Daniele 6
6
Daniele mbwaakavunwa kusenengo lyabalavu
1 #
Es 1:1
Dariyo wakayeeya kuti ncibotu kubikila bwami bwakwe beendelezi bazisi bali mwanda amakumi obile, babe muzisi zyoonse zyabwami. 2#1 Sam 2:30Alimwi abo beendelezi bakabikilwa basilutwe bapati botatwe, nkabela umwi wabaaba botatwe kali Daniele. Beendelezi kabeelede kutola makani kulibasilutwe, aboobo mwami katakonzya kujana mapenzi. 3#Tus 3:35; Dan 5:12Lino oyo Daniele wakaba ampuwo imbotu kwiinda basilutwenyina abeendelezi boonse, nkaambo kakuti mulinguwe kamuli muuya mubotu loko, aboobo mwami wakali kuyeeya kumupa bweendelezi bwacisi coonse. 4#Muk 4:4; Flp 2:15; 1 Pet 2:12Lino basilutwe abeendelezi bakali kuyandaula makani kuti babikile Daniele kaambo kumakani aacisi, pele bakakacilwa kujana makani nikaba kaambo kali buti, nkaambo Daniele wakasyomeka, alimwi katakwe kampenda nekaba kaambo kali buti ikakajanwa mulinguwe. 5Mpawo aba bantu bakaamba kuti, Tatukonzyi kujana kaambo nekaba kamwi kakubikila oyu Daniele, cita tumupe kaambo mumakani aankombelo ya-Leza wakwe.
6 #
Neh 2:3; Dan 2:4 Lino basilutwe abeendelezi abo bakeza cakupyopyongana kumwami, bamwaambila kuti, O mwami Dariyo, kopona lyoonse. 7Basilutwe abangambela abeendelezi boonse bazisi, abalo basinkuta abami, boonse buyo bazuminana kuti mwami uleelede kubika mulao akuyuminisya mulazyo wakuti, kufumbwa muntu uukumbila lukumbilo kuli-leza naba omwe nekuba kumuntu naba omwe, cita kulinduwe olike, mumazuba aali makumi otatwe, uleelede kuwaalwa mubulyango bwabalavu. 8#Es 1:19Lino O mwami, kobika mulao akulemba malembo, kuti utacincilulwi, ube mbubonya mbuli mulao waba-Medi aba-Persia uutakonzyi kulobesegwa. 9#Int 118:9Amvwe obo, mwami Dariyo wakalemba malembo amulao.
10 #
Mt 10:32; Joh 2:4; Int 5:7; 55:17; 95:6; 1 Bam 18:36; Lk 22:41; Inc 2:1,2,15; 1 Tes 5:17,18 Lino Daniele naakaziba kuti malembo alembwa, wakaya kuŋanda yakwe, impulunguzyo zyakaanda kakujulu nkozyakajulwidwe cakulanga ku-Jerusalemu, nkabela kotatwe mubuzuba wakafugama amazwi aakwe, wakomba akulumba Leza, mbubonya mbwaakali kucita lyoonse mumazuba aakamana. 11Mpawo aba bantu bakabungana, bajana Daniele ulakumbila kuli-Leza wakwe. 12#Dan 3:8Lino bakaswena kumwami, batalika kwaambaula awe makani aamulao, bati, O mwami, sa tolembede malembo aakuti kufumbwa muntu uukumbila cintu kuli-leza naba omwe na kumuntu naba omwe, cita kulinduwe o mwami, mumazuba aali makumi otatwe, uleelede kuwaalwa musenengo lyabalavu? Mwami wakavuwa kuti, Mbukabede! Makani akacitwa obo, ali mbubonya mbuli mulao waba-Medi awaba-Persia uutakonzyi kulobesegwa. 13#Dan 1:6; 3:12; Es 3:8; Inc 17:7Mpawo bakavwiilia mwami kuti, Oyo Daniele, umwi wabana babuzike ba-Juda, tabikide moyo wakwe kulinduwe, O mwami, nekuba kumulao ngowakalemba. Ucikumbila ziindi zyotatwe mubuzuba.
14 #
Dan 3:13; Mt 27:17-24; Mk 6:26 Mpawo mwami, naakamvwa obo, wakabijilwa loko, wakakanza kuvuna Daniele, nkabela wakali kusoleka-soleka kumuvuna buzuba boonse mane kusikila kumabbililo aazuba. 15Pele abo bantu bakabungana kumwami, baambi la mwami kuti, Utalubi, O mwami, kuti mulao waba-Medi awabaPersia ngwakuti kufumbwa mulao nanka mulazyo mwami ngwabika tuukonzyi kulobesegwa.
16 #
Is 41:10; 2 Kor 1:10 Mpawo mwami wakalailila, nkabela Daniele wakaletwa, wawaalwa musenengo lyabalavu. Pele mwami wakaambila Daniele kuti, Leza wako ngosyoma lyoonse uyookuvuna. 17#Malo 3:53; Mk 15:46; Mt 27:66Lino kwakaletwa ibbwe, lyakabikwa amanjililo aasenengo, nkabela mwami wakalinamatika acinamatizyo cakwe acinamatizyo cabasilutwe bakwe, kuti makani aa-Daniele atasandululwi. 18#Es 6:1; Int 77:4; Dan 2:1Mpawo mwami wakaya kuŋanda yakwe, woona anzala; takwakaletelwa misobano pe, alimwi wakaba acilabila.
19Buce buyo, mwami wakafuma, wafwambaana kuya kusenengo lyabalavu. 20#Matl 18:14; Jer 32:17; Zek 8:6; Mt 19:26; Lk 1:37Lino naakasika afwaafwi kusenengo, mwakaweedwe Daniele, wakoongolola ajwi lyakupenga. Mwami wakaambila Daniele kuti, O Daniele, mulanda wa-Leza muumi, sa Leza wako ngomanina milimo lyoonse, ulakonzya kukuvuna kumilomo yabalavu? 21#Dan 2:4Mpawo Daniele wakaambila mwami kuti, O mwami, kopona lyoonse. 22#Dan 3:28; Heb 1:14; 11:33; 1 Sam 17:37; 2 Tim 4:17Leza wangu watuma angelo wakwe, wajala milomo yabalavu, aboobo tabana kundibisizya, nkaambo kwakajanwa kuti nsikwe kaambo kumeso aakwe, alimwi akulinduwe, O mwami, nsikwe ncindakabisya. 23#Mk 16:18Mpawo mwami wakabotelwa loko, walailila kuti Daniele agwisigwe musenengo. Aboobo Daniele wakagwisigwa musenengo, nkabela taakwe naakabisigwa abuniini, nkaambo wakali kusyomeka kuli-Leza wakwe. 24#Dt 19:19; 24:16; Es 9:10Lino mwami wakalailila, nkabela abo bantu ibakabikilide Daniele kaambo bakaletwa akuwaalwa musenengo lyabalavu, balo abana babo abanakazi babo. Lino balavu bakabajata akutyolaula zifuwa zyabo kabatana kusika kunsi esenengo.
25 #
Dan 4:1
Lino mwami Dariyo wakalembela bantu bazisi zyoonse abamisyobo yoonse abamyaambo yoonse bakede munyika yoonse, wati, Luumuno luvule akati kanu. 26#Dan 3:29; 4:34; 2:44; Int 99:1; Lk 1:33Ndabika mulao wakuti, mubwami bwacisi cangu coonse bantu baleelede kuyoowa akulemeka Leza wa-Daniele, nkaambo ngonguwe Leza muumi uuliwo lyoonse, Bwami bwakwe tabukonzyi kunyonyoonwa, abweendelezi bwakwe tabweeli. 27#Dan 4:3Ulafutula akuvuna, ulacita zitondezyo amalele koonse koonse, kujulu aansi. Ngonguwe iwakavuna Daniele kumilomo yabalavu,
28 #
Dan 1:21; Ezr 1:1 Aboobo Daniele wakajana coolwe mumazuba aabwami bwa-Dariyo amubwami bwa-Koresi waku-Persia.
Currently Selected:
Daniele 6: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.