2 Timoteo 3
3
Kuciindi camamanino kuyooba baiyi babeji. Timoteo uleelede kutobela Paulo kukujatisya bunakristo amakani aali mumagwalo aasalala
1 #
1 Tim 4:1
Pele koziba kuti kumazuba aakumamanino kuyooba ziindi zikataazya, 2#Rom 1:29Nkaambo bantu bayooba basikuliyanda, basimuyanda mali, basima ntumbwaambwa, basikakomokomo, basikasankusanku, batamvwi bamawisi, batalumbi, batakombi, 3basikancimwa, basimfundiilili, abasiluvuya lwakutaminizya, batalyeendeleli, basitunyetunyetu, batayandi bubotu, 4#Flp 3:19basimusuzyanya, basikainya, basikulisumpula, bayandisya misalo yaansi kwiinda Leza, 5#Mt 7:15,21; Rom 2:20; Tit 1:16balijisi ciwa cabukombi pele inguzu zyambubo balazikazya. Eno kobafutatila bali bobuya. 6#Mt 23:14; Tit 1:11Nkaambo bamwi babo mbabasobelela mumaanda, akuya bujata bakaintu bafubafuba balemenwe zibi, beenzegwa azisusi zyamisyobo misyobo. 7#2 Tim 2:25Lyoonse balafunda, pele balakacilwa kusika kukuziba lusinizyo.
8 #
Kul 7:11,22; 1 Tim 6:5; 1:12 Nkabela mbuli jane a-Jambre mbubakamukazya Musa, mbubonya obo abalo babukazya bwini, Mbantu bali amiyeeyo mibi, abakabonwa butongo kulusyomo, 9Pele kutaciya kunembo, nkaambo bufubafuba bwabo bulabonwa kubantu boonse, mbubonya mbobwakabede bwabaabo. 10Pele yebo ulitobelede ndime mulwiisyo lwangu amumyeendo yangu amumakanze aangu, mulusyomo amukukazika moyo amukuyandana amulukakatilo, 11#Inc 13:14-52; 14:1-20; Int 34:19mukupenzegwa amukuciswa, muzintu ezyo izyakandisikila ku-Antiokeya aku-Ikoniya aku-Lustro. Akakomena mapenzi ngindakalemenwa, pele Mwami wakandinununa kuliyaaya oonse. 12#Mt 16:24; Inc 14:22Ee, ncobeni boonse abo bayanda kupona cakululama muli-Kristo Jesu mbobayoopenzegwa, 13#1 Tim 4:1pele balo bantu babi abasikulibeja balainda anka kubija, banooena akweenwa.
14 #
2 Tim 2:2
Eno yebo kojatisya makani ngowakaiya azintu nzozuminisya, nkaamboulibezi abo abakakwiisya ngao, 15#Joh 5:39; Int 119:99alimwi ulizi kuti kuzwa kuciindi niwakacili mwana ulyeezi magwalo aasalala aakonzya kukusongwaazya mukufutulwa kulusyomo luli muli-Kristo Jesu, 16#2 Pet 1:19-21; Rom 15:4Magwalo aya oonse akazwa kuli-Leza, alikondede kukufundisya akukulaya, akukuolola akukupandulula makani aabululami, 17#1 Tim 6:11kuti muna-Leza alibambe, azulile kukumana milimo mibotu yoonse.
Currently Selected:
2 Timoteo 3: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.