Deuteronomo 29
29
Leza mbwaakaindulula kutangana cizuminano aba-Israyeli
1Ngaaya majwi aacizuminano Jehova ngaakalailila Musa, nkokuti cizuminano ncaakatangana aba-Israyeli munyika ya-Moabu kunze lyacizuminano ncaakatangene abo ku-Horebu.
2Musa wakaita ba-Israyeli boonse, wabaambila kuti, Mwakabona zintu zyoonse Jehova nzyaakacita kumeso aanu munyika ya-Egepita, nzyaakacitila Farao abalanda bakwe boonse anyika yakwe yoonse, 3#Dt 4:34; 7:19masunko mapati ngemwakabona ameso aanu, azitondezyo ezyo zigambya. 4#Int 13:3; 19:8; Is 6:9; 63:17; Ezk 12:2; Mt 13:14; Joh 8:43; Inc 28:26; Rom 11:8; Ef 1:18; 4:17-19; 2 Tes 2:11Nekubaboobo asunu Jehova tana kumupa myoyo yakuziba ameso aakubona amatwi aakuswiilizya. 5#Dt 1:3; 8:2Ndamweenzya myaka iili makumi one munkanda. Zyakusama zyanu tazina kuzakaala amibili yanu, ansangu zyanu tazina kuzakaala ama ulu aanu. 6#Kul 16:12; Neh 9:15; Int 78:24Insima yabuntu tamuna kwiilya, awaini azyakunywa zikola tamuna kuzinywa, kuti muzibe kuti ndime Jehova Leza wanu. 7#My 21:21-35; Dt 2:32; 3:1Lino nemwakasika kubusena obuno, kwakasika Sihoni mwami wa-Hesiboni a-Ogi mwami wa-Basana kuzootulwisya, pele twakabazunda. 8#My 32:33Twakatola nyika yabo, twapa ba-Rubeni aba-Gadi acisela camusyobo wa-Manase kuti baivube. 9#Jos 1:7; 1 Bam 2:3; Int 25:10; 103:17,18; Is 56:1,2,4,7; Jer 1:5Lino amucenjele kubika myoyo yanu kumajwi aacizuminano eci, mwaacite, kuti mujane coolwe mumilimo yoonse njemucita.
10Sunu nyoonse muliimvwi kubusyu bwa-Jehova Leza wanu, basilutwe bamisyobo yanu abapati banu ababetesi banu, bantu boonse ba-Israyeli, 11#Jos 9:21bana banu, banakazi banu, abeenzu bakala kala akati kanu, basikumutebbela inkuni abasikumutekela maanzi, 12kuti mutangane a-Jehova Leza wanu cizuminano acikonke. Jehova Leza wanu ulatangana cizuminano anywebo buzuba obuno, 13#Matl 17:6,7kuti amusimpye buzuba obuno, mube bantu bakwe, alakwe abe Leza wanu, mbubonya mbwaakamwaambila, mbwaakakonkezya kuli-Abrahamu akuli-Izaka akuli-Jakobo. 14#Jer 31:31; Heb 8:7,8Alimwi teensi ndinywe luzutu mbendatangana abo cizuminano eci acikonke eci buzuba obuno; 15#Inc 2:39; 1 Kor 7:14ncicabaabo mbetwiimvwi abo sunu ano kubusyu bwa-Jehova Leza wesu abaabo boonse batawo buzuba obuno.
16Nywebo mulizi mbutwakakede munyika ya-Egepita, ambutwakainda akati kamisyobo imbi. 17Mulibwene zisesemyo zyabo, zimpangaliko zyabo zyazisamu azyamabwe, zyansiliva azyangolida, nzebajisi. 18#Heb 12:15Amucenjele kuti kutabi akati kanu mwaalumi naba mwanakazi neluba luzubo nuuba mukowa bajisi myoyo iiyanda kuleka Jehova Leza wesu akuyookomba baleza bamisyobo eyo. Amucenjele kuti kutabi akati kanu muyanda uuzyala micelo iilulisya, 19#Int 14:1; My 15:39; Jer 7:24; Job 15:16; 34:7; Is 30:1; 56:12; Ef 4:19muntu uumvwide majwi aacikonke eci nekubaboobo ulalikondezya mumoyo wakwe cakwaamba kuti, Ndi kabotu, nekuba kuti ndeenda mucinguni camoyo wangu, Eci ciyoonyonyoona zitete aziyumu zyoonse buyo. 20#Ezk 14:7; 23:25; Int 74:1; 79:5Jehova takooyoozumina kumulekelela pe. Bukali bwaJehova abbivwe lyakwe ziyoountumukila muntu oyo, nkabela kufumbwa lutuko lulembedwe mubbuku eli luyoowida alinguwe, mane lumwi Jehova akaziminganye izina lyakwe ansi ano. 21#Mt 24:51Jehova uyoomusala akati kamisyobo yoonse ya-Israyeli kuti awidwe intuko zyoonse zyacizuminano zilembedwe mubbuku eli lya-Mulao.
22Lino musela uuboola, bana banu babuka muzibaka zyanu, abalo beenzu bazwa kuzisi zyakule, bayooamba, nebayoobona mapenzi aacisi eco amalwazi Jehova ngaasisya kulincico. 23#Matl 19:24-25; Bab 9:45; Int 107:34; Jer 17:6; Ezk 47:11; Zef 2:9; Lk 14:34,35(Nyika yoonse iyooba sulufa amunyo, nyika iipide, iitakonzya kubyalwa nekuba kumeneka, iitajisi bulongo bwakumeneka bwizu, iinyonyweedwe mbubonya mbuli Sodoma a-Gomora, Adima a-Zeboimu, minzi Jehova njaakanyonyoona mubukali bwakwe buyoosya). 24#1 Bam 9:8; Jer 22:8Bamasi boonse bayooamba kuti, Ino nkaambonzi Jehova wacitila nyika eyo obo? Nkutyeni obu bukali buyoosya? 25Nkabela bayooamba kuti, Nkaambo kakuti bakalobya cizuminano ca-Jehova Leza wabamawisi ncaakatangana abo kuciindi eco cakubapozya mucisi ca-Egepita, 26bakaakukomba baleza bambi akubakotamina, baleza mbebatakezi, mbaatakabapa. 27#Int 11:6; Dan 9:11NciNciceeco bukali bwa-Jehova ncebwakabukila nyika eyo kukubaletela intuko zyoonse zilembedwe mubbuku eli. 28#2 Mak 7:20; Job 11:6,7; Int 52:5; Tus 2:22; 3:22Jehova wakabazyula munyika yabo mubukali bupati amulunyemo luyoosya, akubawaala munyika imbi, mbubonya ambuli sunu.
29 #
Job 11:6,7; Tus 3:32; Jer 23:18; Am 3:7; Inc 1:7; Int 19:7; Lk 16:29; Joh 5:39; Inc 17:11; 2 Tim 3:16 Makani aasisidwe ngaa-Jehova Leza wesu, pele makani aayubunwidwe ngesu, swebo abana besu, mane kukabe kutamani, kuti tuswiilile majwi oonse aa-Mulao oyu.
Currently Selected:
Deuteronomo 29: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
Deuteronomo 29
29
Leza mbwaakaindulula kutangana cizuminano aba-Israyeli
1Ngaaya majwi aacizuminano Jehova ngaakalailila Musa, nkokuti cizuminano ncaakatangana aba-Israyeli munyika ya-Moabu kunze lyacizuminano ncaakatangene abo ku-Horebu.
2Musa wakaita ba-Israyeli boonse, wabaambila kuti, Mwakabona zintu zyoonse Jehova nzyaakacita kumeso aanu munyika ya-Egepita, nzyaakacitila Farao abalanda bakwe boonse anyika yakwe yoonse, 3#Dt 4:34; 7:19masunko mapati ngemwakabona ameso aanu, azitondezyo ezyo zigambya. 4#Int 13:3; 19:8; Is 6:9; 63:17; Ezk 12:2; Mt 13:14; Joh 8:43; Inc 28:26; Rom 11:8; Ef 1:18; 4:17-19; 2 Tes 2:11Nekubaboobo asunu Jehova tana kumupa myoyo yakuziba ameso aakubona amatwi aakuswiilizya. 5#Dt 1:3; 8:2Ndamweenzya myaka iili makumi one munkanda. Zyakusama zyanu tazina kuzakaala amibili yanu, ansangu zyanu tazina kuzakaala ama ulu aanu. 6#Kul 16:12; Neh 9:15; Int 78:24Insima yabuntu tamuna kwiilya, awaini azyakunywa zikola tamuna kuzinywa, kuti muzibe kuti ndime Jehova Leza wanu. 7#My 21:21-35; Dt 2:32; 3:1Lino nemwakasika kubusena obuno, kwakasika Sihoni mwami wa-Hesiboni a-Ogi mwami wa-Basana kuzootulwisya, pele twakabazunda. 8#My 32:33Twakatola nyika yabo, twapa ba-Rubeni aba-Gadi acisela camusyobo wa-Manase kuti baivube. 9#Jos 1:7; 1 Bam 2:3; Int 25:10; 103:17,18; Is 56:1,2,4,7; Jer 1:5Lino amucenjele kubika myoyo yanu kumajwi aacizuminano eci, mwaacite, kuti mujane coolwe mumilimo yoonse njemucita.
10Sunu nyoonse muliimvwi kubusyu bwa-Jehova Leza wanu, basilutwe bamisyobo yanu abapati banu ababetesi banu, bantu boonse ba-Israyeli, 11#Jos 9:21bana banu, banakazi banu, abeenzu bakala kala akati kanu, basikumutebbela inkuni abasikumutekela maanzi, 12kuti mutangane a-Jehova Leza wanu cizuminano acikonke. Jehova Leza wanu ulatangana cizuminano anywebo buzuba obuno, 13#Matl 17:6,7kuti amusimpye buzuba obuno, mube bantu bakwe, alakwe abe Leza wanu, mbubonya mbwaakamwaambila, mbwaakakonkezya kuli-Abrahamu akuli-Izaka akuli-Jakobo. 14#Jer 31:31; Heb 8:7,8Alimwi teensi ndinywe luzutu mbendatangana abo cizuminano eci acikonke eci buzuba obuno; 15#Inc 2:39; 1 Kor 7:14ncicabaabo mbetwiimvwi abo sunu ano kubusyu bwa-Jehova Leza wesu abaabo boonse batawo buzuba obuno.
16Nywebo mulizi mbutwakakede munyika ya-Egepita, ambutwakainda akati kamisyobo imbi. 17Mulibwene zisesemyo zyabo, zimpangaliko zyabo zyazisamu azyamabwe, zyansiliva azyangolida, nzebajisi. 18#Heb 12:15Amucenjele kuti kutabi akati kanu mwaalumi naba mwanakazi neluba luzubo nuuba mukowa bajisi myoyo iiyanda kuleka Jehova Leza wesu akuyookomba baleza bamisyobo eyo. Amucenjele kuti kutabi akati kanu muyanda uuzyala micelo iilulisya, 19#Int 14:1; My 15:39; Jer 7:24; Job 15:16; 34:7; Is 30:1; 56:12; Ef 4:19muntu uumvwide majwi aacikonke eci nekubaboobo ulalikondezya mumoyo wakwe cakwaamba kuti, Ndi kabotu, nekuba kuti ndeenda mucinguni camoyo wangu, Eci ciyoonyonyoona zitete aziyumu zyoonse buyo. 20#Ezk 14:7; 23:25; Int 74:1; 79:5Jehova takooyoozumina kumulekelela pe. Bukali bwaJehova abbivwe lyakwe ziyoountumukila muntu oyo, nkabela kufumbwa lutuko lulembedwe mubbuku eli luyoowida alinguwe, mane lumwi Jehova akaziminganye izina lyakwe ansi ano. 21#Mt 24:51Jehova uyoomusala akati kamisyobo yoonse ya-Israyeli kuti awidwe intuko zyoonse zyacizuminano zilembedwe mubbuku eli lya-Mulao.
22Lino musela uuboola, bana banu babuka muzibaka zyanu, abalo beenzu bazwa kuzisi zyakule, bayooamba, nebayoobona mapenzi aacisi eco amalwazi Jehova ngaasisya kulincico. 23#Matl 19:24-25; Bab 9:45; Int 107:34; Jer 17:6; Ezk 47:11; Zef 2:9; Lk 14:34,35(Nyika yoonse iyooba sulufa amunyo, nyika iipide, iitakonzya kubyalwa nekuba kumeneka, iitajisi bulongo bwakumeneka bwizu, iinyonyweedwe mbubonya mbuli Sodoma a-Gomora, Adima a-Zeboimu, minzi Jehova njaakanyonyoona mubukali bwakwe buyoosya). 24#1 Bam 9:8; Jer 22:8Bamasi boonse bayooamba kuti, Ino nkaambonzi Jehova wacitila nyika eyo obo? Nkutyeni obu bukali buyoosya? 25Nkabela bayooamba kuti, Nkaambo kakuti bakalobya cizuminano ca-Jehova Leza wabamawisi ncaakatangana abo kuciindi eco cakubapozya mucisi ca-Egepita, 26bakaakukomba baleza bambi akubakotamina, baleza mbebatakezi, mbaatakabapa. 27#Int 11:6; Dan 9:11NciNciceeco bukali bwa-Jehova ncebwakabukila nyika eyo kukubaletela intuko zyoonse zilembedwe mubbuku eli. 28#2 Mak 7:20; Job 11:6,7; Int 52:5; Tus 2:22; 3:22Jehova wakabazyula munyika yabo mubukali bupati amulunyemo luyoosya, akubawaala munyika imbi, mbubonya ambuli sunu.
29 #
Job 11:6,7; Tus 3:32; Jer 23:18; Am 3:7; Inc 1:7; Int 19:7; Lk 16:29; Joh 5:39; Inc 17:11; 2 Tim 3:16 Makani aasisidwe ngaa-Jehova Leza wesu, pele makani aayubunwidwe ngesu, swebo abana besu, mane kukabe kutamani, kuti tuswiilile majwi oonse aa-Mulao oyu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.