Kulonga 33
33
Jehova mbwaakasi leke kusindikila bantu bakwe
1 #
Matl 12:7; 26:3; 28:13 Elyo Jehova wakaambila Musa kuti, Amuzwe okuno, yebo abantu mbowagwisya mucisi ca-Egepita, muye munyika njindakakonkezya Abrahamu a-Izaka a-Jakobo cakwaamba kuti, Njooipa lunyungu lwako. 2#Dt 7:22; Jos 24:11Ndatuma angelo kumuzulwida, atande ba-Kanana aba-Amori aba-Hiti aba-Perizi aba-Hivi aba-Jebusi. 3#Kul 32:9; Dt 9:6Kamuya kunyika iikunka malili abuci. Pele mebo nsikooinka akati kanu, pe, nkaambo muli bantu bayumu mumyoyo, Ambweni ngandaba nemujaya munzila.
4 #
2 Sam 19:24
Lino bantu nebakamvwa makani aya mabi, bakalila, nkabela katakwe muntu iwakacaala. 5#Int 139:23Nkaambo Jehova wakaambila Musa kuti, Ambila bana ba-Israyeli kuti, Muli bantu bayumu mumyoyo. Na ndeenda akati kanu kaindi kaniini buyo, inga ndamujaya. Lino amusamunune zyakucaula zyanu, nzibe na ndamucitilanzi. 6Nkaambo kako bana ba-Israyeli bakasamununa zyakucaula zyabo kuzwa kucilundu ca-Horebu akuya kunembo.
7 #
2 Sam 21:1
Lino Musa wakali kubweza itente akuliyaka anze lyamalabba kulekule, nkabela wakali kulyaamba kuti nditente lyambunganino. Nkabela kufumbwa muntu iwakali kuyandaula Jehova wakaya kutente lyambunganino oko kunze lyamalabba. 8#My 16:27Lino Musa naakainka kuya kutente, bantu oonse bakali kunyampuka akwiimikila umwi aumwi kumulyango wacilao cakwe, nkabela bakali kulangilizya Musa mane wanjila mutente. 9#Int 99:7Lino Musa naakanjila mutente, musumpululu wajoba wakali kuseluka akwiimikila kumulyango watente, Elyo Jehova wakali kwaambaula a-Musa mpoonya awo. 10Nkabela bantu boonse nebakabona kuti musumpululu wajoba uliimvwi kumulyango watente, bantu boonse bakanyampuka, bakomba, umwi aumwi kumulyango wacilao cakwe. 11#Matl 32:30; Dt 5:24; 34:10; Kul 24:13Aboobo Jehova wakali kwaambaula a-Musa kubusyu abusyu mbubonya mbuli muntu mbwaambaula amweenzinyina, Elyo Musa naakapiluka kumalabba, mulanda wakwe mulombe Joshua mwana wa-Nuni, katazwi mutente.
Musa bwaakabona bulemu bwa-Leza
12 #
Int 1:6; Jer 1:5; Joh 10:14; 2 Tim 2:19 Lino Musa wakaambila Jehova kuti, Bona! Waamba kuti, Gwisya bantu aba, Nekubaboobo tona kundaambila na nguni ngotuya awe. Pele waamba kuti, Ndizi izina lyako, alimwi ulijene luzyalo mumeso aangu. 13#Kul 34:9; Int 25:4; 27:11; Dt 9:26; Joel 2:17Na ncobeni ndijene luzyalo mumeso aako, kondizibya inzila zyako, nkakuzibe akujana luzyalo mumeso aako. Alimwi bona! Aba bantu musyobo wako. 14#Kul 40:34-38; Is 63:9; Dt 3:20; Jos 21:44; 22:4; 23:1; Int 95:11Wakati, Tulaya anywebo, alimwi ndakupa kulyokezya. 15#Kul 34:9Wakaamba kuti, na tatwiinki ayebo, utatugwisyi kuzwa ano. 16#My 14:14; Dt 4:34; 2 Sam 7:23; Int 147:20; Tit 2:14Nkaambo kulazibwa buti kuti ndijene luzyalo kumeso aako, mebo abantu bako? Sa: takuli kuya aswe, kuti twaandaane, mebo abantu bako, kubantu boonse bali ansi.
17 #
Matl 19:21; Jak 5:16 Mpawo Jehova wakaambila Musa kuti, Cintu eco nciconya ncoamba ndacicita, nkaambo wajana luzyalo kumeso aangu, alimwi ndizi izina lyako. 18#1 Tim 6:16Wakati, Unditondezye bulemu bwako. 19#Rom 9:1,15; 4:4; Jer 31:14Wakati, Ndainzya bubotu bwangu boonse kumeso aako, alyalo izina lyangu lya-Jehova ndaliyubulula mumatwi aako. Kufumbwa ngunjanda kweetelela njoomweetelela, akufumbwa ngonjanda kufwida luzyalo njoomufwida luzyalo. 20#Matl 32:30; Dt 5:24; Bab 13:22; Is 6:5; Ciy 1:16Pele wakati, Tokonzyi kubona busyu bwangu pe, nkaambo taakwe muntu uukonzya kubona busyu bwangu akupona. 21Nkabela Jehova wakati, Bona! Busena nkobuli okuno nkombede. Ndakwiimika atala andomba. 22#Is 2:21; Int 91:1,4Lino bulemu bwangu bwanooinda, ndakubika mulwaanzi lwandomba, ndakuvumba ajanza lyangu mane nkaindilile. 23#Joh 1:18; 1 Tim 6:16; 1 Joh 4:12Ndamana kwiinda ndagwisya ijanza lyangu, aboobo ulabona isule lyangu, pele busyu bwangu tokoobubona pe.
Currently Selected:
Kulonga 33: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.