1 Bami 17
17
Eliya mbwaakasinsima cimpayuma
1 #
Lk 1:17; 4:25; 2 Bam 3:14; Dt 10:8; Jak 5:17 Lino Eliya waku-Tisibe mucisi ca-Gileadi wakaambila Ahabu kuti, Ncobeni mbwali muumi Jehova Leza wa-Israyeli, ngunjiiminide kubusyu bwakwe, takukooyooba imvula nuuba mume myaka ino cita nkaambe mebo.
2Elyo ijwi lya-Jehova lyakamwaambila kuti, 3Uzwe okuno, utozye kujwe, ukayube kukalonga ka-Keriti kali kujwe lya-Jordano. 4#Int 37:3; Is 33:15Lino uyoonywa maanzi mukalonga, alimwi ndalailila bacikwangala kuti bakusanine. 5Elyo wakainka, wacita mbubonya mbuli ijwi lya-Jehova, waakukala kukalonga ka-Keriti kali kujwe lya-Jordano. 6Nkabela bacikwangala mbobakali kumuletela insima anyama cifumo, alimwi insima anyama mangolezya, akunywa wakali kunywa maanzi mukalonga. 7Pele nicakaba ciindi, kalonga kakayuminina, nkaambo nyika yoonse teeyakawidwa imvula.
Eliya mbwaakaakukala ku-Zarefati
8Elyo ijwi lya-Jehova lyakamusikila lyakuti, 9#Ob 1:20; Lk 4:26Buka, uinke ku-Zarefati mucisi ca-Sidoni, ukakale nkuko, Bona! Ndalailila umwi mukamufu wakooko kuti akulele. 10#Matl 24:7; Int 24:1; Is 33:16; Joh 4:7; Heb 11:37Mpawo wakanyamuka, waya ku-Zarefati, nkabela naakasika kumulyango wamunzi, wakajana mukamufu mpawo, uli mukutebba inkuni. Lino wakamwiita, wati, Kondiletela tumaanzi mukanywido, nywe. 11Elyo naakali kuya kukuleta, wakoompolola kuti, Ulete amunsuma wansima mujanza lyako. 12#Matl 18:6; 21:15,16Wakavuwa kuti, Ma! Jehova Leza wako mbali muumi, nsijisi zyakujika cita inkankamaanza yomwe buyo yabusu iili mucinkuli, atumafuta tuniini munsazi. Lino ndili mukutebba tukuni tobile twakujisya, kuti tulye, mebo amwanaangu, elyo tulafwa. 13#Matl 22:1,2; 1 Pet 1:7Pele Eliya wakamwaambila kuti, Utayoowi, Koya ukajike mbubonya mboamba. Pele taanguna kundijikila mebo kasima kasyoonto, ukandiletele okuno, Lino kusule uyoolijikila, webo amwanaako. 14#Int 84:7-10; 34:11; 1 Tim 4:8; Flp 4:19Nkaambo mbuboobu mbwaamba Jehova Leza wa-Israyeli. Cinkuli cabusu tacikooyoomana, ayalo insazi yamafuta taikooyooyuminina, mane kusikila kubuzuba obo Jehova mbwati wisye imvula anyika. 15#2 Mak 20:20; Mt 10:41,42; 20:28; Heb 11:8Mpawo wakaakucita mbubonya mbuli Eliya mbwaakalailila, nkabela bakaiya boonse, Eliya amwanakazi amwanaakwe musankwa, mazuba manji. 16#Dt 15:10; Tus 11:24Cinkuli cabusu tacikwe nicakamana, ayalo insazi yamafuta tiikwe niyakayuminina, mbubonya mbuli ijwi lya-Jehova ndyaakaamba kumulomo wa-Eliya.
Eliya mbwaakabusya mwana uufwide
17Lino musule lyamakani aya, mwana wayooyo mwanakazi mwiniŋanda wakaciswa, nkabela bulwazi bwakwe bwakakataazya loko, lumwi taakwe naakacili kuyooya abuniini. 18#2 Sam 16:10; Lk 4:34; 5:8; Joh 2:4Elyo wakaambila Eliya kuti, Ndijisi makaninzi ayebo, O muntu wa-Leza? Sa kwiibalusya zibi zyangu cakujaya mwanaangu ncowakazida kulindime? 19Eliya wakamwaambila kuti, Undipe mwanaako. Lino wakamugwisya mumaanza aakwe, wamutola kuŋanda yakujulu nkwaakakede, wamulazika abulo bwakwe. 20#Kul 15:25; 17:4; My 11:11; 1 Sam 7:8; 1 Bam 18:36,37; Flp 4:6; Jak 5:13,16Nkabela wakakwiilila Jehova, wati, Akaka Jehova Leza wangu! Sa wabisizya oyu mukamufu ngundikede awe kukujaya mwana wakwe? 21#2 Bam 4:34,35; Inc 20:10Lino wakalyeeleka amutunta wamulombe ziindi zyotatwe, wakwiilila Jehova kuti, O Jehova Leza wangu, muuya wamwana oyu uboole mumubili wakwe. 22#Int 65:2; 66:19; Tus 15:8,29; Mt 21:22; Lk 11:9,10; 1 Joh 3:22; 5:14; Dt 32:39; Lk 7:14; Inc 20:10,12; Heb 11:35Nkabela Jehova wakaswiilila ijwi lya-Eliya, aboobo muuya wamwana wakaboola mumubili wakwe, wapona. 23Mpawo Eliya wakabweza mwana, wamuselusya muŋanda yakujulu, wamunjizya muŋanda, wamupa mumaanza aabanyina, wati, Bona! Mwanaako wapona! 24#Joh 3:2; 16:30Elyo mwanakazi wakaambila Eliya kuti, Lino eci candizibya loko kuti uli muntu wa-Leza, ajwi lya-Jehova lyamumulomo wako ndyalusinizyo.
Currently Selected:
1 Bami 17: Ibbaib63
Highlight
Share
Compare
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
