zyabo zyakali mbuli zituta zyabanamani. Nkabela bakali kubekabeka mbubonya mbuli mundalila uusyobwedwe. 8#Is 6:6; Ezk 10:18; Ciy 4:8Kabajisi maanza aabuntu kunsi amababa aabo kumabazu aabo one. Mbuboobu mbwaakabede masyu aabo amababa aabo boonse bone: 9mababa aabo akaliswaneene limwi alimwi abbabanyina. Amukweenda kwabo teebakali kuleyauka pe, boonse kabalulama buyo. 10#My 2:10; Ezk 10:14; Ciy 4:7Alimwi mbuboobu masyu aabo mbwaakabede: kabajisi busyu bwamuntu, aboonse bone kabajisi umwi aumwi busyu bwamulavu kululyo lwakwe, aboonse bone kabajisi umwi aumwi busyu bwamusune kulumwensi lwakwe, aboonse bone kabajisi umwi aumwi busyu bwansika. 11#Is 6:2Mbuboobo masyu aabo mbwaakabede. Nkabela mababa aabo akalitandabikidwe kujulu; umwi aumwi kajisi mababa obile aagumene mababa aamweenzinyina, amababa obile aavumbide mubili wakwe. 12Nkabela umwi aumwi kalulama mukweenda kwakwe. Kufumbwa muuya nkuwakali kuyanda kuya, bakaya nkukonya, akutaleyauka pe. 13#Dan 10:5,6; Mt 28:3; Ciy 4:5Nkabela akati kabanyama kakuli mbuli malasa aayaka, mbuli malampi aakali kweendeenda akati kabanyama. Mulilo wakali kunyengema, alimwi mukati kamulilo mwakazwa lulabo. 14#Zek 4:10; Kul 3:2; Bab 13:20; 2 Bam 2:11; Int 104:4; Mt 24:27Nkabela banyama bakali kuzuza akupiluka mbuli kubyanta kwalulabo.
15 #
Ezk 10:9-13
Lino nindakali kulanga banyama, ndakabona ivili lyomwe ansi kumbali lyabanyama, limwi alimwi kuliboonse bone. 16#Dan 10:6Mbuboobu mavwili mbaakabede, mbaakapangidwe. Akali mbuli mabwe aa-Berulo aabekabeka. Oonse one kaelene, kaajisi mibalo akati kamibalo. 17Ciindi cakweenda, kaenda kufumbwa mabazu aao one nkwaakalangide, kaataleyi-leyi pe. 18#Tus 15:3; Ezk 10:12; Ciy 5:6; Ciy 4:8Mavwili oonse one kaajisi mibalo amasipoko, amibalo yao kiizwide meso koonse koonse. 19#Ezk 10:16,17Lino banyama nibakeenda, mavwili aalo akeenda kumbali lyabo, alimwi banyama nibakasumpulwa kuzwa ansi, aalo mavwili akasumpulwa mbubonya. 20Kufumbwa muuya nkuuwakayanda kuya, bakaya nkukonya, aale mavwili akasumpulwa kumbali lyabo, nkaambo mumavili momwakali muuya wabanyama. 21Nibakainka, aalo akainka; nibakaima, aalo akaima, alimwi nibakasumpulwa kuzwa ansi, aalo akasumpulwa kumbali lyabo, nkaambo mumavili momwakali muuya wabanyama.
22 #
Ezk 10:1,5; Ciy 4:6 Ajulu amitwe yabanyama akali mwenya uutandabede, wakali kubalangala mbuli krustalo, wakalitandabede ajulu amitwe yabo. 23Lino kunsi lyamwenya oyo, mababa aabo akalitandabede cakululama, limwi alimwi lyakaliswaneene abbabanyina, alimwi umwi aumwi kajisi mababa obile aakulivumbya mubili wakwe. 24#Dan 10:6; Job 37:4,5; Int 18:13; Ciy 1:4-15; 19:6Nkabela nibakali kweenda, ndakamvwa cikwala camababa aabo mbuli cikwala camaanzi aavuuma, mbuli ijwi lya-Cilenga, cikwala calupyopyongano mbuli cikwala camakamu makamu aabasilumamba. Lino baime buyo, bakavunga mababa aabo. 25Mpawo kwakamvwigwa ijwi lizwa kumwenya uuli atala lyamitwe yabo, nibakaimvwi akuvunga mababa aabo.
26 #
Kul 24:10; Is 6:1; Ezk 10:1; Ciy 4:2-3 Alimwi kujulu lyamwenya oyo iwakali atala lyamitwe yabo kwakaboneka cili mbuli cuuno cabwami, cakali mbuli ibbwe lya-Safiro, nkabela atala acintu eco cakali mbuli cuuno akakede mbuli muntu. 27#Ezk 8:2Lino ndakabona mbuli mundalila uusalalisya ambuli mulilo uuli mukati kansaka. Kuzwa mbuli kucikungu cakwe akujulu, alimwi kuzwa mbuli cikungu cakwe kuya ansi, ndakabona mbuli mulilo. Alimwi kakuli mumuni uumuzyungulukide. 28#Ciy 4:3; 1:17; Kul 33:20; My 12:8; Ezk 8:4; 43:3; Dan 8:17; Inc 9:4Mbubonya mbuli fulicongo uuboneka mujoba ciindi camvula, mbuwakabede mumuni wakazyungulukide. Mbuboobo mbucakabede cilengano cabulemu bwa-Jehova. Lino nindakacibona, ndakavundama ansi, nkabela ndakamvwa ijwi lyasikwaamba.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.