3 Johane 1
1
Johane ulajuzya Gayo. Ulalumba lusyomo lwakwe
1 #
Inc 19:29; Rom 16:23; 1 Kor 1:14; 2 Joh 1:1 Mupati ulajuzya Gayo uuyandwa, ngonjanda mulusinizyo. 2#2 Joh 1:4Oyandwa, ndakomba kuti uende kabotu muzintu zyoonse akupona kumubili mbubonya mbuuenda kabotu muuya wako. 3Nkaambo ndakabotelwa loko inzubo nezyakasika akuba bakamboni balusinizyo lwako, mbuli mboenda mulusinizyo. 4Taakwe kubotelwa kumbi nkunjisi kupati kwiinda oku kwakumvwa kuti bana bangu baleenda mulusinizyo.
5Oyandwa, wacita mulimo uusyomeka oyo woonse ngocita kunzubo akubeenzu. 6#Tit 3:13Aba bakaleta bukamboni bwaluyando lwako kubusyu bwambungano, Lino ulacita kabotu kuti wabasindikizya mulweendo lwabo mbubonya mbweeledwe Leza. 7#Inc 20:35; 1 Kor 9:12,15Nkaambo bakainka nkaambo kezina lyakwe, kabatatambuli cintu neciba comwe cabamasi. 8#Heb 13:2; 2 Joh 1:10Nkabela swebo tuleelede kusamausya bantu mbuli baaba, kuti tube basikubelekanyina mumilimo yalusinizyo.
Makani aa-Diotrefe a-Demetrio
9Ndakalemba kaniini kumbungano, pele Diotrefe oyo uuyanda kuba mupati akati kabo, tatutambuli. 10Elyo, na ndasika, nzooyeeya milimo yakwe njacita, naamba majwi mabi kulindiswe, alimwi talamwi akooku, pele alimwi tatambuli inzubo mwini, abaabo bayanda kuzitambula ulabakasya akubatanda kuzwa kumbungano. 11#1 Joh 3:6,9Oyandwa, utatobeli zintu zibi, tobela zintu zibotu, Oyo uucita kabotu nguwa-Leza, oyo uucita bubi tabwene Leza. 12#Joh 19:35; 21:24Demetrio ulijisi bukamboni bubotu bwabantu boonse abwalusi-nizyo lwini, ii, aswe tuli bakamboni, ayebo ulizi kuti bukamboni bwesu mbwanconzyo.
Aakumamanino
13 #
2 Joh 1:12
Ndakalijisi zintu zinji zyakukulembela, pele nsiyandi kuzilemba ainki acilembyo. 14Ndasyoma kuti nzoofwambaana kukubona, lino tuzooambaula kubusyu abusyu. Kuumuna kube kulinduwe. Beenzinyoko bakujuzya. Juzya beenzuma aumwi aumwi.
Currently Selected:
3 Johane 1: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.