1 Samuele 9
9
Saulo mbwaakaya kukuyandaula imbongolo zyawisi
1 #
1 Sam 14:51; 1 Mak 8:33; 9:39; Inc 13:21 Lino kakuli muntu mu-Benjamini, izina lyakwe kali Kisi mwanaakwe Abiyeli mwanaakwe Zerori mwanaakwe Bekorati mwanaakwe Afiya mwana wamu-Benjamini, kali singuzu wankondo. 2#1 Sam 10:23Nkabela oyo muntu kajisi mwana, izina lyakwe kali Saulo, kali mulombe mubotu, kakutakwe naba omwe akati kaba-Israyeli mubotu mbuli nguwe. Kuzwa kuziwezo zyakwe kali mulamfu kwiinda bantu boonse.
3Lino Kisi wisi Saulo wakasweekelwa imbongolo zyakwe, nkabela Kisi wakaambila mwana wakwe Saulo wati, Ubweze umwi mulombe, munyampuke, muye kuyooyandaula imbongolo. Lino wakainda kucilundu 4#2 Bam 4:42Efraimu akucisi ca-Syalisya, pele teewakaziiana. Mpawo bakainda kucisi ca-Salimu pele kazitako, alimwi bakainda kucisi ca-Yemeni akwalo teebakazijana. 5#1 Sam 1:1Lino nibakasika kucisi ca-Zufi, Saulo wakaambila mulanda wakwe ngubakali awe, wati, Koza, atupiluke, ikuti bata inga balazileka imbongolo, balakatazigwa nkaambo kesu. 6#Dt 33:1; 1 Sam 2:27; 1 Bam 13:1; 2 Bam 6:6; 1 Tim 6:11; 1 Sam 3:19; Is 44:26; Mt 24:35Mpawo mulanda wakaamba wati, Swiilila! mumunzi oyu muli muntu wa-Leza, muntu mulemu. Makani oonse ngaamba alaba ncobeni. Lino atuye kulinguwe, ambweni ulatwaambila makani aalweendo lwesu ndutujisi. 7#Bab 6:18; 13:17; 1 Bam 14:3; 2 Bam 4:42; 8:8Lino Saulo wakaambila mulanda wakwe wati, Pele twaya, tutolenzi kumuntu oyo, nkaambo kakuti zinkwa zyamana munkomo zyesu, nkabela taakwe cipo ncitukonzya kumutolela muntu wa-Leza. Ino tujisinzi? 8Mpawo mulanda wakavwiila Saulo wati, Langa! mujanza lyangu ndijisi cipanzi cane casekeli cansiliva. Njoomupa muntu wa-Leza kuti atwaambile lweendo lwesu. 9#Matl 25:22; Kul 28:30; My 27:21; Bab 1:1; 20:18-28; 2 Sam 24:11; 2 Bam 17:13; 1 Mak 29:29; Is 30:10; Am 7:12(Lino kalekale mu-Israyeli muntu naakali kuya kubuzya kwa-Leza wakaamba boobu, wati, Amuboole, atweende kumusondi, nkaambo kakuti muntu uutegwa musinsimi sunu kalekale wakali kutegwa musondi).
10Mpawo Saulo wakaambila mulanda wakwe wati, Waamba kabotu. Koza, tweende. Lino bakaya kumunzi nkwaakabede oyo muntu wa-Leza. 11#Matl 24:11; Kul 2:16Nkabela nibakali kuya butanta kuya kumunzi, bakajana basimbi ibakali kuyooteka maanzi, nkabela bakababuzya bati, Sa musondi nkwali? 12#Matl 31:54; 1 Sam 16:2; 1 Bam 3:2Lino bakabavwiila bati, Ee, nkwali. Uli kunembo. Amufwambaane lino, nkaambo wasika sunu kumunzi, nkaambo sunu bantu balijisi cipaizyo kucilundu. 13Mwasika biyo kumunzi mpawo mulamujana taana kuya kucilundu kuyoolya, nkaambo kakuti bantu tabakonzyi kulya mane asike, nkaambo nguwe uulongezya cipaizyo, elyo musule batambwi balalya. Lino kamuya, mulamujana ndilyonya. 14Mpawo bakatanta kuya kumunzi, nkabela nibakali mukunjila mumunzi, Samuele wakazwa kuzooswaanana abo kuyootanta kucilundu.
Saulo mbwaakasika kuli-Samuele
15 #
1 Sam 15:1; 20:2; Int 25:14; Mk 11:2-4; Inc 13:21 Lino Jehova wakalisinkwide matwi aa-Samuele buzuba bomwe Saulo naatakaina kusika, wati, 16#1 Sam 10:1; 15:1; 16:3; Kul 2:25; 3:7,9Junza kuciindi ecino ndakutumina muntu uuzwa kucisi ca-Benjamini, nguwenya oyo ngoelede kunanika mafuta kuti abe musolozi wabantu bangu ba-Israyeli, nkabela ulafutula bantu bangu kuzwa kumaanza aaba-Filisti, nkaambo ndibabwene bantu bangu, kukwiila kwabo kwasika kulindime. 17#1 Sam 16:12; Hos 13:11Lino Samuele naakabona Saulo, Jehova wakamwaambila wati, Ngooyu muntu ngundakwaambila, nguwe uuzooendelezya bantu bangu. 18Mpawo Saulo wakaswena afwiifwi kuli-Samuele mumulyango, wakaamba wati, Undaambile iŋanda yamusondi na ili kuli? 19Lino Samuele wakavwiila Saulo wati, Ndime musondi. Amundisolwede kuyootanta kucilundu, tuyoolya anywebo sunu, nkabela junza ndamutuma kulindinywe, alimwi coonse cili mumoyo wako ndakwaambila. 20Lino imbongolo nzowakasweekelwa mazuba otatwe aakainda, utabiki moyo kulinzizyo, pe, nkaambo kakuti zyajanwa kale. Lino zintu zyoonse ziyandisi zya-Israyeli nzizyani? Tee nzizyako azyamukowa woonse wabauso na? 21#Bab 20:46; Int 68:27; Bab 6:15Mpawo Saulo wakavuwa wati, Sa ime nsili mu-Benjamini, musyobo muniini kwiinda misyobo yoonse yaba-Israyeli? Amukowa wabatata teensi muniini kwiinda mikowa yoonse yaba-Benjamini? Ino nkaambonzi wandaambila ijwi lili boobu. 22Lino Samuele wakatola Saulo amulanda wakwe, wabanjizya muŋanda yabeenzu, wababika mubusena butaanzi akati kabatambwi, bakali mbuli makumi otatwe. 23Nkabela Samuele wakaambila mujiki wati, Leta caabilo eco ncindakakupa, ncindakakwaambila kuti ucibambe kulinduwe. 24#Lev 7:32; Ezk 24:4; Inc 10:9Mpawo mujiki wakanyampula mweendo azintu zyawo, wakazibika kunembo lya-Saulo. Nkabela wakaamba wati, Langa, nceeci ciyobolwa. Ucibike kunembo lyako, ulye, nkaambo kakuti cakayobwedwa nduwe kuciindi ceelede kuti nkatambe bantu. Lino Saulo bakalya a-Samuele mubuzuba obo.
25 #
Dt 22:8
Cibe ciindi bakaseluka kuzwa kucilundu kuya kumunzi, nkabela bakabambila Saulo bulo atala alululi. 26Lino nibwakaca bakafuma, nkabela Samuele wakaita Saulo kulululi, wati, Buka, nkakutume kulinduwe. Mpawo Saulo wakabuka nkabela bakazwa boonse bobile a-Samuele anze. 27Nkabela nibakaseluka kumamanino aamunzi Samuele wakaambila Saulo wati, Ulailile mulanda kuti atusolwede, nkabela wakasolola, Lino wati, Pele uwe uimikile, nkulwiide ijwi lya-Leza.
Currently Selected:
1 Samuele 9: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
1 Samuele 9
9
Saulo mbwaakaya kukuyandaula imbongolo zyawisi
1 #
1 Sam 14:51; 1 Mak 8:33; 9:39; Inc 13:21 Lino kakuli muntu mu-Benjamini, izina lyakwe kali Kisi mwanaakwe Abiyeli mwanaakwe Zerori mwanaakwe Bekorati mwanaakwe Afiya mwana wamu-Benjamini, kali singuzu wankondo. 2#1 Sam 10:23Nkabela oyo muntu kajisi mwana, izina lyakwe kali Saulo, kali mulombe mubotu, kakutakwe naba omwe akati kaba-Israyeli mubotu mbuli nguwe. Kuzwa kuziwezo zyakwe kali mulamfu kwiinda bantu boonse.
3Lino Kisi wisi Saulo wakasweekelwa imbongolo zyakwe, nkabela Kisi wakaambila mwana wakwe Saulo wati, Ubweze umwi mulombe, munyampuke, muye kuyooyandaula imbongolo. Lino wakainda kucilundu 4#2 Bam 4:42Efraimu akucisi ca-Syalisya, pele teewakaziiana. Mpawo bakainda kucisi ca-Salimu pele kazitako, alimwi bakainda kucisi ca-Yemeni akwalo teebakazijana. 5#1 Sam 1:1Lino nibakasika kucisi ca-Zufi, Saulo wakaambila mulanda wakwe ngubakali awe, wati, Koza, atupiluke, ikuti bata inga balazileka imbongolo, balakatazigwa nkaambo kesu. 6#Dt 33:1; 1 Sam 2:27; 1 Bam 13:1; 2 Bam 6:6; 1 Tim 6:11; 1 Sam 3:19; Is 44:26; Mt 24:35Mpawo mulanda wakaamba wati, Swiilila! mumunzi oyu muli muntu wa-Leza, muntu mulemu. Makani oonse ngaamba alaba ncobeni. Lino atuye kulinguwe, ambweni ulatwaambila makani aalweendo lwesu ndutujisi. 7#Bab 6:18; 13:17; 1 Bam 14:3; 2 Bam 4:42; 8:8Lino Saulo wakaambila mulanda wakwe wati, Pele twaya, tutolenzi kumuntu oyo, nkaambo kakuti zinkwa zyamana munkomo zyesu, nkabela taakwe cipo ncitukonzya kumutolela muntu wa-Leza. Ino tujisinzi? 8Mpawo mulanda wakavwiila Saulo wati, Langa! mujanza lyangu ndijisi cipanzi cane casekeli cansiliva. Njoomupa muntu wa-Leza kuti atwaambile lweendo lwesu. 9#Matl 25:22; Kul 28:30; My 27:21; Bab 1:1; 20:18-28; 2 Sam 24:11; 2 Bam 17:13; 1 Mak 29:29; Is 30:10; Am 7:12(Lino kalekale mu-Israyeli muntu naakali kuya kubuzya kwa-Leza wakaamba boobu, wati, Amuboole, atweende kumusondi, nkaambo kakuti muntu uutegwa musinsimi sunu kalekale wakali kutegwa musondi).
10Mpawo Saulo wakaambila mulanda wakwe wati, Waamba kabotu. Koza, tweende. Lino bakaya kumunzi nkwaakabede oyo muntu wa-Leza. 11#Matl 24:11; Kul 2:16Nkabela nibakali kuya butanta kuya kumunzi, bakajana basimbi ibakali kuyooteka maanzi, nkabela bakababuzya bati, Sa musondi nkwali? 12#Matl 31:54; 1 Sam 16:2; 1 Bam 3:2Lino bakabavwiila bati, Ee, nkwali. Uli kunembo. Amufwambaane lino, nkaambo wasika sunu kumunzi, nkaambo sunu bantu balijisi cipaizyo kucilundu. 13Mwasika biyo kumunzi mpawo mulamujana taana kuya kucilundu kuyoolya, nkaambo kakuti bantu tabakonzyi kulya mane asike, nkaambo nguwe uulongezya cipaizyo, elyo musule batambwi balalya. Lino kamuya, mulamujana ndilyonya. 14Mpawo bakatanta kuya kumunzi, nkabela nibakali mukunjila mumunzi, Samuele wakazwa kuzooswaanana abo kuyootanta kucilundu.
Saulo mbwaakasika kuli-Samuele
15 #
1 Sam 15:1; 20:2; Int 25:14; Mk 11:2-4; Inc 13:21 Lino Jehova wakalisinkwide matwi aa-Samuele buzuba bomwe Saulo naatakaina kusika, wati, 16#1 Sam 10:1; 15:1; 16:3; Kul 2:25; 3:7,9Junza kuciindi ecino ndakutumina muntu uuzwa kucisi ca-Benjamini, nguwenya oyo ngoelede kunanika mafuta kuti abe musolozi wabantu bangu ba-Israyeli, nkabela ulafutula bantu bangu kuzwa kumaanza aaba-Filisti, nkaambo ndibabwene bantu bangu, kukwiila kwabo kwasika kulindime. 17#1 Sam 16:12; Hos 13:11Lino Samuele naakabona Saulo, Jehova wakamwaambila wati, Ngooyu muntu ngundakwaambila, nguwe uuzooendelezya bantu bangu. 18Mpawo Saulo wakaswena afwiifwi kuli-Samuele mumulyango, wakaamba wati, Undaambile iŋanda yamusondi na ili kuli? 19Lino Samuele wakavwiila Saulo wati, Ndime musondi. Amundisolwede kuyootanta kucilundu, tuyoolya anywebo sunu, nkabela junza ndamutuma kulindinywe, alimwi coonse cili mumoyo wako ndakwaambila. 20Lino imbongolo nzowakasweekelwa mazuba otatwe aakainda, utabiki moyo kulinzizyo, pe, nkaambo kakuti zyajanwa kale. Lino zintu zyoonse ziyandisi zya-Israyeli nzizyani? Tee nzizyako azyamukowa woonse wabauso na? 21#Bab 20:46; Int 68:27; Bab 6:15Mpawo Saulo wakavuwa wati, Sa ime nsili mu-Benjamini, musyobo muniini kwiinda misyobo yoonse yaba-Israyeli? Amukowa wabatata teensi muniini kwiinda mikowa yoonse yaba-Benjamini? Ino nkaambonzi wandaambila ijwi lili boobu. 22Lino Samuele wakatola Saulo amulanda wakwe, wabanjizya muŋanda yabeenzu, wababika mubusena butaanzi akati kabatambwi, bakali mbuli makumi otatwe. 23Nkabela Samuele wakaambila mujiki wati, Leta caabilo eco ncindakakupa, ncindakakwaambila kuti ucibambe kulinduwe. 24#Lev 7:32; Ezk 24:4; Inc 10:9Mpawo mujiki wakanyampula mweendo azintu zyawo, wakazibika kunembo lya-Saulo. Nkabela wakaamba wati, Langa, nceeci ciyobolwa. Ucibike kunembo lyako, ulye, nkaambo kakuti cakayobwedwa nduwe kuciindi ceelede kuti nkatambe bantu. Lino Saulo bakalya a-Samuele mubuzuba obo.
25 #
Dt 22:8
Cibe ciindi bakaseluka kuzwa kucilundu kuya kumunzi, nkabela bakabambila Saulo bulo atala alululi. 26Lino nibwakaca bakafuma, nkabela Samuele wakaita Saulo kulululi, wati, Buka, nkakutume kulinduwe. Mpawo Saulo wakabuka nkabela bakazwa boonse bobile a-Samuele anze. 27Nkabela nibakaseluka kumamanino aamunzi Samuele wakaambila Saulo wati, Ulailile mulanda kuti atusolwede, nkabela wakasolola, Lino wati, Pele uwe uimikile, nkulwiide ijwi lya-Leza.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.